ຈີນກ່າວວ່າ ການລົງໂທດຕໍ່ອີຣ່ານ ໂດຍພື້ນຖານແລ້ວ ແມ່ນຈະບໍ່ແກ້ໄຂຄວາມເປັນຫ່ວງ
ກັງວົນຂອງນາໆຊາດ ກ່ຽວກັບໂຄງການນີວເຄລຍຂອງອີຣ່ານ.
ໂຄສົກກະຊວງການຕ່າງປະເທດຈີນໄດ້ສະແດງຄວາມເຫັນດັ່ງກ່າວໃນວັນພະຫັດມື້ນີ້ ນຶ່ງ
ມື້ຫລັງຈາກພວກປະເທດມະຫາອໍານາດຝ່າຍຕາເວັນຕົກຫລາຍປະເທດກ່າວວ່າ ລັດຖະ
ບານເຕຫະຣ່ານສາມາດປະເຊີນກັບການລົງໂທດຕື່ມອີກໄດ້ ຖ້າອີຣ່ານບໍ່ຍອມໃຫ້ການຮ່ວມ
ມືກັບພວກກວດການີວເຄລຍຂອງສະຫະປະຊາຊາດນັ້ນ.
ອັງກິດ ຝຣັ່ງແລະເຢຍຣະມັນໄດ້ຍົກຄວາມເປັນໄປໄດ້ນີ້ຂຶ້ນມາກ່ຽວກັບການລົງໂທດຂອງ
ສະຫະປະຊາຊາດຕື່ມອີກນີ້ ຫລັງຈາກອົງການພະລັງປະລະມະນູສາກົນ ຫລື IAEA ເປີດ
ເຜີຍລາຍງານສະບັບນຶ່ງໃຫ້ຮູ້ທີ່ເວົ້າວ່າຕົນມີຫລັກຖານທີ່ໜ້າເຊື່ອຖືໄດ້ກ່ຽວກັບຄວາມພະ
ຍາຍາມຕ່າງໆຂອງອີຣ່ານເພື່ອອອກແບບຂອງອາວຸດນີວເຄລຍນັ້ນ.
ຢູ່ໃນລາຍງານສະບັບທີ່ນໍາອອກເປີດເຜີຍໃຫ້ຮູ້ໃນວັນອັງຄານມື້ກ່ອນນີ້ ອົງການ IAEA ໄດ້
ສະແດງຄວາມເປັນຫ່ວງອອກມາຢ່າງເລິກເຊິ່ງ ກ່ຽວກັບໂຄງການນີວເຄລຍຂອງອີຣ່ານ
ໂດຍກ່າວວ່າ ຊິ້ນສ່ວນບາງຢ່າງສາມາດໃຊ້ໄດ້ໃນທາງພົນລະເຮືອນ ແຕ່ພວກຊິ້ນສ່ວນ
ອື່ນໆແມ່ນພົວພັນກັບພວກອາວຸດນີວເຄລຍ.
ພວກປະເທດມະຫາອໍານາດຝ່າຍຕາເວັນຕົກກ່າວວ່າ ພວກເຂົາເຈົ້າຢາກຂັດຂວາງອີຣ່ານ
ບໍ່ໃຫ້ກາຍເປັນປະເທດທີ່ມີອາວຸດນີວເຄລຍ ແຕ່ກຸງເຕຫະຣ່ານຢືນຢັດວ່າ ໂຄງການນີວ
ເຄລຍຂອງຕົນແມ່ນເພື່ອໃຊ້ໃນທາງສັນຕິ.
ສະພາຄວາມໝັ້ນຄົງສະຫະປະຊາຊາດໄດ້ຮັບຜ່ານການເອົາມາດຕະການລົງໂທດອີຣ່ານ
ມາແລ້ວ 4 ຊຸດ. 2 ປະເທດສະມາຊິກຖາວອນຂອງສະພາຄວາມໝັ້ນຄົງສະຫະປະຊາ
ຊາດກໍຄືຈີນແລະຣັດເຊຍ ມາຮອດປັດຸບັນນີ້ໄດ້ສະແດງຄວາມເຕັມໃຈໜ້ອຍຫລາຍທີ່ຈະ
ທໍາການລົງໂທດຕໍ່ອີຣ່ານຕື່ມອີກນັ້ນ.
