ລິ້ງ ສຳຫລັບເຂົ້າຫາ

ວັນພຸດ, ໑໗ ເມສາ ໒໐໒໔

ການສະຫລອງບຸນ ຄຣິສມາສ ຂອງປະຊາຄົມລາວ ທີ່ ການາດາ ແລະ ສະຫະລັດ


ຕົ້ນຄຣິສມາສ ຢູ່ຕໍ່ໜ້າຕຶກລົດຖະສະພາ ທີ່ນະຄອນຫລວງ ວໍຊິງຕັນ ດີ.ຊີ
ຕົ້ນຄຣິສມາສ ຢູ່ຕໍ່ໜ້າຕຶກລົດຖະສະພາ ທີ່ນະຄອນຫລວງ ວໍຊິງຕັນ ດີ.ຊີ

ລາຍການຊີວິດຊາວລາວໃນຕ່າງແດນ ຂອງວີໂອເອ ມື້ນີ້ ນໍາສະເໜີ ບົດສໍາພາດກັບ ທ່ານສິງທອງ ອິນທະວົງ ຫົວໜ້າ ຄອບຄົວ ລາວ-ການາດ່ຽນ ຄອບຄົວນື່ງ ທີ່ເມືອງ Winnipeg ແຂວງ Manitoba ປະເທດ ການາດາ ກ່ຽວກັບການ ສະຫລອງບຸນຄຣິສມາສທີ່ຫາກໍຜ່ານມາ. ນອກນັ້ນແລ້ວ ທ່ານສິງທອງຍັງໄດ້ເຫລົ່າສູ່ວີໂອເອຟັງ ກ່ຽວກັບການຕັ້ງຖິ່ນ ຖານຂອງຄອບຄົວເພິ່ນ ແລະການດໍາລົງຊີວິດຂອງປະຊາຄົມລາວ ຢູ່ໃນຂົງເຂດທີ່ມີອາກາດໜາວທີ່ສຸດເຂດນຶ່ງ ຂອງ ການາດາ. ເຊີນທ່ານຕິດຕາມຮັບຟັງ ຈາກກິ່ງສະຫວັນ ໄດ້.

ຄຣິສມາສ ແມ່ນ​ບຸນສະ​ຫລອງ ວັນ​ປະສູດ ຂອງ ພຣະ​ເຍຊູ ເມື່ອ
ສອງ​ພັນ​ສິບ​ສອງປີ​ກ່ອນ. ບຸນ​ຄຣິສມາສ ​ທີ່ 25 ​ເດືອນ​ທັນວາ ​
ໄດ້​ເລີ້ມ​ສະຫລອງ​ກັນ​ມາ ​ແຕ່​ກາງ​ສັດຕະວັດ ທີ່ 4 ມາ​ຈົນ​ເຖິງ
​ເທົ້າ​ປັດ​ຈຸ​ບັນ.

ຄໍາ​ວ່າ Christ ​ແມ່ນ​ນາມມະຍົດ​ ຫລືວ່າ messiah ຊຶ່ງເປັນຜູ້ປະ​
ເສີດ​ເລີດ​ລໍ້າລົງ​ມາເກີດ ​ແລະ Mas ໝາຍ​ເຖິງ​ການ​ເຕົ້າ​ໂຮມ​ພາ
ວັນນາສູດມົນ ຫລື​ບຸນ​ສູດ​ມົນ​ສະຫລອງ​ວັນ​ປະສູດ​ຂອງ Christ
ນັ້ນ​ເອງ. ​

ຄຣິສມາສ ​ແມ່ນ​ບຸນ​ໃຫຍ່ປະ​ຈໍາປີ ຂອງສາສະໜາຄຣິສ ອັນເປັນ​ສາສະໜາ ທີ່ມີ​ຄົນ​ນັບຖື​ຫລາຍ​ທີ່ສຸດໃນໂລກ ເພາະສະ​ນັ້ນ ​ບຸນຄຣິສ​ມາສ ຈຶ່ງມີ​ອິດ​ທິພົນ ແຊກ​ແຊງຢູ່​ໃນປະຊາ​ຄົມ ຂອງ​ຜູ້ທີ່​ບໍ່​ນັບຖືສາສໜາຄຣິສຕຽນ ບໍ່​ໜ້ອຍ​ກໍ​ຫລາຍ ຊຶ່ງ​ເຖິງ​ຈະ​ບໍ່​ນັບຖືແຕ່​ກໍ​ຍັງ​ພາກັນ ສະຫລອງ ​ເພື່ອ​ຄວາມ​ມ່ວນ​ຊຶ່ນ ສັງ​ສັນ​ກັນ​ກັບ​ຄອບຄົວ​ແລະເພື່ອນ​ມິດ​.

ພາບສໍາຄັນທີ່​ເຫັນໃນ​ການສະຫລອງ​ບຸນຄຣິສມາສ ນັ້ນ​ກໍ​ຄື ການຕົກ​ແຕ່ງຕົ້ນ​ແປກ ທີ່​ຮ້ອງ​
ວ່າ ຕົ້ນຄຣິສມາສ ​ການນໍ​າ​ເອົາໃບ​ຕົ້ນ​ແປກ​ມາ​ເຮັດ​ເປັນພວງ​ຫຣີດ ​ເອ້ປະດັບ​ປະດາ ມີ​ໂບ​ສີ​ແດງຫ້ອຍ​ໄວ້ ຢູ່​ໃນເຮືອນ ນອກ​ເຮືອນ​ ຢູ່ຕາ​ມຖະໜົນ​ຫົນທາງ ສວນສາທາລະນະ ​ຮ້ານ​ຄ້າ ​ແລະ​ສຸສານ​ຕ່າງໆ. ນອກ​ນັ້ນ ​ຍັງ​ປະກອບດ້ວຍ ໄຟແສງ​ສີ ສຽງ​ດົນ​ຕຣີ ​ແລະ Santa Claus ຫລື Saint Nicholas ຊຶ່ງ​ເປັນ​ຜູ້ເຖົ້າໃຈດີ ຍີ້ມ​ແຍ້ມ​ແຈ່ມ​ໃສ ນຸ່ງ​ສຸດ​ສີ​ແດງ ​ທີ່​ຂີ່​ລໍ້ທີ່​ລາກ​ໂດຍ​ໂຕກ​ວາງເປັນ​ພາຫານະເຫາະ​ເຫີນ ຢູ່​ເທິງອາກາດ ຕາມ​ທີ່​ເລົ່າ​ກັນ​ມາ​ໃນນິທານ​ໂບຮານ
ດຶກ​ດໍາ​ບັນ​ ​ເອົາ​ຂອງຂວັນ​ມາແຈກ​ຢາຍ​ໃຫ້​ພວກ​ເດັກນ້ອຍ ທີ່​ຕ່າງກໍພາກັນລໍຖ້າ​ໃຫ້​ວັນ​ນີ້
​ມາ​ເຖິງ ຢ່າງ​ໃຈ​ຈົດ​ຈໍ່ ​ເພື່ອ​ຈະ​ໄດ້​ຂອງຂວັນ​ທີ່ Santa ລັກ​ເອົາ​ມາ​ວາງ​ໄວ້​ໃຫ້ ຢູ່​ໃຕ້​ຕົ້ນ​ ຄຣິສມາສ. ​

ຢູ່ໃນ ສະຫະລັດ ອາເມຣິກາ ຕົ້ນຄຣິສມາສ ບໍ່ໄດ້ປະກົດໃຫ້ເຫັນຈົນຮອດປີ 1850 ​ແລະ
ບໍ່ໄດ້ມີ​ປະ​ເພນີ​ໃຕ້ ຕົ້ນຄຣິສມາສແຫ່ງຊາດ ຈົນຮອດປີ 1923 ແລະຕົ້ນຄຣິສມາສແຫ່ງ
ຊາດນີ້ ຈະ​ແມ່ນປະທານາທິບໍດີ ​ເປັນ​ຜູ້​ທໍາ​ພິທີໃຕ້ໄຟ ຢູ່ນະຄອນຫລວງວໍຊິງຕັນ ໃນອາ
ທິດທີສອງ ຂອງເດືອນທັນວາ ທຸກໆປີ ຈົນໄດ້ກາຍມາເປັນປະເພນີເທົ່າ​ເຖິງປັດຈຸບັນນີ້.

ວັນ​ຄຣິສມາສ​ແມ່ນ​ວັນພັກລັດຖະການ​ໃນ​ທົ່ວ​ປະ​ເທດ. ຜູ້​ຄົນພາກັນພັກ​ວຽກ​ພັກ​ການ ເພື່ອ​ເດີນ​ທາງ​ໄປ​ສະຫລອງ​ກັບ​ຄອບຄົວ ເຮັດບຸນເຮັດທານໃຫ້ແກ່​ຜູ້​ທຸກ​ຍາກ ​ຊື້​ຂອງຂວັນໃຫ້ແກ່ເດັກນ້ອຍ. ​ຜູ້​ໃຫຍ່ກໍ​ພາກັນ ແລກ​ປ່ຽນ​ຂອງຂວັນ​ ​ກິນລ້ຽງ​ຊຸມ​ແຊວ ອ່ວຍພອນຊຶ່ງ​ກັນ​
ແລະ​ກັນ ​ຮ້ອງ​ເພງຄຣິສມາສ ແລະ​ໄປ​ຮ່ວມ​ພິທີ​ທາງ​ສາສະໜາ ສູດ​ມົນຢູ່ຕາມໂບດຕ່າງໆ. ​

ທ່ານສິງທອງ ອິນທະວົງ ສະຫລອງວັນຄຣິສມາສ ຮ່ວມກັບຄອບຄົວ
ທ່ານສິງທອງ ອິນທະວົງ ສະຫລອງວັນຄຣິສມາສ ຮ່ວມກັບຄອບຄົວ


ໃນ​ວາລະບຸນ​ສະຫລອງ​ວັນ​ຄຣິສມາສນີ້ ວີ​ໂດເອໄດ້​ມີ​ໂອກາດ
ສໍາພາດ ທ່ານ​ສິງ​ທອງ ອິນ​ທະ​ວົງ ທີ່​ເມຶືອງ Winnipeg ​ແຂວງ
Manitoba ປະ​ເທດ ກາ​ນາ​ດາ ກ່ຽວ​ກັບ​ການມາ​ຕັ້ງ​ຊີວິດ​ໃໝ່ ​
ແລະ​ຄວາມ​ຮູ້​ສຶກຂອງ​ທ່ານ ​ໃນ​ການນໍາພາ​ລູກ​ຫລານສະຫລອງ
​ບຸນຄຣິສມາສ ຊຶ່ງທ່ານ​ໄດ້​ເ​ລົ່າສູ່​ຟັງ​ດັ່ງ​ນີ້:

please wait

No media source currently available

0:00 0:03:49 0:00
ລິງໂດຍກົງ


​ນອກ​ຈາ​ນັ້ນ​ອີກ​ແລ້ວ ວີ​ໂອ​ເອ ຍັງ​ມີ​ໂອກາດ​ໄດ້​ຊັກຖາ​ມ ທ່ານ​ນາງ ​ແກ້ວມະນີ​ວັນ ສີ​ຫາ​ລາດ ຢູ່ທີ່​ເມືອງ Chantilly ລັດ Virginia ກ່ຽວ​ກັບ​ການ​ຕົກ​ແຕ່ງອາຫານ​ການ​ກິນ​ໃນ​ບຸນຄຣິສມາສ ດັ່ງ​ທ່ານ​ນາງ ​ໄດ້ເລົ່າ​ສູ່​ວ່າ:

please wait

No media source currently available

0:00 0:02:40 0:00
ລິງໂດຍກົງ

Christmas dinner by Keomanivanh
Christmas dinner by Keomanivanh

ປະຊາ​ຄົມ​ລາວ​ໃນ​ທົ່ວສະຫະ​ລັດ ​ກໍ​ພາກັນ​ສະຫລອງ​ວັນ​
ຄຣິສມາສ ຈົນ​ເປັນ​ປະ​ເພນີ​ຄື​ກັນ ​ໂຮມ​ທັງ​ພວກ​ທີ່​ບໍ່​ນັບຖື
​ສາສະໜາ​ຄຣິສ ຊື່​ງ​ເຫດຜົນ​ໃນ​ເບື້ອງ​ຕົ້ນ ຕອນ​ທີ່​ອົບ​ພະຍົບ
​ເຂົ້າ​ມາ​ຢູ່​ໃນ​ປະ​ເທດ​ນີ້​ໃໝ່ໆ ​ເມື່ອ​ສາມ​ສິບ​ກ່ວາປີ​ມາ​ແລ້ວ​ນັ້ນ
ກໍ​ແມ່ນ​ເຮັດ​ເພື່ອ​ລູກ​ນ້ອຍ ທີ່​ຢາກ​ມີ​ຂອງຂວັນ​ໄປ​ອວດ​ອ້າງ​ໝູ່
​ເພື່ອນ​ຢູ່​ໂຮງຮຽນ ກໍ​ເລີຍ​ໄດ້​ປະຕິບັດ​ກັນ​ມາ​ເປັນ​ປະ​ຈໍາ​ທຸກໆ​ປີ.
XS
SM
MD
LG