ລິ້ງ ສຳຫລັບເຂົ້າຫາ

ວັນເສົາ, ໑໓ ເມສາ ໒໐໒໔

IWMI ຊ່ວຍ ສປປ ລາວ ພັດທະນາ ເພື່ອເພີ່ມພູນ ຜົນລະປູກ


ບັນດາເຈົ້າໜ້າທີ່ ຈາກພະແນກການຕ່າງໆ ເຂົ້າຮ່ວມອົບຮົມ ໃນໂຄງການຂຸດນໍ້າບາດານເພື່ອນໍາໃຊ້ໃນການຊົນລະປະທານ.
ບັນດາເຈົ້າໜ້າທີ່ ຈາກພະແນກການຕ່າງໆ ເຂົ້າຮ່ວມອົບຮົມ ໃນໂຄງການຂຸດນໍ້າບາດານເພື່ອນໍາໃຊ້ໃນການຊົນລະປະທານ.

ສປປ ລາວ ກໍາລັງຂຸ້ນຂ້ຽວ ປະຕິບັດໂຄງການພັດທະນາ ຫລາຍໆຢ່າງ ເພື່ອໃຫ້ບັນລຸເປົ້າໝາຍສະຫັດສະຫວັດ ດ້ານການພັດທະນາຂອງອົງການສະຫະປະຊາຊາດ ແລະຍົກລະດັບການເປັນຢູ່ຂອງປະຊາຊົນໃຫ້ດີຂຶ້ນ. ນຶ່ງໃນນັ້ນ ກໍຄືໂຄງການຊອກຫາແຫລ່ງນໍ້າດຶ່ມນໍ້າໃຊ້ໄວ້ສະໜອງເຂດຊົນນະບົດ ຊຶ່ງທາງການລາວກໍາລັງໄດ້ຮັບການຊ່ວຍ ເຫລືອຈາກ ສະຖາບັນຄຸ້ມຄອງນໍ້າສາກົນ ຫລື Internatonal Water Management Institute. ກິ່ງສະຫວັນ ໄດ້ໂອ້ລົມກັບ ທ່ານ ບຸນມີ ມ້າວຄໍາຜີວ ເຈົ້າໜ້າທີ່ສະຖາບັນດັ່ງກ່າວ ແລະມີບົດສໍາພາດ ກ່ຽວກັບເລື້ອງນີ້ມາສະເໜີທ່ານ.

ເປັນ​ເວລາ​ຫລາຍໆທົດ​ສະ​ວັດ​ທີ່ຜ່ານ​ມາ ​ຢູ່​ໃນ​ປະ​ເທດ​ລາວ ​
ເຮົາ​ສັງ​ເກດ​ເຫັນວ່າ ຢູ່ຕາ​ມບ້ານ​ເຮືອນ ວັດວາ ​ແລະ​ໝູ່​ບ້ານ
ບາງ​ແຫ່ງ ຊາວບ້ານ​ ພາກັນປໍ້າ​ເອົາ​ນໍ້າ​ຂື້ນ​ມາ​ຈາກນໍ້າສ້າງ
ເພື່ອມາ​ໃຊ້​ບໍລິໂພ​ກ ປະ​ຈໍາ​ວັນ​ໃນ​ຄອບຄົວ ​ແລະ​ຫົດ​ສວນ​ຄົວ. ​
ແຫ​ລ່ງຂອງນໍາໃຊ້​ນໍ້າ​ດື່ມດັ່ງກ່າວ​ນີ້ ມີຂອບ​ເຂດຈໍາກັດ ​ແລະບໍ່
​ສາມາດ​ນໍາ​ໄປ​ໃຊ້​ຢ່າງກວ້າງຂວາງ​ໄດ້​.

ດ້ວຍ​ສາ​ເຫດ​ດັ່ງກ່າວນີ້ ສະ​ຖາ​ບັນ​ຄຸ້ມຄອງນໍ້າສາກົນ ຫລື
Internatonal Water Management Institute (IWMI) ຈຶ່ງ
ມີ​ຄວາມ​ເປັນ​ຫ່ວງ​ ແລະ​ໄດ້ນໍາພາ​ຊອກ​ຫາ​ແຫ​ລ່ງນໍ້າ​ ເພື່ອນໍາ​
ໃຊ້​ຢ່າງ​ກວ້າງຂວາງຢູ່​ໃນ​ຂັ້ນຊົນລະ​ປະທານ​ ໃນ​ເຂດ​ຊົນນະບົດ​
ຂອງ​ ສປປ ລາວ.

ສະ​ຖາ​ບັນ​ຄຸ້ມຄອງນໍ້າສາກົນ ຕັ້ງຂື້ນ​ມາ​ໃນ​ປີ 1985 ມີ​ຫ້ອງການ​ໃຫຍ່​ຕັ້ງ​ຢູ່ ​ນະຄອນ
ຫລວງ​ໂຄລົມ​ໂບ ຂອງປະ​ເທດສຣີລັງກາ ມີ​ສາຂາຢູ່ ອາຟຣິກາ ​ແລະເອ​ເຊຍ ເປັນ​ອົງ
ການ​ ຄົ້ນຄວ້າ​ສຶກສາ​ ເນັ້ນໜັກໃສ່ ການປັບ​ປຸງ ຊອກຫາ​ແຫ​ລ່ງນໍ້າ ​ຄຸ້ມຄອງ​ແຫ​ລ່ງ
ນໍ້າຊັບພະ​ຍາກ​ອນ ​ແລະ​ປົກ​ປ້ອງ​ສິ່ງ​ແວດລ້ອມ ເພື່ອ​ຊ່ວຍ​ບັນ​ເທົາ​ທຸກ ປະຊາກອນ​
ໃນເຂດຊົນນະບົດ​ ຂອງປະ​ເທດພ​ວມ​ພັດ​ທະນາ. ສະ​ຖາ​ບັນ​ຄົ້ນ​ຄວ້າດັ່ງກ່າວ​ນີ້ ​ເນັ້ນ​
ນັກ​ໃສ່​ການຄຸມຄອງ​ການ​ໃຊ້​ນໍ້າ ​ແລະ​ຮັກສາຊັບພະຍາກອນ ​ໂດຍ​ແນ່​ໃສ່​ຮາກຖານ
ຄວາມ​ໝັ້ນຄົງຂອງ​ອາຫານ ​ແລະ​ຫລຸດຜ່ອນ​ຄວາ​ມທຸກ​ຈົນ ​ໃນ​ຂະນະ​ທີ່ດໍາ​ເນີນ​
ຮັກສາ ສິ່ງ​ແວດ​ລ້ອມ ອັນ​ເປັນ​ຈຸດ​ໃຫຍ່ສໍາຄັນ​.

​ແຫ​ລ່ງນໍ້າເປັນ​ທີ່​ຊອກ​ຫາ​ຍາກຫລາຍ​ຂື້ນ ​ເພາະມີ​ຄວາ​ມຕ້ອງການ ຫລາຍ​ຂື້ນເພື່ອ
ຊອກຫາທາງ​ຜະລິດອາຫານໃຫ້​ພຽງພໍ​ ​ສໍາລັບລ້ຽງ ປະຊາກອນ​ໂລກ​ ບໍ​າລຸງ​ຮັກສາ​
ສິ່ງ​ແວດ​ລ້ອມ​ທີ່ເພພັງ ​ເພື່ອ​ໃຫ້​ສາມາດ​ຂະຫຍາຍ​ການ​ປູກຝັງ​ໃສ່​ດິນ​ດອນຕອນໃໝ່.

ສະ​ຖາບັນ​ຄຸ້ມຄອງນໍ້າສາກົນ (IWMI) ຄົ້ນ​ຄວ້າ​ໂຄງການຕ່າງໆ ​ໂດຍ​ແນ່​ໃສ່ເປົ້າ
​ໝາຍດັ່ງ​ນີ້.

ການ​ຄົ້ນ​ຄວ້າແມ່ນເນັ້ນ​ໜັກ​ໃສ່​ແຫ​ລ່ງນໍ້າ​ ການ​ນໍາ​ເອົາ​ນໍ້າມາ​ໃຊ້ຮ່ວມກັນ ​ແລະປັບ
ປຸງ​ໃຫ້​ເຂົ້າ​ກັບ​ການ​ປ່ຽນ​ແປງທາງ​ດິນ​ຟ້າ​ອາກາດ ​ການ​ໃຊ້​ນໍ້າ​ແບບໃດຈຶ່ງຈະ​ສາ
ມາດໄດ້ຣັບ​ຜົນ​ປະ​ໂຫຍ​ດ ​ແລະ​ເນັ້ນ​ໜັກ​ໄສ່ ຄຸນ​ນະພາ​ບຂອງ​ນໍ້າ ​ການ​ພົວພັນ
ດ້ານ​ສຸຂະພາບ ສິ່ງ​ແວດ​ລ້ອມ ​ແລະ​ປະຊາ​ຄົມ​ຄວບ​ຄຸມແຫ​ລ່ງນໍ້າຂອງ​ເຂົາ​ເຈົ້ານັ້ນ​
ຢ່າງໃດ.

​ໃນ​ປີ 2012 ສະ​ຖາ​ບັນ​ຄຸ້ມຄອງນໍ້າສາກົນ ​ໄດ້​ຮັບ​ລາງວັນ​ກຽດ​ຕິ​ຍົດ​ອັນ​ສູງ​ຈາກ ສະຖາ​
ບັນ International Water Institute ທີ່​ກຸງ Stockholm ປະ​ເທດ Sweden ໃນ
ຖານ​ເປັນ​ຜູ້​ນໍາໜ້າການ​ຄົ້ນຄວ້າ ທີ່​ຊ່ວຍ​ປັບປຸງ​ຄຸ້ມ​ຄອງນໍ້າ​ເພື່ອ​ການປູກຝັງ ​ແລະ
ຊ່ວຍປັບປຸງ​ຄວາມ​ປອດໄພ​ຂອງ​ອາຫານ ປ້ອງ​ກັນ​ສຸຂະ​ພາບ​ແວດ​ລ້ອມ ​ແລະ​ຍົກ​
ລະດັບຄວາມທຸກ​ຈົນ ​ຢູ່​ໃນ​ບັນດາ​ປະ​ເທດທີ່​ກໍ​າລັງ​ພັດທະນາ.

ໂຄງການ​ດັ່ງກ່າວ​ໄດ້​ຖືກຂະຫຍາຍກວ້າງ​ອອກ​ມາ​ຍັງ ປະ​ເທດ​ລາວ ພ້ອມ​ມີ​ການຈັດ​
ຕັ້ງ ຫ້ອງການຄົ້ນ​ຄວ້າ​ຫາ​ແຫລ່ງນໍ້າ​ໃຕ້​ດິນຂຶ້ນ ຢູ່​ທີ່​ນະຄອນຫລວງວຽງ​ຈັນ ຊຶ່ງ​ເປັນ
ໂຄງການທໍາ​ອິດ ​ແລະ​ກໍ​ເປັນ​ອົງການ​ແຫ່ງ​ດຽວ ທີ່ຊອກ​ຫາ​ຊ່ອງ​ທາງ ​ເພື່ອ​ຊ່ວຍຂຸດ​
ຄົ້ນຫາ​ແຫລ່ງນໍ້າ​ໃຕ້​ດິນ​ແບບ​ຍຶນຍົງ ເພື່ອນໍາ​ໄຊ້ເຂົ້າ​ໃນການ​ຊົນລະປະທານ ​ແລະ
​ບໍລິໂພ​ກ​ ແກ່​ຊາວ​ຊົນນະບົດ​. ການ​ໃຊ້​ນໍ້າໃຕ້ດິນ​ໄດ້ເພີ່ມຂຶ້ນຢ່າງຕໍ່ເນື່ອງໃນທົ່ວ
ໂລກ ແລະກຳລັງມີບົດບາດສຳຄັນ ໃນການເປັນແຫລ່ງນໍ້າສະຫນອງໃຫ້ຄົວເຮືອນ
ທີ່ຢູ່ຕາມຊົນນະບົດ ຊຶ່ງ​ທ່ານ ບຸນ​ມີ ມ້າວ​ຄໍາ​ຜີວ ທີ່​ປຶກສາ​ດ້ານການ​ສື່ສານ ​ແລະ
ຜູ້ບໍລິຫານ​ໂຄງການນີ້ຂອງ ສະ​ຖາ​ບັນຄຸ້ມ​ຄອງນໍ້າສາກົນ IWMI ​ໄດ້ລົມ​ສູ່
ວີ​ໂອ​ເອ ຟັງດັ່ງ​ນີ້:
ທ່ານ ບຸນມີ ມ້າວຄໍາຜີວ
ທ່ານ ບຸນມີ ມ້າວຄໍາຜີວ



ປັດ​ຈຸ​ບັນ​ນີ້ສະ​ຖາ​ບັນ IWMI ກໍາລັງ​ດໍາ​ເນີນ​ການ​ປະມູນຜູ້​
ປະຕິ​ບັດໂຄງການຈາກຫລາຍໆບໍລິ​ສັດ ທີ່​ຊ່ຽວຊານດ້ານ
ການ​ຂຸດ​ນໍ້າ​ບາ​ດານຢູ່​ໃນ ສປປ ລາວ. ໂຄງການ​ດັ່ງກ່າວນີ້ ​ໄດ້​ຮັບ​ການ​ສະໜັບສະ
ໜູນ​ທາງດ້ານ​ການ​ເງິນ​ໂດຍ ສູນ​ຄົ້ນຄວ້າ​ກະສິກໍາ​ສາກົນ ​ແຫ່ງ​ປະ​ເທດ​ອອສເຕ​ຣ​ເລຍ
(ACIAR) ແລະມີ​ຜູ້​ເຂົ້າຮ່ວມຈາກ ກົມ​ຊົນລະປະທານ ກົມ​ຊັບພະຍາກອນນໍ້າ ສະ​ຖາ
​ບັນ​ສັບພະ​ຍາກ​ອນທໍາ​ມະຊາດ ​ແລະ​ສິ່ງແວດລ້ອມ ມະຫາວິທະຍາ​ໄລແຫ່ງ​ຊາດ
ຄະນະ​ວິສະວະ​ກໍາ​ສາດ ​ແລະ ຄະນະ​ສຶກສາ​ສິ່ງ​ແວດລ້ອມ ຂອງສະ​ຖາບັນຍຸດ​ທະສາດ
​ສິ່ງ​ແວດ​ລ້ອມ ມະຫາວິທະຍາໄລ​ຂອນ​ແກ່ນ ສູນ​ວິ​ໃຈ​ນໍ້າ​ໃຕ້​ດິນ ​ແລະສະ​ຖາ​ບັນ​ຄຸ້ມ​ຄອງ​
ນໍ້າ​ສາກົນ.
XS
SM
MD
LG