ລິ້ງ ສຳຫລັບເຂົ້າຫາ

logo-print

ພະນະທ່ານ ສະເຫລີມໄຊ ກົມມະສິດ ເອກອັກຄະລັດຖະທູດ ສປປ ລາວ ປະຈໍາ ສະ​ຫະ​ປະ​ຊາ​ຊາດ


ຈາກຊ້າຍຫາຂວາ ທ່ານນາງ ອາລຸນີ ພັນລະຍາ ພະນະທ່ານ ເອກອັກຄະລັດຖະທູດ ສະເຫລີມໄຊ ພ້ອມດ້ວຍ ທ່ານ Ban ki-Moon ເລຂາທິການໃຫຍ່ ອົງການສະຫະປະຊາຊາດ ແລະພັນລະຍາ ທ່ານນາງ Ban Soon-taek.
ສະບາຍດີ ທ່ານ​ຜູ້​ຟັງທີ່​ເຄົາລົບ ລາຍການ​ຊີວິດ​ຊາວ​ລາວ​ໃນ​ຕ່າງ​
ແດນ ​ແລງ​ວັນ​ພະຫັດ​ມື້​ນີ້ ​ເຮົາ​ຈະ​ນໍາ​ເອົາ​ ການ​ສໍາພາດ ພະນະ​
ທ່ານ ​ເອກ​ອັກຄະ​ລັດຖະທູດ ສະ​ເຫລີ​ມໄຊ ກົມມະ​ສິດ ຜູ້​ຕາງໜ້າ
ສປປ ລາວ ທີ່​ອົງ​ການ​ສະຫະ​ປະຊາ​ຊາດ ທີ່​ນະຄອນ​ນິວຢອກ
ມາສະ​ເໜີ​ທ່ານ. ​ເອກ​ອັກຄະລັດຖະທູດ ສະ​ເຫລີ​ມ​ໄຊ ​ໄດ້ປະຕິ
ບັດ​ໜ້າ​ທີ່ຕາງໜ້າ ສປປ ລາວ ມາ​ເປັນ​ເວລາ​ສອງ​ປີ​ແລ້ວ ​ແລະ​
ກໍ​ຫາ​ພົ້ນ​ຈາກ​ຕໍາ​ແໜ່​ງ. ກ່ອນ​ທ່ານ ​ແລະ​ຄອບຄົວ​ເດີນທາງ​ກັບ
​ສູ່ປະ​ເທດ​ລາວ ວີ​ໂອ​ເອ ​ໄດ້​ຖື​ໂອກາດ​ນີ້ ​ໂອ້​ລົມ​ກັບ​ທ່ານ ກ່ຽວ
​ກັບ ສາຍ​ສໍາ ພັນ​ລະຫວ່າງ ສປປ ລາວ ​ແລະ​ບັນດາ​ປະ​ເທດ​
ສາກົນ​ຕ່າງໆ​ ຢູ່​ທົ່ວ​ໂລກ ​ເຖິງ​ບາດກ້າວ​ອັນສໍາຄັນ​ຢ່າງ​ໃດ​ແດ່
ນັບ​ຕັ້ງ​ແຕ່​ປີ 1975 ມາ​ຈົນ​ເຖິງ​ເທົ້າ​ປັດ​ຈຸ​ບັນ ຊຶ່ງ​ກິ່ງສະຫວັນ
ຈະ​ນໍາ​ສະ​ເໜີ​ທ່ານ ​ໃນ​ອັນ​ດັບ​ຕໍ່​ໄປ.

