ກຳນົດເວລາເສັ້ນຕາຍໃນວັນຈັນມື້ອື່ນນີ້ ສຳລັບໃຫ້ມີການບັນລຸ
ຂໍ້ຕົກລົງ ກັນຢ່າງຮອບດ້ານ ກ່ຽວກັບໂຄງການນີວເຄລຍຂອງອິ
ຣານນັ້ນ ປາກົດວ່າຈະບໍ່ບັນລຸກັນ.
ອົງການຂ່າວນັກສຶກສາອິຣ່ານ ອ້າງຄຳເວົ້າຂອງສະມາຊິກຄົນນຶ່ງ
ທີ່ບໍ່ບອກຊື່ໃຫ້ຮູ້ ຂອງທີມເຈລະຈາອິຣ່ານໃນວັນອາທິດມື້ນີ້ ທີ່ນະ
ຄອນວຽນນາວ່າ ສົນທິສັນຍາສະບັບໃໝ່ຈະເປັນໄປບໍ່ໄດ້ ໃນເວ
ລາທີ່ຍັງເຫຼືອຢູ່ສັ້ນໆ ກ່ອນຈະຮອດເສັ້ນຕາຍ ແລະບັນຫາຕ່າງໆ
ຈຳນວນນຶ່ງຍັງບໍ່ທັນ ໄດ້ຮັບການແກ້ໄຂກັນເທື່ອ.
ທ່ານ John Kerry ລັດຖະມົນຕີການຕ່າງປະເທດສະຫະລັດ ກ່າວໃນວັນເສົາວານນີ້ວ່າ “ຍັງມີຊ່ອງຫວ່າງທີ່ສຳຄັນໆ” ໃນການເຈລະຈາກັນນັ້ນ.
ທ່ານ Frank-Walter Steinmer ລັດຖະມົນຕີຕ່າງປະເທດເຢຍຣະມັນ ກ່າວວ່າ ບັນຫາສຳຄັນ ກໍແມ່ນວ່າ ຖ້າອິຣ່ານຕຽມພ້ອມທີ່ຈະຢຸດການຄົ້ນຄວ້າຂອງຕົນ ເພື່ອຢາກມີອາວຸດນີວເຄລຍນັ້ນ.
ທ່ານ Kerry ໄດ້ເຂົ້າຮ່ວມໃນການພົບປະຕິດຕໍ່ກັນມາຫຼາຍຄັ້ງ ກັບທ່ານ Javad Zarif ລັດຖະມົນຕີຕ່າງປະເທດອິຣ່ານ ເພື່ອພະຍາຍາມລົດຄວາມເຫັນທີ່ແຕກຕ່າງກັນລົງ ໃນການເຈລະຈາກັນນັ້ນ.
ນັກການທູດລະດັບສູງສຸດອາເມຣິກັນ ໃນຫວ່າງໄວໆຜ່ານມານີ້ ກ່າວວ່າ ສະຫະລັດແລະກຸ່ມພັນທະມິດ P5 ບວກນຶ່ງ ອັນມີອັງກິດ ຈີນ ຝຣັ່ງ ເຢຍຣະມັນ ແລະຣັດເຊຍ ບໍ່ໄດ້ພິຈາ
ລະນາເຖິງການຕໍ່ເວລາເສັ້ນຕາຍອອກໄປອີກ ກາຍວັນຈັນນີ້.
