ໄດ້ເກີດການໂຈມຕີດ້ວຍລະເບີດລົດ ຢູ່ຕໍ່ໜ້າຫ້ອງການ
ຂອງສະຖານີໂທລະພາບ Al-Arabiya ໃນນະຄອນ
ຫລວງເເບກແດດ ເຮັດໃຫ້ມີຜູ້ເສຍຊີວິດຢ່າງນ້ອຍ 4 ຄົນ
ໃນວັນຈັນມື້ນີ້.
ເຈົ້າໜ້າທີ່ກະຊວງພາຍໃນຂອງອິຣັກຖະແຫລງວ່າ ມີ
16 ຄົນໄດ້ຮັບບາດເຈັບຍ້ອນເຫດລະເບີດດັ່ງກ່າວ
ແລະພະນັກງານຂອງສະຖານີໂທລະພາບ Al-Arabiya
ກ່າວວ່າຄວາມແຮງຂອງລະເບີດຄັ້ງນີ້ ໄດ້ເຮັດໃຫ້ຕຶກພັງ
ລົງເປັນຂຸມໃຫຍ່.
ທາງການອິຣັກກ່າວວ່າ ໄດ້ມີການເຕືອນໃຫ້ທາງເຈົ້າຫນ້າທີ່ ໂທລະພາບຊ່ອງນີ້
ລ່ວງໜ້າແລ້ວ ກ່ຽວກັບໄພຂົ່ມຂູ່ຈາກການໂຈມຕີໂດຍພວກກະບົດນັ້ນ.
ການໂຈມຕີດ້ວຍລະເບີດທີ່ໂທລະພາບ Al-Arabiya ໃນວັນຈັນມື້ນີ້ ບໍ່ແມ່ນການໂຈມຕີ
ຄັ້ງທຳອິດຕໍ່ສະຖານີໂທລະພາບແຫ່ງນີ້. ຫົວຫນ້າຂອງຫ້ອງການປະຈຳແບກແດດ ຂອງ
ຕາຫນ່າງໂທລະພາບນີ້ ເຄີຍລອດຕາຍມາແລ້ວຄັ້ງນຶ່ງ ຈາກການໂຈມຕີໃນປີ 2008
ຊຶ່ງຄົນຮ້າຍໄດ້ຫ້າງລະເບີດຕິດໃສ່ໄວ້ກັບລົດຂອງຜູ້ກ່ຽວ.
ສະຖານນີໂທລະພາບພາສາອາຫຣັບຊ່ອງນີ້ ແມ່ນSaudi Arabia ເປັນເຈົ້າຂອງ
ແລະມີສຳນັກງານໃຫຍ່ ຕັ້ງຢູ່ Dubai.
