ລິ້ງ ສຳຫລັບເຂົ້າຫາ

ຄູ່ແຂ່ງ ທ່ານ Ahmadinejad ມີຄະແນນນຳໜ້າ

  • ໄພສານ ວໍຣະຈັກ

ຜູ້ນຳສູງສຸດຂອງອີຣ່ານ Ayatollah Khamenei (3 ມີນາ 2012)

ຜົນ​ການ​ນັບ​ຄະ​ແນນ​ສຽງ​ເປັນ​ບາ​ງສ່ວນ ​ໃນ​ການ​ເລືອກ​ຕັ້ງສະພາ​ແຫ່ງ​ຊາດ​ຂອງອີຣ່ານສະ
ແດງ​ໃຫ້​ເຫັນ​ວ່າ ພວກ​ສະໜັບສະໜຸນ​ທີ່​ຈົງ​ຮັກ​ພັກດີ​ຕໍ່​ຜູ້ນຳ​ສູງ​ສຸດ​ຂອງອີຣ່ານ Ayatollah
Khamenei ມີ​ຄະ​ແນນ​ສຽງ​ນຳ​ໜ້າ.

ຜົນ​ການ​ນັບ​ຄະ​ແນນ​ສຽງ​ຂັ້ນຕົ້ນ ຈາກ​ຫົວ​ເມືອງ​ໃນ​ແຂວງ​ຕ່າງໆ ໃນ​ວັນ​ເສົາ​ມື້ນີ້ສະ​ແດງ​ໃຫ້
ເຫັນວ່າ ພວກ​ນິຍົມ​ແນວທາງ​ເດີມທີ່ເປັນ​ຄູ່​ແຂ່ງ​ຂອງ​ປະທານາທິບໍດີ Mahmoud Ahmadi-
nejad ຊະນະ​ບ່ອນ​ນັ່ງ​ຢູ່​ໃນ​ຫຼາຍໆ​ເຂດ​ເລືອກ​ຕັ້ງໃນ​ທົ່ວປະ​ເທດ.

ສື່​ມວນ​ຊົນ​ຂອງ​ທາງ​ການ​ອີຣ່ານກະ​ປະມານ​ວ່າ ຫຼາຍກວ່າ 65% ຂອງບັນດາ​ຜູ້ມີ​ສິດ​ປ່ອນ
ບັດ​ໃນ​ອີຣ່ານ 48 ລ້ານ​ຄົນ ​ໄດ້ພາກັນ​ໄປໃຊ້​ສິດ​ໃຊ້​ສຽງ.

ການ​ເລືອກ​ຕັ້ງທີ່​ວ່າ​ນີ້ຈະ​ບໍ່ມີ​ການປ່ຽນແປງຫຍັງ​ຫຼາຍຕໍ່​ນະ​ໂຍບາຍ​ການ​ຕ່າງປະ​ເທດ​ຫຼືນະ​ໂຍ
ບາຍ​ນິວ​ເຄລຍຂອງ​ອີຣ່ານ​ແຕ່​ຈະ​ເສີມ​ຂະຫຍາຍ​ທ່າ​ທີຂອງ Ayatollah Khamenei ກ່ອນ
ການ​ເລືອກ​ຕັ້ງປະທານາທິບໍດີ​ໃນ​ປີໜ້າ.

ການ​ປ່ອນ​ບັດ​ດັ່ງກ່າວ​ມີ​ການ​ເບິ່ງ​ກັນ​ວ່າ ​ເປັນ​ການ​ທົດ​ສອບ​ໃນຂອບ​ເຂດ​ທີ່​ຈຳ ກັດກ່ຽວ​ກັບ​
ບັນຍາກາດ​ທາງ​ການ​ເມືອງ​ໃນ​ອີຣ່ານຂະນະ​ທີ່​ພັກ​ຝ່າຍ​ຄ້ານ​ທີ່​ສຳຄັນ​ຢູ່​ໃນ​ອີຣ່ານ​ແລະ​ບັນດາ​
ກຸ່ມ​ປະຕິ​ຮູບ​ຕ່າງໆ ​ໄດ້​ພາກັນ​ບອຍຄອດ​ ບໍ່​ເຂົ້າຮ່ວມການ​ເລືອກ​ຕັ້ງ​ໃນ​ມື້ວັນ​ສຸກ​ວານ​ນີ້ ຊຶ່ງ​
ເປັນ​ການ​ເລືອກ​ຕັ້ງ​ເທື່ອ​ທຳ​ອິດ ນັບ​ແຕ່​ໄດ້ມີ​ການ​ເລືອກ​ຕັ້ງປະທານາທິບໍດີ​ທີ່​ເປັນ​ບັນຫາ​ຖົກ
ຖຽງ​ໂຕ້​ແຍ້​ງ​ໃນ​ປີ 2009. ​ເປັນທີ່​ຄາດ​ກັນ​ວ່າຜົນ​ການ​ນັບ​ຄະ​ແນນ​ສຽງ​ຂັ້ນສຸດ​ທ້າຍ​ຈະ​ຮູ້​ກັນ
ໃນຕົ້ນອາທິດ​ຈະ​ມານີ້.

XS
SM
MD
LG