ລິ້ງ ສຳຫລັບເຂົ້າຫາ

ວັນອາທິດ, ໒໖ ພຶດສະພາ ໒໐໒໔

ກຳມະການໂອລິມປິກ ຫ້າມນັກກິລາລະດູໜາວ ຂອງຣັດເຊຍທີ່ໃຊ້ຢາ ເຂົ້າຮ່ວມການແຂ່ງຂັນ ຕະຫລອດຊີວິດ


່ນັກກິລາເລື່ອນສະເກັດຢູ່ເທິງນໍ້າກ້ອນ ທ້າວອີວານ ສະໂກແບຣບ ໃນຂະນະຢູ່ໃນ ການແຂ່ງຂັນກິລາເລື່ອນສະເກັດຢູ່ເທິງນໍ້າກ້ອນ ປະເພດຊາຍ 5,000 ແມັດ ທີ່ເມືອງໂຊຈີ, ຣັດເຊຍ ປີ 2014.
່ນັກກິລາເລື່ອນສະເກັດຢູ່ເທິງນໍ້າກ້ອນ ທ້າວອີວານ ສະໂກແບຣບ ໃນຂະນະຢູ່ໃນ ການແຂ່ງຂັນກິລາເລື່ອນສະເກັດຢູ່ເທິງນໍ້າກ້ອນ ປະເພດຊາຍ 5,000 ແມັດ ທີ່ເມືອງໂຊຈີ, ຣັດເຊຍ ປີ 2014.

ຄະນະ​ກຳມະການ​ກິລາໂອ​ລິ​ມປິກ​ສາກົນ ກ່າວ​ວ່າ​ຕົນ​ໄດ້​ຫ້າມ​ນັກ​ກິລາ​ຣັດ​ເຊຍ 11 ຄົນ
ບໍ່​ໃຫ້​ເຂົ້າຮ່ວມ​ການ​ແຂ່ງຂັນ​ດັ່ງກ່າວຕະຫລອດ​ຊີວິດ ​ແລະ​ປົດ​ຫລຽນໂອ​ລິ​ມປິກ ຂອງ
ນັກ​ກິລາ​ຣັດ​ເຊຍ 2 ຄົນ ທີ່​ໄດ້​ຊະນະ​ໃນ​ການ​ແຂ່ງຂັນກິລາ​ລະ​ດູ​ໜາວ ​ປີ 2014 ທີ່​ເມືອງ​
ໂຊ​ຈີ ນັ້ນ.

ພວກ​ນັກ​ກິລາ​ທີ່​ໄດ້​ຮັບຫລຽນ​ເງິນ​ໃນປີ 2014 ຄືນາງ​ທັດ​ຍານາ ອີ​ວາ​ນັອບວາ ແລະ​
ທ້າວ​ອາວລ໌ເບີດ ເດັມເຈັນ​ໂກ (Albert Demchenko) ທີ່​ໄດ້​ເຂົ້າ​ແຂ່ງຂັນ​ກິລາ​ຕະລູດ
​ຢູ່​ເທິງ​ນໍ້າກ້ອນ ຫລືລູກ໌ ຂອງ​ແມ່ຍິງ ​ແລະຂອງ​ຜູ້​ຊາຍຢູ່ເມືອງ​ໂຊ​ຈີ ​ໄດ້​ຖືກ​ຫ້າມບໍ່​ໃຫ້
​ເຂົ້າ​ແຂ່ງຂັນ​ອີກ ​ແລະກໍ​ໄດ້​ປົດ​ຫລຽນ​ຂອງພວກກ່ຽວອອກ.

