ລິ້ງ ສຳຫລັບເຂົ້າຫາ

logo-print

ສຳ​ພາດ ນາງທອງວອນ ສໍສຳພັນ ທີ່ໄດ້ຮັບທຶນ ມາທັດສະນະສຶກສາ ຢູ່ ສະຫະລັດ


ນາງທອງວອນ ສໍສຳພັນ ກຳລັງຖືກແນະນຳ ຈາກ ປະທານາທິບໍດີ Barack Obama ທີ່ ທຳນຽບຂາວ.

ທ່ານ​ຜູ້​ຟັງ​ທີ່​ເຄົາລົບ ລາຍການ​ຊີວິດ​ຊາວ​ລາວແລງ​ມື້​ນີ້ ​ເຮົາ​ຈະ​
ນຳ​ເອົາ​ການ​ສຳພາດນາງທອງ​ວອນ ສໍ​ສຳພັນ ນຶ່ງ​ໃນ​ຈຳນວນ
ຫ້າຄົນຈາກ ສປປ ລາວ ທີ່ໄດ້ຮັບທຶນ​ໂຄ​ງການລິ​ເລີ້ມຜູ້ນຳຊາວ
ໜຸ່ມ​ຈາກ​ເຂດເອ​ເຊຍ​ຕາ​ເວັນ​ອອກສຽງ​ໃຕ້​ ຫລື Young South
east Asian Leadership Initiative Program ເພື່ອມາ ທັດ
ສະນະສຶກສາອົບຮົມ ຢູ່ສະຫະລັດ ເປັນເວລາຫ້າອາທິດ ແລະ
ໃນຕອນທ້າຍ ໝົດທັງຄະນະໄດ້ເຂົ້າພົບ ປະທານາທິບໍດີ Barack
Obama ຢູ່ທີ່ທຳນຽບຂາວ ຊຶ່ງ ກິ່ງ​ສະຫວັນ ຈະ​ນຳ​ເລື້ອງ​ນີ້ ​ມາສະ​
ເໜີ​ທ່ານ.

ສະບາຍ​ດີ ທ່ານ​ຜູ້​ຟັງ​ທີ່​ເຄົາລົບ ລາຍການ​ຊີວິດ​ຊາວ​ລາວ ມື້​ນີ້ ຂ້າພະ​ເຈົ້າ ຂໍ​ແນະນຳ​ໃຫ້
​ທ່ານ​ຮູ້ຈັກ​ກັບ ນາງ​ທອງ​ວອນ ສໍ​ສຳພັນ ນຶ່ງ​ໃນ​ຈຳນວນ​ນຜູ້ທີ່ໄດ້ຮັບທຶນ​ຫ້າ​ຄົນຈາກ ສປປ
ລາວ ຊຶ່ງມີຮວມທັງ ທ້າວບຸນມີ ສີບຸນເຮືອງ, ນາງສິລິໄພທູນ ໄຊຍະມຸງຄຸນ, ນາງມານິດຕາ ເຕົາສຸວັນ ແລະ ນາງຈິນຕະນາພອນ ແກ້ວວີຈິດ ອັນເປັນ​ສ່ວນ​ນຶ່ງ​ ຂອງ​ 75 ຄົນ ຈາກສິບ​
ປະ​ເທດສະມາຊິກຂອງ​ສະມາຄົມອາຊ່ຽນ ທີ່​ໄດ້​ຮັບທຶນ​ໂຄ​ງການຜູ້ນຳຊາວໜຸ່ມ​ຈາກ​ເຂດ
ເອເຊຍຕາ​ເວັນ​ອອກສຽງ​ໃຕ້​ ທີ່ເອີ້ນ ຫຍໍ້ວ່າ YSEALI ມາທັດສະນະ​ສຶກສາ ​ເປັນ​ເວລາ​ຫ້າ
​ອາທິດ ຢູ່ໃນ​ທົ່ວ​ສະຫະລັດອາ​ເມຣິກາ.

