ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ການເຈລະຈາເລື້ອງນີວເຄລຍ ຂອງອິຣ່ານ ຈະໄຂຄືນ ທີ່ເທີກີ


ປະທານາທິບໍດີອິຣ່ານ ທ່ານ Mahmoud Ahmadinejad, ໂບກມືໃຫ້ສື່ມວນຊົນ ຫລັງຈາກພິທີ ເປີດໂຮງງານຫລອມເຊື້ອໄຟນີວເຄລຍຂອງອິຣ່ານ ທີ່ Isfahan ໃນປີ 2010.
ປະທານາທິບໍດີອິຣ່ານ ທ່ານ Mahmoud Ahmadinejad, ໂບກມືໃຫ້ສື່ມວນຊົນ ຫລັງຈາກພິທີ ເປີດໂຮງງານຫລອມເຊື້ອໄຟນີວເຄລຍຂອງອິຣ່ານ ທີ່ Isfahan ໃນປີ 2010.

ລັດຖະມຸນຕີ​ການ​ຕ່າງປະ​ເທດ​ເທີກີ ​ໄດ້​ຢືນຢັນ​ວ່າ ປະ​ເທດ​ຂອງ​ທ່ານ​ຈະ​ເປັນ​ເຈົ້າພາບ​ຈັດການ​ພົບ​ປະ​ເຈລະຈາ​ຮອບ​ໃໝ່​ລະຫວ່າງ​ອິຣ່ານ​ແລະ​ຝ່າຍ​ຕາ​ເວັນຕົກ​ ກ່ຽວ​ກັບ​ໂຄງການ​ນີວ​ເຄລຍຂອງ​ກຸງ​ເຕຮະຣ່ານ.

ທ່ານ Ahmet Davutoglu ກ່າວ​ໃນ​ວັນ​ເສົາ​ວານ​ນີ້​ວ່າ ການເຈລະຈາ​ກັນ​ດັ່ງ ກ່າວ​ຈະ​ເລີ້ມ​ຂຶ້ນ​ໃນ​ວັນ​ທີ 21 ມັງ ກອນ​ເດືອນ​ນີ້ ​ແລະ​ວ່າ ຫົວໜ້າ​ວາງ​ນະ​ໂຍບາຍ​ຂອງສະຫະ ພາບ​ຢູ​ໂຣບ ທ່ານ​ນາງ Catherine Ashton ກໍານົດ ຈະ​ເດີນທາງ​ໄປ​ຮອດ​ກຸງ Istanbul ​ໃນ​ສັບປະດາ​ໜ້າ ​ເພື່ອ​ຈະ​ທໍາ​ການ​ກະກຽມ ສໍາລັບ​ການເຈລະຈາ​ດັ່ງກ່າວ.

ອິຣ່ານ ​ໄດ້​ພົບ​ປະ​ຄັ້ງ​ຫລ້າ​ສຸດ​ກັບ 6 ປະ​ເທດ​ມະຫາ​ອໍາ ນາດ ອັນ​ມີ ສະຫະລັດ ອັງກິດ ຝຣັ່ງ ຣັດ​ເຊຍ ​ເຢຍຣະມັນ​ ແລະ​ຈີນ​ ໃນ​ເດືອນ​ທັນວາ​ປີ ຜ່ານມາ​ນີ້ ​ແລະການ​ໂອ້​ລົມ​ກັນ​ຄັ້ງ​ນັ້ນກໍແມ່ນ​ເທື່ອ​ທໍາ​ອິດ​ລະຫວ່າງ​ສອງ​ຝ່າຍ ໃນ​ຮອບ​ນຶ່ງ​ປີ​ປາຍ.

ສະຫະລັດ​ແລະ​ປະ​ເທດ​ຝ່າຍ​ຕາ​ເວັນ​ຕົກ​ອື່ນໆ ພາກັນ​ສົງ​ໄສ​ວ່າ ອິຣ່ານກໍາລັງພັດທະນາ​ເທັກ​ໂນ​ໂລ​ຈີ​ນີວ​ເຄລຍ​ ເພື່ອ​ສ້າງ​ຕັ້ງ​ອາວຸດ​ນີວ​ເຄລຍ ຊຶ່ງ​ເປັນ​ການ​ກ່າວ​ຫາ​ທີ່​ທາງ​ກຸງ​ເຕຮະຣ່ານ ​ໄດ້ປະຕິ​ເສດ​.

ກ່ອນ​ໜ້າການ​ຢືນຢັນ​ຂອງ​ເທີ​ກີ ໃນວັນ​ເສົາ​ວານ​ນີ້ ຫົວໜ້າ​ໂຄງການພະລັງ​ນີວ​ເຄລຍຂອງ​ອິຣ່ານ ​ໄດ້ກ່າວ​ວ່າ ບັດ​ນີ້ ປະ​ເທດ​ຂອງ​ທ່ານສາມາດ​ຜະລິດ​ຫລອດເຊື້ອ​ໄຟແລະ​ຈານນີວ​ເຄລຍ ທີ່ຕ້ອງການສໍາລັບເຕົາ​ແຍກປະລະມະ​ນູຂອງ​ຕົນ​ນັ້ນ ໄດ້​ແລ້ວ.

XS
SM
MD
LG