ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ອີ​ຣ່ານ ຂະ​ຫຍາຍ​ຄວາ​ມ​ສາ​ມາດ​ໃນ​ການ​ກັ່ນ​ທາດ​ຢູ​ເຣ​ນຽມ ຫຼັງ​ຈາກ​ການ​ລົງ​ມະ​ຕິ​ຂອງ​ອົງ​ການ IAEA


​ບັນ​ດາ​ນັກ​ສັງ​ເກດ​ການ​ອົງ​ການ​ປະ​ລະ​ມະ​ນູ​ສາ​ກົນ ແລະ ຊ່າງ​ເຕັກ​ນິກ​ ອີ​ຣ່ານ ກະ​ກຽມ​ທີ່​ຈະ​ຕັດ​ການ​ເຊື່ອມ​ຕໍ່​ລະ​ຫວ່າງ​ເຄື່ອງແຍກ​ທາດ​ຢູ​ເຣ​ນຽ​ມ ເພື່ອ​ກັ່ນ​ທາດ​ຢູ​ເຣ​ນຽມ 20 ເປີ​ເຊັນ​ຢູ່​ສະ​ຖານ​ທີ່​ນິວ​ເຄ​ລຍ ນ​າ​ທານ​ສ໌, ອີ​ຣ່ານ, 20 ມັງ​ກອນ 2014.
​ບັນ​ດາ​ນັກ​ສັງ​ເກດ​ການ​ອົງ​ການ​ປະ​ລະ​ມະ​ນູ​ສາ​ກົນ ແລະ ຊ່າງ​ເຕັກ​ນິກ​ ອີ​ຣ່ານ ກະ​ກຽມ​ທີ່​ຈະ​ຕັດ​ການ​ເຊື່ອມ​ຕໍ່​ລະ​ຫວ່າງ​ເຄື່ອງແຍກ​ທາດ​ຢູ​ເຣ​ນຽ​ມ ເພື່ອ​ກັ່ນ​ທາດ​ຢູ​ເຣ​ນຽມ 20 ເປີ​ເຊັນ​ຢູ່​ສະ​ຖານ​ທີ່​ນິວ​ເຄ​ລຍ ນ​າ​ທານ​ສ໌, ອີ​ຣ່ານ, 20 ມັງ​ກອນ 2014.

ອີ​ຣ່ານ ແມ່ນ​ກຳ​ລັງ​ຕອບ​ສະ​ໜອງ​ຕໍ່​ມະ​ຕິ​ຂອງ​ຄະ​ນະ​ກຳ​ມະ​ການ​ຕິດ​ຕາມ​ນິ​ວ​ເຄ​ລຍ​ຂອງ​ອົງ​ການ​ສະ​ຫະ​ປະ​ຊາ​ຊາດ​ໃນ​ອາ​ທິດ​ແລ້ວນີ້​ຕໍ່​ພວກເຂົາ​ເຈົ້າ ດ້ວຍ​ການ​ຂະ​ຫຍາຍ​ຄວາມ​ສາ​ມາດ​ໃນ​ການ​ກັ່ນ​ທາດ​ຢູ​ເຣ​ນຽມ​ຂອງ​ພວກ​ເຂົາ ຢູ່​ສະ​ຖານ​ທີ່​ໃຕ້​ດິນ​ສອງ​ແຫ່ງ, ບັນ​ດາ​ນັກ​ການ​ທູດກ່າວ​ໃນ​ວັນ​ພຸດ​ວານນີ້. ເຂົາ​ເຈົ້າ​ກ່າວ​ຕື່ມ​ວ່າ ການ​ຂະ​ຫຍາຍ​ດັ່​ງ​ກ່າວ ​ແມ່ນບໍ່​ໄດ້​ໃຫຍ່​ເທົ່າ​ທີ່ຫຼາຍ​ຄົນ​ຢ້ານ.

ອີ​ຣ່ານ ສະແດງ​ຄວາມ​ໂມ​ໂຫ​ກັບ​ມະ​ຕິ​ຕ່າງໆ​ໂດຍ​ຄະ​ນະ​ກຳ​ມະ​ການ 35 ປະ​ເທດ​ຂອງ​ອົງ​ການ​ພະ​ລັງ​ງານ​ປະ​ລະ​ມະ​ນູ​ສາ​ກົນ ຫຼື IAEA, ແລະ ພວກ​ເຂົາ​ໄດ້​ຕອບ​ໂຕ້ຕໍ່ຫຼາຍໆ​ຄັ້ງ​ທີ່​ຜ່ານ​ມາ​ເມື່ອ 18 ເດືອນ​ກ່ອນ​ໜ້ານີ້ ​ດ້ວຍ​ການ​ກັ່ນ​ທາດ​ຢູ​ເຣ​ນຽມເຖິງ 60 ເປີ​ເຊັນ ເຊິ່ງ​ໃກ້​ກັບ​ລະ​ດັບ​ຂອງ​ອາ​ວຸດ, ຢູ່​ສະ​ຖານ​ທີ່​ແຫ່ງ​ທີ​ສອງ ແລະໄດ້​ປະ​ກາດ​ການ​ຂະ​ຫຍາຍ​ຂະ​ໜາດ​ໃຫຍ່​ຂອງ​ໂຄງ​ການ​ກັ່ນ​ທາດ​ຢູ​ເຣ​ນຽມ​ຂອງ​ພວກ​ເຂົາ.

ຄັ້ງ​ນີ້ ​ພວກ​ເຂົາ​ມີ​ແຜນ​ທີ່​ຈະ​ຕິດ​ຕັ້ງ​ໜ່ວຍ​ແຍກ​ຂອງ​ເຄື່ອງ​ຈັກ, ເຊິ່ງ​ແມ່ນ​ເຄື່ອງ​ຈັກ​ທີ່​ກັ່ນ​ທາດ​ຢູ​ເຣ​ນຽມ ຢູ່​ສະ​ຖານ​ທີ່​ກັ່ນ​ໃຕ້​ດິນ​ທັງ​ສອງ​ແຫ່ງ​ຂອງ​ພວກ​ເຂົາ, ອີງ​ຕາມ​ການ​ກ່າວ​ຂອງ​ນັກ​ການ​ທູດ 5 ຄົນ. ບັນ​ດາ​ນັກ​ກວດ​ກາ​ຂອງ​ອົງ​ການ IAEA ທີ່​ສັງ​ເກດ​ການເຖິງ​ຄວາມ​ກ້າວ​ໜ້າ​ຂອງ ອີ​ຣ່ານ ມີ​ແຜນ​ທີ່​ຈະ​ເປີດ​ເຜີຍ​ລາຍ​ງານ​ສະ​ບັບ​ນຶ່ງ​ຕໍ່​ບັນ​ດາ​ປະ​ເທດ​ສະ​ມາ​ຊິກ​ໃນ​ວັນ​ພະ​ຫັດ​ມື້ນີ້, ອີງຕາມການກ່າວຂອງນັກ​ການ​ທູ​ດ​ສາມ​ຄົນ​.

ນັກ​ການ​ທູດ​ຄົນ​ນຶ່ງ​ຈາກ​ນະ​ຄອນຫຼວງ ວຽນ​ນາ ປະ​ເທດ ອອ​ສ​ເຕ​ຣຍ, ໄດ້​ກ່າວ​ໂດຍ​ອ້າງ​ເຖິງ​ຂະ​ໜາດ​ຂອງ​ການ​ຂະ​ຫຍາຍ​ຂອງ​ອີ​ຣ່ານ​ວ່າ “ມັນ​ບໍ່ຫຼາຍ​ຄື​ທີ່​ຂ້ອຍ​ຄາດ​ໄວ້.”

ເຂົາ​ເຈົ້າ​ກ່າວ​ວ່າ “ເປັນ​ຫຍັງ? ຂ້ອຍບໍ່​ຮູ້. ບາງ​ເທື່ອ​ເຂົາ​ເຈົ້າ​ກຳ​ລັງ​ລໍ​ຖ້າ​ລັດ​ຖະ​ບານ​ໃໝ່,” ເຊິ່ງ​ເປັນ​ການ​ອ້າງ​ເຖິງ​ການ​ເສຍ​ຊີ​ວິດ​ຂອງ​ປະ​ທາ​ນາ​ທິ​ບໍ​ດີ ອີ​ຣ່ານ ທ່ານ ເອບ​ຣາ​ຮິມ ຮາຍ​ຊີ ແລະ ລັດ​ຖະ​ມົນ​ຕີ​ການ​ຕ່າງ​ປະ​ເທດ ທ່ານ ຮອ​ສ​ເຊນ ອາ​ມີ​ຣາບດອ​ລ​ລາ​ຮຽນ​ ໃນ​ອຸ​ບັດ​ຕິ​ເຫດ​ເຮືອ​ບິນ​ເຮ​ລິ​ຄັອບ​ເຕີ​ຕົກ, ແລະ ການ​ເລືອກ​ຕັ້ງ​ປະ​ທາ​ນາ​ທິ​ບໍ​ດີ​ທີ່​ຈະ​ຖືກ​ຈັດ​ຂຶ້ນ​ໃນ​ວັນ​ທີ 28 ມິ​ຖຸ​ນານີ້.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ຟໍຣັມສະແດງຄວາມຄິດເຫັນ

ສົດ ລາຍການວິທະຍຸ-ໂທລະພາບ ພາກພາສາລາວ

XS
SM
MD
LG