ບໍລິສັດຮູບເງົາ Sony ກ່າວວ່າ ຮູບເງົາເລື້ອງ The Interview
ເຮັດລາຍໄດ້ຫລາຍກວ່າ 1 ລ້ານໂດລາ ໃນວັນພະຫັດຜ່ານມາ
ທີ່ນຳອອກສາຍໃນຂອບເຂດຈຳກັດ.
ໂຮງສາຍຮູບເງົາ 320 ແຫ່ງຢູ່ໃນສະຫະລັດ ຊຶ່ງປະມານ 10
ເປີເຊັນຂອງຈຳນວນທີ່ໄດ້ວາງແຜນເອົາໄວ້ໃນຂັ້ນຕົ້ນນັ້ນ ໄດ້
ສາຍຮູບເງົາດັ່ງກ່າວໃນວັນພະຫັດ ຜ່ານມາ ນຶ່ງອາທິດຫລັງ
ຈາກບໍລິສັດ Sony ໄດ້ຍົກເລີກການສາຍ ເນື່ອງຈາກຖືກຂົ່ມ
ຂູ່ຈະມີການກໍ່ຄວາຮຸນແຮງ.
ທ່ານ Rory Bruer ເຈົ້າໜ້າທີ່ຂັ້ນສູງ ຂອງບໍລິສັດ Sony ຄົນ
ນຶ່ງ ກ່າວວ່າ ເມື່ອພິຈາລະນາເຖິງ “ສະພາບການທ້າທາຍທີ່ບໍ່ໜ້າເຊື່ອ” ແລ້ວ ບໍລິສັດ Sony ແມ່ນຮູ້ບຸນຄຸນເປັນທີ່ສຸດ ຕໍ່ປະຊາຊົນທີ່ພາກັນອອກມາເບິ່ງ ຮູບເງົາ The
interview ໃນ ມື້ທຳອິດທີ່ສາຍຢູ່ໃນໂຮງ.
ໃນວັນພຸດທີ່ຜ່ານມາ ບໍລິສັດ Sony ໄດ້ນຳຮູບເງົາ The Interview ອອກ ເຜີຍທາງ
ອິນເຕີແນັດຮວມທັງ You tube, Google Play ແລະ Microsoft Xbox.
The Interview ເປັນເລື້ອງນິຍາຍ ກ່ຽວກັບນັກຂ່າວສອງຄົນ ທີ່ໄດ້ຖືກເກນໂດຍນັກສຶບ
ສະຫະລັດ ເພື່ອລອບສັງຫານ ຜູ້ນຳເກົາຫລີເໜືອ ທ່ານ Kim Jong Un.
ເກົາຫລີເໜືອ ໄດ້ປະນາມຮູບເງົາດັ່ງກ່າວ ແລະບໍລິສັດ Sony ໄດ້ຍົກເລີກແຜນ ການນຳ
ຮູບເງົາອອກເຜີຍແຜ່ໃນອາທິດແລ້ວນີ້ ຫລັງຈາກໄດ້ຖືກໂຈມຕີຢ່າງຮ້າຍແຮງ ຕໍ່ຕາໜ່າງ
ຄອມພິມເຕີຂອງບໍລິສັດແລະໄດ້ຖືກຂົ່ມຂູ່ຈາກພວກໂຈມຕີີເຈາະ ຂໍ້ມູນຫຼືແຮັກເກີ້ວ່າ ຈະ
ເກີດຄວາມຮຸນແຮງຕໍ່ໂຮງສາຍຮູບເງົາທັງຫລາຍ ທີ່ສາຍ ເລື່ອງນີ້.
