ອີຣ່ານໄດ້ຍອມຮັບວ່າ ການລົງໂທດຂອງຝ່າຍຕາເວັນຕົກຕໍ່ໂຄງການນິວເຄລຍທີ່ເປັນ
ຂໍ້ໂຕ້ແຍ້ງກັນຂອງຕົນນັ້ນ ໄດ້ໄປເຖິງລະດັບທີ່ຮ້າຍແຮງທີ່ສຸດ ໃນຂະນະທີ່ສະຫະພາບ
ຢູໂຣບ ຫລື EU ໄດ້ເລີ້ມຈັດຕັ້ງປະຕິບັດການເກືອດຫ້າມນໍາເຂົ້ານໍ້າມັນຈາກອີຣ່ານ
ຢ່າງສິ້ນເຊີງ.
ໃນຄວາມເຫັນທີ່ພິມອອກຢູ່ໃນຂ່າວສານຂອງລັດຖະບານໃນວັນອາທິດວານນີ້ ຮອງ
ປະທານາທິບໍດີອີຣ່ານ ທ່ານ Mohammad Reza Rahimi ເວົ້າວ່າ ພວກມະຫາອໍາ
ນາດຕາເວັນຕົກ ໄດ້ທໍາການລົງໂທດທີ່ທ່ານເອີ້ນວ່າ “ຮ້າຍແຮງທີ່ສຸດ” ເທົ່າເຖິງປັດຈຸບັນ
ນີ້ ຕໍ່ອີຣ່ານຢ່າງບໍ່ເປັນທໍາ. ທ່ານໄດ້ຮຽກຮ້ອງໃຫ້ປະຊາຊົນອີຣານຈົ່ງຊ່ວຍລັດຖະບານ
ຕ້ານຢັນຜົນກະທົບຂອງມາດ ຕະການລົງໂທດດັ່ງກ່າວ.
ການເກືອດຫ້າມນໍາເຂົ້ານໍ້າມັນອີຣ່ານຂອງສະຫະພາບຢູໂຣບ ໄດ້ມີຜົນບັງຄັບໃຊ້ຢ່າງເຕັມ ສ່ວນໃນວັນອາທິດວານນີ້ ລຸນຫລັງທີ່ໄດ້ມີການປະຕິບັດມາເປັນ ຂັ້ນໆ ນັບແຕ່ຕົ້ນປີນີ້
ເປັນຕົ້ນມາ. ກຸ່ມຈັດຕັ້ງທີ່ມີສະມາຊິກ 27 ປະເທດດັ່ງກ່າວນີ້ ຍັງໄດ້ເລີ້ມບັງຄັບໃຊ້ການ
ເກືອດຫ້າມ ບໍ່ໃຫ້ບໍລິສັດຢູໂຣບຮັບປະກັນໄພການຂົນສົ່ງນໍ້າມັນຂອງອີຣານ ໄປຍັງປະ
ເທດຕ່າງໆ.
ເບິ່ງວີດິໂອການເກືອດຫ້າມຂອງຝ່າຍຕາເວັນຕົກ ທີ່ມີຜົນບັງຄັບໃຊ້ໃນວັນທີ 1 ກໍລະກົດ
ຄະນະລັດຖະບານຂອງທ່ານໂອບາມາ ໄດ້ສະແດງຄວາມຍິນດີນໍາການເຄື່ອນໄຫວດັ່ງກ່າວ
ຂອງຢູໂຣບ ຊຶ່ງໄດ້ມີຂຶ້ນໃນເວລາບໍ່ເທົ່າໃດມື້ ລຸນຫລັງທີ່ສະຫະ ລັດໄດ້ຮັດເຄ່ງຂຶ້ນການລົງ
ໂທດຂອງຕົນຕໍ່ບໍລິສັດຕ່າງປະເທດ ທີ່ເຮັດທຸລະກິດກັບອີຣານ. ເລຂາທິການດ້ານຂ່າວສານ
ຂອງທໍານຽບຂາວ ທ່ານ Jay Carney ເວົ້າວ່າ ການລົງໂທດຂອງ EU ແມ່ນເປັນ “ຄວາມ
ມຸ້ງໝັ້ນເພີ້ມເຕີມທີ່ໃຫຍ່ຫລວງສົມຄວນ” ໃສ່ຍຸດທະສາດດ້ານການທູດ ເພື່ອບັງຄັບໃຫ້ອີຣານ
ເລືອກເອົາວ່າ ຈະຍອມຖືກໂດດດ່ຽວຫລືວ່າ ຈະຍອມປະຕິບັດພັນທະຂອງຕົນທີ່ມີຕໍ່ສາກົນນັ້ນ.