ອອສເຕຣເລຍກ່າວວ່າ ຕົນຈະປະຕິບັດຕາມສະຫະພາບຢູໂຣບ ໃນການຫ້າມຊື້ນໍ້າມັນຈາກອີຣ່ານນັ້ນ.
ລັດຖະມົນຕີຕ່າງປະເທດ Kevin Rudd ກ່າວໃນວັນອັງຄານມື້ນີ້ວ່າ ອອສເຕຣເລຍຈະດໍາເນີນການແບບດຽວກັບ EU ທີ່ໄດ້ຕົກລົງໃນວັນຈັນວານນີ້ ທີ່ຈະທໍາການລົງໂທດໃໝ່ຕໍ່ອີຣ່ານ ຊຶ່ງໂຮມທັງການກັກຊັບສິນຂອງທະນາຄານກາງຂອງອີຣ່ານນໍານັ້ນ.
ການລົງໂທດດັ່ງກ່າວແມ່ນສ່ວນນຶ່ງຂອງການປຸກລະດົມຂອງຝ່າຍຕາເວັນຕົກ ເພື່ອກົດດັນອີຣ່ານໃຫ້ຍຸດຕິການດໍາເນີນການບາງສ່ວນໃນໂຄງການນິວເຄລຍຂອງຕົນນັ້ນ.
ອີຣ່ານບໍ່ໃຫ້ຄວາມສໍາຄັນຕໍ່ການເຄື່ອນໄຫວດັ່ງກ່າວຂອງສະຫະພາບຢູໂຣບ ໂດຍເອີ້ນການລົງໂທດນັ້ນວ່າ “ບໍ່ມີເຫດຜົນແລະບໍ່ຍຸຕິທໍາ.”
ໂຄສົກປະຈໍາກະຊວງການຕ່າງປະເທດອີຣ່ານ ທ່ານ Ramin Meh-Manparast ກ່າວໃນວັນຈັນວານນີ້ວ່າ ຄວາມຕ້ອງການພະລັງງານຂອງໂລກໃນໄລຍະຍາວ ໝາຍຄວາມວ່າ ມັນເປັນໄປບໍ່ໄດ້ ທີ່ຈະລົງໂທດຕໍ່ອີຣ່ານ ທີ່ມີແຫລ່ງຊັບພະຍາກອນນໍ້າມັນແລະແກສທໍາມະຊາດຢ່າງມະຫາສານນັ້ນ.
ການຫ້າມຂອງ EU ບໍ່ມີຜົນບັງຄັບໃຊ້ ຈົນກ່ວາວັນທີ 1 ກໍລະກົດ ຊຶ່ງອໍານວຍໃຫ້ພວກ
ປະເທດຊື້ນໍ້າມັນລາຍໃຫຍ່ຈາກອີຣ່ານ ເຊ່ນ ກຣິສ ສະເປນ ແລະອີຕາລີນັ້ນ ມີເວລາໃນ
ການຊອກຫາຊື້ນໍ້າມັນຈາກແຫລ່ງອື່ນ. EU ເປັນຕະຫຼາດໃຫຍ່ອັນດັບສອງສໍາລັບນໍ້າມັນ
ຂອງອີຣ່ານ ຮອງລົງມາຈາກຈີນ.
ອີຣ່ານແມ່ນກາງຕໍ່ຢ່າງໜັກນໍາລາຍຮັບຈາກການສົ່ງອອກນໍ້າມັນຂອງຕົນ.
ພວກປະເທດມະຫາອໍານາດຕາເວັນຕົກກ່າວຫາອີຣ່ານວ່າ ພະຍາຍາມຜະລິດອາວຸດນີວ
ເຄລຍ ພາຍໃຕ້ໂຄງການພະລັງງານນີວເຄລຍສໍາລັບໃຊ້ທາງພົນລະເຮືອນ ອັນເປັນຂໍ້
ກ່າວຫາທີ່ທາງຝ່າຍອີຣ່ານປະຕິເສດນັ້ນ.
ເບິ່ງສະໄລດ໌ ກ່ຽວກັບກຳລັງຂອງອີຣ່ານ ໃນບໍລິເວນຊ່ອງແຄບຮໍມຸສ
