ລິ້ງ ສຳຫລັບເຂົ້າຫາ

logo-print

ເກີດອັກຄີໄພ ຮ້າຍແຮງ ທີ່ວັດພຸດທາຣາມ ເມືອງ Fort Smith ລັດ Arkansas


ວັດລາວພຸດທາຣາມ ເມືອງ Fort Smith ລັດ Arkansas ກ່ອນເກີດ ອັກຄີໄພ.

ທ່ານ​ຜູ້​ຟັງ​ທີ່​ເຄົາລົບ ລາຍການ​ຊີວິດ​ລາວ ປະ​ຈຳວັນ​ພະຫັດ​ມື້​ນີ້
ຈະ​ນຳພາ​ທ່ານ​ຟັງ​ການ​ສຳພາດ ທ່ານ​ຄຳ​ຜ່ານ ​ເພັງ​ສຸວັນນະ​ວົງ
ຮອງ​ປະທານ​ວັດ​ພຸດທາຣາມ ທີ່​ເມືອງ​ Fort Smith ລັດ Arkan-
sas​. ໃນ​ຕອນ​ທ່ຽງຄືນ ວັນ​ພຸດ ທີ່ 4 ​ເດືອນ​ມີນາ ທີ່​ຜ່າ​ນມາ​ນີ້ ​ໄດ້
​ເກີດ​ອັກຄີ​ໄພ ເຮັດ​ໃຫ້​ສາລາໂຮ​ງທຳ​ບ່ອນ​ປະ​ກອບ​ພິທີ່​ທາງ​ສາ
ສະໜາ ​ໄດ້​ຮັບ​ຄວາມ​ເສຍ​ຫາຍ​ຢ່າງ​ໜັກ ​ອັນ​ເປັນສາ​ເຫດຂອງ
ການ​ມໍລະນະ​ພາບພະ​ພິຂຸ​ສົງອາຈານ​ສຸພັນ ຈັນທະ​ສາ​ໂລ ອິນ​ທະ
ລັງ​ສິນ ອາຍຸ 68 ປີ ທີ່ບວດມາ​ໄດ້ 15 ພັນ​ສາ.ຄວາ​ມ​ເປັນ​ມາຂອງ
​ການ​ສ້າງວັດ ​ແລະ​ກໍ່​ຕັ້ງ​ປະຊາ​ຄົມ​ລາວ-ອາ​ເມຣິກັນ ຢູ່​ໃນຂົງ​ເຂດ
ແຫ່ງ​ນີ້​ເປັນ​ຢ່າງ​ໃດ​ນັ້ນ ກິ່ງ​ສະ​ວັນ ຈະ​ນຳ​ເລື້ອງ​ນີ້​ມາສະ​ເໜີທ່ານ
​ໃນອັນ​ດັບ​ຕໍ່​ໄປ.

ສະ​ບາຍ​ດີທ່ານ​ຜູ້​ຟັງ​ທີ່​ເຄົາ​ລົບ ລາຍ​ການ​ຊີ​ວິດ​ຊາວ​ລາວມື້​ນີ້ ຈະນຳ​ພາ​ທ່ານ​ໄປ​ຖາມ​ຂ່າວ
ພີ່​ນ້ອງ​ເຊື້ອ​ຊາດ​ລາວ-ອາ​ເມ​ຣິ​ກັນ ຢູ່​ທີ່​ເມືອງ Fort Smith ລັດ Arkansas ຕັ້ງ​ຢູ່ພາກ​ກາງ
​ຕອນ​ໃຕ້​ຂອງ ສ​ະ​ຫະ​ລັດ. ໃນ​ຕອນທ່ຽງ​ຄືນວັນວັດ​ພຸດ ​ທີ່ 4 ​ເດືອນ​ມີນາ ທີ່​ຜ່ານ​ມາ​ນີ້ ໄດ້​ເກີດໄຟ​ໄໝ້​ຫໍແຈກຢູ່​ ວັດພຸດ​ທາ​ຣາມ ເຫດການ​ດັ່ງກ່າວ ​ໄດ້​ສ້າງ​ຄວາມ​ເສຍ​ຫາຍກວ່າ
​ສອງ​ແສນ​ໂດ​ລາ ພ້ອມ​ດ້ວຍ​ພະ​ພິ​ຂຸ​ສົງ​ອົງ​ນື່ງ​ໄດ້​ເຖິງ​ແກ່​ມໍລະນະ​ພາບ.

ຫໍແຈກ ສາລາໂຮງທຳ ທີ່ຖືກອັກຄີໄຟ ທັງໝົດ
ຫໍແຈກ ສາລາໂຮງທຳ ທີ່ຖືກອັກຄີໄຟ ທັງໝົດ

ວັດລາວພຸ​ດ​ທາ​ຣາມ ​ແມ່ນ​ວັດ​ນຶ່ງໃນ​ຈຳນວນ​ຮ້ອຍກວ່າ​ວັດສາ​ສະ​
ໜາ​ພຸດ ຂ​ອງ​ປະ​ຊາ​ຄົມລາວ​-ອາ​ເມ​ຣິ​ກັນ ​ຢູ່ໃນ​ສະ​ຫະ​ລັດ ຊືຶ່ງເປັ​ນ
ວັດ​ເກົ່າ​ແກ່​ແຫ່ງ​ນຶ່ງ ​ແລະເປັນວັດ​ໃຫຍ່ໃນຈຳນວ​ນ​ສີ່​ວັດໃນ​ເຂດ​
ເມືອງ Fort Smith ລັດ Arkansas. ຂົງ​ເຂດ​ແຫ່ງ​ນີ້​ເປັນ​ທີ່​ຕັ້ງ​ຂອງ
ປະຊາ​ຄົມອົບ​ພະຍົບລາວ ຫລັງ​ຈາກ​ປີ 1975 ປັດ​ຈຸ​ບັນ​ນີ້ມີ​ປະຊາ
ກອນ​ລາວ-ອາ​ຣິກັນ ຢູ່ປະມານ ສິບກວ່າ​ພັນຄົນ ສ່ວນ​ໃຫຍ່ພາກັນ
ປະ​ກອບ​ວິ​ຊາ​ອາ​ຊີບ ​ຢູ່​ໂຮງ​ງານ​ປາດ​ຊີ້ນ​ໄກ່ ​ຈຳນວນ​ນຶ່ງມີ​ຟາມ​ໄກ່​
ເປັນ​ຂອງ​ຕົນ​ເອງ ແລະນອກ​ນັ້ນປະ​ກອບ​ອາຊີບ​ອຶ່ນໆ. ບ່ອນໃດ
​ເປັນ​ທີ່​ຕັ້ງ​ປະຊາ​ຄົມ​ລາວບ່ອນ​ນັ້ນ​ກໍ​ແມ່ນ​ຈະ​ມີ ວັດພຸດທະ​ສາສະ
ໜາ​ເປັນ​ທີ່​ພັກ​ພິງ​ໃຈ​ຂອງ​ຊາວ​ລາວ​ຢູ່​ໃນ ສະຫະລັດ ແລະ ຢູ່​ທົ່ວ​ໂລກ ຕັ້ງເປັນ​ບ່ອນປະ
ກອບພິ​ທີ​ທາງ​ສາ​ສະ​ໜາ ​ແລະສູນ​ກາງເຕົ້າ​ໂຮມ ​ແລະ​ຈັດ​ງານ​ສຳຄັນ​ຂອງສັງ​ຄົມ.

ຢູ່​ໃນ​ສະຫະລັດ ​ໃນແຕ່ລະ​ປີ ວັດ​ວາ​ອາ​ຮາມ ​ໂບດ ຫລື​ວິຫານ ບໍ່​ວ່າ​ຈະ​ເປັນ​ສາ​ສະ​ໜາ​
ໃດ​ໆກໍ​ຕາມ ຈະ​ຫລີກ​ລ່ຽງຈາກ​ໄພ​ພິ​ບັດ​ບໍ່​ໄດ້​ ເຊັນ​ວ່າ ​ເກີີດແຜ່ນ​ດິ​ນ​ໄຫ​ວ ນ້ຳ​ຖ້ວມ ຖືກ​
ລົມ​ຫົວ​ກຸດ​ພັດ​ທຳ​ລາຍ ແລະ​ເກີດ​ອັກຄີ​ໄພ ເຫລົ່າ​ນີ້​ເປັນ​ຕົ້ນ. ຢູ່​ໃນພື້ນ​ທີ່ ວັດ​ລາວພຸດທາ
ຣາມ ດັ່ງກ່າວ​ນີ້ ປະ​ກອບ​ມີ​ຫໍແ​ຈກ ສີມ ແລະ​ຫໍ​ກອງ. ​ຜ່ານ​ມາ ຈຸດບ່ອນ​ປຸກ​ສ້າງຫໍ​ແຈກ
ບ່ອນ​ປະກອບ​ພິທີ​ທາງ​ສາສະໜາ​ດັ່ງກ່າວ​ນີ້ ໄດ້​ປະ​ສົບ​ກັບ​ໄພພິບັດ​ເຖິງສາມ​ຄັ້ງແລ້ວ ​
ເຊັນ​ວ່າ ຖືກ​ລົມ​ຫົວ​ກຸດ​ພັດ​ທຳ​ລາຍ​ໃນ​ປີ 1996 ຕໍ່​ມາ​ໄດ້​ເກີດໄຟ​ໄໝ້​ໃນ​ປີ 1997 ແລະ​
ເທຶ່ອ​ສຸດ​ທ້າຍ​ນີ້ໄດ້​ເກີດ​ອັກ​ຄິີໄພອີກເປັນ​ຄັ້ງ​ທີສອງ ໃນ​ວັນ​ພຸດ ທີ 4 ເດືອນ​ມີນາ ທີ່​ຜ່ານ
​ມາແລະເຮັດ​ໃຫ້​ພະ​ພິຂຸ​ສົງ​ອົງ​ນຶ່ງ​ໄດ້​ເຖິງ​ແກ່ມໍລະນະ​ພາບ. ​

ພຣະອາຈານສະຫວ່າງ (ຊ້າຍ) ແລະພະອາຈານສຸພັນ (ຂວາ)
ພຣະອາຈານສະຫວ່າງ (ຊ້າຍ) ແລະພະອາຈານສຸພັນ (ຂວາ)

