ທ່ານຜູ້ຟັງທີ່ເຄົາລົບ ລາຍການຊີວິດຊາວລາວ ມື້ນີ້ຈະນຳສະເໜີ
ການສຳພາດ ລິນດາ ອິນທະວົງ ຢູ່ປະເທດການາດາ. ລິນດາ
ແມ່ນລູກຫລານລາວ ເກີດຢູ່ ນະຄອນ Montreal ປະເທດການາ
ດາ ປັດຈຸບັນນີ້ນາງເຮັດວຽກເປັນ ຜູ້ຊ່ວຍເພສັດຊະກຳ. ສິ່ງທີ່ໜ້າ
ສົນໃຈກ່ຽວກັບ ລິນດາ ກໍຄື ນາງມີພອນສະຫວັນ ສາມາດປາກພາ
ສາລາວໄດ້ເປັນຢ່າງດີ ພ້ອມທັງພາສາຝຣັ່ງ ແລະອັງກິດ. ລິນດາ
ຍັງເປັນນັກປະພັນ ແລະຮ້ອງເພງລາວ ປະສົມກັບອັງກິດ ແລະ
ກຳລັງມີຊື່ສຽງ ນາງໄດ້ເດີນທາງໄປຮ້ອງຢູ່ໃນງານສັງສັນຕ່າງໆໃນ
ສັງຄົມລາວທີ່ ສະຫະລັດ ຝຣັ່ງ ແລະການາດາ. ຊີວິດຄວາມເປັນ
ມາຂອງລິນດາ ເປັນຢ່າງໃດນັ້ນ ກິ່ງສະຫວັນ ຈະນຳມາສະເໜີທ່ານ
ໃນອັນດັບຕໍ່ໄປ.
ສະບາຍດີ ທ່ານຜູ້ຟັງທີ່ເຄົາລົບ ທີ່ທ່ານໄດ້ຍິນຢູ່ນີ້ຄືເພງ Sern Sa la la ແຕ່ງໃນປີ 2008 ເປັນເພງນຶ່ງທີ່ໄດ້ຮັບຄວາມນິຍົມຫລາຍ ເຜີຍແຜ່ໃນເດືອນມີນາ ປີ 2014 ນັກຮ້ອງ ນັກປະພັນສາວ ເຊື້ອສາຍລາວ ຄົນນີ້ຊື່ວ່າ ລິນດາ ອິນທະວົງ ຈາກນະຄອນ Montreal
ປະເທດການາດາ.
ຂ້າພະເຈົ້າຈະແນະນຳໃຫ້ທ່ານໄດ້ຮູ້ຈັກໃນມື້ນີ້ກັບ ລິນດາ ອິນທະວົງ ມີຊື່ເປັນພາສາລາວ
ວ່າ ພອນສະຫວັນ ອາຍຸ 31 ປີ ເກີດທີ່ນະຄອນ Montreal ປະເທດການາດາ. ປັດຈຸບັນນີ້
ລິນດາ ເຮັດວຽກເປັນຜູ້ຊ່ວຍເພສັດຊະກຳ ຫລື pharmacist assistant. ສິ່ງທີ່ໜ້າສົນ
ໃຈ ແລະໜ້າສັນລະເສີນກ່ຽວກັບ ລິນດາ ອີກຢ່າງນຶ່ງນັ້ນກໍຄື ນາງສາມາດເວົ້າໄດ້ທັງພາ
ສາຝຣັ່ງ ອັງກິດ ໂດຍສະເພາະພາສາລາວ ດ້ວຍມີສຳນຽງວຽງຈັນ ແລະເຂົ້າໃຈວັດທະນະ
ທຳລາວໄດ້ຢ່າງເລິກເຊິ່ງ ເຖິງແມ່ນວ່າຍັງບໍ່ເຄີຍໄປຢ້ຽມຢາມເມືອງລາວເລີຍ. ຄວາມຄ່ອງ
ແຄ່ວດັ່ງກ່າວນີ້ສະແດງໃຫ້ເຫັນວ່າ ນາງໄດ້ເຕີບໃຫຍ່ຂື້ນມາພາຍໃຕ້ສະພາບແວດລ້ອມ
ຂອງ ພໍ່ແມ່ຜູ້ປົກຄອງທີ່ເອົາໃຈໃສ່ນຳເປັນຢ່າງດີ. ລິນດາ ເປັນລູກຜູ້ທີ່ສາມ ແລະລູກສາວ
ຫລ້າ ຂອງທ່ານຈັນດວງ ອະດີດນັກສຶກສາ Lycee ແລະຍານາງຄຳແພງ ອິນທະວົງ
ອະດີດນັກສຶກສາວິຊາຄູດົງໂດກ ໃນສະໄໝອະດີດພະລາດຊະອານາຈັກລາວ ປັດຈຸບັນ
ນີ້ທັງສອງກິນເບ້ຍບຳນານແລ້ວ.
