ລິ້ງ ສຳຫລັບເຂົ້າຫາ

ປະທານາທິບໍດີອີຣ່ານ ຢ້ຽມຢາມເລບານອນ

  • ບົວສະຫວັນ

ພວກສະໜັບສະໜຸນການຕໍ່ສູ້ດ້ວຍກໍາລັງອາວຸດ ຂອງກຸ່ມຫົວຮຸນແຮງ Hezbollah ຕ້ານອິສະຣາແອລ ພາກັນ ໂບກທຸງເລບານອນ ແລະທຸງອີຣ່ານ ໃນຂະນະຟັງຄໍາປາໃສຂອງປະທານາທິບໍດີອີຣ່ານ ທ່ານ Mahmoud Ahmadinejad ຢູ່ບ່ອນໂຮມຊຸມນຸມ ທີ່ຈັດຂຶ້ນໂດຍກຸ່ມ Hezbollah ໃນພາກໃຕ້ເລບານອນ ໃກ້ໆຊາຍແດນ ອິສະຣາແອ

ປະທານາທິບໍດີອີຣ່ານທ່ານ Mahmoud Ahmadinejad ຢ້ຽມຢາມພາກໃຕ້ເລບານອນ ໃກ້ໆຊາຍແດນອິສຣາແອລ ຂະນະທີ່ ທ່່ານປຸກລະດົມ​ເອົາ​ການສະໜັບສະໜຸນໃຫ້ການ ຕໍ່ສູ້ດ້ວຍກຳລັງອາວຸດຂອງກຸ່ມຫົວຮຸນແຮງ Hezbollah ຕ້ານອິສຣາແອລນັ້ນ.

ໃນວັນພະຫັດມື້ນີ້ ຜູ້ນໍາຂອງອີຣ່ານມີກໍານົດໄປຢ້ຽມເຂດ
ທີ່ຖືກທໍາລາຍ ໃນລະຫວ່າງການເຮັດສົງຄາມຂອງກຸ່ມ Hezbollah ກັບອິສຣາແອລ ໃນປີ 2006.

ອີຣ່ານໄດ້ສົ່ງເງິນໄປຊ່ອຍບູລະນະສ້າງສາບາງເຂດຂອງເລ ບານອນ ທີ່ຖືກທໍາລາຍໃນລະຫວ່າງສົງຄາມ​ດັ່ງກ່າວ ແລະ ເປັນທີ່ຄາດກັນວ່າປະທານາທິບໍດີ Ahmadinejad ຈະໄດ້ຮັບການຕ້ອນຮັບຢ່າງອົບອຸ່ນ ຈາກປະຊາຊົນໃນເຂດ ດັ່ງກ່າວ.

ໃນມື້ວານນີ້ ທ່ານ Ahmadinejad ໄດ້ຖືກຕ້ອນຮັບຈາກພວກສະໜັບສະໜຸນຫຼາຍພັນ
ຄົນ ທີ່ນະຄອນຫຼວງເບຣຸດ ໃນການເລີ້ມຕົ້ນການຢ້ຽມຢາມປະເທດເລບານອນ ຊຶ່ງເປັນ
ການຢ້ຽມຢາມເທື່ອທໍາອິດນັບແຕ່ທ່ານໄດ້ເຂົ້າຮັບຕໍາແໜ່ງໃນ ປີ 2005.

ໃນຖະແຫຼງຕໍ່ການໂຮມຊຸມນຸມຂອງພວກ Hezbollah ປະທານາທິບໍດີອີຣ່ານ ໄດ້ຕໍາໜິຕິ ຕຽນອິສຣາແອລ ໂດຍກ່າວຫາອິສຣາແອລວ່າລະເມີດສິດທິຂອງຊາວປາແລສໄຕນ໌. ຜູ້ນໍາ ຂອງກຸ່ມ Hezbollah ທ່ານ Hassan Nasrallah ຊຶ່ງໄດ້ປາກົດໂຕດ້ວຍການເຊື່ອມຕໍ່ ທາງວີດີໂອນັ້ນ ໄດ້ຊົມເຊີຍການກ່າວຢໍ້າຂອງປະທານາທິບໍດີອີຣ່ານ ທີ່ວ່າອິສຣາແອລ ເປັນ ປະ​ເທດນອກກົດໝາຍ ແລະບໍ່ສົມຄວນທີ່ຈະມີຢູ່ຕໍ່ໄປ.

XS
SM
MD
LG