ລິ້ງ ສຳຫລັບເຂົ້າຫາ

site logo
ວັນຈັນ, 16 ພຶດສະພາ 2022

ຫລັງຈາກລັດ Iowa ແລ້ວ ຜູ້ສະໝັກພັກຣີພັບລິກັນ ຈະໄປໄດ້ເຖິງຂັ້ນໃດ? (ເບິ່ງວີດີໂອ)


ຜົນການເລືອກຕັ້ງຂັ້ນຕົ້ນຂອງຜູ້ສະໝັກພັກຣີພັບບລິກັນ ທີ່ລັດໄອໂອວາ ຊຶ່ງທ່ານ Mitt Romney (ກາງ) ໄດ້ຮັບຄະແນນສຽງທີ່ນຶ່ງ ແລະທີ່ສອງຄື ທ່ານ Rick Santorum (ຂວາ) ແລະທ່ານ Ron Paul (ຊ້າຍ) ໄດ້ທີ່ສາມ.

ເມື່ອ​ຄືນວັນ​ອັງຄານ​ອາທິດ​ແລ້ວ​ນີ້ ​ໄດ້ມີ​ຜູ້​ຊະນະ​ທີ່​ມາ​ແຮງ​ສາມ​ຄົນ ​ໃນການ​​ເລືອກ​ຕັ້ງຂັ້ນ​ຕົ້ນຂອງ​ພັກ​​ຣີພັບ​ບລິ​ກັນ ເພື່ອ​ເລືອກ​ເອົາ​ຕົວ​ແທນ​ເຂົ້າ​ແຂ່ງຂັນ​​ເອົາຕໍາ​ແໜ່​ງປະທານາທິບໍດີ ສະຫະລັດ ຢູ່​ລັດ​ໄອ​ໂອວາ ທີ່​ເອີ້​ນກັນ​ວ່າ Iowa Caucuses ນັ້ນ. ຜູ້​ສື່​ຂ່າວ​ວີ​ໂອ​ເອ Suzanne Presto ພິຈາລະນາ​ເບິ່ງ​ຜົນ​ຂອງ​ Iowa Caucuses ວ່າ​ ມີ​ຄວາມ​ໝາຍ​ແນວ​ໃດ ຂະນະ​ທີ່​ບັນດາ​ຜູ້​ສະມັກ​ຂອງ​ພັກຣີພັບ​ບລິ​ກັນ​ ມຸ້ງ​​ໄປ​ສູ່​ການ​ເລືອກ​ຕັ້ງ​ຂັ້ນ​ຕົ້ນຂອງ​ພັກ ​ໃນເດືອນ​ນີ້ ທີ່ລັດ New Hampshire ​ແລະລັດ South Carolina. ທອງ​ປານ​ມີ​ເລຶ່ອງນີ້​ມາສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ

ເບິ່ງວີດີໂອ ລາຍງານພາສາອັງກິດ:

ໄດ້​ມີ​ສາມ​ຄົນ​ທີ່ໂຜ່​ໂຕ​ຂຶ້ນມາເປັນ​ຜູ້​ຊນະ​ຢ່າງ​ໜ້າ​ປະຫລາດ​ໃຈ​ ໃນການເລືອກຕັ້ງຂັ້ນ​ຕົ້ນ
ຂອງ​ພັກຣີພັບ​ບລິ​ກັນ ຫລື caucuses ທີ່​ລັດ​ໄອ​ໂອວາ ​ເມື່ອ​ວັນ​ອັງຄານ​ອາທິດ​ແລ້ວ​ນີ້
ຊຶ່ງ​ຜູ້​ທີ່​ໄດ້​ຮັບຄະ​ແນນ​ສູງ​ສຸດ​ໄດ້ແກ່​ອະດີດຜູ້​ວ່າການ​ລັດແມສຊາ​ຈູແຊັສ ທ່ານມິ​ທ ຣອມນີ
ຕິດຕາມ​ມາໂດຍຜູ້ໄດ້​ຮັບ​ສຽງ​ສະໜັບສະໜຸນ​ອັນ​ດັບສອງ ທີ່​ມີ​ຄະ​ແນນ​ສູ​ສີ​ກັນ ຄື​ອ​ະດີດ
ສະມາຊິກ​ສະພາ​ສູງ​ສະຫະລັດ​ຈາກ​ລັດ​ເພລຊີ​ລ​ເວ​ເນຍ ທ່ານ ຣິກ ​ແຊນ​ທໍຣໍາ ​ແລະ​ສະມາ
ຊິກ​ສະພາ​ຕໍ່າ​ສະຫະລັດ ຈາກ​ລັດ​ເທ​ກຊັສ ທ່ານ ຣອນ ພອລ ທີ່ມາ​ໃນອັນ​ດັບ​ສາມ.

