ລິ້ງ ສຳຫລັບເຂົ້າຫາ

logo-print

ພວກນັກລົງທຶນ ກັງວົນໃຈ ກ່ອນໜ້າ ວັນທີ 6 ກໍລະກົດ ເສັ້ນຕາຍ ຂອງການເກັບພາສີ ຕໍ່ຈີນ


ນັກລົງທຶນຈີນ ຄົນນຶ່ງ ໃຊ້ໂທລະສັບມືຖື ຂອງລາວ ໃນຂະນະທີ່ ຕິດຕາມເບິ່ງ ຈໍໂທລະພາບ ທີ່ສະແດງໃຫ້ເຫັນ ລາຄາຮຸ້ນຕ່າງໆ ຢູ່ຕະຫຼາດຮຸ້ນ ໃນນະຄອນຫຼວງ ປັກກິ່ງ ຂອງຈີນ, ວັນສຸກ ທີ 6 ກໍລະກົດ 2018.

ການກ່າວໂຈມຕີກັນທາງດ້ານການຄ້າ ກຳລັງກະຈາຍເຂົ້າໄປ ໃນວົງການວຽກງານ
ໃນ ໂລກຕົວຈິງ ແລະຕໍ່ສິນຄ້າບໍລິໂພກຕ່າງໆ. ສະຫະລັດ ໄດ້ກຳນົດ ການເກັບພາສີ
ສິນຄ້າຕ່າງໆ ຈາກປະເທດຈີນ ທີ່ມີມູນຄ່າ 34 ຕື້ໂດລາ ໃນວັນທີ 6 ກໍລະກົດ ຜ່ານມານີ້.
ສ່ວນປັກກິ່ງແມ່ນໄດ້ຕອບໂຕ້ຄືນ ດ້ວຍການເກັບພາ ສີ ມູນຄ່າ 34 ຕື້ໂດລາຂອງຕົນ
ເຊັ່ນກັນ ຕໍ່ສິນຄ້າຕ່າງໆ ຂອງອາເມຣິກາ. ດັ່ງ ທີ່ ອາຣາຊ ອາຣາບາຊາດີ ນັກຂ່າວຂອງ
ວີໂອເອ ລາຍງານວ່າ ເປັນທີ່ເຂົ້າໃຈກັນດີວ່າ ບັນດານັກລົງທຶນທັງຫຼາຍ ແມ່ນກຳລັງ
ກັງວົນໃຈ ກ່ຽວກັບເລື້ອງນີ້ ເຊິ່ງໄຊຈະເລີນສຸກ ຈະນຳລາຍລະອຽດມາສະເໜີທ່ານ
ໃນອັນ ດັບຕໍ່ໄປ.


ຄວາມເຄັ່ງຕຶງທາງດ້ານການຄ້າ ແມ່ນກຳລັງຮ້ອນແຮງຂຶ້ນ ສ່ວນນຶ່ງ ກໍເປັນຍ້ອນ ການ
ເກັບພາສີຂອງປະທານາທິບໍດີ ດໍໂນລ ທຣຳ ຕໍ່ເຫຼັກກ້າ ແລະອາລູມີນຽມທີ່ນຳເຂົ້າ
ສະຫະລັດ ຈາກບັນດາປະເທດ ທີ່ເປັນພັນທະມິດ ຂອງສະຫະລັດ ເຊັ່ນວ່າ ການາດາ
ເມັກຊິໂກ ແລະ ສະຫະພາບຢູໂຣບ. ທ່ານທຣຳ ຍັງໄດ້ຂົ່ມຂູ່ທີ່ຈະຖອນໂຕອອກຈາກ
ສັນຍາການຄ້າເສລີຂອງອາເມຣິກາເໜືອ ຫຼື NAFTA ທີ່ມີມາ ເປັນເວລາດົນກວ່າສອງ
ທົດສະວັດແລ້ວນັ້ນ ຢ່າງສິ້ນເຊີງ.

