ພວກນັກການທູດປະເທດຕາເວັນຕົກກ່າວວ່າ ຮູບຖ່າຍທາງດາວທຽມທີ່ຖືກທົບທວນເບິ່ງ
ໂດຍອົງການພະລັງງານປະລະມະນູສາກົນ ຫລື IAEA ພົບເຫັນລົດບັນທຸກ ແລະລົດດຸດ
ດິນຫລາຍຄັນ ຢູ່ທີ່ຄ້າຍທະຫານແຫ່ງນຶ່ງຂອງອິຣ່ານ ຊຶ່ງສະແດງໃຫ້ເຫັນຮ່ອງຮອຍເພີ່ມ
ຕື່ມອີກວ່າອິຣ່ານອາດກໍາລັງພະ ຍາຍາມມ້ຽມມັດທໍາຄວາມສະອາດສະຖານທີ່ນິວເຄລຍ
Parchin ຂອງຕົນ ທີ່ຕັ້ງຢູ່ກໍ້າຕາເວັນອອກສຽງໃຕ້ຂອງນະຄອນຫຼວງເຕຫະຣ່ານໃຫ້ແລ້ວ
ກ່ອນ ທີ່ຈະອະນຸຍາດທີມງານນີວເຄລຍອົງການສະຫະປະຊາຊາດ ເຂົ້າໄປກວດກາໄດ້.
ພວກນັກການທູດ ທີ່ຂໍສະຫງວນຊື່ ກ່າວວ່າ ພວກຕົນສົງໄສວ່າມີການດຳ ເນີນຄວາມພະ
ຍາຍາມເພື່ອມ້ຽນມັດສະຖານທີ່ດັ່ງກ່າວຍ້ອນລົດບາງຄັນທີ່ ຢູ່ໃນພາບຖ່າຍປະກົດວ່າເປັນລົດ
ບັນທຸກແລະອຸບປະກອນຕ່າງໆທີ່ເໝາະ ສຳຫຼັບດຸດເອົາດິນທີ່ອາດມີກຳມັນຕະພາບລັງສີີປົນ
ຢູ່ນຳນັ້ນອອກໄປຈາກບໍ ລິເວນດັ່ງກ່າວ.
ພວກນັກການທູດ ໃຫ້ຄວາມເຫັນດັ່ງກ່າວ ກ່ອນກອງປະຊຸມຂອງຄະນະກຳມະການອົງການ
IAEA ເມື່ອວັນພະຫັດມື້ນີ້ກ່ຽວກັບການທ້າທາຍຂອງອິຣ່ານຕໍ່ສະພາຄວາມໝັ້ນຄົງອົງການ
ສະຫະປະຊາຊາດ ທີ່ທວງໃຫ້ອິຣ່ານຍຸຕິການເສີມສະມັດຖະພາບຢູເຣນຽມແລະກໍາຈັດຄວາມ
ສົງໄສຕ່າງໆທີ່ອາດສໍ່ສະແດງໃຫ້ເຫັນວ່າອິຣ່ານອາດພວມສ້າງອາວຸດນີວເຄລຍນັ້ນ.
ເບິ່ງວີດີໂອ ການເປີດເຈລະຈາຄືນໃໝ່ ກ່ຽວກັບໂຄງການນິວເຄລຍອີຣ່ານ