ທອງ​ວອນ ​ໄດ້ມາສຶຶກສາ​ສັງ​ເກດການ ເບິ່ງການບໍລິ​ຫານລັດຖະບານ​ທ້ອງ​ຖິ່ນ ສະ​ມາ​ຄົມ
​ຕ່າງໆ ອົງການ​ຈັດ​ຕັ້ງ​ທີ່​ບໍ່ຫວັງຜົນ​ກຳ​ໄລ ​ແລະ​ໃຊ້​ເວ​ລາ​ໃນ​ວັນ​ທ້າຍ​ສັບ​ປະ​ດາຢູ່ກັບ​ຄອບ
ຄົວ​ຊາວອາ​ເມ​ຣິ​ກັນ ທີ່​ໃຫ້​ຄວາ​ມ​ອຸບ​ປະ​ຖຳ​ຢູ່ເມືອງ Decatur ລັດ Georgia ທາງ​ພາກ
​ໃຕ້ຂອງສະຫະລັດ. ​

ນາງທອງວອນ ສໍສຳພັນ
ນາງທອງວອນ ສໍສຳພັນ

ທອງ​ວອນ ເປັນຍິງສາວທີ່ວ່ອງ​ໄວ ​ແລະ​ສະຫລາດ​ຫລັກ​ແຫລມ
​ສຳ​ເລັດປະລິນຍາ​ຕີ ຈາກມະຫາວິທະຍາ​ໄລ​ແຫ່ງ​ຊາດ ໃນ​ປີ
2005 ຝ່າຍສັງຄົມ​ວິທະຍາ ​ແລະ​ພັດທະນາ​ສັງຄົມ. ທອງ​ວອນ
ໄດ້​ເລີ້ມ​ເຮັດວຽກກັບ ອົງການ​ສະຫະ​ປະຊາ​ຊາດ ຝ່າຍອາຫານ
ແລະ​ກາ​ນກະ​ເສດ ຕໍ່​ມາ​ໄດ້​ເຮັດ​ວຽກ​ໃຫ້​ອົງການ​ເກັບ​ກູ້​ລະ​ເບີດ
ທີ່​ຍັງ​ບໍ່​ທັນ​ແຕກ ເລີ້ມແຕ່​ປີ 2011 ​ຈົນເທົ່າເຖິງປັດ​ຈຸ​ບັນ. ພື້ນ
ຖານການ​ສຶກສາ​ ໄດ້​ກາຍ​ມາ​ເປັນ​ຈຸດ​ນຳພາ ​ໃຫ້ທອງ​ວອນ
ສ​ະ​ແຫວ​ງຫາ​ຄວາມ​ຮູ້​ດ້ານ ການ​ບໍລິຫານ​ສັງຄົມ ທີ່ໄດ້ນຳພາ​
ທອງ​ວອນ​ ມາສູ່ການ​ອົບຮົມທີ່ ສະຫະລັດ ​ແລະ​ຢ້ຽມຢາມທຳ
ນຽບຂາວ ທີ່​ນະຄອນຫລວງວໍ​ຊິງ​ຕັນ ດີ.ຊີ.

​ໂຄງການ​ລິ​ເລີ້ມ​ຜູ້​ນຳຊາວໜຸ່ມ ​ເອ​ເຊຍ​ຕາ​ເວັນ​ອອກສຽງ​ໃຕ້ ​ແມ່ນ​ໂຄ​ງການ​ທີ່​ໄດ້​ເລີ້ມມາ​
ແຕ່​ປີ 2013 ​ໂດຍ​ການ​ກໍ່​ຕັ້ງ ຂອງປະທາ​ນາ​ທິບໍດີ ສະຫະລັດອາ​ເມຣິກາ ທ່ານ Barack
Obama ​ເພື່ອ​ຊຸກຍູ້​ໃຫ້​ບັນດາ​ຊາວ​ໜຸ່ມ​ອາຍຸ​ແຕ່​ 18 ຫາ 25 ປີ ​ແລະຜູ້​ບໍລິຫານ​ລະດັບ
​ກາງ ອາຍຸ​ບໍ່​ກາຍ 35 ປີ ທີ່​ກຳລັງ​ປະ​ຕິ​ບັດ​ງານ​ ເພີ້​ມພູນ​ພັດທະນາ​ເສດຖະກິດ ປ້ອງ​ກັນ
​ສິ່ງ​ແວດ​ລ້ອມ ການ​ສຶກສາ ແລະ​ພົວພັນ​ກັບພົນລະ​ເມື​ອງ​ ໃນ​ເອ​ເຊຍຕາ​ເວັນ​ອອກສຽງ​ໃຕ້.
​ບັນດາ​ຊາວ​ໜຸ່ມ​ເຫລົ່າ​ນີ້​ມາ​ຈາກ ສິບ​ປະ​ເທດສະມາຊິກ ຂອງ​ສະມາຄົມ ASEAN. ​ໂຄງ​
ການລິ​ເລີ້ມ​ ຜູ້​ນຳ ຊາວໜຸ່ມ​ ເອ​ເຊຍ​ຕາ​ເວັນ​ອອກສຽງ​ໃຕ້ ​ແມ່ນ​ບັນດາ​ນັກສຶກສາ ​ທີ່ຫາ​ກໍ​
ສຳ​ເລັດ​ການ​ສຶກສາ ​ແລະໄດ້​ຮັບ​ທຶນມາ​ທັດ​ສະ​ນະ​ສຶກສາ ​ຢູ່ທົ່ວສະຫະລັດ ​ເປັນ​ເວລາ​ຫ້າ​
ອາທິດ.

​ໂຄງ​ການລິ​ເລີ້ມຜູ້ນຳຊາວໜຸ່ມ​ ເອ​ເຊຍ​ຕາ​ເວັນ​ອອກສຽງ​ໃຕ້ ​ແມ່ນ​ການ​ສຶກສາລະດັບ​ບໍລິ
ຫານ ​ເລັ່ງລັດ​ໃນ​ລະຍະ​ສັ້ນໆ ມີ​ຈຸດປ​ະສົງ​ໃຫ້ບັນດາ​ຜູ້ນຳຊາວ​ໜຸ່ມ​ເຫລົ່າ​ນີ້​ ມີ​ຄວາມ​ເຂົ້າ
​ໃຈ​ຢ່າງ​ເລິກ​ເຊິ່​ງ ກ່ຽວ​ກັບສະຫະລັດ ​ແລະໃນຫົວ​ເລື້ອງ​ໂດຍ​ສະ​ເພາະກັບ​ການ​ຍົກ​ລະດັບ
ຄວາມ​ຊ່ຽວຊານ​ດ້ານ​ການ​ເປັນ​ຜູ້ນຳ​ຂອງ​ເຂົາ​ເຈົ້າ. ບັນດາ​ຜູ້​ໄດ້​ຮັບ​ທຶນ​ ​ໄດ້​ເນັ້ນ​ໜັກ​ໃສ່​ຫົວ
​ຂໍ້ໃຫຍ່​ສຳຄັນຄື ການສຶກສາສ່ວນຮວມປະຊາຄົມ ​ອະນຸລັກ​ສິ່ງ​ແວດ​ລ້ອມ ​ແລະ ຜູ້​ບໍລິຫານ
​ປະຊາ​ຄົມ ​ແລະ​ການ​ພັດທະນາເສດຖະກິດ.

ນອກ​ນັ້ນ ​ບັນດາ​ນັກ​ສຶກສາ​ຍັງ​ໄດ້ຮຽນຮູ້​ວ່າ ປະຊາຊົນ​ໄດ້​ຫລໍ່​ຫລອມ ປະຫວັດສາດ ສະຫະລັດ ລັດຖະບານ ​ແລະ​ສັງຄົມ ສ່ວນ​ບຸກຄົນ ​ແລະ​ກຸ່ມ​ຕ່າງໆ​ຢ່າງ​ໃດ. ​ເຂົາ​ເຈົ້າ​ຍັງໄດ້
ຮຽນ​ຮູ້​ ຕີ​ຄວາມ​ໝາຍ ການ​ພົວ​ພົວພັນຂອງ​ພົນລະ​ເຮືອນ ສຶຶກສາ​ການ​ພັດທະນາ ​ຢູ່​ໃນສະ
ຫະລັດ ​ແລະ​ຄົ້ນຄວ້າ​ໃນ​ຫົວ​ຂໍ້​ຕ່າງໆ ​ເຊັ່ນ​ວ່າ ການ​ເປັນ​ພົນລ​ະ​ເມືອງ ການ​ສ້າງສາ​ສັງຄົມ
ພັດທະນາ​ເສດຖະກິດ ຮາກ​ເຫງົ້າ ການ​ເຄື່ອນ​ໄຫວ ຜູ້ນຳ​ການ​ເມືອງ ​ແລະ​ການ​ອາສາ​ສະ
ມັກ. ບັນດາ​ນັກ​ສຶກສາ​ເຫລົ່າ​ນີ້ ຍັງ​ມີ​ໂອກາດໄປ​ພົບ​ປະ​ກັບ ບັນດາ​ຜູ້ນຳ​ສັງຄົມ ​ນັກທຸລະ
​ກິດ ​ແລະ​ຜູ້ຕາງໜ້າ​ອົງການ​ຈັດຕັ້ງ​ທີ່​ບໍ່​ຫວັງຜົນ​ກຳ​ໄລ. ​ນອກຈາກ​ນັ້ນຍັງໄດ້ຖືກ​ນຳ​ທ່ຽວ
​ບ່ອນ​ທີ່​ເຂົາ​ເຈົ້າ​ໄດ້​ພົບ​ກັບ​ຄົນ​ທ້ອງ​ຖິ່ນ ລັດຖະບານ ​ເອກ​ກະ​ຊົນ ​ແລະ​ອົງການ​ຈັດ​ຕັ້ງບໍ່
​ຫວັງຜົນ​ກຳ​ໄລ ທີ່ກຳລັງ​ປະຕິບັດ​ງານ​. ​ໃນທີ່​ສຸດ ບັນດາ​ນັກ​ສຶກສາ ​ໄດ້​ມາສະຫລຸບ​ການ
ຢ້ຽມຢາມ ຢູ່​ທີ່ທຳນຽບຂາວ ນະຄອນຫລວງວໍ​ຊິງ​ຕັນ ດີ.ຊີ.

​ພາຍ​ໃຕ້​ໂຄງກາ​ນດັ່ງກ່າວ​ນີ້ ​ຜູ້ໄດ້ທຶນຈາກລາວທັງໝົດຫ້າ​ຄົນ​ເຂົ້າ​ຮ່ວມ. ເຂົ​າ​ເຈົ້າໄດ້​ອອກ​ເດີນທາງ ຈາກ ສປປ ລາວ ​ໃນ​ວັນ​ທີ 29 ​ເມສາ ​ແລະໄດ້ກັບ​ຄືນສູ່​ບ້ານ​ເຮືອນໃນ​ວັນ​ທີ 6 ​ເດືອນ​ມິຖຸນາ ທີ່​ຜ່ານ​ມາ​ນີ້. ເພື່ອ​ຕິດ​ຕາມ​ກ່ຽວ​ກັບ​ໂຄງອົບຮົມ​ດັ່ງກ່າວ ​ວີ​ໂອ​ເອ ​ໄດ້​ສຳພາດ ນາງ​ທອງ​ວອນ ສໍສຳພັນ ນຶ່ງ​ໃນ​ຈຳນວນ​ຜູ້ໄດ້ຮັບທຶນຈາກ ສປປ ລາວ ຫ້າ​ຄົນ ຊຶ່ງ​ນາງ​ໄດ້​ກ່າວ​ເຖິງ​ຊີວິດຄວາມ​ເປັນມາ ເບື້ອງ​ຕົ້ນຕໍ່ ວີ​ໂອ​ເອ ດັ່ງ​ນີ້:

ນາງທອງວອນ ສໍສຳພັນ ທີ່ ສປປ ລາວ
ນາງທອງວອນ ສໍສຳພັນ ທີ່ ສປປ ລາວ

ລິງໂດຍກົງ

ກ່ຽວ​ກັບ​ການ​ສອບ​ເ​ສັ​ງ​ເອົາ​ທຶນ Young Southeast Asian Leadership Initiative ທີ່ກຳກັບ​ໂດຍ ສະຖານທູດ ສະຫະລັດ ​ປະຈຳ​ນະຄອນຫລວງວຽງ​ຈັນ ທອງ​ວອນ ​ໄດ້ກ່າວ​ເຖິງຂັ້ນ​ຕອນ​ດັ່ງ​ນີ້:

ນາງທອງວອນ ສໍສຳພັນ ທີ່ ສປປ ລາວ
ນາງທອງວອນ ສໍສຳພັນ ທີ່ ສປປ ລາວ

ລິງໂດຍກົງ

ບັນດາ​ນັກ​ສຶກສາຈາກສິບ​ປະ​ເທດ ສະມາຊິກຂອງ​ສະມາຄົມ​ບັນດາ​ປະ​ຊາ​ຊາດ ​ໃນ​ເຂດ​ເອ​ເຊຍ​ຕາ​ເວັນ​ອອກ​ສຽງ​ໃຕ້ ​ໄດ້​ແຈກ​ຢາຍ​ກັນ​ອອກໄປ​ສຶກສາ​ຢູ່​ທົ່ວ ສະຫະລັດ ​ເປັນ​ເວລາ​ຫ້າ​ອາທິດ ​ຊຶ່ງ​ແລ້ວ​ແຕ່​ຂະ​ແໜງ​ການ​ອົບຮົມ ທີ່​ເຂົາເຈົ້າເລືອກ​ເອົາ. ສ່ວນນາງ​ທອງ​ວອນ ​ໄດ້​ເລືອກເອົາ​ການ​ບໍລິຫານ​ແລະ​ຄຸ້ມ​ຄອງ ວຽກ​ງານ ທີ່ໄດ້​ເຮັດ​ໃຫ້​ນາງ​ມາ​ຕົກ​ຢູ່​ເມືອງ Decatur ລັດ Georgia ​ທາງພາກ​ໃຕ້​ຂອງສະຫະລັດ. ນາງທອງ​ວອນ​ ​ໄດ້​ເລົ່າ​ປະສົບ​ການສູ່​ຟັງ​ດັ່ງ​ນີ້:

ບັນດານັກສຶກສາ ຍົກມືຊັກຖາມ ປະທານາທິບໍດີ Barack Obama
ບັນດານັກສຶກສາ ຍົກມືຊັກຖາມ ປະທານາທິບໍດີ Barack Obama

ລິງໂດຍກົງ

ໃນ​ຕອນ​ທ້າຍ​ສຸດ​ ​ເຂົາ​ເຈົ້າ​ໄດ້ເດີນທາງ​ມາ​ເຕົ້າ​ໂຮມພົບພໍ້ສະຫລຸບ​ຜົນງານ​ ຢູ່​ທີ່​ນະຄອນຫລວງວໍ​ຊິງ​ຕັນ ຊຶ່ງ​ທອງ​ວອນ ໄດ້​ເລົ່າ​ສູ່​ຟັງ​ດັ່ງນີ້​:

ບັນດານັກສຶກສາ ອ້ອມລ້ອມ ທັກທາຍ ປະທານາທິບໍດີ Barack Obama
ບັນດານັກສຶກສາ ອ້ອມລ້ອມ ທັກທາຍ ປະທານາທິບໍດີ Barack Obama

ລິງໂດຍກົງ

ສິ່ງ​ສຳຄັນ​ທີ່​ສຸດ​ຂອງ​ການ​ມາຢ້ຽມຢາມນະຄອນຫລວງວໍ​ຊິງ​ຕັນ ຂອງ​ບັນດາ​ນັກ​ສຶກສາ​ທັງ​ໝົດ​ນີ້ ​ກໍ​ເພື່ອພົບ​ປະ​ກັບປະ​ທາ​ນາ​ທິບໍດີ Barack Obama ຜູ້​ກໍ່​ຕັ້ງ​ໂຄງການ Young Southeast Asian Leaders Initiative Program. ທອງ​ວອນ ​ໄດ້​ກ່າວ​ເຖິງ​ຄວາມ​ຕື່ນ​ເຕັ້ນ ​ແລະ​ກຽດ​ຕິຍົດ​ຕອນ​ນີ້​ວ່າ :

ນາງທອງວອນ ແລະຫົວໜ້າເຈົ້າໜ້າທີ່ດັບເພີງ ທີ່ເມືອງ Decatur, Georgia.
ນາງທອງວອນ ແລະຫົວໜ້າເຈົ້າໜ້າທີ່ດັບເພີງ ທີ່ເມືອງ Decatur, Georgia.

ລິງໂດຍກົງ

ທອງ​ວອນ​ ໄດ້​ເດີນ​ທາງ​ມາ​ເຫັນ ສະຫະລັດ ອາ​ເມຣິກາ ​ເປັນ​ເທື່ອ​ທຳ​ອິດ ​ໄດ້​ໄປ​ສັງ​ເກດ​
ການອົບຮົມຢູ່ເມືອງ Decatur ລັດ Georgia ພາກໃຕ້​ຂອງ ສະຫະລັດ ​ໄດ້​ຖືກ​ຮັບ​ຕ້ອນ​
ຈາກ​ລັດຖະບານທ້ອງ​ຖິ່ນ ​ສັງ​ເກດ​ການ​ຈັດ​ຕັ້ງ​ຂອງ ເມືອງ ​ໃຊ້​ເວລາ​ຢູ່​ກິນ​ກັບນຳ​ປະຊາ
ຊົນ ທອງ​ວອນ ​ໄດ້​ໄປ​ຢ້ຽມຢາມອະນຸສາວະລີ ທ່ານ Martin Luther King Jr. ນັກ​
ເຄື່ອນໄຫວ​ຮຽກຮ້ອງ​ເອົາ​ສິດ ທິພົນລະເມືອງ ​ແລະ​ໃນ​ທີ່​ສຸດ​ກໍ​ໄດ້​ເດີນທາງ​ມາ​ພົບພໍ້
ປະທານາທິບໍດີ ສະຫະລັດ ທ່ານ Barack Obama ຢູ່ທີ່ທຳນຽບຂາວ ຊຶ່ງທ່ານໄດ້ກ່າວ ກ່ຽວກັບປະສົບການຂອງທອງວອນ ໃນຕອນນຶ່ງວ່າ:

“ທອງ​ວອນ ສໍ​ສຳພັນ ​ໄດ້​ມາ​ຢູ່​ທີ່​ນີ້​ຈາກລາວ ຢູ່ໃສ ເຊີນລຸກຂຶ້ນ ນາງມານີ້ຈາກ ລາວ. ​ທີ່
ນະຄອນ Atlanta ນາງ​ໄດ້​ໄປ​ຢ້ຽມຢາມ​ອະນຸ​ສາ​ວະລີແລະສູນກາງ ທີ່​ສ້າງຂຶ້ນເພື່ອໄວ້ອາ
​ໄລ​ ແກ່ມື້​ລາງອາຈານ ດຣ. Matin Luther King Jr. ນາງ​ໄດ້ປະທັບໃຈ​ ໃນຄຳ​ເວົ້າ​ອັນ
ນຶ່ງຂອງ Dr. King ທີ່​ກ່າວ​ວ່າ ຄຳ​ຖາມທີ່ມີຢູ່ ເລື້ອຍໆແລະ​ຮີບ​ດ່ວນທີ່​ສຸດກໍຄື ທ່ານ​ໄດ້​ເຮັດ
​ຫຍັງແດ່ໃຫ້​ແກ່​ຄົນ​ອື່ນໆ ​ແລະ​ນັ້ນ​ໄດ້​ເຮັດ​ ​ໃຫ້​ນາງຄິດ​ເຖິງ​ຄວາມ​ຈິງ​ຂອງຄວາມໝາຍການ
​ເປັນ​ຜູ້ນຳ​ພາ ​ແລະ​ນາງ​ໄດ້​ຂຽນໄວ້​ຢ່າງ​ງົດ​ງາມ ​ແລະ​ຂ້າ​ພ​ະ​ເຈົ້າ​ຢາກ​ໃຫ້​ທຸກ​ຄົນ​ໄດ້​ຟັງ.
“ການ​ນຳພາມີຢູ່​ໃນ​ໂຕ​ຂອງ​ທ່ານ​ເອງ ທຸກ​ຄົນ​ສາມາດ​ເປັນ​ຜູ້ນຳ​ໄດ້ ​ເພາະ​ວ່າ​ ທຸກ​ຄົນ​ສາ
ມາດ​ໃຫ້ ການ​ຮັບ​ໃຊ້​ໄດ້ ທ່ານ​ບໍ່​ຈຳ​ເປັນ​ຈະ​ຕ້ອງ​ມີ​ປະລິນຍາ​ ຈາກ​ມະຫາວິທະຍາ​ໄລ​ ໃນ​
ການ​ນຳພາ ທ່ານ​ບໍ່​ຈຳ​ເປັນ​ທີ່​ຈະ​ຮູ້​ຫລາຍ​ກວ່າ​ຄົນ​ອື່ນ ສິ່ງ​ທີ່​ທ່ານ​ຕ້ອງການ​ກໍ​ຄື ຄຸນຄວາມ​
ດີທີ່ເຕັມອົກເຕັມໃຈ ແລະຈິດວິນຍານ ​ທີ່ເກີດຈາກຄວາມ​ຮັກ" ດີ​ຫລາຍ.

ສ່ວນວ່າທອງ​ວອນ ມີ​ຄວາມ​ຮູ້ສຶກ​ຢ່າງ​ໃດ ທີ່​ຈະ​ນຳ​ເອົາການ​ຮຽນ​ຮູ້ ​ແລະ​ປະສົບ​ການທັງ​ໝົດ​ນີ້ ​ໄປ​ເຜີຍ​ແຜ່​ຢູ່ ສປປ ລາວ​ ນັ້ນ ນາງກ່າວວ່າ:

ນາງທອງວອນ ທີ່ ສປປ ລາວ
ນາງທອງວອນ ທີ່ ສປປ ລາວ

ລິງໂດຍກົງ

ນັ້ນ​ແມ່ນ​ການ​ສຳພາດ ນາງ​ທອງ​ວອນ ຜູ້ໄດ້ຮັບ​ຈາກ ສປປ ລາວ ຖ້າ​ຫາກ​ທ່ານມີ​ຄວາມ​ໄຝ່ຝັນ ຢາກ​ໃຫ້ມີການ​ປ່ຽນ​ແປງ​ໃນ​ສິ່ງ​ແວດ​ລ້ອມ ​ແລະ​ປະຊາຄົມຢູ່ອ້ອມ​ແອ້ມ​ທ່ານນັ້ນ
ແລະ​ຖ້າ​ຫາກທ່ານ​ເປັນຄົນ​ສັນຊາດບຣູ​ໄນ ກຳປູ​ເຈຍ ອິນ​ໂດ​ເນ​ເຊຍ ມາ​ເລ​ເຊຍ ມຽນມາ
ຟິລິບ​ປີນ ລາວ ສິງກະ​ໂປ ​ໄທ ​ແລະ​ຫວຽດນາມທີ່ອາຍຸ 18 ຫາ 35 ປີ ທີ່​ຢາກ​ເປັນ​ຜູ້ນຳ
ຊາວໜຸ່ມເອ​ເຊຍ​ຕາ​ເວັນ​ອອກສຽງ​ໃຕ້ ກະລຸນາ​ຕິດ​ຕໍ່​ເປັນ​ສະມາຊິກ​ໄດ້​ທີ່

https://youngsoutheastasianleaders.state.gov ​ ​ໂປດ​ຢ່າ​ລືມ​ຕິ​ດ ຕາມ​ອ່ານ ຟັງ​ລາຍ​ງານ​ເພີ້​ມ​ເຕີມ ​ແລະ​ເບິ່ງ​ຮູບ​ພາບ ກ່ຽວ​ກັບ​ເລື້ອງ​ນີ້​ໄດ້ ທີ່​ໜ້າ​ແວັບ​ໄຊ​ທ໌ ຂອງ
ວີ​ໂອ​ເອ.

http://icma.org/en/icma/knowledge_network/blogs/blogpost/3487/My_day_at_Martin_Luther_King_Jr_a_national_historic_site

http://www.shallownation.com/2015/06/01/video-president-obama-speech-at-the-white-house-young-southeast-asian-leaders-initiative-yseali-fellows-program-event-june-1-2015/

ເບິ່ງຄວາມເຫັນ (14)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG