ລິ້ງ ສຳຫລັບເຂົ້າຫາ

ວັນຈັນ, ໒໐ ພຶດສະພາ ໒໐໒໔

ອີຣ່ານ ສະຫຼອງວັນຄົບຮອບ 33 ປີ ໃນການປະຕິວັດ ສາສະໜາອິສລາມ


ພວກຊາວໜຸ່ມອີຣ່ານ ພາກັນຮ້ອງຄຳຂວັນແລະຊູຮູບປົສເຕີ້ ຜູ້ນຳສູງສຸດອີຣ່ານ Ayatollah Ali Khamenei ໃນລະຫວ່າງການໂຮມຊຸມນຸມ ສະເຫຼີມສະຫຼອງການປະຕິວັດອິສລາມ ຄົບຮອບ 33 ປີທີ່ນະຄອນຫຼວງເຕຫະຣ່ານ (11 ກຸມພາ 2011)
ພວກຊາວໜຸ່ມອີຣ່ານ ພາກັນຮ້ອງຄຳຂວັນແລະຊູຮູບປົສເຕີ້ ຜູ້ນຳສູງສຸດອີຣ່ານ Ayatollah Ali Khamenei ໃນລະຫວ່າງການໂຮມຊຸມນຸມ ສະເຫຼີມສະຫຼອງການປະຕິວັດອິສລາມ ຄົບຮອບ 33 ປີທີ່ນະຄອນຫຼວງເຕຫະຣ່ານ (11 ກຸມພາ 2011)

ຊາວ​ອີຣ່ານຈຳນວນ​ຫຼາຍໆ​ພັນ​ຄົນ​ໄດ້​ພາກັນ​ໂຮມ​ຊຸມນຸມ​ກັນ​ຢູ່​ໃນ​ທົ່ວ​ປະ​ເທດ​ເພື່ອລະນຶກ​ເຖິງ
ວັນ​ຄົບຮອບ 33 ປີ​ໃນ​ການ​ປະຕິວັດ​ສາສະໜາ​ອິສລາມ​ຂອງ​ອີຣ່ານ​ໃນ​ປີ 1979 ທີ່​ໄດ້​ໂຄ່ນ​
ລົ້ມພະ​ເຈົ້າຊາ​ແຫ່ງ​ອີຣ່ານ ທີ່​ໄດ້​ຮັບ​ການ​ໜຸນ​ຫຼັງຈາກ​ສະຫະລັດ ແລະ​ອຳນວຍ​ໃຫ້​ພວກ​ນັກ
ບວດອິສລາມ​ຫົວ​ແຂງ​ກະດ້າງ​ຂຶ້ນກຳ​ອຳນາດ.

ໃນ​ວັນ​ເສົາ​ມື້ນີ້ປະຊາຊົນ​ໄດ້​ໄປ​ເຕົ້າ​ໂຮມ​ກັນ​ຢູ່​ຕາມ​ຫົວ​ເມືອງ​ຕ່າງໆ​ໃນ​ທົ່ວ​ປະ​ເທດຊຶ່ງ​ຈຳນວນ
ນຶ່ງ​ໄດ້​ພາກັນ​ຖື​ປ້າຍ​ຄຳ​ຂວັນປະກາດ​ກ່ຽວ​ກັບ​ການ​ຕາຍ​ຂອງອາ​ເມຣິກາ​ແລະ​ອິສຣາ​ແອ​ລ.

ໃນ​ລະຫວ່າງ​ການ​ກ່າວ​ຄຳ​ປາ​ໄສ​ທີ່ຈະຕຸ​ລັດອິສະຫຼະພາບ​ທີ່​ມີ​ຊື່​ສຽງ ​ໃນ​ນະຄອນຫຼວງ​ເຕຫະ
ຣ່ານນັ້ນ ປະທານາທິບໍດີ Mahmoud Ahmadinejad ກ່າວ​ວ່າ ອີຣ່ານຈະ​ປະກາດ​ໃຫ້​
ຊາບກ່ຽວ​ກັບ​ໂຄງການ​ນິວ​ເຄລຍທີ່​ສຳຄັນໆ​ໃນ​ໄລຍະ​ສອງສາມມື້ຂ້າງ​ໜ້ານີ້. ທ່ານ​ບໍ່​ໄດ້​ໃຫ້​
ລາຍ​ລະອຽດ​ຫຍັງ​ຫຼາຍ​ໄປ​ກວ່າ​ນີ້.

ຄວາມ​ເຄັ່ງ​ຕຶງ​ລະຫວ່າງ​ອີຣ່ານ ​ແລະ​ປະ​ເທດ​ຕາ​ເວັນ​ຕົກ​ ໄດ້​ເພີ່ມ​ທະວີ​ຂຶ້ນຍ້ອນ​ໂຄງການ​ນິວ
ເຄລຍທີ່​ເປັນ​ບັນຫາ​ໂຕ້​ແຍ້​ງຂອງ​ອີຣ່ານ. ​ໃນໄລຍະ​ບໍ່​ເທົ່າ​ໃດ​ອາທິດ​ຜ່ານ​ມານີ້ສະຫະລັດ​ແລະ​
ສະຫະພາບ​ຢູ​ໂຣບ​ໄດ້​ເພີ່ມ​ການ​ລົງ​ໂທດ​ຕໍ່​ທະນາຄານ​ກາງຂອງ​ອີຣ່ານ​ແລະ​ອຸສາ​ຫະກຳ​ນໍ້າມັນ
ເພື່ອ​ກົດ​ດັນ​ໃຫ້​ອີຣ່ານຢຸດ​ເຊົາ​ການກັ່ນ​ທາດ​ຢູ​ເຣນຽມ ຊຶ່ງ​ເປັນ​ຂັ້ນຕອນ​ທີ່​ສາມາດ​ນໍາ​ໃຊ້​ໄດ້​ທັງ​
ດ້ານ​ທະຫານ​ແລະດ້ານພົນລະ​ເຮືອນ​ນຳ​ນັ້ນ.

ເຈົ້າໜ້າ​ທີ່​ອີຣ່ານປະຕິ​ເສດ​ວ່າ ຕົນ​ບໍ່​ມີ​ຄວາມ​ຕັ້ງ​ໃຈ​ໃດໆ​ເລີຍ​ທີ່​ຈະ​ສ້າງ​ອາວຸດ​ນິວ​ເຄລຍ.

XS
SM
MD
LG