ໃນລາຍການຊີວິດຊາວລາວຂອງ ວີໂອເອ ມື້ນີ້ ເຮົາຈະພາທ່ານໄປຢ້ຽມຢາມ ຖາມຂ່າວ ນາຍຊ່າງແປງລົດອາເມຣິກັນເຊື້ອສາຍລາວ ທ່ານບຸນຍາມານະ ບຸດຕະວົງ ຢູ່ເມືອງ Murfreesboro ລັດTennessee ຕັ້ງຢູ່ທາງພາກຕາເວັນອອກສຽງໃຕ້ຂອງສະຫະລັດ. ທ່ານບຸນຍາມານະ ແມ່ນເຈົ້າຂອງຮ້ານ Mana General Auto Repair ຊຶ່ງແມ່ນຮ້ານນຶ່ງຂອງຈຳນວນສາມຮ້ານທີ່ເປັນຂອງ ອາເມຣິກັນເຊື້ອສາຍລາວ ບໍລິການຢູ່ໃນຂົງເຂດແຫ່ງນີ້. ເລື້ອງຄວາມເປັນມາ ແລະຜົນສຳເລັດ ຂອງທ່ານບຸນຍາມານະ ເປັນມາຢ່າງໃດນັ້ນ ກິ່ງສະຫວັນ ຈະພາທ່ານໄປຮຽນຮູ້ຈາກຜູ້ກ່ຽວໃນອັນດັບຕໍ່ໄປ.
ສະບາຍດີ ທ່ານຜູ້ຟັງທີ່ເຄົາລົບ ໃນລາຍງການຊີວິດຊາວລາວ ຂອງ ວີໂອເອ ມື້ນີ້ຂ້າພະ ເຈົ້າຈະໃຫ້ທ່ານຟັງການສຳພາດກັບ ທ່ານບຸນຍາມານະ ບຸດຕະວົງ ເກີດທີ່ບ້ານສົມຫວັງ ປະເທດລາວ ເຂົ້າມາຕັ້ງຖິ່ນຖານຢູ່ໃນສະຫະລັດ ເວລາອາຍຸ 14 ປີ ໃນປີ 1980. ປັດຈຸບັນ ປະກອບວິຊາອາຊີບເປັນຊ່າງແປງລົດຢູ່ ເມືອງ Murfreesboro ລັດ Tennessee ຕັ້ງຢູ່ທາງພາກຕາເວັນອອກສຽງໃຕ້ ຂອງສະຫະລັດ. ແຕ່ກ່ອນອື່ນ ເຮົາມາທຳຄວາມເຂົ້າ ໃຈກັນເຖິງບັນຍາກາດ ສິ່ງແວດລ້ອມຂອງຂົງເຂດດັ່ງກ່າວນີ້ຈັກບາດ ບ່ອນເຕົ້າໂຮມສ້າງ ຕັ້ງປະຊາ ຄົມອາເມຣິກັນເຊື້ອສາຍລາວມາ ແຕ່ຕົ້ນປີ 1980 ຢູ່ທີ່ເມືອງ Murphreesboro ແລະນະຄອນ ຫລວງ Nashville ລັດ Tennessee.
ທັງສອງເມືອງນີ້ຕັ້ງຢູ່ຫ່າງໄກກັນປະມານ 55 ໄມ ຫລື 144 ກິໂລແມັດ ມີ ປະຊາກອນອາ ເມຣິກັນເຊື້ອສາຍລາວທັງໝົດ ປະມານ 20,000 ຄົນ ມີວັດວາ ອາຮາມພຸດທະສາສໜາ ສາມແຫ່ງ ການປະກອບວິຊາອາຊີບສ່ວນໃຫຍ່ແມ່ນ ເຮັດວຽກຢູ່ ບໍລິສັດສ້າງລົດ Nissan ທີ່ມີຊື່ສຽງຂອງຍີ່ປຸ່ນ ມີທຸລະກິດຮ້ານຄ້າ ຕະຫລາດເອເຊຍ ຮ້ານອາຫານ ແລະ ວິຊາການ ດ້ານເທັກໂນໂລຈີຕ່າງໆ. ປັດຈຸບັນນີ້ຢູ່ທົ່ວສະຫະລັດ ມີບັນດາອາເມຣິກັນ ເຊື້ອ ສາຍລາວຢ່າງຫລວງ ຫລາຍທີ່ໄດ້ພາກັນຍຶດຖືເອົາວຽກງານແປງລົດຢ່າງເປັນຜົນສຳເລັດ.
ບັດນີ້ເຮົາຫັນມາຟັງຄວາມເປັນມາຂອງທ່ານບຸນຍາມານະ ເໜາະທ່ານ. ຜູ້ກ່ຽວ ໄດ້ມາສ້າງ ຄອບຄົວຕັ້ງຕົ້ນຊີວິດ ຫາຢູ່ຫາກິນໂດຍເປັນຊ່າງ ແປງລົດຢູ່ເມືອງ Murphreesboro ມາ ເປັນເວລາດົນກວ່າ 20 ປີແລ້ວ ທ່ານໄດ້ກ່າວເຖິງຊີວິດການສ້າງຕັ້ງຄອບຄົວສູ່ຟັງດັ່ງນີ້ :
ກ່ຽວກັບພື້ນຖານການສຶກສາ ແລະກ່ອນທີ່ຈະກ້າວມາເປັນນາຍຊ່າງແປງລົດ ແລະເປັນເຈົ້າຂອງຮ້ານ Mana General Auto Repair ທ່ານບຸນຍາມານະ ກ່າວວ່າ :
ວິຊາອາຊີບເປັນນາຍຊ່າງແປງລົດ ເປັນວຽກໜັກເປື້ອນເປິ ຍ້ອນເຫດຜົນດັ່ງ ກ່າວໜ້າ ວຽກນີ້ຈຶ່ງສ້າງລາຍໄດ້ມາສູ່ຄອບຄົວເປັນຢ່າງດີ. ຫລາຍໆທ່ານມີ ພອນສະຫວັນໂດຍ ການໃຊ້ມືສ້ອມແປງເຄື່ອງຈັກ ອັນມີຄວາມສະຫລຽວ ສະຫລາດໃຊ້ສະໝອງ ແລະແກ້ໄຂ ບັນ ຫາເຄຶ່ອງຈັກທີ່ສະລັບສັບຊ້ອນ. ບັນດາ ນາຍຊ່າງແປງລົດທັງ ຫລາຍເຫລົ່ານີ້ຕ້ອງໄດ້ ຜ່ານການອົບຮົມວິຊາອາຊິບມີໃບ ປະກາດຊະນີຍະບັດ ແລະມີໃບອະນຸຍາດຕັ້ງທຸລະກິດ ຮ້ານ ສ້ອມແປງລົດ ແລະຜົນງານຕ້ອງເປັນທີ່ເຊື່ອຖືໄດ້ເພື່ອສ້າງລູກຄ້າຊຶ່ງທ່ານບຸນຍາມານະ ກ່າວຕໍ່ໄປວ່າ :
ກ່ຽວກັບລູກຄ້າການບໍລິການ ແມ່ນມີທັງອາເມຣິກັນເຊື້ອສາຍລາວ ແລະບັນດາປະຊາ ກອນເຊື້ອສາຍຕ່າງໆ ຊຶ່ງທ່ານບຸນຍາມານະ ໄດ້ເລົ່າສູ່ຟັງວ່າ:
ທ່ານບຸນຍາມານະ ມີຊື່ຫລີ້ນວ່າ ກັອກ ມີອ້າຍນ້ອງດ້ວຍກັນທັງໝົດ 12 ຄົນ. ເປັນລູກຊາຍອະດີດນາຍໝໍທະຫານກອງທັບແຫ່ງພະລາຊາອານາຈັກລາວ. ອ້າຍນ້ອງສາມຄົນ ຢູ່ໃນ ສປປ ລາວ ໄດ້ເສຍຊີວິດໄປແລ້ວ. ສ່ວນພໍ່ແມ່ໄດ້ເສຍຊີວິດຢູ່ໃນສະຫະລັດ ອ້າຍ ອີກ ຄົນນຶ່ງຢູ່ປະເທດເຢຍຣະມັນ ແລະອີກແປດຄົນພາກັນຕັ້ງຖິ່ນຖານຢູ່ໃນລັດຕ່າງໆຢູ່ສະຫະລັດ.