ເຫດລະເບີດທີ່ບໍ່ຖ່ານຫີນແຫ່ງນຶ່ງ ໃນພາກເໜືອອີຣ່ານ ໃນວັນພຸດວານນີ້ ໄດ້ສັງຫານພະ
ນັກງານຂຸດຖ່ານຫີນ ຢ່າງນ້ອຍ 35 ຄົນ ແລະໄດ້ຮັບບາດເຈັບ ອີກຫຼາຍໆຄົນ ອີງຕາມສື່
ມວນຊົນຂອງທາງການອີຣ່ານ.
ໃນຂະນະທີ່ ພວກພະນັກງານກູ້ໄພ ປະຕິບັດໜ້າທີ່ໃຫ້ການຊ່ອຍເຫລືອ ໃນວັນພະຫັດມື້ນີ້
ທີ່ບ່ອນເກີດເຫດໃນແຂວງ Golestan ແຕ່ກໍຍັງບໍ່ທັນເປັນທີ່ແຈ່ມແຈ້ງວ່າ ມີຜູ້ຄົນອີກຫຼາຍ
ປານໃດ ທີ່ຍັງຕົກຄ້າງຢູ່ຂ້າງໃນ ທີ່ໄດ້ມີລາຍງານວ່າ ແຕ່ສິບກວ່າຄົນ ຈົນອາດເຖິງ 80 ຄົນ ກໍເປັນໄດ້.
ທ່ານ Hossein Ahmadi ຫົວໜ້າອົງການກາແດງຂອງແຂວງ Golestan ໄດ້ກ່າວວ່າ ພວກເຂົາເຈົ້າຫວັງວ່າ ອອກຊິເຈນ ທີ່ໄດ້ປ່ອຍເຂົ້າໄປໃນບໍ່ຖ່ານຫີນນັ້ນ ອາດເຂົ້າໄປເຖິງ ພວກຂຸດຖ່ານຫີນ ທີ່ຍັງຕົກຄ້າງຢູ່ຂ້າງໃນ.
ມີຢ່າງນ້ອຍ 25 ຄົນ ທີ່ໄດ້ເຂົ້າໄປຍັງບໍ່ຖ່ານຫີນ ເພື່ອພະຍາຍາມຊ່ອຍພວກທີ່ຕົກຄ້າງ
ຢູ່ຂ້າງໃນ ໄດ້ນຳສົ່ງໄປຍັງໂຮງພະຍາບານ ຫຼັງຈາກທີ່ໄດ້ໄດ້ຫາຍໃຈເອົາແກັສເຂົ້າໄປ
ອີງຕາມຄຳເວົ້າຂອງທ່ານ Hamidreza Montazeri ຮອງຜູ້ຈັດການຜະແນກສຸກເສີນ ຂອງແຂວງ Golestan ທີ່ໄດ້ກ່າວໄວ້.
ມີພວກຄົນງານ ຫຼາຍກວ່າ 500 ຄົນ ທີ່ເຮັກວຽກຢູ່ທີ່ບໍ່ຖ່ານຫີນ Zemestanyurt ທີ່ຕັ້ງ
ຍາວຢຽດ 14 ກິໂລແມັດ ຈາກ Azadshahr. ແຂວງ Golestan ຕັ້ງຢູ່ຕາມຊາຍແດນທາງ
ພາກເໜືອຂອງອີຣ່ານ ຕິດກັບປະເທດ Turkmenistan ເລາະຕາມຝັ່ງທະເລ Caspain.