ລິນດາ ເປັນສະຕີລາວ-ການາດຽນ ທີ່ໜ້າຮັກ ແລະວ່ອງ
ໄວມີພອນສະຫວັນ ສົມກັບຊື່ ພ້ອມທັງມີຄວາມສົນໃຈຢ່າງ
ເລິກເຊີ່ງກ່ຽວກັບຊີວິດການເປັນຢູ່ຂອງສັງຄົມລາວຢູ່ນອກ
ປະເທດ. ເນຶ່ອງຈາກວ່າແມ່ເຄີຍເປັນນາຍຄູ ເພາະສະນັ້ນ
ລິນດາ ໄດ້ຖືກສິດສອນໃຫ້ຮຽນຂຽນ ແລະອ່ານພາສາລາວ.
ເວລາລິນດາ ມິີອາຍຸ 15 ປີ ນາງໄດ້ເລີ້ມແຕ່ງເພງເປັນພາ
ສາອັງກິດ ແລະຕໍ່ມາໃນປີ 2006 ນາງໄດ້ເລີ້ມແຕ່ງເພງລາວ
ປະສົມປະສານກັບພາສາອັງກິດ ຊຶ່ງເນື້ອເພງສ່ວນຫລາຍ
ແມ່ນພົວພັນກັບຊີວິດສ່ວນໂຕ ແລະຊີວິດສັງຄົມ ທີ່ນາງໄດ້
ພົບເຫັນ. ລິນດາ ເຄີຍເຮັດວຽກເປັນ ນັກຖ່າຍພາບ ບັນນາ
ທິການວີດີໂອ ໃຫ້ແກ່ຫ້ອງຂ່າວລາວການາດາ ແລະລາວທີວີການາດາ. ຫລັງຈາກນັ້ນ
ລິນດາ ໄດ້ມາເປັນໂຄສົກບັນເທີງໃນລາຍການຂອງຕົນເອງ ທີ່ສະຖານີໂທລະພາບ
Lao Overseas TV ເປັນເວລາສອງປີ. ແລະໃນທີ່ສຸດ ລິນດາ ໄດ້ກາຍມາເປັນນັກຮ້ອງ
ນັກປະພັນເພງ ຈາກນັ້ນມານາງໄດ້ເລີ້ິມເປັນທີ່ຮູ້ຈັກແກ່ສັງຄົມລາວ ແລະໄດ້ຖືກເຊີນໄປ
ປາກົດໂຕຢູ່ເປັນປະຈຳໃນພິທີອັນສຳຄັນຕ່າງໆ ຢູ່ທົ່ວ ສະຫະລັດ ອາເມຣິກາ ການາດາ
ແລະຝຣັ່ງ. ລິນດາ ເລົ່າຄວາມເປັນມາເບື້ອງຕົ້ນສູ່ຟັງດັ່ງນີ້
ລິນດາ ໄດ້ຖືກແນະນຳບອກສອນ ໃຫ້ຮູ້ຈັກວັດທະນາທຳລາວ ຈາກພໍ່ແມ່ມາແຕ່ນ້ອຍ ນາງໄດ້ສັງເກດເຫັນຄວາມຕ້ອງການຂອງສັງຄົມ ແລະມີຄວາມສົນໃຈຢາກຊ່ວຍສັງຄົມ ຈຶ່ງໄດ້ເຄື່ອນໄຫວຜ່ານການຂີດຂຽນເພງ ຮ້ອງເພງກ່ອມອາລົມແກ່ສັງຄົມ ຊຶ່ງລິນດາບໍ່ຄິດເລີຍວ່າ ຢາກໄດ້ເງິນ ຫລືຫາເງິນ ນາງໄດ້ເລົ່າຄວາມສຳຄັນຂອງຕອນນີ້ວ່າ :
ເພງທຳອິດທີ່ ລິນດາ ໄດ້ແຕ່ງຂື້ນມາ ມີຊື່ວ່າ “ຂໍຂະມາໂທດ” ຊຶ່ງມີເນື້ອໃນກ່ຽວກັບການ
ສີ້ນຊີວິດຂອງນ້າບ່າວ ທີ່ລິນດາ ຄິດເສຍໃຈ ຜິດພາດບໍ່ໄດ້ໄປສັ່ງລາກ່ອນທີ່ທ່ານໄດ້ຈາກໂລກນີ້ໄປ. ນອກຈາກນັ້ນແລ້ວເພງນີ້ໄດ້ຍັງໄດ້ແຕ່ງປະກອບກັບຮູບເງົາເລື້ອງ “ນັກລົບ” ທີ່ສ້າງໂດຍທ້າວ Kenji ໄຊໂກສີ ທີ່ເລົ່າປະສົບການກັບການເສຍຊີວິດຂອງເພື່ອນຄົນນຶ່ງ ແລະ ວີໂອເອ ໄດ້ສຳພາດກັບທ້າວ Kenji ໄຊໂກສີ ນັກມວຍຢູໂດ ກາຣາເຕ ຄົນນີ້ ມາກ່ອນແລ້ວຊຶ່ງ ລິນດາ ໄດ້ເລົ່າສູ່ຟັງດັ່ງນີ້ :
ໃນຈຳນວນເພງທີ່ ລິນດາ ໄດ້ແຕ່ງ ແລະຮ້ອງມານັ້ນ ເພງ Sern Sa la la ແຕ່ງໃນປີ 2008 ເປັນເພງດັງ ໄດ້ຮັບຄວາມນິຍົມຫລາຍທີ່ສຸດ ນຳອອກເຜີຍແຜ່ໃນເດືອນມີນາ ປີ 2014 ໂດຍການຮ້ອງປະສານກັບ ນັກຮ້ອງ Rapper ລາວ ຄື ທ້າວນ້ອຍ ຈັນທະລາ ຢູ່ທີ່ເມືອງ High Point ລັດ North Carolina ຊຶ່ງທ່ານຈະໄດ້ຟັງເພງ Sern Sa la la ດັ່ງນີ້ :
ນັ້ນແມ່ນການສຳພາດ ນາງລິນດາ ອິນທະວົງ ສິນລະປີນລາວ-ການາດຽນ ລຸ້ນໃໝ່ທີ່ກຳລັງເປັນທີ່ນິຍົມຢູ່ໃນວົງສັງຄົມລາວຢູ່ນອກປະເທດ. ເພື່ອລາຍລະອຽດເພີ້ມເຕີມ ທ່ານສາມາດເຂົ້າໄປຟັງ ແລະຊົມ ເພງຂອງ ລິນດາ ທັງໝົດໄດ້ຢູ່ໃນ Youtube ໂດຍຕີຊື່ເຂົ້າ
ໄປວ່າ Linda Inthavong.
ໃນວັນເສົາທີ່ 4 ເມສານີ້ ລິນດາມີລາຍການໄປສະແດງ ແລະ
ຮ້ອງເພງຢູ່ງານຫາລາຍໄດ້ໃຫ້ແກ່ໂຄງການ ຄ້າຍຮຽນວັດ
ທະນະທຳລາວ ລະດູຮ້ອນຂອງລັດ Rhode Island ທ່ານໃດ
ທີ່ສົນໃຈຢາກເຫັນໂຕຈິງພັງສຽງຈິງ ກໍຂໍເຊີນຊວນໄປຮ່ວມ
ໄດ້ໃນວັນເສົານີ້ ເວລາ 6 ໂມງແລງ ຫາທ່ຽງຄືນ ຢູ່ Holy Ghost.
