ສະພາແຫ່ງຊາດຂອງອີຣ່ານ ໄດ້ມີມະຕິຮັບຮອງເອົາຮ່າງກົດໝາຍ ທີ່ຈະຫລຸດລະດັບສາຍ
ພົວພັນທາງການທູດ ແລະເສດຖະກິດກັບອັງກິດລົງ ເພື່ອເປັນການແກ້ແຄ້ນຄືນ ຕໍ່ການລົງ
ໂທດຄັ້ງໃໝ່ຂອງຝ່າຍຕາເວັນຕົກຕໍ່ກຸງເຕເຮຣ່ານ ກ່ຽວກັບໂຄງການນີວເຄລຍຂອງອີຣ່ານ
ນັ້ນ.
ພວກຜູ້ແທນສະພາສ່ວນໃຫຍ່ ໄດ້ລົງຄະແນນສຽງໃນວັນອາທິດມື້ນີ້ ໃຫ້ຂັບໄລ່ເອກອັກຄະ
ລັດຖະທູດອັງກິດ ອອກຈາກອີຣ່ານໄປພາຍໃນ 2 ອາ ທິດ ແລະປ່ອຍໃຫ້ສະຖານທູດຢູ່ໃຕ້ການບໍລິຫານຂອງອຸປະທູດພຽງຄົນດຽວ. ການພົວພັນທາງເສດຖະກິດກັບນະຄອນລອນ
ດອນ ກໍຈະຖືກຫລຸດລົງເຊ່ນກັນ.
ບັດນີ້ ຮ່າງກົດໝາຍດັ່ງກ່າວ ຈະຖືກສົ່ງຕໍ່ໄປຍັງສະພາຜູ້ພິທັກປົກປ້ອງ ອີຣ່ານ ທີ່ເອີ້ນກັນ
ວ່າ “Guardians Council” ນັ້ນ ຊຶ່ງເປັນອົງການຮັບຜິດຊອບທາງລັດຖະທໍາມະນູນ
ເພື່ອຮັບຮອງເອົາຂັ້ນສຸດທ້າຍ.
ການລົງຄະແນນສຽງໃນວັນອາທິດມື້ນີ້ ແມ່ນຖືວ່າເປັນການຕອບໂຕ້ຄືນຕໍ່ ການສະໜັບ
ສະໜຸນຂອງອັງກິດ ຕໍ່ການດໍາເນີນຄວາມພະຍາຍາມຄັ້ງໃໝ່ ຂອງສະຫະລັດ ເພື່ອກົດດັນ
ອີຣ່ານໃຫ້ຢຸດໂຄງການອາວຸດນີວເຄລຍ ທີ່ຖືກກ່າວຫາຂອງຕົນໄວ້ນັ້ນ.
ໃນຕົ້ນເດືອນນີ້ ລັດຖະບານອັງກິດໄດ້ປະກາດວ່າ ມາດຕາການລົງໂທດທີ່ມີການປະສານ
ງານກັນກັບສະຫະລັດແລະການາດາ ຕໍ່ອີຣ່ານນັ້ນ ຊຶ່ງການເຄື່ອນໄຫວດັ່ງກ່າວໄດ້ມີຂຶ້ນ
ລຸນຫລັງທີ່ມີລາຍງານສະບັບນຶ່ງຂອງອົງການສິ້ງຊອມດ້ານພະລັງງານປລາມະນູ ຫລື IAEA
ຂອງສະຫະປະຊາຊາດ ໄດ້ສະແດງໃຫ້ເຫັນຢ່າງໜັກແໜ້ນວ່າ ອີຣ່ານກໍາລັງຄົ້ນຄວ້າເລື້ອງ
ອາວຸດນີວເຄລຍ ຢູ່. ແຕ່ກຸງເຕເຮຣ່ານ ກັບກ່າວວ່າ ກິດຈະກໍາທາງດ້ານອາວຸດນີວເຄລຍ
ຂອງຕົນ ແມ່ນມີຈຸດປະສົງເພື່ອຮັບໃຊ້ພົນລະເຮືອນ.
