ຄັງອາວຸດລະເບີດ ທີ່ອິຣ່ານ

ພວກ​ເຈົ້າໜ້າ​ທີ່​ອິຣ່ານກ່າວ​ວ່າ ​ເຫດ​ລະ​ເບີດ​ຄັ້ງ​ໃຫຍ່​ຢູ່​ທີ່​ຄັງ​ອາວຸດ​ກໍ້າ​ຕາ ​ເວັນ​ຕົກ​ຂອງ​ນະ
ຄອນຫລວງ​ເຕຫະຣ່ານ ​ຍົງ​ຜົນ​ໃຫ້​ພວກ​ສະມາຊິກ​ໜ່ວຍ​ພິທັກ​ການປະຕິວັດ​ຫົວ​ກະທິ​ຂອງ
ອິຣ່ານເສຍ​ຊີວິດ​ຢ່າງ​ໜ້ອຍ 17 ຄົນ.

ສື່​ຂອງລັດ​ລາຍ​ງານ​ວ່າ ຜູ້​ບັນຊາ​ການອາວຸ​ໂສຄົນ​ນຶ່ງ ​ເສຍ​ຊີວິດ​ໃນ​ເຫດ ການ​ລະ​ເບີດ​ດັ່ງ
ກ່າວ​ນີ້ ​ແລະ​ມີ​ຜູ້​ບາດ​ເຈັບ​ຢ່າງ​ໜ້ອຍ​ອີກ 16 ຄົນ ​ແລະ​ ​ບາງ​ຄົນ​ມີອາການ​ສາຫັດ.

ທ່ານ Ramaza Sharif ​ໂຄສົກ​ຂອງ​ໜ່ວຍທະຫານຫົວ​ກະທິ​ກ່າວ​ວ່າ ການ​ສືບສວນ​ສອບ
ສວນ​ໃນ​ເບື້ອງ​ຕົ້ນ​ນັ້ນ​ຊີ້​ແນະ​ວ່າ ​ເຫດການ​ລະ​ເບີດຄັ້ງ​ນີ້ ​ເກີດຂຶ້ນ​ໃນ​ຂະນະ​ພວກ​ທະຫານ​
ກໍາລັງ​ຍົກ​ຍ້າຍ​ອາວຸດ​ຍຸດ​ໂທ​ປະກອນ​ຢູ່ທີ່ຄັງ​ອາວຸດ. ພວກ​ສືບສວນກ່າວ​ວ່າ ພວກ​ເຂົາ​ເຈົ້າ
ບໍ່​ສົງ​ໃສ​ວ່າ ​ເຫດ​ເກີດ​ຂຶ້ນ ຍ້ອນການ​ກໍ​ວິນາດສະ​ກໍາ​ແຕ່​ຢ່າງ​ໃດ.

ເຫດ​ລະ​ເບີດ​ຢ່າງ​ຮຸນ​ແຮງຄັ້ງນີ້ ​ໄດ້​ທໍາລາຍ​ຕຶກ​ອາຄານ​ທີ່ຢູ່ໃກ້​ຄຽງຫລາຍຫລັງ​ແລະ​ແຮງ​ສັ່ນ
ສະ​ເທືອ​ນ ​ແມ່ນ​ຮູ້ສຶກ​ໄປ​ໄກ​ເຖິງ 40 ກິ​ໂລແມດ​ຢູ່​ໃນ​ເມືອງ​ຫລວງ.