ຫົວໜ້າອົງການພະລັງງານນິວເຄລຍຂອງອິຣ່ານກ່າວວ່າ
ຜູ້ກວດກາ ຂອງສະຫະປະຊາຊາດ 2 ຄົນ ໄດ້ຖືກຫ້າມ
ບໍ່ໃຫ້ເຂົ້າໄປໃນອິຣ່ານ ຍ້ອນໄດ້ນຳສະເໜີອັນທີ່ທ່ານບັນ
ລະຍາຍວ່າ ເປັນຂໍ້ມູນທ່ີຜິດໆກ່ຽວກັບ ໂຄງການນິວເຄລຍ
ຂອງອິຣ່ານ.
ອົງການຂ່າວນັກສຶກສາອິຣ່ານ ອ້າງຄຳເວົ້າຂອງທ່ານ Ali
Akbar Salehi ໃນວັນຈັນມື້ນີ້ ທີ່ກ່າວວ່າ ເຈົ້າໜ້າທີ່
ກວດກາຂອງອົງການການ ພະລັງປະລະມະນູສາກົນ
2 ຄົນດັ່ງກ່າວຈະບໍ່ໄດ້ຮັບອະນຸຍາດໃຫ້ເຂົ້າ ໄປໃນອິຣ່ານ
ເພື່ອໄປກວດກາເບິ່ງໂຮງງານນິວເຄລຍຂອງອິຣ່ານນັ້ນ. ທ່ານ Salehi ກ່າວຫາພວກ
ເຈົ້າໜ້າທີ່ເຫລົ່ານັ້ນວ່າ ເປີດເຜີຍຂ່າວຂໍ້ມູນກ່ອນທີ່ທາງການຂອງອິຣ່ານຈະໄດ້ກວດກາ
ເບິ່ງແລະສະເໜີລາຍງານທີ່ບໍ່ຖືກຕ້ອງ ແຕ່ທ່ານບໍ່ໄດ້ໃຫ້ລາຍລະອຽດ.
ການເຄື່ອນໄຫວທ່ີວ່ານີ້ມີຂຶ້ນ ຫລັງຈາກສະພາຄວາມໝັ້ນຄົງສະຫະປະ ຊາຊາດລົງ
ມະຕິຮັບຜ່ານການລົງໂທດຮອບທີ 4 ຕໍ່ອິຣ່ານ ຍ້ອນໂຄງ ການນິວເຄລຍຂອງອິຣ່ານ
ທີ່ທາງພວກປະເທດຕາເວັນຕົກສົງໄສວ່າ ມີວັດຖຸປະສົງເພື່ອສ້າງອາວຸດນິວເຄລຍ
ແຕ່ອິຣ່ານອ້າງວ່າມີວັດຖຸປະສົງ ໃນດ້ານສັນຕິນັ້ນ.