ສ່ວນ​ພວກ​ນັກ​ກິລາ​ຄົນ​ອື່ນໆ ​ທີ່ຖືກ​ຫ້າມບໍ່​ໃຫ້​ເຂົ້າ​ຮ່ວມການ​ແຂ່ງຂັນ​ກິລາ​ໂອ​ລິ​ມປິກ
ຕ່າງໆໃນ​ອະນາຄົດ​ລວມມີ ນັກ​ແລ່ນ​ກິລານໍ້າກ້ອນ ສອງ​ຄົນ (ທ້າວ​ໄອ​ວານ ສະ​ກັອ​ຟ
​ແບ​ຣບ ທີ່ໄດ້​ຮັບ​ຫລຽນສອງເທື່ອ​ຢູ່​ເມືອງ​ແວ​ນກູ​ເວີ ​ໃນການແຂ່ງຂັນ​ກິລາ​ໃນປີ 2010
​ແລະ​ທ້າວ​ອາ​ເຕັມ ກູ​ສແນັດກັອຟ), ມີນັກ​ແລ່ນ​ສະ​ກີ​ຂ້າມ​ປະ​ເທດ​ສາມ​ຄົນ (ນາງ​ນິກິ​ຕາ
ກຣີຢູກັອຟ, ທ້າວ​ອາ​ເລັກຊານ​ເດີ ​ແບ​ສ​ເມີ​ນິກສ, ​ແລະ​ນາງ​ນາ​ຕາ​ເລຍ ​ແມັດ​ວີ​ວາ), ມີ
ນັກ​ກິລາຂີ່ລົດຕາມຮ່ອງນໍ້າກ້ອນ ​ອີກ​ສອງ​ຄົນ ຄື ທ້າວລີ​ອູ​ມີ​ລາ ອູດ​ອບກິ​ນາ ​ແລະ​ທ້າວ
​ມັກ​ຊິ​ມ ​ເບີ​ລູຈີນ, ແລະມີ​ນັກ​ກິລາ​ຕີຄີ​ນໍ້າ​ກ້ອນ​ສອງ​ຄົນ ຄືນາງ​ທາ​ທິ​ເອນາ ບູຣິນາ ​ແລະ​
ນາງອານ​ນາ ຊູ​ກີ​ນາ.

ການ​ຕັດສິນ​ຂອງ​ຄະນະ​ກຳມະການ​ກິລາ​ໂອ​ລິ​ມປິກ​ສາກົນ ​ແມ່ນ​ເປັນ​ພາກສ່ວນນຶ່ງ​
ຂອງ​ການ​ສືບສວນ ​ໃນ​ກໍລະນີ​ການ​ກ່າວ​ຫາ​ວ່າ ​ມີ​ການ​ໃຊ້​ຢາ​ຊູ​ກໍາລັງ​ໂດ​ບ ທີ່ໄດ້​ຮັບ
ການ​ສະໜັບສະໜູນຈາກລັດຖບານໃຫ້​ແກ່​ນັກ​ກິລາຣັດ​ເຊຍ ຢູຸ່ການ​ແຂ່ງຂັນ​ກິລາ​ລະ
ດູ​ໜາວ ປີ 2014 ທີ່​ເມືອງ​ໂຊ​ຈີ ປະ​ເທດຣັດ​ເຊຍ. ​ແຕ່ນັ້ນ​ມາ ຄະນະ​ກຳມະການ​ກິລາ​
ໂອ​ລິມປິກສາກົນ​ໄດ້ລົງ​ໂທດນັກ​ກິລາຣັດ​ເຊຍ 43 ຄົນ. ຊາວ​ສອງ​ຄົນໃນ​ຈຳນວນ​
ດັ່ງກ່າ​ວ ​ໄດ້​ຍື່ນ​ຄຳ​ຮ້ອງ​ຂໍ​ອຸທອນຢູ່​ສານ​ ​ໄກ່​ເກ່ຍ​ຂໍ້ຂັດ​ແຍ້​ງທາງ​ກິລາ ​ໂດຍ​ທີ່​ມີ​ຄໍາ​
ອຸທອນ​ຊຸດທຳ​ອິດຈະເລີ້​ມຂຶ້ນ​ໃນ​ເດືອນ​ມັງກອນນີ້.

ພວກ​ນັກ​ສືບສວນ​ກ່າວ​ວ່າ ຫລັກ​ຖານ​ໄດ້​ຊີ້​ໃຫ້​ເຫັນ​ວ່າ ຣັດ​ເຊຍໄດ້ພົວພັນ​ໃນ​ການ​
ຂີ້ຕົວະໃນການດັດ​ແປງ​ການກວດໂຕ​ຢ່າງຢາ​ເສບ​ຕິດ ​ແລະ​ການວາງ​ແຜນ​ເຮັດ
​ແນວ​ນັ້ນມີທັງ​ບັນດາ​ເຈົ້າ​ໜ້າ​ທີ່​ຂັ້ນ​ສູງ​ຂອງ​ລັດຖະບານມີ​ສ່ວນ​ຮ່ວມ​ນໍາ. ຣັດ​ເຊ​ຍ
​ໄດ້​ປະຕິ​ເສດ​ຊໍ້າ​ແລ້ວ​ຊໍ້າ​ອີກ​ວ່າ​ຕົນ​ບໍ່​ໄດ້​ນຳພາ​ປະຕິບັດ​ການ​ໃຊ້​ຢາ​ເສບ​ຕິດ​ດັ່ງກ່າວ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG