ຫົວໜ້າສືບລັບອະວຸໂສທ່ານນຶ່ງຂອງສະຫະລັດກ່າວວ່າ ອີຣ່ານອາດຈະຕອບໂຕ້ ຖ້າຫາກຖືກ
ໂຈມຕີຍ້ອນກິດຈະກຳຕ່າງໆທາງດ້ານນິວເຄລຍ ແຕ່ບໍ່ມີທ່າທາງວ່າຈະເປັນຜູ້ລິເລີ່ມຫຼືຕັ້ງໃຈທີ່
ຈະທ້າທາຍກໍ່ໃຫ້ເກີດບັນຫາຂັດແຍ້ງ.
ການຊັ່ງຊາຕີລາຄາທີ່ວ່ານີ້ ແມ່ນມາຈາກຜູ້ອຳນວຍການອົງການສືບລັບຂອງກະຊວງປ້ອງກັນ
ປະເທດສະຫະລັດ ພົນໂທ Ronald Burgess ຊຶ່ງທ່ານໄດ້ກ່າວໃນການໃຫ້ການຕໍ່ສະພາ
ສູງຂອງສະຫະລັດໃນວັນພະຫັດວານນີ້ວ່າ ຖ້າອີຣ່ານຫາກຖືກໂຈມຕີອີຣ່ານອາດຈະທຳການ
ຕອບໂຕ້ດ້ວຍມາດຕະການຕ່າງໆ ຮວມທັງການອັດເສັ້ນທາງຂົນສົ່ງທາງທະເລ ທີ່ສຳຄັນນຳ
ດ້ວຍ.
ພົນໂທ Burgess ກ່າວວ່າ “ອີຣ່ານ ສາມາດປິດຊ່ອງແຄບ Hormuz ຢ່າງນ້ອຍກໍ
ເປັນການຊົ່ວຄາວໄດ້ແລະອາດຈະຍິງລູກສອນໄຟໂຈມຕີກຳລັງຂອງສະຫະລັດ
ແລະພັນທະມິດຂອງພວກເຮົາຢູ່ໃນຂົງເຂດ ຖ້າອີຣ່ານຫາກຖືກໂຈມຕີ. ນອກນັ້ນ
ອີຣ່ານຍັງສາມາດພະຍາຍາມ ທີ່ຈະສວຍໃຊ້ກຸ່ມກໍ່ການຮ້າຍທີ່ເປັນຕົວແທນຢູ່ໃນ
ທົ່ວໂລກ ແຕ່ແນວໃດກໍຕາມ ການຊັ່ງຊາຕີລາຄາ ໂດຍອົງການຂອງທ່ານແລ້ວ
ບໍ່ມີທ່າທາງວ່າ ອີຣ່ານຈະເປັນຜູ້ລິເລີ່ມຫຼືຕັ້ງໃຈຈະທ້າທາຍກໍ່ໃຫ້ເກີດບັນຫາຂັດ
ແຍ້ງຂຶ້ນ.”
ທັງທ່ານ Burgess ແລະຜູ້ອຳ
ນວຍການອົງການສືບລັບແຫ່ງ
ຊາດຂອງສະຫະລັດ ທ່ານ
James Clapper ຕ່າງກໍໄດ້
ໃຫ້ການ ຕໍ່ສະພາສູງຂອງສະ
ຫະລັດວ່າ ເປັນທີ່ເຊື່ອກັນວ່າ
ອິສຣາແອລ ຍັງບໍ່ທັນຕັດສິນ
ໃຈເທື່ອ ກ່ຽວກັບການໂຈມຕີ
ອີຣ່ານ.
ຫຼາຍໆປະເທດເຊື່ອວ່າອີຣ່ານ
ພວມສວຍໃຊ້ ໂຄງການນິວ
ເຄລຍພົນລະເຮືອນ ຂອງຕົນ
ເປັນເຄື່ອງບັງໜ້າເພື່ອສ້າງອາ
ວຸດປະລະມານູ. ພວກຜູ້ນຳ
ຂອງອິສຣາແອລໄດ້ເຕືອນຊໍ້າ
ແລ້ວຊໍ້າອີກວ່າ ຕ້ອງປ້ອງກັນບໍ່ໃຫ້ອີຣ່ານມີອາວຸດປະລະມານູຢູ່ໃນຄວາມຄອບຄອງໄດ້.
ທີ່ກຸງໂຕກຽວໃນວັນພະຫັດວານນີ້ ລັດຖະມົນຕີກະຊວງປ້ອງກັນປະເທດອິສຣາແອລທ່ານ
Ehud Barak ໄດ້ຮຽກຮ້ອງໃຫ້ເພີ່ມການລົງໂທດຕໍ່ອີຣ່ານ. ທ່ານ Barak ເວົ້າວ່າ ໃນ
ຂະນະທີ່ການລົງໂທດໃນເວລານີ້ ໄດ້ມີຜົນກະທົບຕໍ່ພວກເຈົ້າໜ້າທີ່ອີຣ່ານແຕ່ການລົງໂທດ
ເພີ່ມຕື່ມແມ່ນມີຄວາມຈຳເປັນ.
ໃນມື້ວັນພຸດຜ່ານມານີ້ ສະຫະລັດບໍ່ໄດ້ໃຫ້ຄວາມສຳຄັນກ່ຽວກັບການກ່າວອ້າງຂອງອີຣ່ານ
ທີ່ວ່າຕົນໄດ້ສ້າງຄວາມກ້າວໜ້າໃຫ້ແກ່ໂຄງການນິວເຄລຍຂອງຕົນໂດຍເວົ້າວ່າເຕຫະຣ່ານ
ຕ້ອງການຢາກຫັນເຫຄວາມສົນໃຈ ໄປຈາກການໂດດດ່ຽວທາງດ້ານການທູດທີ່ພວມເພີ່ມ
ທະວີຂຶ້ນຂອງຕົນ.
ເບິ່ງວີດີໂອ ສະມາຊິກສະພາສູງສະຫະລັດ ເຕືອນອາເມຣິກາລາຕິນ ກ່ຽວກັບ
ຄວາມສຳພັນກັບອີຣ່ານ