ສະບາຍ​ດີ ທ່ານ​ຜູ້​ຟັງ​ທີ່​ເຄົາລົບ. ອົງການສະຫະ​ປະຊາ​ຊາດຫລືthe United Nations
ໄດ້ຖືກ​ສ້າງ​ຕັ້ງ​ຂຶ້ນມາ​ໃນວັນ​ທີ 24 ​ເດືອ​ນຕຸລາ ປີ 1945 ຫລັງຈາກ​ ສົງຄາມ​ໂລກ​ຄັ້ງ​ທີ​
ສອງ​ຍຸດຕິ​ລົງ ເພື່ອປ້ອງ​ກັນ​ ບໍ່​ໃຫ້​ເກີດ​ສົງຄາມ​ແບບ​ນັ້ນ​ອີກ​ ແລະ​ເພື່ອ​ສົ່ງ​ເສີມ​ການ​ຮ່ວມ​
ມື​ກັນລະຫວ່າງ​ນາໆ​ຊາດ. ​ປະທານາທິບໍດີສະຫະລັດ ທ່ານ Franklin Delano
Roosevelt ໄດ້ສະ​ເໜີ​ໃຫ້ມີການຈັດຕັ້ງອົງການໃໝ່ນີ້ ​ຂຶ້ນ​ມາ​ແທນອົງການສັນນິບາດ
ຊາດຫລື League of Nations ທີ່​ໄດ້​ຕັ້ງ​ຂຶ້ນ​ມາໃນສະໄໝ​ກ່ອນສົງຄາມ​ໂລກ​ຄັ້ງ​ທີ​ສອງ​
​ແລະ ບໍ່ມີ​ປະສິດທິ​ຜົນ​ຫຍັງເລີຍນັ້ນ. ໃນ​ຕອນ​ກໍ່​ຕັ້ງ​ໃໝ່ ອົງການ​ສະຫະປະຊາ​ຊາດ​ມີ​
ສະມາຊິກ ຢູ່ 51 ປະ​ເທດແຕ່​ບັດ​ນີ້​ມີ​ຮອດ 193 ປະເທດ ​ຮວມທັງປະ​ເທດລາວນໍາ ທີ່​ໄດ້​
ເຂົ້າເປັນສະມາຊິກ ​ໃນປີ 1955. ​

ໃນ​ໄລຍະ​ຫລາຍ​ສິບ​ປີຜ່ານ​ມາ​ນີ້ ສປປ ລາວ ​ເຖິງ​ແມ່ນ​ຈະ​ເປັນ​ປະ​ເທດ​ນ້ອຍ ​ແຕ່​ກໍ​ໄດ້​ມີ
​ບົດບາດ​ຢ່າງ​ແຂງ​ຂັນຢູ່​ໃນ​ປະຊາ​ຄົມ​ໂລກ​ແຫ່ງ​ນີ້ ອິງ​ຕາມ​ພະນະທ່ານ ​ສະ​ເຫລີ​ມ​ໄຊ
ກົມມະ​ສິດ ​ເອກ​ອັກຄະ​ລັດທ​ະ​ທູດ ຄົນ​ຫລ້າ​ສຸດ ປະ​ຈໍາ​ສໍານັກງານ​ຜູ້ຕາງໜ້າຖາ​ວອນ
ຂອງ ສປປ ລາວ ປະ​ຈໍາອົງການສະຫະ​ປະຊາ​ດທີ່​ນະຄອນ​ນິວຢອກທີ່​ໄດ້​ສະລະ​ເວລາ
ໃຫ້​ສໍາ​ພາດ​ກັບ​ວີ​ໂອ​ເອ ພາກ​ພາສາ​ລາວ. ​ແຕ່​ກ່ອນ​ຈະ​ຟັງການ​ສົນທະນາ​ກັບ​ພະນະ
ທ່ານສະ​ເຫລີ​ມໄຊ ກ່ຽວ​ກັບ​ບົດບາດ​ຂອງ​ລາວ​ທີ່​ ອົງການ​ສະຫະ​ປະຊາ​ຊາດ ນັ້ນ ຂ້າພະ​
ເຈົ້າ​ຂໍ​ແນະ​ນໍາ​ ໃຫ້​ທ່ານ​ຮູ້ຈັກ​ກັບນັກ ການ​ທູດ​ລາວ​ທ່ານ​ນີ້​ກ່ອນ.

ໃນ​ລະ​ຍະ​ສອງ​ປີ​ທີ່​ຜ່ານ​ມາ​ນີ້ ພະນະທ່ານ ເອກອັກຄະລັດຖະທູດ ສະເຫລີມໄຊ ກົມມະສິດ
ໄດ້​ມາ​ຮັບ​ໜ້າ​ທີ່ປະ​ຈຳ​ອົງ​ການສະ​ຫະ​ປະ​ຊາ​ຊາດຕາງ​ໜ້າ ສ​ປ​ປ ລາວ. ທ່ານ​ທູດສະ​ເຫລີມ
​ໄຊ ເກີດ​ເມື່ອວັນ​ທີ 31 ປີ 1968 ທີ່ແຂວງຫົວພັນ ​ແຕ່​ໄດ້​ມາ​ເຕີບ​ໃຫ​ຍ່ທີ່​ນະ​ຄອນ​ຫຼວງວຽງ
ຈັນ. ຫລັງຈາກຈົບມັດທະຍົມແລ້ວ ທ່ານໄດ້ເດີນທາງໄປສຶກສາຕໍ່ທີ່ປະເທດຣັດເຊຍຈາກປີ
1986 ຫາ​ປີ 1992 ຈົບປະລິນຍາໂທຝ່າຍ International Relations ຫລືຄວາມສໍາພັນ
ລະຫວ່າງປະ​ເທດຈາກມະຫາວິທະຍາໄລ Moscow State University of International Relations ທີ່ກຸງມົສກູ ປະເທດຣັດເຊຍ. ລະ​ຫວ່າງປີ 1996 ຫາປີ 1997 ທ່ານໄດ້ໄປສຶກ
ສາຕໍ່ ທີ່ມະຫາວິທະຍາ​ໄລ Monash ທີ່​ນະຄອນ Melboune ປະ​ເທດ Australia ຈົບ​ປະ
ລິນຍາໂທ ຝ່າຍ International Study and Development ຫລື ການ​ສຶກ​ສາ​ລະຫວ່າງ​
ຊາດ ​ແ​ລະກາ​ນພັດທະນາ. ພະ​ນະ​ທ່ານເອກ​ອັກ​ຄະ​ລັດ​ຖະ​ທູດ ສະ​ເຫລີ​ມ​ໄຊ ເວົ້າ​ໄດ້ ສີ່​ພາ​
ສາ ຄືລ​າວ ອັງກິດ ຝ​ຣັ່ງ ແລະ​ຣັດ​ເຊຍ. ​ທ່ານ​ໄດ້​ສ້າງ​ຄອບຄົວ​ກັບ ທ່ານ​ນາງ ອາ​ລຸ​ນີ ແລະມີ
​ລູກ​ສາວທີ່​ໜ້າ​ຮັກນໍາກັນ​ສອງ​ຄົນ.

​ພະ​ນະທ່ານ ສະ​ເຫລີມ​ໄຊ ​ໄດ້​ເຂົ້າ​ຮັບ​ໃຊ້​ປະ​ເທດ​ຊາດ ຢູ່​ກະຊວງ​ການ​ຕ່າງປະ​ເທດ​ມາ​ຕັ້ງ​
ແຕ່​ປີ 1992 ​ໃນ​ຫລາຍໆ​ຕໍາ​ແໜ່​ງດ້ວຍ​ກັນ ​ໂຮມ​ທັງ ຮອງອະທິບໍດີກົມຢູ​ໂຣບ ແລະ​ອາ​ເມ
ຣິກາ ອະທິບໍດີກົມ​ອົງການ​ຈັດ​ຕັ້ງ​ສາກົນ ​ແລະລັດຖະມົນຕີ​ຊ່ວຍ​ກະຊວງ​ການ​ຕ່າງປະ​ເທດ
ຈາກ​ປີ 2011 ຫາ 2012 ກ່ອນ​ເດີນ​ທາງ​ມາ​ຮັບ​ໜ້າ​ທີ່ ເປັນ​ເອກ​ອັກຄະ​ລັດຖະທູດ ປະ​ຈໍາ​ອົງການສະຫະປະຊາ​ຊາດ ຊຶ່ງ​ກ່ອນ​ໜ້ານັ້ນ ທ່ານກໍ​ໄດ້​ມາ​ຮັບ​ຕໍາ​ແໜ່​ງ​ ເປັນເລຂາທີ​ສອງ ປະຈໍາສໍານັກງານຜູ້ຕາງໜ້າຖາວອນ ຂອງ ສປປ ລາວ ປະ​ຈໍາສະຫະ​ປະຊາ​ດ ທີ່ນະຄອນ
​ນິວຢອກ ຈາກ​ປີ 2000-2003.

ພະ​ນະ​ທ່​ານ ເອກ​ອັກ​ຄະ​ລັດ​ຖະ​ທູດ ສະ​ເຫລີມ​ໄຊ ກົມ​ມະ​ສິດ ໄດ້​ເລົ່າ​ເຖິງ​ໜ້າ​ທີ່ຄວາມ​ຮັບ​ຜິດ​ຊອບຂອງທ່ານ ຕໍ່ວີ​ໂອ​ເອ ດັ່ງ​ນີ້:

ພະນະທ່ານ ເອກອັກຄະລັດຖະທູດ ສະເຫລີມໄຊ ກົມມະສິດ ແລະ ເລຂາທິການໃຫຍ່ ສະຫະປະຊາຊາດ ທ່ານ Ban ki-Moon
ພະນະທ່ານ ເອກອັກຄະລັດຖະທູດ ສະເຫລີມໄຊ ກົມມະສິດ ແລະ ເລຂາທິການໃຫຍ່ ສະຫະປະຊາຊາດ ທ່ານ Ban ki-Moon





ນັບ​ຕັ້ງ​ແຕ່ ໄດ້ສະຖາປະນາຕົນ​ເອງ​ຂຶ້ນ​ມາ​ເປັນ ສ​ປປ ລາວ ​ໃນປີ 1975 ມາ​ຈົນ​ເຖິງ​ປັດ​ຈຸ​ບັນ ຄວາມ​ຄືບ​ໜ້າທາງ​ດ້ານການ​ປະຕິ​ບັດ​ງານ ​ໃນ​ອົງການ​ສະຫະ​ປະຊາ​ຊາດນັ້ນ​ ມີ​ອັນ​ໃດ​ແດ່?


ຟັວການສໍພາດ ພະນະທ່ານ ເອກອັກຄະລັດຖະທູດ ສະເຫລີມໄຊ ກົມມະສິດ
ຟັວການສໍພາດ ພະນະທ່ານ ເອກອັກຄະລັດຖະທູດ ສະເຫລີມໄຊ ກົມມະສິດ





ຜົນ​ງານທີ່​ໂດດ​ເດັ່ນ​ສຸດຂອງ ສປປ ລາວ ​ທີ່ໄດ້​ປະກອບ​ສ່ວນ ຢູ່​ໃນເວທີ​ສາກົນ ​ແຫ່ງ​ນີ້ ແມ່ນ​ຫຍັງ?


ພະນະທ່ານ ເອກອັກຄະລັດຖະທູດ ສະເຫລີມໄຊ ກົມມະສິດ
ພະນະທ່ານ ເອກອັກຄະລັດຖະທູດ ສະເຫລີມໄຊ ກົມມະສິດ





ກ່ຽວກັບສະພາບການເປັນຢູ່ຂອງປະຊາຊົນລາວ ໃນປັດຈຸບັນ ທ່ານເຫັນວ່າໄດ້ຖືກຍົກ
ລະດັບ ​ແລະປັບປຸງໃຫ້ດີຂື້ນ ໜ້ອຍຫລາຍປານໃດ ແລະກ່ຽວກັບດ້ານສິດທິມະນຸດ ຢູ່
ໃນ ສປປ ລາວ ທ່ານພໍຈະໃຫ້ຂໍ້ຄິດເຫັນ ໄດ້ຢ່າງໃດ​ແດ່?

ຟັງການສໍາພາດ ພະນະທ່ານ ເອກອັກຄະລັດຖະທູດ ສະເຫລີມໄຊ ກົມມະສິດ
ຟັງການສໍາພາດ ພະນະທ່ານ ເອກອັກຄະລັດຖະທູດ ສະເຫລີມໄຊ ກົມມະສິດ





ທີ່​ທ່ານ​ໄດ້ຟັງ​ສີ້​ນສຸດ​ລົງ​ໄປ​ນັ້ນ​ແມ່ນ​ການ​ໃຫ້​ສໍາພາດ ພະນະ​ທ່ານ ​ເອກ​ອັກຄະ​ລັດຖະທູດ
ສະ​ເຫລີ​ມ​ໄຊ ກົມມະ​ສິດ ຜູ້ຕາງໜ້າ​ງ ສ​ປປ ລາວ ທີ່ອົງການ​ສະຫະ​ປະຊາ​ຊາດ ປະ​ຈໍາ​ນະ
ຄອນ​ນິວຢອກ ສະຫະ​ລັດ ອາ​ເມຣິກາ. ທ່ານ ສາມາດ​ຕິດຕາມ​ຟັງ​ການ​ສໍາພາດ ​ເຖິງ​ລາຍ​ລະອຽດ​ທັງ​ໝົດ​ໄດ້ ​ໃນ ແວັບ​ໄຊ້ທ໌ຂອງ​ເຮົາ​ ​ທີ່ lao.voanews.com

ເບິ່ງຄວາມເຫັນ (35)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG