ລິ້ງ ສຳຫລັບເຂົ້າຫາ

ວັນພຸດ, ໑໙ ມິຖຸນາ ໒໐໒໔

10 ມື້ ຫຼັງຈາກເຫດການເຮລີຄອບເຕີຕົກ ທີ່ໄດ້ສັງຫານປະທານາທິບໍດີອີຣ່ານ ໄດ້ເປັນປິດສະໜາທີີ່ຍັງບໍ່ມີຄຳຕອບເທື່ອ


ຮູບຈາກອົງການຂ່າວສາທາລະນະລັດອິສລາມ, IRNA, ຍົນເຮລິຄອບເຕີທີ່ບັນທຸກປະທານາທິບໍດີອີຣ່ານ ທ່ານ ອີບຣາຮິມ ເຣຊີ ບິນຂຶ້ນທີ່ຊາຍແດນອີຣ່ານກັບອາເຈີບາຍຈານ ຫຼັງຈາກປະທານາທິບໍດີເຣຊີ ແລະຄູ່ຮ່ວມຕຳແໜ່ງຈາກອາເຊີບາຍຈານ ທ່ານ ອີລຮານ ອາລີເຢບ ໄດ້ເປີດເຂື່ອນໃນອາເຈີບາຍຈານ, ອີຣ່ານ, ວັນທີ 19 ພຶດສະພາ 2024.
ຮູບຈາກອົງການຂ່າວສາທາລະນະລັດອິສລາມ, IRNA, ຍົນເຮລິຄອບເຕີທີ່ບັນທຸກປະທານາທິບໍດີອີຣ່ານ ທ່ານ ອີບຣາຮິມ ເຣຊີ ບິນຂຶ້ນທີ່ຊາຍແດນອີຣ່ານກັບອາເຈີບາຍຈານ ຫຼັງຈາກປະທານາທິບໍດີເຣຊີ ແລະຄູ່ຮ່ວມຕຳແໜ່ງຈາກອາເຊີບາຍຈານ ທ່ານ ອີລຮານ ອາລີເຢບ ໄດ້ເປີດເຂື່ອນໃນອາເຈີບາຍຈານ, ອີຣ່ານ, ວັນທີ 19 ພຶດສະພາ 2024.

ສິບ​ມື້​ຫລັງ​ຈາກ​ປະ​ທາ​ນາ​ທິ​ບໍ​ດີ​ອີ​ຣ່ານ​ເສຍ​ຊີ​ວິດ​ ໃນ​ອຸ​ບັດ​ເຫດເຮືອບິນ​ເຮ​ລິ​ຄອບ​ເຕີ ​ຕົກຢູ່​ພາກ​ເໜືອ​ຂອງ​ປະ​ເທດ, ເຈົ້າ​ໜ້າ​ທີ່​ອີ​ຣ່ານ​ບໍ່​ໄດ້​ອະ​ທິ​ບາຍ​ວ່າ ເປັນ​ຫຍັງ​ເຮ​ລິ​ຄອບ​ເຕີ​ຂອງທ່ານ ຈຶ່ງເປັນລຳ​ດຽວ​ທີ່​ຕົກ​ທ່າມກາງ​ເມກ​ທີ່​ປົກ​ຫຸ້ມ​ຢ່າງ​ໜາ​ແໜ້ນ ໃນ​ຈຳ​ນວນ​ສາມ​ລຳ​ທີ່ນຳ​ພາບັນດາ​ເຈົ້າ​ໜ້າກັບ​ຄືນເມືອ​ ​ອີ​ຣ່ານ ຈາກ​ການ​ຢ້ຽມ​ຢາມ​ເຂດ​ຊາຍ​ແດນ ອາເຈີບາຍຈານ.

ຄຳຖາມທີ່ຍັງບໍ່ໄດ້ຮັບຄຳຕອບອີກຄຳຖາມນຶ່ງກໍແມ່ນຍ້ອນຫຍັງຜູ້ໂດຍສານຄົນ ນຶ່ງໃນເຮືອບິນເຮລິຄອບເຕີລຳນີ້ ຈຶ່ງລອດຊີວິດຈາກອຸບັດເຫດເຮືອບິນຕົກ ໃນວັນທີ 19 ພຶດສະພາຢູ່ແຂວງ ອາເຈີບານຈານ ຕາເວັນອອກຂອງອີຣ່ານ ເປັນເວລາຫຼາຍຊົ່ວໂມງ ແລະ ໄດ້ຮັບສາຍໂທລະສັບຫຼາຍຄັ້ງ, ກ່ອນທີ່ເຈົ້າໜ້າ ທີ່ກູ້ໄພຈະໄປຮອດສະຖານທີ່ເກີດເຫດ ແລະ ພົບເຫັນຜູ້ກ່ຽວເສຍຊີວິດແລ້ວ, ອີງຕາມສື່ຂອງລັດຂອງອີຣ່ານ ກ່າວ.

ຜູ້​ໂດຍ​ສານຄົນນີ້ ​ໄດ້​ຖືກ​ລະບຸໂຕວ່າ​ແມ່ນ​ບາດຫຼວງຊາວ​ອີຣ່ານ ທ່ານ ໂມຮຳມັດ ອາລີ ອາເລຣຮາເຊມ (Mohammad Ali Ale-Hashem), ເຊິ່ງເປັນຜູ້ຕາງໜ້າ​ຂອງ ອາເຈີບາຍຈານຕາເວັນອອກ ຂອງ​ຜູ້ນຳ​ສູງ​ສຸດ ອາຢາໂຕລລາ ອາລີ ຄາເມນີ (Ayatollah Ali Khamenei). ບໍ່​ມີ​ຜູ້​ລອດ​ຊີ​ວິດ​ໃນ​ບັນ​ດາ​ຜູ້​ໂດຍ​ສານ ແລະ​ລູກ​ເຮືອ 8 ຄົນ​ຂອງ​ເຮືອບິນເຮ​ລິ​ຄອບ​ເຕີລໍານີ້, ລວມ​ທັງ​ປະ​ທາ​ນາ​ທິ​ບໍ​ດີ ອີບຣາຮິມ ເຣຊີ (Ebrahim Raisi) ແລະ​ລັດ​ຖະ​ມົນ​ຕີ​ການ​ຕ່າງ​ປະ​ເທດ ທ່ານ ໂຮສເຊນ ອາມີ-ອັບດອລລາຮຽນ (Hossein Amir-Abdollahian).

ການ​ປະ​ເມີນ​ຄັ້ງ​ຫລ້າ​ສຸດ​ ຂອງ​ລັດຖະບານ​ອີຣ່ານ ກ່ຽວກັບອຸບັດ​ເຫດດັ່ງກ່າວ ທີ່​ໄດ້​ເຜີຍ​ແຜ່ໃນ​ລາຍ​ງານ​ໂທລະພາບ​ທີ່​ອອກ​ອາກາດ​ໃນ​ວັນ​ອາທິດທີ່​ຜ່ານ​ມາ ​ທາງ​ຊ່ອງ Network One ຂອງລັດ ກ່າວ​ວ່າ ​ເຈົ້າໜ້າ​ທີ່​ຂອງກອງກຳລັງຂອງ ກອງທັບ "ຍັງຄົງ​ສືບ​ສວນ​ຫາ​ສາ​ເຫດ​ຂອງ​ອຸບັດ​ເຫດດັ່ງກ່າວຢູ່."

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG