ອັງກິດກ່າວວ່າ ຕົນກໍາລັງຖອນພະນັກງານການທູດຂອງຕົນບາງສ່ວນອອກຈາກອິຣ່່ານ
ລຸນຫລັງເຫດການຈະລາຈົນບຸກເຂົ້າໄປໃນສະຖານທູດຂອງອັງກິດ ທີ່ນະຄອນຫລວງເຕ
ຫະຣ່ານ ຂອງອິຣ່ານນັ້ນ.
ໃນຖະແຫລງການສະບັບນຶ່ງເມື່ອວັນພຸດມື້ນີ້ ກະຊວງການຕ່າງປະເທດອັງ ກິດກ່າວວ່າ
ເວລານີ້ເຮົາຖືເອົາຄວາມປອດໄພຂອງພວກພະນັກງານການທູດ ແລະຄອບຄົວຂອງພວກ
ເຂົາເຈົ້ານັ້ນເປັນບູລິມະສິດຂອງລອນດອນ. ແຕ່ອັງກິດບໍ່ໄດ້ເວົ້າວ່າພວກພະນັກງານດັ່ງ
ກ່າວຈະອອກຈາກອິຣ່ານໜ້ອຍ ຫຼາຍປານໃດ ຫລືຈະອອກໃນເວລາໃດແທ້.
ພວກນັກການທູດຕາເວັນຕົກບອກອົງການຂ່າວຝຣັ່ງວ່າ ຊາວອັງກິດທີ່ຈະຖອນອອກຈຸ
ທໍາອິດແມ່ນຢູ່ທີ່ສະໜາມບິນເຕຫະຣ່ານແລ້ວ ໃນວັນພຸດມື້ນີ້ ລໍຖ້າຈະບິນໄປຍັງດູບາຍ.
ທ່ານ ເດວິດ ແຄມເມີຣອນ ນາຍົກລັດຖະມົນຕີອັງກິດ ກ່າວເມື່ອວັນອັງຄານວານນີ້ວ່າ
ອິຣ່ານປະເຊີນກັບຜົນຮັບທີ່ຕິດຕາມມາຢ່າງຮ້າຍແຮງ ຍ້ອນບໍ່ໄດ້ທໍາການປົກປ້ອງສະຖານ
ທູດອັງກິດຈາກກຸ່ມຫົວຮຸນແຮງອີສລາມ ທີ່ບຸກເຂົ້າໄປໃນບໍລິເວນດັ່ງກ່າວ ໃນຂະນະທີ່ຕໍາ
ຫລວດຢືນເບິ່ງຢູ່ລ້າໆ. ພວກປະທ້ວງພາກັນຮ້ອງໂຮວ່າ ອັງກິດຕ້ອງຕາຍ ພ້ອມກັບທຸບ
ມ້າງໜ້າຕ່າງ ແລະຕຶກໃຫຍ່ສະຖານທູດອັງກິດ ໂຍນເອກະສານຕ່າງໆອອກໄປນອກຕຶກ
ແລະຈູດລົດຄັນນຶ່ງ. ຊາວອິຣ່ານອີກກຸ່ມນຶ່ງບຸກພັງເຂົ້າໄປໃນບໍລິເວນອາຄານການທູດອັງ
ກິດໃນພາກເໜືອຂອງເຕຫະຣ່ານ. ການຈູ່ໂຈມເຫລົ່ານີ້ ມີຂຶ້ນລຸນຫລັງການຕັດສິນໃຈຂອງ
ອັງກິດ ເພື່ອຈັດຕັ້ງປະຕິບັດການລົງໂທດເສດຖະກິດບັ້ນໃໝ່ຕໍ່ອິຣ່ານ ຍ້ອນໂຄງການສ້າງ
ອາວຸດນີວເຄລຍ ຕາມທີ່ມີການກ່າວຫານັ້ນ.
ການໂຈມຕີສະຖານທູດອັງກິດຄັ້ງນີ້ ກໍ່ໃຫ້ເກີດມີການປະນາມເພີ່ມຂຶ້ນຈາກນານາຊາດເມື່ອ
ວັນພຸດມື້ນີ້ ຫ້ອງການຂອງ ທ່ານພັນ ຄີມູນ ເລຂາທິການອົງການສະຫະປະຊາຊາດ ກ່າວ
ວ່າ ທ່ານສະແດງຄວາມຕື່ນຕົກໃຈ ແລະໂກດແຄ້ນ ເວລາທ່ານໄດ້ພົບປະກັບພວກເຈົ້າໜ້າ
ທີ່ອັງກິດ ຢູ່ນອກກອງ ປະຊຸມວ່າດ້ວຍການຊ່ວຍເຫລືອບັ້ນນຶ່ງ ທີ່ເມືອງບູຊານ ເກົາຫລີໃຕ້
ຫົວໜ້າອົງການສະຫະປະຊາຊາດໄດ້ຮຽກຮ້ອງໃຫ້ອິຣ່ານຈົ່ງທໍາການສືບ ສວນສອບສວນ
ກ່ຽວກັບການບຸກເຂົ້າໄປໃນສະຖານທູດອັງກິດ ແລະເອົາມາດຕະການເພື່ອຫລີກລ່ຽງບໍ່ໃຫ້ ເຫດການດັ່ງກ່າວເກີດຂຶ້ນຊໍ້າອີກ ຫລືເກີດຂຶ້ນຢູ່ທີ່ສະຖານທູດຂອງປະເທດອື່ນໆນັ້ນນໍາ.
ນອກນີ້ ຢູ່ທີ່ເມືອງບູຊານນັ້ນ ທ່ານນາງລັດຖະມົນຕີຕ່າງປະເທດສະຫະລັດ ຮິລແລຣີ ຄລິນ
ຕັນ ກ່າວປະນາມຢ່າງຮຸນແຮງຕໍ່ການຈູ່ໂຈມ ທີ່ຖືວ່າເປັນການສົບປະໝາດ ບໍ່ແມ່ນແຕ່ປະຊາ
ຊົນອັງກິດເທົ່ານັ້ນ ແຕ່ຕໍ່ປະຊາຄົມນານາຊາດນັ້ນນໍາອີກ. ທ່ານນາງເວົ້າວ່າ ທາງວໍຊິງຕັນ
ຄາດວ່າອິຣ່ານຈະພິ ທັກປົກປ້ອງຊີວິດແລະຊັບສິນ ຂອງພວກນັກການທູດ ອີງຕາມສົນທິ
ສັນຍາສາກົນນັ້ນ.
