ອີຣ່ານກ່າວວ່າ ຕົນໄດ້ຍິງທົດລອງລູກສອນໄຟຂີປະນາວຸດອີກ
ສອງລູກ ໃນວັນພຸດມື້ນີ້ ໜຶ່ງມື້ ຫລັງຈາກສະຫະລັດ ໄດ້ຕິຕຽນ
ການທົດລອງ ທີ່ອີຣ່ານໄດ້ໃຫ້ການອະທິບາຍວ່າ ເປັນການສະ
ແດງໃຫ້ເຫັນເຖິງ “ອຳນາດໃນການຢັບຢັ້ງ” ຂອງຕົນ.
ສື່ມວນຊົນຂອງອີຣ່ານກ່າວວ່າ ລູກສອນໄຟ Qadr H ສອງລູກ
ໄດ້ຍິງໃນວັນພຸດມື້ນີ້ ໃສ່ບັນດາເປົ້າໝາຍ ທີ່ຢູ່ຫ່າງໄກ 1,400
ກິໂລແມັດ.
ກະຊວງຕ່າງປະເທດສະຫະລັດ ກ່າວໃນວັນອັງຄານວານນີ້ວ່າ
ຕົນມີແຜນທີ່ຈະຮ້ອງຂໍໃຫ້ ສະພາຄວາມໝັ້ນຄົງສະຫະປະຊາ
ຊາດໃຫ້ທົບທວນສະຖານະການ ແລະ "ກົດດັນໃຫ້ມີການຕອບຮັບທີ່ເໝາະສົມ.”
ໂຄສົກ ທ່ານ John Kirby ກ່າວວ່າ “ພວກເຮົາຍັງສືບຕໍ່ນຳໃຊ້ຢ່າງຂຸ້ນຂ້ຽວເຄື່ອງມືຝ່າຍ
ດຽວຂອງພວກເຮົາ ເພື່ອຮັບມືກັບການຂົ່ມຂູ່ຈາກໂຄງການລູກສອນໄຟຂອງອີຣ່ານ.”
ແຕ່ວ່າ ທ່ານ Kirby ກໍຮັບຮູ້ວ່າ ການທົດລອງລູກສອນໄຟບໍ່ໄດ້ເປັນທີ່ຖືກຫ້າມໃນຂໍ້ຕົກ
ລົງກັບອີຣ່ານ ແລະຫົກປະເທດມະຫາອຳນາດ ເພື່ອຕັດໂຄງການນິວເຄລຍຂອງເຕຫະ
ຣ່ານ ໃນການແລກປ່ຽນກັບການຍົກເລີກການລົງໂທດຂອງນາໆທີ່ໄດ້ເຮັດໃຫ້ເສດຖະ
ກິດປະສົບກັບບັນຫານັນ. ການຕົກລົງດັ່ງກ່າວນີ້ແມ່ນໝາຍຄວາມວ່າ ຈະແກ້ໄຂຄວາມ
ເປັນຫ່ວງທີ່ວ່າ ອີຣ່ານກຳລັງດຳເນີນງານເພື່ອ ສ້າງອາວຸດນິວເຄລຍ ແຕ່ອີຣ່ານໄດ້ປະຕິ
ເສດມາໂດຍຕະຫລອດ.
ຂໍ້ຕົກລົງໄດ້ນຳມາສູ່ມະຕິສະບັບໃໝ່ ຂອງສະພາຄວາມໝັ້ນຄົງ ສະຫະປະຊາຊາດ ທີ່
ຮຽກຮ້ອງບໍ່ໃຫ້ອີຣ່ານ “ປະຕິບັດການໃດໆ ທີ່ພົວພັນກັບລູກສອນໄຟຂີປະນາວຸດ ທີ່ອອກ
ແບບເພື່ອນຳສົ່ງຫົວລະເບີດນິວເຄລຍ ຮວມທັງການຍິງໂດຍໃຊ້ເທັກໂນໂລຈີລູກສອນ
ໄຟຂີປະນາວຸດດັ່ງກ່າວ.