ແຕ່ຢ່າງ​ໃດ​ກໍ​ຕາມ ຜົນ​ການ​ເລືອກ​ຕັ້ງ​ຂັ້ນ​ຕົ້ນ​ທີ່​ລັດໄອ​ໂອວາ​ ກໍບໍ່​ໄດ້​ມີຊຶ່ສຽງ​ວ່າ ​ເປັນ​ສິ່ງ
ທີ່​ທໍານາຍ​ວ່າ​ຜູ້​ໃດ​ຈະ​ໄດ້​ເປັນ​ປະທານາທິບໍດີ​ສະຫະລັດ ​ແຕ່ສາມາດ​ຕັດ​ຈໍານວນ​ຜູ້​ສະມັກ
ເລື​ອກຕັ້ງ ​ໃຫ້​ນ້ອຍ​ລົງ​ໄດ້.

ໂຕ​ຢ່າງ ທ່ານ​ນາງ Michele Bachmann ທີ່​ມາໃນ​ອັນ​ດັບ​ຫົກ ​ໄດ້ ປະກາດ​ໃນ​ມື້​ວັນ
ພຸດ​ວ່າ ທ່ານ​ນາງ​ຈະໂຈະ​ການ​ໂຄສະນາ​ຫາ​ສຽງ​ໄວ້​ເທົ່າ​ນີ້​ກ່ອນ.

ທ່ານ​ນາງ Michele Bachmann ​ເວົ້າ​ວ່າ: ແລະ​ໃນ​ຄໍ່າ​ຄືນ​ຜ່ານ​ມາ​ນີ້ ປະຊາຊົນ
ລັດ​ໄອ​ໂອວາ
ກໍໄດ້​ພາກັນອອກສຽງຢ່າງແຈ້ງ​ຂາວ​ຫລາຍທີ່​ສຸດ​ແລ້ວ ດັ່ງ​ນັ້ນ
ຂ້າພະ​ເຈົ້າຈຶ່ງ​ຂໍຖອນ​ຕົວ​ອອກ​ຈາກການແຂ່ງຂັນ​ນີ້.

ທ່ານ​ນາງ Jennifer Lawless ອາ​ຈານ​ສອນ​ປະ​ຈໍາ​ມະຫາ​ວິທະຍາ​ໄລ American
University ທີ່​ນະຄອນຫລວງ​ວໍ​ຊິງ​ຕັນ ກ່າວ​ວ່າ ນອກ​ນັ້ນ ລັດ​ໄອ​ໂອວາ​ ຍັງໄດ້​ສົ່ງ​ສັນ
ຍານໄປ​ຍັງຜູ້​ຊະນະ.

ທ່ານ​ນາງ Lawless ​ເວົ້າ​ວ່າ: “ທ່ານມິ​ທ ຣອມນີ ຊະນະ​ກໍ​ຈິງ​ຢູ່ ​ແຕ່ທ່ານ​ກໍ​ໄດ້​ພຽງ
25ເປີ​ເຊັນ​ຂອງຄະ​ແນນສຽງທັງ​ໝົດ​ ​ແລະທ່ານ​ກໍ​ຄົງຈະໄດ້​ຫລາຍ​ກວ່ານັ້ນ
ໜ້ອຍ​ນຶ່ງ ໃນ​ລັດNew Hampshire. ​ແຕ່​ນັ້ນ​ກໍເປັນ​ພາກສ່ວນ​ນຶ່ງຂອງ​ຄວາມ​ຈິງ​
ທີ່​ວ່າທ່ານມາ​ຈາກຂົງເຂດ​ນີວອິງ​ແລນ​ດ໌​ ​ແຕ່​ກໍ​ຍັງ​ເຫລືອ​ຜູ້​ສະໝັກແຂ່ງຂັນ​ບໍ່ພໍ​
ເທົ່າ​ໃດ​ຄົນ​ນັ້ນ​. ດັ່ງ​ນັ້ນ ​ລັດໄອ​ໂອວາ​ຈຶ່ງໄດ້​ສົ່ງ​ຂໍ້ຄວາມ​ອັນ​ແຈ້ງ​ຂາວວ່າທ່ານ
ມິ​ທ ຣອມນີ ຍັງ​ບໍ່ໄດ້​ຮັບ​ໄຊ​ຊະນະ​ອັນ​ແທ້​ຈິງ​ຈາກ​ຖານ​ເລືອກ​ຕັ້ງ​ນັ້ນ​ເທື່ອ.”

ຫລັງຈາກລັດ Iowa ແລ້ວ ຜູ້ສະໝັກພັກຣີພັບລິກັນ ຈະໄປໄດ້ເຖິງຂັ້ນໃດ? (ເບິ່ງວີດີໂອ)
ຫລັງຈາກລັດ Iowa ແລ້ວ ຜູ້ສະໝັກພັກຣີພັບລິກັນ ຈະໄປໄດ້ເຖິງຂັ້ນໃດ? (ເບິ່ງວີດີໂອ)

ແລະ​ນັ້ນ​ບໍ່​ແມ່ນ​ຖານ​ເລືອກ​ຕັ້ງ
ອັນ​ດຽວ ທີ່ທ່ານ ມິ​ທ ຣອມນີ
ຕ້ອງເອົາຊະນະ​ໃຫ້​ໄດ້. ​ເຖິງ​
ແມ່ນ​ມີ​ການ​ເບິ່ງ​ເຫັນ​ກັນ​ຢ່າງ
ກ້ວາງ​ຂວາງ​ວ່າ ທ່ານ ຣອມນີ ​
ເປັນ​ຜູ້​ສະມັກທີ່ເຂັ້ມ​ແຂງ​ທີ່​ສຸດ
ຂອງ​ພັກຣີພັບ​ບລິ​ກັນ ​ໃນ​ການ​
ແຂ່ງຂັນ​ກັບ​ປະທານາທິບໍດີ​
ບາຣັກ ​ໂອ​ບາ​ມາ ກໍ​ຕາມ ​ແຕ່
ທ່ານ​ຣອມນີ ກໍບໍ່​ໄດ້ຮັບ​ການ
ສະໜັບ​ສະໜູນຈາກ​ຄູ່​ແຂ່ງ​
ພັກຣີພັບ​ບລິ​ກັນ​ຂອງທ່ານ​ເອງ.

ອະດີດ​ປະທານ​ສະພາ​ຕໍ່າ Newt
Gingrich (ນິວທ໌ ກິ່ງຣິຈ) ທີ່​ມາ​ໃນ​ອັນ​ດັບ​ສີ່​ໃນ​ການເລືອກ​ຕັ້ງ​ຂອງ​ພັກ ທີ່​ລັດ​ໄອ​ໂອວາ ​ໃຫ້ທັດສະນະ​ຢ່າງ​ນີ້

“ພວກ​ເຮົາ​ມາ​ເວົ້າກັນ​ຢ່າງ​ແຈ່ມ​ແຈ້ງສາ​ເນາະ ສິ່ງ​ນຶ່ງ​ໃນ​ຫລາຍໆສິ່ງ​ທີ່​ຊັດ​ເຈນ
ທີ່ສຸດ​ໃນ​ບໍ່​ເທົ່າ​ໃດ​ອາທິດ​ຜ່ານ​ມາ​ຢູ່​ໃນ​ລັດໄອ​ໂອ​ວາ​ນັ້ນ ກໍ​ແມ່ນ​ວ່າ ຈະ​ມີ​ການ​
ອະພິປາຍ​ຖົກ​ຖຽງ​ກັນ​ຢ່າງ​ໃຫຍ່ທີ່​ສຸດຢູ່​ໃນ​ພັກຣີພັບ​ບລິ​ກັນ ກ່ອນ​ທີ່ ພວກ​ເຮົາ
ຈະພ້ອມ​ທີ່​ຈະ​ໂຕ້​ວາທີ​ກັນ​ຢ່າງໃຫຍ່​ກັບ ທ່ານ ບາຣັກ ​ໂອ​ບາ​ມາ.”

ທ່ານ ນິວທ໌ ກິ່ງຣິຈ ຍັງ​ຈະ​ສືບ​ຕໍ່​ຢູ່​ໃນ​ການ​ແຂ່ງຂັນ​ຕໍ່​ໄປ ​ແຕ່​ທ່ານນາງ Lawless ກ່າວ​ວ່າ
ຈາກຄໍາ​ເວົ້າຂອງ​ທ່ານກິ່ງຣິຈນັ້ນ ສະ​ແດງ​ວ່າ​ທ່ານ​ກໍາລັງ​ປະລະ​ເປົ້າໝາຍ​ຂອງ​ທ່ານ ​ໃນ​ການ
ທີ່​ຈະ​ໃຫ້​ໄດ້​ເປັນ​ຜູ້​ຖືກ​ຄັດ​ເລືອກ​ເຂົ້າ​ແຂ່ງຂັນ​ເລືອກ​ຕັ້ງ​ປະທານາ​ທິບໍດີ​ຂອງ​ພັກຣີພັບ​ບລິ​ກັນ
ນັ້ນ.

ທ່ານນາງ Lawless ​ເວົ້າ​ວ່າ: “ແຕ່​ກົງກັນຂ້າມ​ ​ເບິ່ງ​ຄື​ວ່າບັດ​ນີ້ ​ທ່ານ​ນິວທ໌ ຈະມີ​ໃຈເພ່ງ​ເ
ລັງ​ໃສ່​ແຕ່ການ ຫາ​ທາງ​ທໍາລາຍ​ທ່ານ ມິ​ທ ຣອມນີ ​ແລະ​ທ່ານ​ກໍ​ໄດ້​ເລິ່ມ​ທໍາ​ການປຸກລະດົມ
ໃນ​ເລຶ່ອງນັ້ນ​ແລ້ວ​ ເມື່ອ​ຄືນ​ວັນ​ອັງຄານ​ຜ່ານ​ມາ

ພວກ​ປ່ອນ​ບັດ​ເລືອກ​ຕັ້ງ​ຫົວ​ອະນຸ​ລັກສັງຄົມ​ນິຍົມ ​ທີ່ໄດ້​ມີ​ຄວາມ​ເຫັນແຕກ​ແຍກ​ກັນ​ ລະ
ຫວ່າງ​ຜູ້​ວ່າການ​ລັດ​ເທັກຊັສ ທ່ານ ຣິກ ​ແພຣີ, ທ່ານ​ນາງ ​ແບກ​ແມນ ​ແລະ​ທ່ານ ກິ່ງຣິຈ
ບັດ​ນີ້ ອາດຈະ​ພາກັນ​ຫັນ​ໄປປຸ້ມລຸມ​ກັນ ສະໜັບ​ສະ​ໜຸນ​ທ່ານ ຣິກ ​ແຊນ​ທໍຣໍາ ທີ່​ໄດ້​ຮັບ​ຄະ​
ແນນ​ສຽງທີ່​ສອງໃນ​ລັດໄອ​ໂອ​ວາ​ນັ້ນ ຊຶ່ງ​ທ່ານ ຣິກ ໄດ້ໂຜ່​ໂຕ​ຂຶ້ນມາ​ພຽງ​ບໍ່​ເທົ່າ​ໃດ​ມື້ກ່ອນ
ການ​ເລືອກ​ຂັ້ນ​ຕົ້ນນັ້ນ ​ໂດຍໄດ້​ຮັບ​ສຽງສະໜັບສະໜຸນ​ຈາກ​ພວກ​ນັບຖືສາສະໜາ
evangelical ​ແຕ່​ສະຖານະ​ພາບ​ລະດັບ​ສູງ​ນັ້ນ ອາດ​ບໍ່​ກຸ້ມ​ດົນ.

ທ່ານ​ນາງ Jennifer Lawless ​ເວົ້າ​ວ່າ “ທ່ານ ​ແຊນ​ທໍຣໍາ ຍັງ​ບໍ່​ມີ​ໂອກາດ​ທີ່​ຈະຕົກ
ໄດ້​ເທື່ອ ​ແຕ່​ທ່ານ​ກໍ​ຍັງ​ບໍ່​ໄດ້​ຖືກ​ທົດສອບ. ທ່ານ​ຍັງ​ບໍ່​ຕົກ​ເປັນ​ເປົ້າຂອງ​ການໂຄ
ສະນາ​ທາງ​ລົບ​ຕໍ່​ທ່ານເທື່ອ ​ແລະທ່ານ ມິທ ຣອມນີ ກໍຍັງ​ບໍ່​ໄດ້​ແນ​ການ​ໂຈມ​ຕີ​
ຂອງ​ທ່ານໃສ່​ ທ່ານ ​ແຊນ​ທໍຣໍາ ເທື່ອ.”

ຄາດ​ວ່າ​ທ່ານ ມິທ ຣອມນີ ຈະເຮັດ​ໄດ້​ດີ​ຫລາຍ ​ໃນ​ການ​ເລືອກ​ຕັ້ງ​ຂັ້ນ​ຕົ້ນ​ທີ່ລັດ New
Hampshire ​ໃນ​ວັນ​ອັງຄານມື້​ອື່ນ​ນີ້ ​ແລະກໍ​ຄາດ​ວ່າ ທ່ານ ຣິກ ​ແຊນ​ທໍຣໍາ ກໍ​ຈະ​ໄດ້​ຮັບ
ຄະ​ແນນດີເຊ່ນ​ກັນໃນ​ການ​ເລືອກ​ຕັ້ງຂັ້ນ​ຕົ້ນ​ຢູ່​ລັດອະນຸລັກ​ນິຍົມ South Carolina ​ຕໍ່
ໄປໃນ​ເດືອນ​ນີ້.

ແຕ່​ທ່ານ Ron Paul ​ເດ້ ​ມີໂອກາດ​ແດ່​ບໍ່ ​ໃນ​ການ​ສະໝັກ​ແຂ່ງຂັນ​ປະ ທາ​ນາ​ທິບໍດີ​ເທື່ອ
ທີ່​ສາມ​ຂອງ​ທ່ານ​ ​ໃນ​ຄັ້ງ​ນີ້?

ທ່ານ​ນາງ Jennifer Lawless ຜູ້​ຂຽນ​ປື້​ມທີ່​ມີ​ຊື່ວ່າ Becoming a Candidate ກ່າວ
ວ່າ ມີໜ້ອຍຫລາຍ.

ທ່ານ​ນາງ Lawless ​ເວົ້າ​ວ່າ: “ມັນ​ແທບ​ຈະ​ເປັນ​ໄປ​ບໍ່​ໄດ້ ​ທີ່​ຈະ​ມອງ​ເຫັນເສັ້ນທາງ​ໄປ​ສູ່
ຕໍາ​ແໜ່​ງປະທານາທິບໍດີ ​ສໍາລັບ​ທ່ານຣອນ ພອລ.”

ເຖິງ​ແມ່ນ​ວ່າ ​ທ່ານ ຣອນ ພອລ ຈະມີ​ຜູ້​ສະໜັບສະໜຸນ​ທ່ານຢ່າງ​ແຮງ​ກ້າກໍ​ຕາມ ​ແຕ່​ທັດ
ສະນະ​ທີ່​ນິຍົມການ​ຢູ່​ຢ່າງ​ໂດດດ່ຽວຂອງທ່ານ ​ແລະຄໍາ​ຮຽກ ຮ້ອງຂອງ​ທ່ານ​ໃຫ້​ມີ​ລັດຖະ
ບານ ທີ່​ມີຂະໜາດ​ນ້ອຍ​ລົງກວ່າ​ເກົ່າຫລາຍ​ນັ້ນ ບໍ່​ໄດ້​ຮັບ​ການ​ສະໜັບສະໜຸນ​ຈາກພັກ
ຣີພັບ​ບລິ​ກັນນໍາກັນ​ຫລາຍຄົນ ຊຶ່ງ​ນີ້​ກໍ​ເປັນ​ການ​ເປີດ​ໂອກາດ​ຫລາຍ​ຂຶ້ນ​ ໃຫ້​ແກ່​ທ່ານ
ມິທ ຣອມນີ ຜູ້​ຢູ່​ໃນ​ອັນ​ດັບ​ນຶ່ງ ​ແລະຜູ້ສະໝັກຄົນ​ອື່ນໆນັ້ນ​ນໍາ.

ເບິ່ງວີດີໂອ ລາຍງານກ່ຽວກັບຜົນການເລືອກຕັ້ງຂັ້ນຕົ້ນຂອງພັກຣີພັບບລິກັນ
ທີ່ລັດໄອໂອວາ:

XS
SM
MD
LG