ພະພິຂຸ​ສົງ​ອົງ​ດັ່ງກ່າວມີຊື່ວ່າ ​ອາຈານ​ສຸພັນ ຈັນທະ​ສາ​ໂລ
(ອິນ​ທະລັງ​ສິນ) ​ເກີດ​ເມຶ່ອວັນ​ທີ່ 5 ​ເມສາ ປີ 1946 ທີ່​ບ້ານ​ເຊ
ຕາແສງ​ໜອງ​ຈັນ ​ເມືອງ​ຈຳ​ພອນ ​ແຂວງສະຫວັນ​ນະ​ເຂດ.
ທ່ານແມ່ນ​ອະດີດນາຍຈ່າ​ເອກ ທະຫານ​ໝໍ ແຫ່ງອະດີດພະ
ລາດ​ຊະ​ອານາຈັກ​ລາວ​. ​ໃນປາງ​ສົງຄາມ​ທ່ານ​ໄດ້ປະຕິບັດ​
ງານ​ສູ້​ລົບ​ຢູ່​ແນວ​ໜ້າທີ່ເມືອງນຳ້ບາກ ​ແຂວງ​ຫລວງ​ພະ​ບາງ.
​ໃນ​ປີ 1967 ທ່ານ​ໄດ້​ຖືກ​ຄະນະ​ແນວ​ລາວ​ຮັກ​ຊາດ ຈັບເປັນ
​ຊະ​ເລີ​ຍ​ເສິກ​ ​ແລະ​ໄດ້​ກັກ​ຂັງ​ໄວ້​ເປັນ​ເວລາ ກວ່າ 10 ປີ. ​ໃນ​
ຂະນະ​ທີ່​ຢູ່​ພາຍ​ໃຕ້​ການ​ຄວບ​ຄຸມ​ຂອງ ຄະນະ​ແນວ​ລາວ​ຮັກ​
ຊາດ​ນັ້ນ ທ່ານ​ໄດ້ຊ່ວຍປິ່ນປົວ ທະຫານ​ແນວ​ລາວ. ຫລັງ​ຈາ​ກສົງຄາມ​ໄດ້​ສິ້ນ​ສຸດ​ລົງ​ໃນ
ປີ 1975 ທ່ານສຸພັນ ​ໄດ້ຖືກ​ປົດ​ປ່ອຍຄືນເມື່ອ​ຫາ​ຄອບຄົວ ​ແລະ​ຕໍ່​ມາໄດ້​ເດີນທາງ​ເຂົ້າ​
ມາຢູ່ສະຫະລັດ ​ໃນ​ປີ 1986. ທ່ານ​ມີພັນ​ລະ​ຍາ​ ​ແລະລູກ​ສີ່​ຄົນ. ​ໃນ​ປີ 2000 ທ່ານໄດ້
ຕັດສິນໃຈ​ເຂົ້າ​ບວດ​ເປັນ​ພະ​ພິຂຸສົງ​ ຢູ່ທີ່​ວັດ​ພຸດທາຣາມ ​ເມືອງ Fort Smith ລັດ Ar-
kansa ອັນ​ເປັນ​ເວລາທັງ​ໝົດ 15 ພັນ​ສາ​ ແລະໄດ້ເຖິງ​ແກ່ມໍລະນະ​ພາບ ໃນ​ວັນ​ພຸດ
ທີ 4 ​ເດືອນ​ກຸມພາ ຍ້ອນ ​ອັກ​ຄີ​ໄພ.

ທ່ານ​ຄຳ​ຜ່ານ ເພັງ​ສຸ​ວັນນະ​ວົງ ຮອງ​ປະ​ທານ ວັດ​ພຸດ​ທະ​ຣາມ ໄດ້​ໃຫ້​ສຳ​ພາດ​ກັບ ວີ​ໂອ​ເອ ກ່ຽວ​ກັບຊີວິດຄວາມ​ເປັນ​ມາ​ຂອງ​ທ່ານ ​ແລະບັນຍາກາດ​ສິ່ງ​ແວດ​ລ້ອມ ​ຂອງ​ປະຊາ​ຄົມ​ລາວ
ທີ່​ເມືອງ Fort Smith ດັ່ງ​ນີ້ :

ທ່ານຄຳຜ່ານ ເພັງສຸວັນນະວົງ ຮອງປະທານ ວັດພຸດທາຣາມ
ທ່ານຄຳຜ່ານ ເພັງສຸວັນນະວົງ ຮອງປະທານ ວັດພຸດທາຣາມ

ທ່ານ​ຄຳ​ຜ່ານ ​ໄດ້​ເລົ່າຄວາມ​ເປັນມາ​ເບື້ອງ​ຕົ້ນ​ຂອງ​ການ​ສ້າງ ວັດລາວ​ພຸດທາຣາມ ດັ່ງ​ນີ້ :

ຮູບພາບຫໍແຈກ ສາລາໂຮງທຳ ກ່ອນເກີດອັກຄີໄພ
ຮູບພາບຫໍແຈກ ສາລາໂຮງທຳ ກ່ອນເກີດອັກຄີໄພ

ກ່ຽວ​ກັບ​ເຫດອັກຄີ​ໄພນັ້ນ ທ່ານ​ຄຳ​ຜ່ານ ບໍ່​ສາມາດ​ບອກສາ​ເຫດໄດ້​ຢ່າງ​ເປັນ​ທາງ​ການ
​ເນື່ອງ​ຈາກ​ວ່າ​ ປັດ​ຈຸ​ບັນ​ນີ້ຍັງ​ຢູ່​ພາຍ​ໃຕ້​ການ​ສື​ບສວນ ຂອງເຈົ້າ​ໜ້າ​ທີ່​ລັດ ​ແລະ​ບໍລິສັດ
​ປະກັນ​ໄພ​. ອ້າງ​ອີ​ງຕາມການ​ສຳພາດ ​ແລະ​ຄຳໃຫ້ການ​ຂອງ​ບັນດາສະມາ​ຊິກ​ວັດພຸດ
​ທາຣາມ ​ແລະ​ຜູ້​ເຫັນ​ເຫດການແມ່ນ​ວ່າ ໃນ​ຄຳ່​ຄືນ​ຂອງ​ວັນພຸດ​ທີ 4 ​ເດືອນມີນາ ທີ່​ຜ່ານ​
ມາ​ນີ້​ໄດ້​ເກີ​ດ ​ມີ​ຝົນ​ຕົກ​ເປັນນ້ຳກ້ອນ ຫລື sleet ຊຶ່ງເປັນ​ເມັດ​ນ້ຳກ້ອນ​ນ້ອຍໆ ປະກອບ
​ດ້ວຍອາກາດ​ໜາວຈັດ ​ເຮັດ​ໃຫ້ການໄປມາຫາສູ່​ກັນລຳບາກ. ​ຊຶ່ງຕາມປົກກະຕິ​ແລ້ວ ຢູ່​
ວັດ​ພຸດ​ທາຣາມ ​ແຫ່ງ​ນີ້ມັກ​ຈະ​ມີສະມາຊິກຈຳນວນ​ນຶ່ງ​ມາ​ເຕົ້າ​ໂຮມ​ຫລີ້ນ​ກິລາ​ຢູ່​ທີ່​ວັດ ​
ແຕ່​ວ່າຄ່ຳ​ຄືນ​ນີ້ ມີ​ແຕ່​ອາຈານສຸພັນ ຈັນທະ​ສາ​ໂລ ອິນ​ທະລັງ​ສິນ ອົງ​ດຽວ​ທີ່​ນອນ​ຢູ່ ສາ
ລາ​ໂຮງ​ທຳ. ອັກ​ຄີ​ໄພ ​ໄດ້​ເກີດ​ຂື້ນປະມານ 11 ​ໂມງ​ກາງຄືນ ​ຊາ​ວບ້ານ​ຄົນ​ນຶ່ງທີ່ຢູ່ໃກ້​ໄດ້
​ເຫັນ​ໄຟ​ໄໝ້ ​ແລ້ວ​ຮ້ອງ​ລົດ​ດັບ​ເພີງ​ມາມ​ອດ ​ແຕ່ກ​ວ່າ​ ລົດ​ດັບ​ເພີງ​ມາ​ເຖິງ​ບ່ອນ​ເກີດ​ເຫດ
​ໄຟ​ໄດ້​ໄໝ້​ສາລາ​ຫໍ​ແຈກ​ ເກືອ​ບທັງ​ໝົດ​ແລ້ວ​ ແລະບໍ່ສາມາດ​ຄວບ​ຄຸມ​ອັກຄີ​ໄພ​ໄວ້​ໄດ້.
ທ່ານຄຳ​ຜ່ານ ​ໄດ້ເລົ່າ​ເຫດການ​ຕອນ​ນີ້​ວ່າ :

ຫ້ອງນອນ ອາຈານສຸພັນ ຈັນທະສາໂລ ອິນທະທັງສິນ
ຫ້ອງນອນ ອາຈານສຸພັນ ຈັນທະສາໂລ ອິນທະທັງສິນ

ອັກຄີ​ໄພຄັ້ງ​ນີ້ ​ທີ່ໄດ້ສ້າງ​ຄວາມ​ເສຍ​ຫາຍ​ແກ່ ຊັບ​ສົມບັດຂອງ​ວັດ ​ແລະ​ເອົາ​ພະ​ພິຂຸ​ສົງ​ນຶ່ງ​ອົງ​ໄປ​ນັ້ນ ໄດ້​ນຳ​ຄວາມ​ເສົ້າ​ສະ​ຫລົດ​ໃຈ​ມາສູ່ ປະຊາ​ຄົມ​ລາວ-ອາ​ເມຣິກັນ ທີ່ຢູ່​ໃກ້ ​ແລະ​ໄກ. ພິທີ​ຊາ​ປະນາ​ກິດ​ສົບ​ ອາຈານ ສຸພັນ ຈັນທະ​ສາ​ໂລ ອິນ​ທະລັງ​ສິນ ຈະຈັດ​ຂື້ນ​ໃນ​ເວລາ 1:00 ໂມງ ​ວັນ​ເສົາ ທີ່​ 4 ​ເດືອນ​ເມສາ ທີ່​ຈະ​ມາ​ເຖິງ​ນີ້ ຢູ່​ທີ່ ສະ​ໂມ​ສອນ​ສະມາຄົມ​ຊາວ​ພຸດ ​ເມືອ​ງ Ft. Smith ທີ່ ລັດ Arkansas.

ຫໍແຈກ ສາລາໂຮງທຳ ທີ່ຖືກອັກຄີໄພ ຢ່າງຮາບຄາບ
ຫໍແຈກ ສາລາໂຮງທຳ ທີ່ຖືກອັກຄີໄພ ຢ່າງຮາບຄາບ

ຄະນະເຈົ້າ​ໜ້າ​ທີ່ ວີ​ໂອ​ເອ ພາກ​ພາສາ​ລາວ ພ້ອ​ມດ້ວຍ​ບັນດາ
ຊາ​ວພຸດ ຜູ້​ມີ​ຄວາມ​ເຫລື້​ອມ​ໃສ​ຕໍ່ພຸດສາສະໜາ ຂໍ​ສະ​ແດງ​ຄວາມ
​ເສົ້າ​ສະຫລົດ​ໃຈ ມາ​ຍັງ​ຄອບຄົວ ພະ​ອາຈານສຸພັນ ຈັນທະ​ສາ​ໂລ
ອິນ​ທະລັງ​ສິນ ກໍ​ຄື​ຄະນະ​ກໍ​າມະ​ການ​ວັດ ພຸດ​ທາຣາມ ​ແລະ​ປະຊາ​
ຄົມ​ລາວ-ອາ​ເມຣິກັນ ​ເຂດ​ເມືອງ Fort Smith ​ໃນ​ຄັ້ງ​ນີ້​ດ້ວຍ. ​ພ້ອມ
​ນີ້ຂໍ​ວິ້ງ​ວອນໃຫ້​ດວງ​ວິນ​ຍານ ຂອງ ພະ​ອາຈານສຸພັນ ຈັນທະ​ສາ​ໂລ
ອິນ​ທະລັງ​ສິນ ຈົ່ງ​ໄປ​ສູ່​ຂະ​ຕິ​ພົບ​ດ້ວຍ​ເຖີດ.

ທ່ານຜູ້ໃດມີສັດທາ ຢາກກິນທານນຳ ອາຈານສຸພັນ ຈັນທະສາໂລ ອິນທະທັງສິນ ແລະ ໂມທະນາ ບຸຣະນະສ້ອມແປງ ວັດພຸດທາຣາມ ກະລຸນາສົ່ງປັດໄຈແລະຕິດຕໍ່ໄດ້ດັ່ງຕໍ່ລົງ ໄປນີ້ :

Lao Buddhist Association

Activity Center

3317 North 23rd Street

Fort Smith, Arkansas 72904

ເບິ່ງຄວາມເຫັນ (3)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG