Qantas ແມ່ນ ສາຍການບິນ ແຫ່ງຊາດຂອງ ປະເທດ
ອອສເຕຣເລຍ. ຊື່ນີ້ແມ່ນຫຍໍ້ມາຈາກ Queensland and
Northern Territory Aerial Services ມີເຄື່ອງໝາຍ
ສັນຍາລັກເປັນຮູບໂຕ “Kangaroo” ຫລື ໂຕຈິງໂຈ້ ທີ່ເປັນສັດ
ປະຈໍາຊາດຂອງປະເທດ ອອສເຕຣເລຍ.
Kangaroo ມີຂາຫລັງຍາວ ຂາໜ້າສັ້ນ ມີຫາງຍາວ ແລະໂຕແມ່
ມີຖົງໃສ່ລູກຢູ່ທາງໜ້າ ເພາະສະນັ້ນ ສາຍການບິນ Qantas ຈຶ່ງ
ມີຊື່ນ້ອຍ ວ່າ Flying Kangaroo ຫລືໂຕ Kangaroo ທີ່ບິນໄດ້.
ສາຍການບິນ Qantas ໄດ້ເລີ້ມຂຶ້ນບິນບໍລິການມາຕັ້ງແຕ່ປີ 1920 ແລະມີຫ້ອງການໃຫຍ່ຕັ້ງຢູ່ ນະຄອນ Sydney, ລັດ New South Wales ປະເທດອອສເຕຣເລຍ ແລະເປັນສາຍການບິນເກົ່າແກ່ທີ່ສອງຂອງໂລກ. Qantas ບິນໄປຍັງ 21 ເມືອງຢູ່ໃນ 14 ປະເທດ ຮວມທັງສະຫະລັດ ໃນສາມເມືອງດ້ວຍກັນ ຄື Los Angeles ລັດແຄລິຟໍເນຍ ນະຄອນ Dallas ລັດເທັກຊັສ ແລະ
ນະຄອນ New York.
ຢູ່ສະໜາມບິນນາໆຊາດ ທີ່ນະຄອນ Los Angeles ນັ້ນ ມີນາຍຊ່າງແປງເຮືອບິນ Qantas ຊຶ່ງເປັນຄົນລາວ-ອາເມຣິກັນ ຢູ່ຄົນນຶ່ງ ຊື່ວ່າ ສີນປຣະເສີດ ວັນນະຣາດ ທີ່ໄດ້ເຮັດວຽກກັບສາຍການ ບິນ Qantas ນີ້ ມາເປັນເວລາ 7 ປີແລ້ວ.
ສີນປຣະເສີດ ແມ່ນລູກຊາຍຂອງ ທ່ານ ສົງ ແລະ ທ່ານນາງ ໜູພອນ ວັນນະຣາດ ເກີດຢູ່ ບ້ານຂຸນາ ເມືອງສີໂຄດຕະບອງ ແຂວງວຽງຈັນ ໄດ້ຕິດຕາມຄອບຄົວເຂົ້າມາຕັ້ງຖິ່ນຖານ
ຢູ່ໃນ ສະຫະລັດ ໃນປີ 1979 ເວລານັ້ນ ອາຍຸໄດ້ພຽງແຕ່ 11 ປີ ແລະໄດ້ໄປຕົກຢູ່ ເມືອງ Amarillo ລັດ Texas.
ສີນປຣະເສີດ ໄດ້ໃຊ້ຊີວິດຢູ່ທີ່ເມືອງ Amarillo ເປັນເວລາ 6 ປີແລະໄດ້ເຂົ້າໂຮງຮຽນມັດ
ທະຍົມພາກຕົ້ນ Palodulo ຫລັງຈາກນັ້ນໄດ້ ຍ້າຍມາກັບຄອບຄົວຢູ່ລັດ California ໃນ
ປີ 1985 ແລະຮຽນຈົບຢູ່ ມັດທະຍົມປາຍ ຢູ່ເມືອງ Whittier.
ສີນປະເສີດໄດ້ໄປສຶກສາຕໍ່ ຢູ່ນະຄອນ Miami ລັດ Florid ແລະຢູ່ພາຍໃຕ້ຄວາມດູແລ
ຂອງ ອາວ ແລະອາ ທ່ານ Ted ແລະທ່ານນາງ Khamty ໂດຍຮຽນ ວິຊາຊ່ອມແປງເຮືອບິນ ທີ່ໂຮງຮຽນ George P. Baker Aviation School ເປັນເວລາ 3 ປີ ແລະສໍາເລັດການສຶກ
ສາໃນປີ 1989. ຫລັງຈາກນັ້ນ ໄດ້ກັບຄືນໄປຢູ່ກັບຄອບຄົວທີ່ລັດ California ແລະໄດ້ເລີ້ມ
ຕົ້ນເຮັດວຽກກັບບໍລິສັດNorthwest Airlines ທີ່ໄດ້ລົ້ມລະລາຍ ແລະຖືກບໍລິສັດ Delta ຊື້ເອົາເມື່ອຫລາຍປີຜ່ານມາແລ້ວ. ສີນປຣະເສີດ ເລີ້ມຕົ້ນໂດຍການເປັນຜູ້ທໍາຄວາມສະອາດເຮືອບິນ ຢູ່ເປັນເວລານຶ່ງປີ ຕໍ່ມາຈຶ່ງໄດ້ມາເຮັດວຽກ ເປັນຜູ້ຊ່ວຍນາຍຊ່າງແປງເຮືອບິນ Northwest ແລະຄ່ອຍໆກ້າວຂື້ນມາເປັນນາຍຊ່າງໃຫຍ່.
ສິນປະເສີດໄດ້ເຮັດວຽກກັບ Northwest Airlines ເປັນເວລາ 15 ປີ ໂດຍເຮັດວຽກເວລາກາງຄືນ ຈາກ 10 ໂມງຕອນແລງ ຫາ 6 ໂມງເຊົ້າ. ໃນໄລຍະເວລາທີ່ເຮັດວຽກກັບສາຍການບິນ Northwest ຢູ່ນັ້ນ ສີນປຣະເສີດ ໄດ້ກຳໄລຊີວິດຫລາຍຢ່າງ ໂດຍສະເພາະແລ້ວ ກໍແມ່ນໄດ້ມີໂອກາດເດີນທາງໄປທ່ຽວແຕ່ລະປີ ໂດຍບໍ່ໄດ້ເສຍຄ່າປີ້ເຮືອບິນ ຊຶ່ງປະເທດທີ່
ສີນປະເສີດມັກໄປທ່ຽວ ເລື້ອຍໆ ກໍຄືປະເທດໄທ ແລະລາວ.
Sinpraseuth Vannarath family
ໃນປີ 2005 ສີນປະເສີດ ໄດ້ຖືກປົດອອກຈາກງານທີ່ Northwest
ເວລາມີການປ່ຽນແປງໃນສາຍການບິນດັ່ງກ່າວ ທີ່ກໍາລັງຈະລົ້ມ
ລະລາຍ. ສີນປະເສີດ ຈຶ່ງໄປສະໝັກເຂົ້າເຮັດວຽກກັບ ສາຍການ
ບິນ Qantas. ສີນປະເສີດໄດ້ໄປຮັບການຝຶກອົບຮົມ ວິຊາການ
ຊ່ອມແປງເຮືອບິນ ລຸ້ນ 747 ຂອງບໍລິສັດ Boeing ຂອງສະຫະ
ລັດ ແລະເຮືອບິນ ລຸ້ນໃຫຍ່ຫລ້າສຸດ ຂອງບໍລິສັດ Air Bus 380
ຂອງຢູໂຣບ ທີ່ປະເທດອອສເຕຣເລຍ ເປັນເວລາປີກວ່າ ແລະໄດ້
ກັບຄືນມາເຮັດວຽກກັບສາຍການບິນ Qantas ຢູ່ລອສ ແອນຈີແລສ ມາຈົນຮອດປັດຈຸບັນ ແລະສີນປຣະເສີດ ກໍເປັນຄົນລາວ-ອາເມຣິກັນ ຄົນດຽວ ທີ່ເຮັດວຽກກັບສາຍການບິນ Qantas ນີ້.
ສີນປຣະເສີດ ໄດ້ໃຫ້ສໍາພາດກັບວີໂອເອ ກ່ຽວກັບຊີວິດການເປັນນາຍຊ່າງແປງເຮືອບິນ Qantas ດັ່ງນີ້ :
ປັດຈຸບັນນີ້ ສິນປະເສີດ ໄດ້ສ້າງຄອບຄົວ ມີລູກນ້ອຍ ສອງຄົນ ແລະມີເຮືອນຊານບ້ານ
ຊ່ອງ ຢູ່ເມືອງ Norwalk ຫ່າງຈາກນະຄອນ Los Angeles ປະມານ 20 ໄມລ໌ ຫລື 32 ຫລັກ.
ອອສເຕຣເລຍ. ຊື່ນີ້ແມ່ນຫຍໍ້ມາຈາກ Queensland and
Northern Territory Aerial Services ມີເຄື່ອງໝາຍ
ສັນຍາລັກເປັນຮູບໂຕ “Kangaroo” ຫລື ໂຕຈິງໂຈ້ ທີ່ເປັນສັດ
ປະຈໍາຊາດຂອງປະເທດ ອອສເຕຣເລຍ.
Kangaroo ມີຂາຫລັງຍາວ ຂາໜ້າສັ້ນ ມີຫາງຍາວ ແລະໂຕແມ່
ມີຖົງໃສ່ລູກຢູ່ທາງໜ້າ ເພາະສະນັ້ນ ສາຍການບິນ Qantas ຈຶ່ງ
ມີຊື່ນ້ອຍ ວ່າ Flying Kangaroo ຫລືໂຕ Kangaroo ທີ່ບິນໄດ້.
ສາຍການບິນ Qantas ໄດ້ເລີ້ມຂຶ້ນບິນບໍລິການມາຕັ້ງແຕ່ປີ 1920 ແລະມີຫ້ອງການໃຫຍ່ຕັ້ງຢູ່ ນະຄອນ Sydney, ລັດ New South Wales ປະເທດອອສເຕຣເລຍ ແລະເປັນສາຍການບິນເກົ່າແກ່ທີ່ສອງຂອງໂລກ. Qantas ບິນໄປຍັງ 21 ເມືອງຢູ່ໃນ 14 ປະເທດ ຮວມທັງສະຫະລັດ ໃນສາມເມືອງດ້ວຍກັນ ຄື Los Angeles ລັດແຄລິຟໍເນຍ ນະຄອນ Dallas ລັດເທັກຊັສ ແລະ
ນະຄອນ New York.
ຢູ່ສະໜາມບິນນາໆຊາດ ທີ່ນະຄອນ Los Angeles ນັ້ນ ມີນາຍຊ່າງແປງເຮືອບິນ Qantas ຊຶ່ງເປັນຄົນລາວ-ອາເມຣິກັນ ຢູ່ຄົນນຶ່ງ ຊື່ວ່າ ສີນປຣະເສີດ ວັນນະຣາດ ທີ່ໄດ້ເຮັດວຽກກັບສາຍການ ບິນ Qantas ນີ້ ມາເປັນເວລາ 7 ປີແລ້ວ.
ສີນປຣະເສີດ ແມ່ນລູກຊາຍຂອງ ທ່ານ ສົງ ແລະ ທ່ານນາງ ໜູພອນ ວັນນະຣາດ ເກີດຢູ່ ບ້ານຂຸນາ ເມືອງສີໂຄດຕະບອງ ແຂວງວຽງຈັນ ໄດ້ຕິດຕາມຄອບຄົວເຂົ້າມາຕັ້ງຖິ່ນຖານ
ຢູ່ໃນ ສະຫະລັດ ໃນປີ 1979 ເວລານັ້ນ ອາຍຸໄດ້ພຽງແຕ່ 11 ປີ ແລະໄດ້ໄປຕົກຢູ່ ເມືອງ Amarillo ລັດ Texas.
ສີນປຣະເສີດ ໄດ້ໃຊ້ຊີວິດຢູ່ທີ່ເມືອງ Amarillo ເປັນເວລາ 6 ປີແລະໄດ້ເຂົ້າໂຮງຮຽນມັດ
ທະຍົມພາກຕົ້ນ Palodulo ຫລັງຈາກນັ້ນໄດ້ ຍ້າຍມາກັບຄອບຄົວຢູ່ລັດ California ໃນ
ປີ 1985 ແລະຮຽນຈົບຢູ່ ມັດທະຍົມປາຍ ຢູ່ເມືອງ Whittier.
ສີນປະເສີດໄດ້ໄປສຶກສາຕໍ່ ຢູ່ນະຄອນ Miami ລັດ Florid ແລະຢູ່ພາຍໃຕ້ຄວາມດູແລ
ຂອງ ອາວ ແລະອາ ທ່ານ Ted ແລະທ່ານນາງ Khamty ໂດຍຮຽນ ວິຊາຊ່ອມແປງເຮືອບິນ ທີ່ໂຮງຮຽນ George P. Baker Aviation School ເປັນເວລາ 3 ປີ ແລະສໍາເລັດການສຶກ
ສາໃນປີ 1989. ຫລັງຈາກນັ້ນ ໄດ້ກັບຄືນໄປຢູ່ກັບຄອບຄົວທີ່ລັດ California ແລະໄດ້ເລີ້ມ
ຕົ້ນເຮັດວຽກກັບບໍລິສັດNorthwest Airlines ທີ່ໄດ້ລົ້ມລະລາຍ ແລະຖືກບໍລິສັດ Delta ຊື້ເອົາເມື່ອຫລາຍປີຜ່ານມາແລ້ວ. ສີນປຣະເສີດ ເລີ້ມຕົ້ນໂດຍການເປັນຜູ້ທໍາຄວາມສະອາດເຮືອບິນ ຢູ່ເປັນເວລານຶ່ງປີ ຕໍ່ມາຈຶ່ງໄດ້ມາເຮັດວຽກ ເປັນຜູ້ຊ່ວຍນາຍຊ່າງແປງເຮືອບິນ Northwest ແລະຄ່ອຍໆກ້າວຂື້ນມາເປັນນາຍຊ່າງໃຫຍ່.
ສິນປະເສີດໄດ້ເຮັດວຽກກັບ Northwest Airlines ເປັນເວລາ 15 ປີ ໂດຍເຮັດວຽກເວລາກາງຄືນ ຈາກ 10 ໂມງຕອນແລງ ຫາ 6 ໂມງເຊົ້າ. ໃນໄລຍະເວລາທີ່ເຮັດວຽກກັບສາຍການບິນ Northwest ຢູ່ນັ້ນ ສີນປຣະເສີດ ໄດ້ກຳໄລຊີວິດຫລາຍຢ່າງ ໂດຍສະເພາະແລ້ວ ກໍແມ່ນໄດ້ມີໂອກາດເດີນທາງໄປທ່ຽວແຕ່ລະປີ ໂດຍບໍ່ໄດ້ເສຍຄ່າປີ້ເຮືອບິນ ຊຶ່ງປະເທດທີ່
ສີນປະເສີດມັກໄປທ່ຽວ ເລື້ອຍໆ ກໍຄືປະເທດໄທ ແລະລາວ.
ໃນປີ 2005 ສີນປະເສີດ ໄດ້ຖືກປົດອອກຈາກງານທີ່ Northwest
ເວລາມີການປ່ຽນແປງໃນສາຍການບິນດັ່ງກ່າວ ທີ່ກໍາລັງຈະລົ້ມ
ລະລາຍ. ສີນປະເສີດ ຈຶ່ງໄປສະໝັກເຂົ້າເຮັດວຽກກັບ ສາຍການ
ບິນ Qantas. ສີນປະເສີດໄດ້ໄປຮັບການຝຶກອົບຮົມ ວິຊາການ
ຊ່ອມແປງເຮືອບິນ ລຸ້ນ 747 ຂອງບໍລິສັດ Boeing ຂອງສະຫະ
ລັດ ແລະເຮືອບິນ ລຸ້ນໃຫຍ່ຫລ້າສຸດ ຂອງບໍລິສັດ Air Bus 380
ຂອງຢູໂຣບ ທີ່ປະເທດອອສເຕຣເລຍ ເປັນເວລາປີກວ່າ ແລະໄດ້
ກັບຄືນມາເຮັດວຽກກັບສາຍການບິນ Qantas ຢູ່ລອສ ແອນຈີແລສ ມາຈົນຮອດປັດຈຸບັນ ແລະສີນປຣະເສີດ ກໍເປັນຄົນລາວ-ອາເມຣິກັນ ຄົນດຽວ ທີ່ເຮັດວຽກກັບສາຍການບິນ Qantas ນີ້.
ສີນປຣະເສີດ ໄດ້ໃຫ້ສໍາພາດກັບວີໂອເອ ກ່ຽວກັບຊີວິດການເປັນນາຍຊ່າງແປງເຮືອບິນ Qantas ດັ່ງນີ້ :
ປັດຈຸບັນນີ້ ສິນປະເສີດ ໄດ້ສ້າງຄອບຄົວ ມີລູກນ້ອຍ ສອງຄົນ ແລະມີເຮືອນຊານບ້ານ
ຊ່ອງ ຢູ່ເມືອງ Norwalk ຫ່າງຈາກນະຄອນ Los Angeles ປະມານ 20 ໄມລ໌ ຫລື 32 ຫລັກ.
