ອິຣ່ານກ່າວວ່າ ຕົນປະສົບຜົນສໍາເລັດໃນ
ການຍິງທົດລອງລູກສອນໄຟຂີປະນາວຸດ
ໄລຍະໃກ້ ທີ່ຕິດລະບົບນໍາວິຖີໃໝ່ ທີ່ຕົນ
ວາງແຜນຈະຕິດຕັ້ງ ໃສ່ລູກສອນໄຟຂີປະ
ນາວຸດທັງໝົດທີ່ຕົນຈະສ້າງໃນອະນາຄົດນັ້ນ.
ທ່ານ Ahmad Vahidi ລັດຖະມົນຕີປ້ອງກັນ
ປະເທດຂອງອິຣ່ານກ່າວ ເມື່ອວັນເສົາວານນີ້
ວ່າ ລະບົບໃໝ່ດັ່ງກ່າວນີ້ມີສະມັດຖະພາບທໍາລາຍເປົ້າ ທັງທາງພື້ນດິນແລະທາງທະເລໄດ້.
ທ່ານ Vahidi ກ່າວຕື່ມວ່າ ລູກສອນໄຟລຸ້ນ Fateh 100 ທີ່ທົດລອງນີ້ ມີໄລຍະບິນໄກ
ປະມານ 300 ກິໂລແມັດ ຊຶ່ງໝາຍຄວາມວ່າ ມັນສາມາດຈະທໍາລາຍໄດ້ແຕ່ພຽງປະເທດ
ເພື່ອນບ້ານ ອ້ອມຂ້າງອິຣ່ານເທົ່ານັ້ນ.
ທ່ານ ວາຫິດີ ກ່າວຕື່ມວ່າ ລະບົບນໍາວິຖີໃໝ່ນີ້ຈະຕິດຕັ້ງໃສ່ລູກສອນໄຟທັງໝົດທີ່ຈະສ້າງ
ຂຶ້ນໃນອະນາຄົດຂອງອິຣ່ານ.
ເມື່ອຕົ້ນເດືອນແລ້ວນີ້ ສື່ຂອງທາງການອິຣ່ານເວົ້າວ່າ ອິຣ່ານໄດ້ປະສົບຜົນສໍາເລັດ ໃນການ
ຍິງທົດລອງຂີປະນາວຸດລຸ້ນ Shahab 3 ທີ່ສາມາດບິນໄປໄດ້ໄກເຖິງ 1,300 ກິໂລແມັດແລະ
ລູກສອນໄຟ Shahab 1 ແລະ 2 ທີ່ບິນໄດ້ໃກ້ກວ່າ ແລະລຸ້ນອື່ນໆນໍາ.
ຝ່າຍກຸ່ມປະເທດຕາເວັນຕົກສົງໃສວ່າ ອິຣ່ານຢາກສ້າງຈະອາວຸດນິວເຄລຍ ແລະສະຫະພາບ
ຢູໂຣບກໍໄດ້ປະກາດໃຊ້ມາດຕະການຫ້າມຊື້ນໍ້າມັນຈາກອິຣ່ານ ທີ່ມີຜົນບັງຄັບມາແຕ່ວັນທີ່ 1
ກໍລະກົດ ເພື່ອສ້າງຄວາມກົດດັນຕໍ່ໂຄງການນີວເຄລຍຂອງອິຣ່ານນັ້ນ. ຜ່ານມາບັນດາເຈົ້າໜ້າ
ທີ່ອິຣ່ານເຄີຍໄດ້ຂູ່ວ່າຈະລືບປະເທດອີສຣາແອລອອກຈາກແຜນທີ່ໂລກ. ທາງຝ່າຍອີສຣາແອລ
ກໍໄດ້ແຍ້ມວ່າ ຕົນອາດຈະທໍາການໂຈມຕີໄດ້ ຖ້າຫາກວ່າຄວາມພະຍາຍາມທາງການທູດ ແລະ
ການລົງໂທດ ບໍ່ໄດ້ຜົນໃນການລົບລ້າງຄວາມໃຝ່ຝັນດ້ານນີວເຄຼຍຂອງອິຣ່ານນັ້ນ.