ເຈົ້າໜ້າທີ່ຄວາມໝັ້ນຄົງລະດັບສູງຂອງສະຫະລັດທ່ານນຶ່ງ ມີກໍານົດທີ່ຈະພົບປະກົບທ່ານ
Benjamin Netanyahu ນາຍົກລັດຖະມົນຕີອີສຣາແອລ ໃນວັນອາທິດມື້ນີ້ ທ່າມກາງ
ຄວາມເຄ່ງຕຶງທີ່ເພິ່ມທະວີຂຶ້ນລະຫວ່າງ ອີສຣາແອລ ແລະ ອິຣ່ານ ກ່ຽວກັບໂຄງການນີວ
ເຄລຍຂອງອິຣ່ານນັ້ນ.
ທໍານຽບຂາວກ່າວວ່າ ທ່ານ Tom Donilan ທີ່ປຶກສາດ້ານຄວາມໝັ້ນຄົງ ແຫ່ງຊາດສະ
ຫະລັດ ຈະທໍາການເຈລະຈາກັນກັບນາຍົກລັດຖະມົນຕີເນຕັນຢາຮູທີ່ເມືອງເຈຣູຊາແລມ.
ການພົນປະກັນຄັ້ງນີ້ມີຂຶ້ນໃນຂະນະທີ່ນາຍພົນ Martin Dempsey ຫົວໜ້າເສນາທິ
ການຮ່ວມສະຫະລັດ ກ່າວວ່າການໂຈມຕີຂອງອີສຣາແອລຕໍ່ ສະຖານປະລະມະນູແຫ່ງ
ຕ່າງໆຂອງອິຣ່ານນັ້ນ ຈະບໍ່ເປັນການລອບຄອບປານໃດ. ໃນການໃຫ້ສໍາພາດບັ້ນນຶ່ງ
ທີ່ຈະອອກອາກາດ ໃນວັນອາທິດມື້ນີ້ ນາຍພົນ Dempsey ໄດ້ບອກເຄືອຂ່າຍໂທລະ
ພາບ CNN ວ່າ ການໂຈມຕີນີ້ຈະເປັນການທັບມ້າງສະຖຽນລະພາບຫລາຍກວ່າ ແລະ
ຈະບໍ່ປະສົບຜົນສໍາເລັດໃນວັດຖຸປະສົງໄລຍະຍາວຕ່າງໆຂອງອີສຣາແອລນັ້ນເລີຍ.
ທີ່ປຶກສາ Donilan ນັບວ່າເປັນຄົນຫລ້າສຸດໃນບັນດາເຈົ້າໜ້າທີ່ອະເມຣິກັນຫລາຍໆຄົນ
ທີ່ໄດ້ໄປທໍາການປຶກສາບັນຫາກ່ຽງກັບອິຣ່ານກັບພວກ ເຈົ້າໜ້າທີ່ອີສຣາແອລ.
ໄດ້ມີການສັນນິຖານກັນຕ່າງໆນາໆ ໃນບໍ່ເທົ່າໃດອາທິດຜ່ານມານີ້ວ່າອີສຣາແອລກໍາລັງ
ຕຽມທີ່ຈະໂຈມຕີສະຖານທີ່ນິວເຄລຍແຫ່ງຕ່າງໆ ຂອງອິຣ່ານ.
ຂ່າວອີກກະແສນຶ່ງນັ້ນ ພວກນັກການທູດກ່າວວ່າ ອິຣ່ານແມ່ນພ້ອມທີ່ຈະເສີມສະມັດ
ຖະພາບທາດຢູເຣນຽມ ຢູ່ສະຖານທີ່ນີວເຄລຍໃຕ້ດິນແຫ່ງນຶ່ງ ໃຫ້ເຖິງຂັ້ນທີ່ຈະນໍາພາ
ອິຣ່ານ ກ້າວໄປໃກ້ຄວາມສາມາດໃນການສ້າງອາວຸດນີວເຄລຍຫລາຍຂຶ້ນ.
ພວກນັກການທູດ ທີ່ປະຈໍາຢູ່ວຽນນາ ແລະໃຫ້ຄວາມເຫັນບົນເງື່ອນໄຂທີ່ວ່າຕ້ອງບໍ່ອອກ
ຊື່ພວກເຂົາເຈົ້ານັ້ນ ກ່າວວ່າ ອິຣ່ານກໍາລັງກຽມທີ່ຈະຕິດຕັ້ງເຕົາແຍກປະລະມະນູໃໝ່ຫລາຍ
ພັນເຄຶ່ອງ ຢູ່ສະຖານທີ່ເສີມສະມັດ ຖະພາບນີວເຄລຍ Fordo ທີ່ສ້າງຂຶ້ນຢູ່ພາຍໃນພູເຂົາ
ແຫ່ງນຶ່ງໃກ້ເມືອງ Qom ທາງພາກເໜືອຂອງປະເທດ.