ອັນນັ້ນ ແມ່ນໄດ້ເຮັດໃຫ້ພວກນັກລົງທຶນ ກັງວົນໃຈ ກ່ອນໜ້າວັນເສັ້ນຕາຍ ຄື ວັນທີ
6 ກໍລະກົດ ເຊິ່ງໃນເວລານັ້ນ ສະຫະລັດ ໄດ້ເລີ້ມນຳໃຊ້ການເກັບພາສີ ມູນຄ່າ 34 ຕື້
ໂດລາ ຕໍ່ພວກສິນຄ້າທີ່ຜະລິດໂດຍຈີນ.

ຈີນ ກໍໄດ້ສັນຍາວ່າ ຈະຕອບໂຕຄືນ ດ້ວຍການເກັບພາສີເທົ່າທຽມກັນ ຕໍ່ພວກລົດຍົນ
ແລະ ຜະລິດຕະພັນດ້ານກະສິກຳຕ່າງໆຂອງສະຫະລັດ. ໃນຂະນະດຽວກັນ ການາດາ
ແລະ 28 ປະເທດໃນສະຫະພາບຢູໂຣບ ໄດ້ປະກາດການເກັບພາສີຂອງພວກເຂົາເຈົ້າ
ເອງ ຕໍ່ ລົດຈັກ Harley Davidson ທີ່ເປັນຜະລິດຕະ ພັນ ສັນຍາລັກທີ່ໂດດເດັ່ນ ຂອງ
ອາເມຣິກາ ຕະຫຼອດຈົນ ເຫຼົ້າວິສກີ້ ເບີຣເບີ້ນຂອງລັດເຄັນທັກກີ. ປະທານາທິບໍດີທຣຳ
ກ່າວວ່າ ພວກຄູ່ການຄ້າຂອງອາເມຣິກາ ໄດ້ເອົາລັດເອົາປຽບສະຫະລັດ ມາໄດ້ຫຼາຍ
ປີແລ້ວ ແລະກ່າວວ່າ ການໄດ້ຮັບໄຊຊະນະ ໃນສົງຄາມການຄ້າ ຈະເປັນເລື້ອງ
ງ່າຍດາຍ.

ແຕ່ບັນດານັກວິເຄາະ ແມ່ນບໍ່ແນ່ໃຈປານໃດ ກ່ຽວກັບເລື້ອງນີ້.

ທ່ານເດວິດ ເວັສໂຊລ ເຈົ້າໜ້າທີ່ອາວຸໂສ ຝ່າຍການສຶກສາດ້ານເສດຖະກິດ ທີ່ສະຖາ
ບັນ ບຣຸກກິງສ໌ (Brookings) ກ່າວວ່າ “ມາເຖິງເວລານີ້ ມັນເບິ່ງຄືວ່າ ການເກັບ
ພາສີທັງຫຼາຍ ທີ່ໄດ້ຖືກນຳໃຊ້ນັ້ນ ແມ່ນໄດ້ສ້າງຄວາມເສຍຫາຍຫຼາຍ ຕໍ່ເສດ
ຖະກິດ ຂອງ ສະຫະລັດ...ແຕ່ ຖ້າອັນນີ້ຍັງດຳເນີນຕໍ່ໄປ ຖ້າຫາກວ່າ ຍົກຕົວ
ຢ່າງ ທ່ານປະທານາທິບໍດີ ດຳເນີນການຕໍ່ໄປດ້ວຍການເກັບພາສີຕໍ່ພວກ
ລົດຍົນ ທີ່ທ່ານໄດ້ເວົ້າກ່ຽວກັບ ເລື້ອງນັ້ນ ຫຼືຖ້າຫາກ ຈີນປັບໂຕໃຫ້ທັນສະໄໝ
ຫຼາຍຂຶ້ນ ແລະເລີ້ມທີ່ຈະບໍ່ນຳໃຊ້ ການເກັບພາສີ ຫາກແຕ່ ລົບກວນເຮັດໃຫ້
ສະຫະລັດ ແລະປະເທດທັງຫຼາຍ ລຳບາກໃຈ ຫຼື ເຮັດໃຫ້ເງິນຕາ ຂອງພວກ
ເຂົາເຈົ້າຕົກລາຄາ ອັນນີ້ ອາດຈະນຳໄປສູ່ການເຮັດໃຫ້ສະພາບການຂອງ
ເສດຖະກິດຮ້າຍແຮງຫຼາຍຂຶ້ນ ໄດ້ຢ່າງງ່າຍດາຍ ບໍ່ພຽງແຕ່ຢູ່ໃນສະຫະລັດ
ເທົ່ານັ້ນ ແຕ່ຢູ່ໃນທົ່ວໂລກນຳດ້ວຍ.”

ການຕອບໂຕ້ຄືນຂອງສະຫະພາບຢູໂຣບໃນການເກັບພາສີຕໍ່ເຫຼົ້າເບີຣເບີ້ນ ພວກລົດ
ຈັກແລະພວກຢາສູບ ຂອງອາເມຣິກາ ໄດ້ກໍ່ໃຫ້ເກີດການຂົ່ມຂູ່ຈາກທ່ານທຣຳ ທີ່ຈະນຳ
ໃຊ້ການເກັບພາສີເພີ້ມຕື່ມ ຕໍ່ພວກລົດຍົນຂອງບັນດາປະເທດໃນຢູໂຣບ ເຊິ່ງກໍໄດ້ກະ
ຕຸ້ນໃຫ້ ສະຫະພາບຢູໂຣບ ຕອບໂຕ້ຄືນດ້ວຍການເກັບພາສີຕື່ມອີກ ມູນຄ່າ 300 ຕື້
ໂດລາຕໍ່ສິນຄ້າ ຂອງອາເມຣິກາ. ທ່ານປະທານາທິບໍດີ ໂຕ້ແຍ້ງວ່າ ການເກັບພາສີ
ຂອງທ່ານ ແມ່ນໝາຍເຖິງ ເພື່ອທີ່ຈະປົກປ້ອງຄວາມໝັ້ນຄົງແຫ່ງຊາດ ແຕ່ບັນດານັກ
ຊ່ຽວຊານ ກ່າວວ່າ ຜົນໃນທີ່ສຸດ ກໍແມ່ນວ່າ ລາຄາສິນ ຄ້າອຸບປະໂພບໍລິໂພກ ຈະສູງຂຶ້ນ.

ທ່ານ ເວັສໂຊລ ກ່າວອີກວ່າ “ຖ້າພວກທຸລະກິດທັງຫຼາຍ ຄິດວ່າ ແຜນຍຸດທະສາດ
ທີ່ພວກເຂົາເຈົ້າໄດ້ສະແຫວງຫາ ຕະຫຼອດໄລຍະສອງທົດສະວັດຜ່ານມາ ໃນ
ຂະນະທີ່ກຳແພງການຄ້າ ແລະການລົງທຶນ ກໍໄດ້ຫຼຸດໜ້ອຍລົງ ຖ້າພວກເຂົາ
ເຈົ້າຄິດວ່າ ເປັນການຕ່າວປີ້ນ ພວກເຮົາ ອາດຈະເຫັນວ່າ ພວກຄົນທົ່ວໄປ
ຈະຍຸຕິ ການວ່າຈ້າງຄົນ ແລະການລົງທຶນ ເອົາໄວ້ເສຍກ່ອນ. ສະນັ້ນ ແທ້ຈິງ
ແລ້ວ ມັນອາດມີຜົນກະທົບທີ່ເສຍຫາຍຫຼາຍ.”

ໃນວັນຈັນຜ່ານມາ ປະທານາທິບໍດີ ທຣຳ ໄດ້ເຕືອນ ອົງການການຄ້າໂລກ ຫຼື WTO
ວ່າ ທ່ານພ້ອມແລ້ວ ທີ່ຈະ “ເຮັດທຸກສິ່ງທຸກຢ່າງ” ຖ້າຫາກທ່ານເຫັນວ່າ ສະຫະລັດ
ໄດ້ຖືກປະຕິບັດຕໍ່ ຢ່າງບໍ່ເປັນທຳ.

ບັນດານັກວິເຄາະ ກ່າວວ່າ ສິ່ງດັ່ງກ່າວໝາຍຄວາມວ່າຈັ່ງໃດນັ້ນ ແມ່ນຍັງບໍ່ທັນເປັນ
ທີ່ຈະແຈ້ງ. ສິ່ງທີີ່ຈະແຈ້ງກໍແມ່ນວ່າ ນັບຕັ້ງແຕ່ ປະທານາທິບໍດີ ສະຫະລັດ ກໍ່ໃຫ້ເກີດ
ຄວາມຢ້ານກົວ ໃນສົງຄາມການຄ້າໂລກ ໃນເດືອນມີນາຜ່ານມາ ນັ້ນ ຕະຫຼາດຮຸ້ນ
ສະຫະລັດໄດ້ສູນເສຍກຳໄລທັງໝົດທີ່ໄດ້ຮັບ ຕັ້ງແຕ່ຕົ້ນປີນີ້ມາ.

ອ່ານຂ່າວນີ້ຕື່ມ ເປັນພາສາອັງກິດ

Trade rhetoric is spilling into the real world of jobs and consumer goods.The United States is set to impose tariffs on $34 billion worth of goods from China on July 6th. Beijing is fighting back with its own $34B of tariffs on American goods.As VOA's Arash Arabasadi reports, investors are understandably on edge.

Trade tensions are heating up, stoked in part by U.S. President Donald Trump's tariffs on steel and aluminum imports from US allies such as Canada, Mexico, and the European Union.Trump has also threatened to completely withdraw from the more than two decades old North American Free Trade Agreement.

That is making investors nervous ahead of a July sixth deadline - when the US begins imposing tariffs on $34 billion against Chinese-made goods.

China has promised to retaliate with equivalent tariffs on U.S. cars and agricultural products. While Canada and the 28-nation European Union have announced their own tariffs on iconic American products from Harley Davidson motorcycles to Kentucky bourbon. President Trump says America's trading partners have taken advantage of the US for years and says winning a trade war will be easy.

But analysts are not so sure.

David Wessel, Senior Fellow of Economic Studies at Brookings Institure said "So far it does not look like the tariffs that have been imposed are doing much damage to the U.S. economy ... But if this keeps up, if for instance, the president proceeds with tariffs on autos that he's talking about, or if the Chinese get very sophisticated and start not just imposing tariffs, but harassing U.S. multinationals or allowing their currency to depreciate, this could easily lead to a much worsening of economic conditions not only in the United States but around the world."

The retaliatory EU tariffs on American bourbon, motorcycles, and cigarettes prompted threats from Trump to impose additional tariffs on European cars, prompting the European Union to fight back with another $300-billion worth of taxes on American goods.The president argues his tariffs are meant to protect national security, but experts say the bottom line is higher prices for consumers.

David Wessel added "If businesses think that the strategies that they have pursued over the last couple of decades as trade barriers and investment barriers have come down, if they think that is reversing, we could see people putting hiring and investment on hold.So, it could really have pretty deleterious effects."

On Monday, President Trump warned the World Trade Organization that he would be prepared to "do something" if he perceives the United States is treated unfairly.

Analysts say what that means remains unclear.What is clear is since the U.S. president sparked fears of a global trade war in March, Wall Street has erased all the gains made since the first of the year.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG