ລິ້ງ ສຳຫລັບເຂົ້າຫາ

logo-print

ຮ້ານອາຫານລາວ "ຕິບເຂົ້າ" ແຫ່ງທຳອິດໃນ ນະຄອນຫຼວງ ວໍຊິງຕັນ ດີ.ຊີ


ພິທີເປີດຮ້ານ ຕິບເຂົ້າ ວັນເສົາ ທີ 13 ເດືອນທັນວາ ປີ 2014 ທີ່ຖະໜົນ 14 ນະຄອນຫລວງ ວໍຊິງຕັນ ດີ.ຊີ

ໃນລາຍ​ການ​ຊີວິດ​ຊາວລາວ ມື້​ນີ້ ​ວີ​ໂອ​ເອ ຈະສະ​ເໜີການ​ສຳ
ພາດກັບ ທ່ານ​ບຸນ ​ຄຳມະນີວັນ ແລະ​ຍາ​ນາງ​ແສງ ຫລວງ​ລາດ
​ເຈົ້າ​ຂອງ​ຮ້ານ​ອາຫານສອງ​ຮ້ານ​ຄື ຮ້ານ Bangkok Golden
ຢູ່​ເມືອງ Falls Church ລັດ Virgina ແລະ ຮ້ານ “​ຕິບ​ເຂົ້າ”

ຊຶ່ງ​ເປັນ​ຮ້ານ​ອາຫານ ທີ່​ໃສ່​ຊື່​ອັນເປັນ​ເອກ​ກະ​ລັກ​ຂອງ​ລາວ
ຮ້ານ​ທຳ​ອິດ ທີ່​ອອກໜ້າ​ອອກ​ຕາ ໃນ ນະຄອນຫລວງ ວໍ​ຊິງ​ຕັນ
ດີ​.ຊີ. ເປີດ​ບໍລິການ​ມາ​ແຕ່​ເດືອນ​ທັນ​ວາ​ປີ 2014. ກິ່ງ​ສະຫວັນ
ຈະນຳ​ເລື້ອງ​ນີ້​ມາສະ​ເໜີ​ທ່ານ ​ໃນ​ອັນ​ດັບ​ຕໍ່​ໄປ.

ສະບາ​ຍດີ ທ່ານ​ຜູ້​ຟັງ​ທີ່​ເຄົາລົບ ພົບ​ກັນອີກ​ຕາມ​ນັດ​ໝາຍໃນ ລາຍການ​ຊີວິດ​ຊາວລາວ​
ຂອງ ​ວີ​ໂອ​ເອ. ມື້​ນີ້ ຂ້າພະ​ເຈົ້າ ​ຈະ​ນຳພາ​ທ່ານ​ໄປເບິ່ງ​ທຸ​ລະ​ກິດ ການ​ຄ້າຂາຍອາ​ຫານ ຊຶ່ງ
​ເວົ້າສະ​ເພາະ​ກໍຈະ​ແມ່ນຮ້ານ “​ຕິບ​ເຂົ້າ” ​ຮ້ານອາ​ຫານ​ລາວ ອັນເປັນສັນ​ຍາ​ລັກສຳ​ຄັນ
​ຂອ​ງ​ລາວ ​ທີ່ຄົນ​ລາວ​ເປັນ​ເຈົ້າ​ຂອງ ທັງ​ເປັນ​ແມ່ຄົວນຳ ຢູ່ໃນ​ນະ​ຄອນ​ຫລວງ ວໍ​ຊິງ​ຕັນ
ດີ.​ຊີ​ ທີ່​ຫາ​ກໍ່ເປີດ​ຂຶ້ນເມື່ອ​ເດືອນ​ທັນ​ວາ ປີ 2014 ທີ່​ຜ່ານ​ມາ​ນີ້​ເອງ. ​ຄວາມ​ຈິງ​ແລ້ວ​ຢູ່​ທົ່ວ
ສະ​ຫະລັດ ມີ​ຄົນ​ລາວ​ເປັນ​ເຈົ້າ​ຂອງ​ຮ້ານ​ອາ​ຫານ ​ຢ່າງ​ຫລວງ​ຫລາຍ ໄດ້​ຮັບ​ຜົນສຳ​ເລັດ​
ໄປ​ຕາມໆ​ກັນ ​ເຖິງ​ແມ່ນ​ຈະ​ມີພວກ​ລົ້ມ​ແຫລວ ແຕ່​ກໍ​ບໍ່ຫຼາຍ.

​ຮ້ານ​ອາ​ຫານ​ດັ່ງກ່າວ​ ທີ່​ເຈົ້າ​ຂອງ​ແມ່ນ​ຄົນ​ລາວ ສ່ວນ​ໃຫຍ່ມັກ​ຈະໃສ່​ຊື່​ໄທ ​ແລະເສີບ​ອາ​
ຫານ​ໄທ​. ​ບັນ​ດາ​ນັກ​ທຸ​ລະ​ກິດ​ລາວ​-ອາ​ເມ​ຣິ​ກັນ ເຫລົ່າ​ນີ້​ໃຫ້​ເຫດຜົນ​ວ່າ ບໍ່ກ້າ​ໃສ່​ຊື່​ວ່າເປັນ
​ຮ້ານ​ອາ​ຫານ​ລາວ ຫລື​ບໍ​ລິ​ການ​ອາ​ຫານ​ລາວ​ລ້ວນໆ ເພາະວ່າ ບໍ່​ຢາກ​ສ່ຽງ ​ເນື່ອງ​ຈາກ​ວ່າ
​ລູກ​ຄ້າ​ສ່ວນ​ຫລາຍ ​ບໍ່ເຄີຍ​ກິນ​ອາ​ຫານ​ລາ​ວມາ​ກ່ອນ ແລະບໍ່​ຮູ້​ວ່າ ເມືອງ​ລ​າວ​ຢູ່​ໃສ.

​ຕົກ​ມາ​ດຽວນີ້ ທ່ານ​ບຸນ ​ແລະ​ຍານາງ​ແສງ ຫລວງ​ລາດ ເຈົ້າ​ຂອງຮ້ານ​ອາຫານ Bangkok
Golden ທີ່​ໄດ້ບໍລິການ​ອາຫານ ລາວ-​ໄທ ເປີດ​ມາເປັນ​ເວ​ລາສີ່​ປີ​ກວ່າແລ້ວ ໄດ້​ພິ​ສູດ​ໃຫ້​
ເຫັນ​ວ່າ ​ລູກ​ຄ້າ​ພາກັນ​ນິຍົມ​ຊົມ​ຊອບອາ​ຫານ​ລາວ​ເປັນ​ພິ​ເສດ ຈົນ​ໄດ້​ອອກ​ຂ່າວ​ຢູ່​ໃນໜັງ​
ສື​ພີມ The Washingtonian ​ແລະນິ​ຕິ​ຍະ​ສານ​ອາ​ຫານ​ຕ່າງໆເປັນ​ປະຈຳໃນ​ເຂດ ນະ​
ຄອນ​ຫລວງ ວໍຊິງ​ຕັນ​. ດ້ວຍ​ເຫດ​ນີ້​ເອງ ບັນ​ດາລູ​ກ​ຄ້າຈຶ່ງໄດ້ພາກັນ​ແນະນຳ ສະ​ໜັບ​ສະ
​ໜູນ ​ແລະ​ສົ່ງ​ເສີມ​ໃຫ້ ທ່ານ​ບຸນ ແລະ​ຍາ​ນາງ​ແສງ ເປີດ​ຮ້ານ​ອາ​ຫານ​ລາວຂຶ້ນ ແລະ​ໃຫ້ໃສ່
​ຊື່​ທີ່ມີ​ເອກ​ກະ​ລັກຂອງ​ລາວ ຊຶ່ງ​ໃນ​ທີ່​ສຸດ​ຜົວ​ເມຍ​ຄູ່​ນີ້​ ຈ່ຶງ​ໄດ້​ຕັດສິນ​ໃຈ​ເປີດ​ຮ້ານ​ອາຫານ​ໃໝ່ຂຶ້ນ​ອີກນຶ່ງແຫ່ງ​ ​ ໃນ​ນະຄອນຫຼວງ​ຂອງ​ ສະຫະຣັດ ອາ​ເມ​ລິ​ກາ ໃສ່​ຊື່ວ່າ “​ຕິບ​ເຂົ້າ” ຮ້ານ​ນີ້​ເສີບ​ອາ​ຫານ​ລາວ​ເປັນ​ສ່ວນ​ໃຫຍ່​ ເປີດບໍ​ລິ​ການ​ຢູ່​ຖະໜົນ 14 ​ນັບ​ຕັ້ງ​ແຕ່​ເດືອນ​ທັນວາ​ ​ປີ
2014 ​ເປັນ​ຕົ້ນມາ​.

ບັນ​ດາ​ນັກທຸ​ລະ​ກິດ​ຮ້ານ​ອາ​ຫານ ຕ່າງກໍຮູ້ກັນ​ວ່າ ອາຊີບ​ນີ້ ​ເປັນ​ວຽກ​ໜັກ ມີ​ຄວາມຮັບ​ຜິດ​
ຊອບ​ສູງ ແລະ​ຕ້ອງ​ໄດ້​ກຳກັບນຳຢ່​າງ​ໃກ້​ຊິດ​ທີີ່ສຸດ ເພາະ​ສະ​ນັ້ນ ​ເຮົາ​ຈະ​ສັງ​ເກດ​ເຫັນ​ໄດ້​
ວ່າ ພວກ​ເຈົ້າ​ຂອງ​ຮ້ານທັງຫຼາຍ ຈະ​ບໍ່​ຄ່ອຍ​ໄດ້ມີ​ເວ​ລາໄປເຮ​ຮາ​ມ່ວນຊື່ນລຶ້ນ​ເລິງ​ຢູ່ໃນ​ວົງ
ການ​ສັງ​ຄົມທົ່ວ​ໄປ.

ນະຄອນຫລວງ ວໍ​ຊິງ​ຕັນ ດີ​.ຊີ ​ເມືອງຫຼວງຂອງ ສະຫະລັດ ​ໄດ້​ເລີ້ມ​ເປັນ​ບ່ອນກໍ່ຕັ້​ງສັງຄົມ
​ລາວ​ມາ​ຕັ້ງ​ແຕ່ ​ປີ 195​3 ​ໃນ​ຊ່ວງ​ເວລາທີ່ເມືອງ​ລາວ​ໄດ້​ຮັບ​ເອກ ກະລາດ​ຈາກຝຣັ່ງ ​ໄດ້
ເລີ້ມຜູກສຳ​ພັນ​ທາງກາ​ນ​ທູດ​ກັບ ສະ​ຫະ​ລັດ ​ແຕ່​ນັ້ນ​ມາ ​ຈົນ​ຕົກ​ມາ​ເຖິງປັດ​ຈຸ​ບັນ ​ຮ​ວມເວ​ລາໄດ້ 62 ປີ (1953-2015) ຊຶ່ງໃນ​ທີ່​ສຸດ​ຈຶ່ງ​ໄດ້ເກີດມີ​ຮ້ານ​ອາຫານ​ລາວຂື້ນ​ມາ​ຢູ່​ໃນ​ ນະ
ຄອນຫຼວງ​ແຫ່ງ​ນີ້. ບັດ​ນີ້ ແນວ​ຄິດທີ່​ຢ້ານ​ວ່າ ຄົນ​ບໍ່​ຮູ້​ອາຫານ​ລາວ ບໍ່​ຮູ້​ວ່າເມືອງ​ລາວຢູ່​ໃສ
ນັ້ນ ແມ່ນ​ໄດ້​ເຫືອດ​ຫາຍ​ໄປ ​ບໍ່​ໄດ້​ເປັນ​ອຸບປະສັກ​ກີດຂວາງ​ແຕ່ຢ່າງ​ໃດ​ອີກ​ແລ້ວ. ດ້ວຍ​
ເຫດ​ນີ້ຮ້ານ​ອາຫານ ຕິບ​ເຂົ້າ ຈຶ່ງ​ໄດ້​ກາຍ​ມາ​ເປັນ​ສ່ວນ​ປະກອບອັນ​ສຳຄັນ​ໃນ​ການ​ສ້າງ
ບັນຍາກາດ​ ​ໃຫ້ນະຄອນຫລວງ ວໍ​ຊິງ​ຕັນ ​ທີ່​ເປັນ​ບ່ອນ​ຕັ້ງຫ້ອງການ​ປົກຄອງລັດຖະບານ
​ກາງ ​ເຕັມ​ໄປ​ດ້ວຍນັກ​ການ​ທູດ ນັກກາ​ນ​ເມືອງ ນັກ​ທຸລະ​ກິດ ນັກ​ທ່ອງ​ທ່ຽວ ໃຫ້ກາຍ​ເປັນ
ປະຊາຄົມນາ​ໆ​ຊາດທີ່​ມີ​ສີສັນຫຼາຍ​ຂຶ້ນ ພາ​ໃຫ້​ແຂກ​ຄົນ​ທີ່​ກາຍ​ໄປ​ກາຍ​ມາ​ຢາກເຂົ້າ ຢາກ​
ເຂົ້າ​ເບິ່ງ​ເຂົ້າ​ຊົມ​ ແລະທົດ​ລອງອາຫານ​ຢູ່​ໃນ​ຮ້ານ​ດັ່ງກ່າວ.

ຍານາ​ງ​ແສງ ​ເຈົ້າ​ຂອງ​ຮ້ານ ທັງ​ເປັນແມ່ຄົວ​ຊັ້ນ​ຍອດ​ ຜູ້ມີພອນ​ສະຫວັນ​ໃນ​ການ​ຄົວກິນ
ອາຫານ​ພື້ນ​ເມືອງ​ລາວ ໄດ້​ກ່າວ​ຕໍ່ ວີ​ໂອ​ເອ ວ່າ :

ຍານາງແສງ ຫລວງລາດ
ຍານາງແສງ ຫລວງລາດ

ລິງໂດຍກົງ

ທ່ານ​ບຸນ​ ສາມີຂອງ​ຍານາງ​ແສງ ​ໄດ້​ໃຫ້​ຂໍ້ສັງ​ເກດເພີ້​ມ​ເຕີມ​ກ່ຽວ​ກັບ ຮ້ານ​ອາຫານ​ຕິບ​ເຂົ້າ ​ວ່າ :

ທ່ານບຸນ ຄຳມະນີີວັນ ແລະຍານາງແສງ ຫລວງລາດ
ທ່ານບຸນ ຄຳມະນີີວັນ ແລະຍານາງແສງ ຫລວງລາດ

ລິງໂດຍກົງ

ເພື່ອ​ເປັນ​ສິຣິມົງຄຸນ ພະ​ອາຈານ ດ໊ອກ​ເຕີ້ ຈັນ​ດາ​ພອນ ມິ່ງ​ສີ​ສຸພັນ ພ້ອມ​ດ້ວຍເຈົ້າ​ອາວາດ​
ວັດ​ລາວພຸດ​ທະ​ວົງ ພະ​ອາຈານ​ບຸນ​ມີ ​ກິດ​ຕິ​ທຳ​ມະ​ວັນ​ໂນ ພ້ອມ​ດ້ວຍພະ​ພິຂຸ​ສົງອື່ນໆ​ອີກ
ຮວມ​ເປັນ​ເກົ້າ​ອົງ ​ໄດ້ຮັບນິມົນໄປສັນ​ເພນ ແລະ​ໃຫ້ສິນ​ໃຫ້​ພອນສູດໄຊ​ຍັນ​ໂຕໃນການ
​ເປີດ​ຮ້າ​ນ​ ຕິບ​ເຂົ້າ ໃໝ່. ພະ​ອາຈານ ດ໊ອກ​ເຕີ້​ ຈັນ​ດາ​ພອນ ​ໄດ້​ກ່າວຕໍ່ ວີ​ໂອ​ເອ ວ່າ :

ພະມະຫາ ດ໊ອກເຕີ ້ຈັນດາພອນ ມິ່ງສີສຸພັນ
ພະມະຫາ ດ໊ອກເຕີ ້ຈັນດາພອນ ມິ່ງສີສຸພັນ

ທີ່​ເຮົາ​ໄດ້​ສ​ເນີ​ຜ່ານ​ໄປ ແມ່ນ​ການ​ສຳພາດ ກັບຍາ​ນາງແສງ ​ແລະ​ທ່ານ​ບຸນ ຫລວງ​ລາດ ​ເຈົ້າ​ຂອງ​ຮ້ານ​ອາຫານ Bangkok Golden ​ແລະ ​ຮ້ານ​ອາຫານ​ ຕິບ​ເຂົ້າ ທີ່​ເຂດ​ນະຄອນ​ຫລວງ ວໍຊິ​ງຕັນ ດີ.ຊີ. ​ທ່ານ​ຜູ້​ໃດ ຢູ່່​ແຫ່​ງຫົນໃດ​ກໍ​ຕາມ ຖ້າ​ຫາກ​ທ່ານ​ມີ​ຂ່່າວ ຫລື​ບົດບາດ​ຂອງ​ສະມາຊິກ​ສັງຄົມ​ລາວ ທີ່​ໜ້າ​ສົນ​ໃຈ ກະລຸນາ ແນະນຳ​ມາ​ຫາ ຫ້ອງການ ວີ​ໂອ​ເອ ດ້ວຍ ເພື່ອເຮົາ​ຈະ​ໄດ້​ນຳເອົາເລື້ອງລາວ​ອັນ​ໜ້າ​ສັນລະ​ເສີນຂອງເຂົາ​ເຈົ້າ​ມາ​ ເຜີຍ​ແຜ່​ໃຫ້ ພີ່ນ້ອງ​ເຊື້ອສາຍ​ລາວ ທີ່ຢູ່​ໃກ້ ​ແລະ​ໄກ ​ໄດ້​ ອອນຊອນ​ນຳ. ຂໍຂອບໃຈ.

ເບິ່ງຄວາມເຫັນ (6)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG