ລິ້ງ ສຳຫລັບເຂົ້າຫາ

logo-print

ຊີວິດ ທ້າວແອແກ້ວ ກຸມະນີວົງ ຄົນພິການ ຕາບອດ ໃນ ສປປ ລາວ


ທ້າວແອແກ້ວ ທີ່ສອງຈາກຂວາມື ພ້ອມດ້ວຍ ຄະນະດົນຕີ ຄົນຕາບອດ ຈາກ ສປປ ລາວ ທີ່ເທດສະການດົນຕີນາໆຊາດ ຄົນຕາບອດ
ສບາຍ​ດີ ທ່ານ​ຜູ້ຟັງ​ທີ່​ເຄົາລົບ ນັ້ນ​ແມ່ນ​ສຽງ​ດົນ​ຕີ ​ແລະຮ້ອງ​ເພງ
ຂອງ ທ້າວແອແກ້ວ ຄົນ​ພິການ​ຕາບອດ ຢູ່​ນະ​ຄອນ​ຫລວງ​ວຽງ​ຈັນ.

ບັດ​ນີ້ ຂ້າພະເຈົ້າ ຈະ​ນໍາ ພາ​ທ່ານ ​ໄປ​ຢ້ຽມຢາມ​ຖາ​ມຂ່າວ ທ້າວ​
ແອ​ແກ້ວ ກຸ​ມະນີ​ວົງ ລູກ​ຊາຍ​ຄົນ​ທີ່​ຫົກ ​ແລະ​ຫລ້າ​ສຸດຂອງ ຄອບ​
ຄົວ ກຸ​ມະນີ​ວົງ ​ທີ່​ມີຖິ່ນ​ຖານ​ບ້ານ​ເກີດ​ຢູ່​ແຂ​ວງ​ເຊ​ກອງ. ຄອບຄົວ
​ກຸ​ມະນີ​ວົງ ມີ​ລູກ​ສາວ ນຶ່ງ​ຄົນ ​ແລະ​ລູກ​ຊາຍ​ຫ້າ​ຄົນ. ​ລູກສາວ​ກົກ
​ເປັນ​ນາຍ​ຄູ ລູກ​ຊາຍຜູ​ທີ່​ສອງ​ເສຍ​ຊີວິດ​ເວລາອາຍຸ 23 ປີ ລູກ​
ຊາຍຜູ້​ທີ່​ສາມ​ກໍາລັງ​ຮຽນ​ເອົາ​ປະລິນຍາ​ໂທ ຢູ່​ປະ​ເທດ​ຫວຽດນາມ ຝ່າຍ​ເສດຖະສາດ​ກາ​ນ​ເມືອງ ລູກ​ຊາຍຜູ້​ທີ່​ສີ່ ແລະ​ທີ່ຫ້າ ເປັນ​ຄົນ​ພິການ ຕາບອດ​ມາ​ແຕ່​ເກີດ ປັດ​ຈຸ​ບັນ​ນີ້ຢູ່​ກັບ​ແມ່ ທີ່​ເຊ​ກອງ ​ແລະທ້າວ​ແອ​ແກ້ວ ​ລູກ​ຊາຍ​ຫລ້າ ກໍຕາບອດ​ມາ​ແຕ່​ເກີດຄື​ກັນ ອາຍຸ 28 ປີປັດຈຸບັນ​ເປັນ​ນັກ​ສຶກສາ​ຕຽມ​ເອົາ ອະນຸ​ປະລິນ​ຍາ​ຝ່າຍ​ພາສາ​ອັງກິດ ທີ່​ມະຫາວິທະຍາ​ໄລ ສ້າ​ງຄູ ດົງ​ຄໍາ​ຊ້າງ ຕັ້ງ​ຢູ່​ຊານ​ນະຄອນ ຫລວງ​ວຽງຈັນ​.

ເຖິງ​ແມ່ນ​ວ່າ ທ້າວແອ​ແກ້ວ ກຸ​ມະນີ​ວົງ ເປັນ​ຄົນ​ພິການ​ຕາບອດ​ມາ​ແຕ່​ເກີດກໍ​ຕາມ ​ແຕ່​ວ່າ ​ແອ​ແກ້ວ ກໍ​ບໍ່​ໄດ້​ລົດ​ລະໃນ​ຄວາມ​ໄຝ່ຝັນ ແລະ​ບຶກ​ບືນ​ນໍາ​ການ​ຮໍ່າຮຽນ ແລະບໍ່ໃຫ້
ຄວາມເປັນພິການກີດກັ້ນຕໍ່ຊີວິດຂອງລາວ ທີ່​ຈະ​ສ້າງ​ບົດບາດ ​ຢາກ​ຊ່ວຍ​ບັນດາ​ຄົນ​ພິການ​ຕາບອດ​ ທີ່ຄື​ກັນກັບ​ລາວຢູ່​ໃນ ສປປ ລາວ.

ແອ​ແກ້ວ ​ເກີດເມື່ອປີ 1988 ທີ່​ແຂ​ວງ​ເຊ​ກອງ ພໍ່​ຂອງ​ທ້າວ​ແອ​ແກ້ວ ​ເປັນ​ທະຫານ​ເກົ່າ ໄດ້​ເສຍ​ຊີວິດ​ໄປ​ແລ້ວ ​ແລະ​ຍັງ​ແຕ່ແມ່. ​ເນື່ອງ​ຈາກ​ວ່າ ທ້າ​ວ​ແອ​ແກ້ວ ​ແລະ​ອ້າຍຜູ້​ຕິດ​ກັບ​ລາວສອງ​ຄົນ ​ເກີດ​ມາເປັນ​ຄົນພິການ​ຕາບ​ອດທັງ​ສາມ​ ​ເຂົາ​ເຈົ້າຈຶ່ງ​ໄດ້​ຖືກ​ສົ່ງ​ມາ ສຶກສາ​ຢູ່​ ສູນ​ຟື້ນ​ຟູ​ຄົນ​ພິການ​ແຫ່​ງຊາດ ທີ່​ນະຄອນຫລວງ​ວຽງ​ຈັນ ​ເພື່ອຮຽນ​ອ່ານລະບົບ​ ພາສາ​ຄົນ​ຕາບອດ ທີ່ໃຊ້ປາຍ​ນີ້ວ​ມື​ລູບ​ຄໍາ ເຄຶອງໝາຍທີ່​ພິມ​ເປັນ​ເມັດ​ນູນ ​ແລະ​ລຸບ ຮ້ອງວ່າ Braille. ພາສາອັງກິດ​ຮ້ອງ​ວ່າ Braille ນັ້ນ ​ໄດ້​ຖື​ກຄົ້ນ​ພົບ​ໂດຍ ທ່ານ Louis Braille ຄົນ​ຝຣັ່ງ ຊຶ່ງເປັນ​ຄົນ​ຕາບອດ​ເຊັນ​ດຽວ​ກັນ ທີ່​ເກີດຈາກ ອຸປະຕິ​ເຫດ. ພາສາ​ Braille ​ໄດ້​ເລີ້ມ​ໃຊ້ ​ແລະ​ພັດທະນາ​ມາ​ແຕ່​ປີ 1824 ​ເວລານັ້ນ​ ທ່ານ Braille ມີ​ອາຍຸ​ໄດ້ 15 ປີ. ​

ປັດຈຸບັນ​ນີ້ລະບົບ​ການ​ອ່ານພາສາ Braille ​ໄດ້​ຖືກນໍາ​ໃຊ້​ໂດຍ​ຄົນ​ຕາບອດ ເປັນ​ພາສາ​ສາກົນ ​ໃຊ້​ກັນຢູ່​ທົ່ວໂລກ ​ແລະ​ໄດ້​ຖືກ​ພັດ​ທະ​ນາມາ​ໃຊ້​ກັນ​ຢູ່​ໃນ​ລະບົບ ຄອມ​ພິວ​ເຕີ້ ໃນ​ປັດ​ຈຸ​ບັນ. ທ້າວ​ແອ​ແກ້ວ ​ໄດ້​ເຫລົ່າ​ຊີວິດ​ຂອງ​ຄວາມ​ເປັນ​ມາ ໃນຄວາມບໍ່​ເຫັນ​ຊີວິດ​ຂອງ
ມະນຸດໂລກສູ່​ຟັງ​ວ່າ”

ລິງໂດຍກົງ

ແອ​ແກ້ວ ​ໄດ້​ໃຫ້​ຂໍ້​ສັງ​ເກດກ່ຽວ​ກັບ ສາ​ເຫດ​ວ່າ​ເປັນ​ຫຍັງ​ລາວ​ຈຶ່ງ​ເກີດ​ມາ​ເປັນ​ຄົນ​ພິການຕາບອດວ່າ “

ລິງໂດຍກົງ

ປັດ​ຈຸ​ບັນ​ນີ້ ທ້າວ​ແອ​ແກ້ວ ເຊົ່າ​ເຮືອນ​ນຶ່ງ​ຫ້ອງ​ນອນ ຢູ່ກັບ​ໝູ່ພິການ​ຕາບອດ​ນໍາ​ກັນ​ຫ້າ​ຄົນ
​ຢູ່​ທີ່ບ້ານ​ໜອງ​ສ້າງ​ທໍ່ ​ໃນ​ເຂດ​ນະຄອນຫລວງ​ວຽງຈັນ. ​ນອກຈາກ​ນັ້ນແລ້ວ ເຮືອນນຶ່ງ​ຫ້ອງ​ນອນທີ່​ມີ​ເນື້ອ​ທີ່​ອັນແຄ​ບໆ​ນີ້ ຍັງ​ໝູນ​ໃຊ້​ເປັນ​ ບ່ອນຮັບ​ຈ້າງ ​ບີບ​ນວດຮ່າງກາຍ ​ໃນ​ຕອນ​ກາງ​ເວັນ ​ເພື່ອ​ນໍາ​ເງິນມາ​ເປັນ​ຄ່າ​ໃຊ້​ຈ່າຍຕ່າງໆ. ໃນ​ຍາມ​ກາງຄືນ ທັງ​ຫົກ​ຄົນ ພາກັນ​ນອນ​ຢາຍກັນ​ຢູ່​ໃນ​ຫ້ອງເຮືອນດັ່ງກ່າວ​ ​ຊຶ່ງທ້າວ​ແອ​ແກ້ວ ​ເລົ່າ​ສູ່ ວີ​ໂອ​ເອ ຟັງ​ວ່າ :
ລິງໂດຍກົງ

​ທ້າວ​ແອ​ແກ້ວ ​ແລະ​ບັນດາໝູ່​ເພື່ອນຂອງ​ລາວ ເກີດ​ມາ​ບໍ່​ເຫັນ​ໂລກ ທີ່ເຂົາ​ເຈົ້າ​ກໍາລັງ​ອາ​ໄສ​ຢູ່​ນັ້ນວ່າ ​ມັນ​ມີ​ຄວາມ​ສວຍ​ງາມຢ່າງ​ໃດ ດອ​ກ​ໄມ້ມີ​ສີສັນ​ແນວ​ໃດ ​ແລະ​ມະນຸດ ມີ​ການ​ເໜັງຕີ​ງ ເຄື່ອນ​ໄຫວ​ຢ່າງ​ໃດ ​ແຕ່​ວ່າ​ເຂົາ​ເຈົ້າ​ຍັງ​ໂຊກ​ດີ ທີ່ຍັງ​ສາມາດ​ໄດ້ຍິນ​ສຽງ ​ແລະ​ໄດ້​ກິ່ນ​ຕ່າງໆ ທີ່ຕ້ອງ​ໄດ້​ໃຊ້​ມະ​ໂນ​ພາບ ວາດ​ພາບ​ຢູ່​ໃນ​ໂລກ​ຂອງ​ຕົນ​ເອງ. ແອ​ແກ້ວ ​ໄດ້​ສົ່ງ​ຄວາ​ມຂໍ​ຮ້ອງມາ​ຍັງ​ທ່ານ​ຜູ້​ຟັງ​ດັ່ງ​ນີ້:

ລິງໂດຍກົງ

​ໃນ​ວັນ​ທີ 13 ຫາ​ວັນ​ທີ່ 19 ​ເດືອນ​ທັນວາ ປີ 2013 ທີ່​ຜ່ານ​ມາ​ນີ້ ທ້າວແອ​ແກ້ວ ພ້ອມ​ດ້ວຍ​ຄະນະ​ຄົນ​ພິການ​ຕາບອດ 7 ຄົນ​ໄດ້​ຖືກ​ເຊື້ອ​ເຊີນ​ເດີນ​ທາງ​ເຂົ້າ​ຮ່ວມ ​ເທດສະການ ດົນຕີ​ນາໆ​ຊາດ ຄົນ​ຕາບອດ ທີ່​ປະ​ເທດ​ໄທ ​ຄັ້ງ​ທີ່​ສອງ ​ແຕ່​ວ່າ​ເປັນ​ເທຶ່ອທໍາ​ອິດ​ຂອງ ຄະນະ​ຄົນ​ພິການ​ຕາ​ບອດ​ ຈາກ ສປປ ລາວ ດັ່ງ​ທ່ານ​ຈະ​ໄດ້​ຟັງ​ການ​ເສບ ເພງ​ຊາວນາ ​ໂດຍ​ການ​ຄັບ​ຮ້ອງ​ຂອງ ​ແອ​ແກ້ວ ​ແລະ​ເສບ​ໂດ​ຍຄະນະ​ຄົນ​ຕາບອດ​ລາວ​.

ຄະນະວົງດົນຕີ ຄົນຕາບອດ ຈາກ ສປປ ລາວ
ຄະນະວົງດົນຕີ ຄົນຕາບອດ ຈາກ ສປປ ລາວ



ຖ້າ​ຫາກທ່ານ​ຜູ້​ຟັງ ມີ​ຄວາມ​ສົນ​ໃຈ​ຢາກ​ໃຫ້ການ​ຊ່ວຍ​ເຫ​ລື​ອ​ແກ່ ທ້າວ​ແອ​ແກ້ວ ກຸ​ມະ​ນິວົງ ​ແລະ​ຄະນະ ທ່ານ​ສາມາດ​ຕິດ​ຕໍ່​ໄດ້​ທາງ e-mail ທີ່ mpl_keo@yahoo.com ຫລື​ໂທລະສັບ​ຫາ​ໄດ້​ທີ່ 209-999-3423 ຖ້າ​ຫາກ​ທ່ານ ​ໂທ​ຈາກ ສະຫະລັດ ກະລຸນາໝູນ​ເລກ 011-856-209-999-3423.

ເບິ່ງຄວາມເຫັນ (16)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG