ທ່ານຜູ້ຟັງທີ່ເຄົາລົບ ມື້ນີ້ລາຍການຊີວິດຊາວລາວ ຈະພາທ່ານ
ໄປຟັງການສຳພາດ ກ່ຽວກັບນາງ Isabelle ອິນທິສອນ ອາຍຸ
10 ປີ ລູກສາວກົກ ຂອງທ່ານນາງ Jessica ແລະ ທ່ານໄກ
ເພັດ ອິນທິສອນ ຢູ່ທີ່ເມືອງ Madison ລັດ Wisconsin ພາກ
ກາງຂອງ ສະຫະລັດ. ນາງນ້ອຍ Isabelle ເປັນນັກຟ້ອນ ບາ
ເລຢູ່ໜ້ານໍ້າ ກ້ອນ ຫລື figure skating ທີ່ຕ້ອງໄດ້ຝຶກຊ້ອມຢູ່
ເລື້ອຍໆເພື່ອສ້າງຄວາມຊຳນິຊຳນານ. ສາວນ້ອຍ Isabelle
ໄດ້ກາຍມາເປັນແຊມປ້ຽນ ປະຈຳຂົງເຂດ ໃນປີ 2013 ອັນ
ເປັນພື້ນຖານທີ່ຈະນຳພາ ນາງ ກ້າວຂື້ນໄປສູ່ຄວາມຝັນໃນ
ການເຂົ້າແຂ່ງຂັນ ຢູ່ໃນລະດັບໂອລິມປິກລະດູໜາວປີ 2022
ຊຶ່ງເວລານັ້ນ Isabelle ຈະມີອາຍຸໄດ້ 17 ປີພໍດີ. ຄວາມເປັນ
ມາຂອງ ນາງ Isabelle ເປັນຢ່າງໃດນັ້ນ ກິ່ງສະຫວັນ ຈະນຳ
ເລື້ອງນີ້ມາສະເໜີທ່ານໃນອັນດັບຕໍ່ໄປ.
ກິລາຟ້ອນບາເລເທິງນ້ຳກ້ອນ ຫລື Figure skating ແມ່ນກິລາລະດູໜາວ ທີ່ມີການແຂ່ງ
ຂັນກັນຢູ່ໃນຫລາຍໆລະດັບ ຈົນເຖິງຂັ້ນກິລາໂອລິມປິກ ປະຈຳລະດູໜາວ. ແຕ່ວ່າ ນັກກິ
ລາດັ່ງກ່າວນີ້ຕ້ອງໄດ້ຝຶກຊ້ອມຢູ່ຕະຫລອດປີ ທີ່ຕ້ອງໄດ້ລິເລີ້ມແຕ່ອາຍຸຍັງນ້ອຍ ແລະ
ເປັນກິລາຂອງປະເທດອຸດສາຫະກຳທີຮັ່ງມີ. ກິລາ Figure skating ນີ້ມີທັງຜູ້ຍິງ ແລະຜູ້
ຊາຍ ທັງປະເພດຟ້ອນດ່ຽວ ແລະຟ້ອນຄູ່ ໃສ່ເກີບທີ່ ມີພື້ນເປັນມີດຄົມ ແລ່ນຢູ່ເທິ່ງໜ້ານ້ຳ
ກ້ອນ ວາງລີລາການຟ້ອນປີ່ນໂຕ ແລະປີ້ນໄປມາໃຫ້ເຂົ້າກັບສຽງເພງ ໂດຍພະຍາຍາມ
ບໍ່ໃຫ້ລົ້ມ ແລະເປັນການສະແດງໃຫ້ເຫັນເຖິງລີລາການຟ້ອນ ທີ່ປາດສະຈາກຄວາມຜິດ
ພາດ.
ບັນດານັກກິລາຟ້ອນບາເລຢູ່ໜ້ານໍ້າກ້ອນເຫລົ່ານີ້ ພາກັນເລີ້ມຝຶກຫັດມາແຕ່ອາຍຸ ຍັງ
ນ້ອຍໆ ດັ່ງໂຕຢ່າງ ນາງ Isabelle ອິນທິສອນ ເກີດຢູ່ໃນ ສະຫະລັດ ໄດ້ເລີ້ມຝຶກຫັດ
ມາຕັ້ງແຕ່ອາຍຸສີ່ປີ. Isabelle ເປັນລູກສາວກົກໃນຈຳນວນ ລູກສອງຄົນຂອງ ທ່ານໄກ
ເພັດ ອິນທິສອນ ນັກວິເຄາະຂໍ້ມູນດ້ານເທັກໂນໂລຈີ (IT) ແລະທ່ານນາງ Jessica
ນັກເພຊັດສະກຳ ຫລື Pharmacist ເປັນຄອບຄົວລາວ-ອາເມຣິກັນ ທີ່ປະສົບຜົນສຳ
ເລັດທາງດ້ານການສຶກສາ ຕັ້ງຖິ່ນຖານຢູ່ເມືອງ Madison ລັດ Wisconsin ພາກກາງ
ຕອນເໜືອຂອງສະລັດ ທີມີອາກາດໜາວ ແລະມີຫິມະຕົກຫລາຍ. ເພາະສະນັ້ນ ມັນຈຶ່ງ
ເໜາະສົມກັບບັນຍາກາດ ແລະສິ່ງແວດລ້ອມ ມີວິຖີການດຳລົງຊີວິດຢູ່ໃນເຂດດັ່ງກ່າວ
ນີ້ ຈຶ່ງພົວພັນກັບການຫລີ້ນກິລານ້ຳກ້ອນ.
ທ່ານໄກເພັດ ແລະທ່ານນາງ Jessica ອິນທິສອນ ຜູ້ປົກຄອງນາງ ໄດ້ແນະນຳໃຫ້ ລູກ
ສາວຫລີ້ນກິລາປະເພດດັ່ງກ່າວນີ້ ຫລັງຈາກເລີກໂຮງຮຽນ ເພື່ອໃຫ້ລູກສາວມີແນວເຮັດ
ເປັນປະຈຳໃນເວລາຫວ່າງ ບໍ່ໃຫ້ນັ່ງຫລີ້ນຢູ່ລ້າໆ ແລະໄດ້ກຳກັບຕິດຕາມນຳພາຢ່າງໃຫ້
ຊິດຝຶກຊ້ອມເປັນປະຈຳ ໂດຍມີຄູຝຶກສະເພາະສອງຄົນຄື ຄູສອນຟ້ອນແລ່ນຢູ່ໜ້ານໍ້າ
ກ້ອນ ແລະຄູສອນຟ້ອນບາເລ ທີ່ພົວພັນກັບການວາງຮ່າງຄີງ ລີລາການຟ້ອນ ການປີ່ນ
ໂຕ. ນອກຈາກນັ້ນອີກແລ້ວ ພໍ່ແມ່ຕ້ອງໄດ້ນຳພາລູກສາວ ເດີນທາງໄປອົບຮົມເປັນປະ
ຈຳ ຢູ່ສູນຝຶກຊ້ອມ ນັກກິລາໂອລິມປິກ ຢູ່ທີ່ລັດ California.
ພາກປະຕິບັດດັ່ງກ່າວນີ້ ເປັນເລື້ອງທີ່ຄອບຄົວຕ້ອງໄດ້ເຄັ່ງຄັດ ເອົາໃຈໃສ່ເປັນພິເສດ
ສະລະເວລາ ແລະປັດໄຈ ໂດຍສະເພາະເງິນຄຳ ແລະຈະເຮັດແບບຫລີ້ນໆຫົວໆບໍ່ໄດ້
ເພື່ອຜົນສຳເລັດໃນບັ້ນປາຍ ທີ່ບັນດານັກກິລາໂອລິມປິກທຸກໆຄົນຕ້ອງໄດ້ປະຕິບັດ
ເປັນປະເພນີກັນມາ ຈົນປະສົບຜົນສຳເລັດ ແລະກາຍມາມີຊື່ສຽງຫລາຍຄົນ.
ເນື່ອງຈາກວ່າ ນາງ Isabelle ບໍ່ສາມາດເວົ້າພາສາລາວ ແລະ
ບໍ່ມີເວລາໂອ້ລົມໄດ້ ເພາະສະນັ້ນ ທ່ານນາງ Jessica ແມ່ຂອງ
ນາງ Isabelle ໄດ້ເປັນຜູ້ຕາງໜ້າມາເລົ່າຄວາມເປັນມາຂອງ
ຄອບຄົວວ່າ ເປັນຫຍັງຈຶ່ງແນະນຳໃຫ້ລູກສາວ ພົວພັນກ່ຽວກັບ
ເລື້ອງ ການຟ້ອນບາເລໜ້ານໍ້າ ກ້ອນ ຊຶ່ງທ່ານນາງ ໄດ້ກ່າວສູ່
ວີໂອເອ ຟັງວ່າ :
ການຝຶຶກຊ້ອມ ການພາກພຽນ ບັງຄັບຕົນເອງໃຫ້ຢູ່ລະບຽບວິໄນ ເພຶ່ອໃຫ້ບັນລຸເປົ້າ
ໝາຍແມ່ນພາກປະຕິບັດທີ່ເຄັ່ງຄັດ ພໍ່ແມ່ພຽງແຕ່ໃຫ້ຄຳແນະນຳ ແລະ ຊ່ວຍໃຫ້ກຳ
ລັງໃຈ ໂດຍສະເພາະດ້ານການເງິນ ແລະທຸ່ມເທເວລາ. ທ່ານນາງ Jessica ເລົ່າຕໍ່
ອີກວ່າ :
ລະບຽບຂັ້ນຕອນຂອງນັກກິລາຟ້ອນບາເລເທິງນໍ້າ ກ້ອນ ມີຢູ່ເຈັດລະດັບ ຊຶ່ງຈະເລີ້ມຈາກຂັ້ນຕົ້ນດັ່ງ Isabelle ໄດ້ປະສົບຜົນສຳເລັດ ຢູ່ໃນລະດັບທີ່ສາມແລ້ວ ແລະກໍເປັນຜູ້ທີ່ມີ
ອາຍຸນ້ອຍກວ່າໝູ່ໝົດ. ປັດຈຸບັນນີ້ Isabelle ມີອາຍຸພຽງ 10 ປີ ແລະນາງຍັງມີເວລາຢູ່
ຫລາຍທີ່ຈະຝຶກຊ້ອມກ້າວຂື້ນໄປສູ່ລະດັບທີ່ເຈັດ ອັນ ທີ່ນາງຕັ້ງຄວາມຝັນເອົາໄວ້ ເພຶ່ອ
ຈະເຂົ້າໄປແຂ່ງຂັນ ກິລາໂອ ລິມປິກ ໃນປີ 2022 ຊຶ່ງເວລານັ້ນ Isabelle ຈະມີອາຍຸ
17 ປີປາຍ. ທ່ານນາງ Jessica ກ່າວຕໍ່ໄປອີກວ່າ :
ທ່ານສາມາດເບິ່ງ ການສະແດງຟ້ອນບາເລ ຢູ່ໜ້ານຳ້ກ້ອນໄດ້ທີ່ ແວັບໄຊ ຂ້າງລຸ່ມນີ້ :
ນີ້ແມ່ນພາກສ່ວນນຶ່ງຂອງ ຊີວິດການເປັນຢູ່ຄອບຄົວລາວ-ອາເມຣິກັນ ໃນຕ່າງແດນ
ແລະຍັງມີອີກຫລາຍເລື້ອງທີ່ໜ້າສົນໃຈ ທີ່ ວີໂອເອ ຈະນຳມາສະເໜີທ່ານຜູ້ຟັງໃນ
ອາທິດໜ້າ
