ທ່ານ ທົງໄຊ ໄຊຍະວົງຄໍາດີ ຮອງຜູ້ວ່າການຄະນະກໍາມະການ ເພື່ອການຄຸ້ມຄອງເຂດ
ເສດຖະກິດພິເສດ ສະຫວັນ-ເຊໂນ ໄດ້ຖະແຫຼງຢືນຢັນວ່າ ຈົນເຖິງປັດຈຸບັນນີ້ ມີບໍລິສັດ
ເອກະຊົນຈໍານວນ 34 ລາຍ ທີ່ລົງທຶນຢູ່ໃນເຂດເສດຖະກິດພິເສດ ສະຫວັນ-ເຊໂນ ຊຶ່ງ
ມີມູນຄ່າລົງທຶນລວມກັນ ຫຼາຍກວ່າ 100 ລ້ານໂດລາ.
ໃນຈໍານວນບໍລິສັດເອກະຊົນດັ່ງກ່າວນີ້ ກໍລວມເຖິງບໍລິສັດເອກະຊົນລາວ 11 ບໍລີສັດ
ສ່ວນນອກນັ້ນ ກໍເປັນບໍລິສັດເອກະຊົນຈາກຈີນ, ຮ່ອງກົງ, ມາເລເຊຍ, ຢີ່ປຸ່ນ, ໄທ, ເນເທີ
ແລນ ແລະຝຣັ່ງ ໂດຍສະເພາະແມ່ນການລົງທຶນຂອງບໍລິສັດເອກະຊົນ ຈາກເນເທີແລນ
ນັ້ນ ຍັງເປັນການລົງທຶນທີ່ຈະນໍາເອົາເທັກນິກສະໄໝໃໝ່ ມາໃຊ້ອີກດ້ວຍ ເນື່ອງຈາກວ່າ ເປັນການລົງທຶນກໍ່ສ້າງໂຮງງານຜະລິດຊິ້ນສ່ວນເຮືອບິນໂບອິ້ງ ແລະແອບັສ ລວມເຖິງ
ເຮືອບິນທີ່ຜະລິດໃນຈີນ, ຢີ່ປຸ່ນ ແລະຣັດເຊຍອີກດ້ວຍນັ້ນເອງ.
ແຕ່ຢ່າງໃດກໍຕາມ ທ່ານ
ສົມສະຫວາດ ເລັ່ງສະຫວັດ
ຮອງນາຍົກລັດຖະມົນຕີ
ແລະປະທານຄະນະກໍາມະ
ການ ຄຸ້ມຄອງເຂດເສດຖະ
ກິດພິເສດ ແລະເຂດເສດຖະ
ກິດສະເພາະແຫ່ງຊາດລາວ
ກໍໄດ້ຖະແຫລງຍອມຮັບວ່າ
ການພັດທະນາເຂດເສດຖະ
ກິດພິເສດໃນລາວ ມີຄວາມ
ຄືບໜ້າຢ່າງຊັກຊ້າ ໂດຍສະ
ເພາະແມ່ນເຂດເສດຖະກິດພິເສດສະຫວັນ-ເຊໂນ ທີ່ເປັນເຂດທໍາອິດໃນລາວ ຊຶ່ງສ້າງຂຶ້ນ
ແຕ່ປີ 2003 ເປັນຕົ້ນມາແລ້ວນັ້ນ ກໍຍັງມີການພັດທະນາທີ່ຊັກຊ້າ ເມື່ອທຽບກັບເຂດ
ເສດຖະກິດພິເສດສາມຫລ່ຽມຄໍາ ຢູ່ທີ່ເມືອງຕົ້ນເຜີ້ງ ແຂວງບໍ່ແກ້ວ.
ເຂດເສດຖະກິດພິເສດສາມຫຼ່ຽມຄໍາດັ່ງກ່າວນີ້ ເປັນການລົງ 100% ເຕັມ ໂດຍກຸ່ມທຸລະ
ກິດຈາກຈີນ ຊຶ່ງທາງການລາວ ຖືວ່າເປັນການປະກອບສ່ວນຢ່າງສໍາຄັນເຂົ້າໃນການພັດ
ທະນາເສດຖະກິດ ແລະການສ້າງວຽກເຮັດງານທໍາໃຫ້ແກ່ປະຊາຊົນລາວໄດ້ເປັນຢ່າງດີ.
ສ່ວນເຂດເສດຖະກິດພິເສດຢູ່ພຶ້ນທີ່ອື່ນໆນັ້ນ ກໍຍັງຄົງຖືວ່າມີການພັດທະນາໄປຢ່າງຊັກຊ້າ
ເນື່ອງຈາກວ່າ ບໍ່ສາມາດທີ່ຈະດຶງດູດເອົາການລົງທຶນຈາກຕ່າງປະເທດໄດ້ ຕາມແຜນການ
ທີ່ວາງໄວ້ ດັ່ງທີ່ທ່ານສົມສະຫວາດ ໄດ້ຖະແຫຼງຊີ້ແຈງວ່າ:
“ເຂດເສດຖະກິດພິເສດ
ສາມຫຼ່ຽມທອງຄໍາ ໄດ້ມີ
ການພັດທະນາຢ່າງເດັ່ນ
ຊັດ ອັນໄດ້ປະກອບສ່ວນ
ເຂົ້າໃນການພັດທະນາ
ພຶ້ນຖານໂຄງຮ່າງ ແລະ
ການສ້າງວຽກເຮັດງານ
ທໍາໃຫ້ປະຊາຊົນທ້ອງ
ຖິ່ນ ເຖິງຢ່າງນັ້ນກໍຕາມ
ຄວາມຄືບໜ້າຂອງວຽກ
ງານດັ່ງກ່າວ ເວົ້າລວມ
ຍັງຊັກຊ້າ ຍັງບໍ່ທັນສາມາດ
ເສີມຂະຫຍາຍກໍາລັງແຮງ
ຈາກບັນດາພາກສ່ວນເສດ
ຖະກິດຕ່າງປະເທດໄດ້ ເທົ່າ
ທີ່ຄວນ.”
ໃນປັດຈຸບັນນີ້ ໃນທົ່ວປະເທດລາວ ມີເຂດເສດຖະກິດພິເສດທີ່ໄດ້ຮັບການພັດທະນາ ແລະ ສາມາດຮັບຮອງການລົງທຶນຂອງເອກະຊົນລາວ ແລະຕ່າງຊາດໄດ້ແລ້ວ 3 ແຫ່ງ ກໍຄືເຂດ ເສດຖະກິດພິເສດສະຫວັນ-ເຊໂນ ໃນແຂວງສະຫວັນນະເຂດ, ເຂດເສດຖະກິດພິເສດບໍ່ເຕັນ
ແດນຄໍາ ທີ່ແຂວງຫຼວງນໍ້າທາ ແລະເຂດເສດຖະກິດພິເສດສາມຫຼ່ຽມຄໍາ ຢູ່ແຂວງບໍ່ແກ້ວ.
ຍິ່ງໄປກວ່ານັ້ນ ຄະນະລັດ
ຖະບານລາວກໍຍັງໄດ້ມີມະຕິ
ຮັບຮອງເອົາຮ່າງດໍາລັດນາ
ຍົກລັດຖະມົນຕີວ່າດ້ວຍການ
ສ້າງຕັ້ງ ແລະການຄຸ້ມຄອງ
ເຂດເສດຖະກິດພິເສດແລະ
ເຂດເສດຖະກິດສະເພາະ
ຢ່າງເປັນທາງການແລ້ວ ຊຶ່ງ
ກໍຖືເປັນການສົ່ງເສີມໃຫ້ມີ
ການສ້າງຕັ້ງເຂດເສດຖະກິດ
ພິເສດຂຶ້ນໃນເຂດແຂວງຕ່າງໆ
ຂອງລາວເປັນການສະເພາະ
ໂດຍມີເປົ້າໝາຍທີ່ຈະດໍາເນີນການສ້າງຕັ້ງເຂດເສດຖະກິດພິເສດໃຫ້ໄດ້ 10 ແຫ່ງພາຍໃນ
ປີ 2015 ຊຶ່ງໃນນີ້ກໍລວມເຖິງການສ້າງເຂດເສດຖະກິດພິເສດ ໃນເຂດທີ່ຕໍ່ເນື່ອງກັບຂົວ
ຂ້າມແມ່ນໍ້າຂອງ ແຫ່ງທີ 3 ທີ່ເຊື່ອມຕໍ່ລະຫວ່າງເມືອງທ່າແຂກ ແຂວງຄໍາມ່ວນ ກັບຈັງ
ຫວັດນະຄອນພະນົມຂອງໄທ ອີກດ້ວຍ.
ສ່ວນທີ່ຈະສ້າງຕັ້ງເພີ່ມຂຶ້ນອີກ 6 ແຫ່ງນັ້ນກໍຄືຢູ່ ທີ່ແຂວງຊຽງຂວາງ, ຫົວພັນ, ເຊກອງ,
ອັດຕະປື, ຜົ້ງສາລີ ແລະຈໍາປາສັກ ຊຶ່ງແຕ່ລະເຂດກໍ່ຈະມີລັກສະນະສະເພາະ ທີ່ຂຶ້ນຢູ່ກັບ
ສະພາບທາງພູມີສາດ ແລະທໍາມະຊາດຂອງແຕ່ລະພື້ນທີ່ເປັນສໍາຄັນ.