ລິ້ງ ສຳຫລັບເຂົ້າຫາ

logo-print

ສຳພາດ ພະນະທ່ານນາງ ເອກອັກຄະລັດຖະທູດ ມາໄລວຽງ ສາກົນນິຍົມ


ພະນະທ່ານນາງ ມາໄລວຽງ ສາກົນນິຍົມ ເອກອັກຄະລັດຖະທູດ ສປປ ລາວ ປະຈຳ ນະຄອນຫລວງມະນີລາ ປະເທດຟິລິບປີນ.

ລາຍ​ການ​ຊີວິດ​ຊາວ​ລາວ ມື້​ນີ້ ​ເຮົາ​ຈະ​ນຳ​ເອົາການ​ສຳພາດ
ພະນະ​ທ່ານ​ນາງມາໄລ​ວຽງ ສາກົນ​ນິຍົມ ​ເອກ​ອັກຄະ​ລັດຖະ
ທູດລາວ ປະຈຳ​ນະຄອນຫລວງ​ມະ​ນີລາ ປະ​ເທດ​ຟິລິບ​ປີນ
ມາ​ສະເໜີ​ທ່ານ. ​ເອກ​ອັກຄະ​ລັດຖະທູດ ມາໄລ​ວຽງ ​ເປັນ​ນັກ
ການ​ທູດ​ທີ່ຫ້າວຫັ​ນ ໜ້າ​ສັນລະ​ເສີນ. ​ທ່ານ​ນາງ ໄດ້ວາງບົດ
ບາດ​ອັນ​ສຳຄັນ​ຢູ່ໃນ​ວົງ​ການ​ລັດຖະບານ ສປປ ລາວ ​ກໍ​ຄືຢູ່​
ໃນເວ​ທີ​ສາກົນ. ເອກອັກຄະ​ລັດຖະທູດ ມາ​ໄລ​ວຽງ ​ໄດ້ໄປ
​ປະ​ຕິ​ບັດ​ໜ້າ​ທີ່ຢູ່ ນະ​ຄອນຫລວງ​ມະ​ນິລາ ເປັນ​ເວລາ​ສີ່​ປີ​ ຊີ​
ວິດຄວາມ​ເປັນ​ມາ​ຂອງ ​ເອກ​ອັກຄະ​ລັດຖະທູດ ມາໄລ​ວຽງ
ສາກົນ​ນິ​ຍົມ ​ເປັນ​ມາ​ຢ່າງ​ໃດ​ນັ້ນ ກິ່ງ​ສະຫວັນ ຈະ​ນຳ​ເລື້ອງ​ນີ້​
ມາສະ​ເໜີ​ທ່ານ.

please wait

No media source currently available

0:00 0:13:08 0:00
ລິງໂດຍກົງ

ສະບາຍດີ ທ່ານ​ຜູ້​ຟັງ​ທີ່​ເຄົາລົບ ລາຍ​ການ​ຊີ​ວິ​ດຊາ​ລາວມື້​ນີ້ ຂ້າພະ​ເຈົ້າ ຂໍ​ແນະນຳ​ໃຫ້​ທ່ານ
​ຮູ້​ຈັກກັບ ​ພະນະ​ທ່ານ​ນາງ ມາໄລວຽງ ສາກົນນິຍົມ ເອກ​ອັກຄະ​ລັດ​ທະ​ທູດ ສປປ ລາວ ປະ
ຈຳ​ນະຄອນຫລວງ​ມະ​ນິລາ. ທ່ານນາງ ມາໄລວຽງ ສາກົນນິຍົມ ເປັນ ສະ​ຕີ​ລາວ ຜູ້​ຊົງ​ຄຸນ
ນະ​ວຸດ​ທິ ຂອງ​ສັດຕະ​ວັດ​ທີ 21 ແລະບຸກ​ຄົນສຳຄັນ​ຄົນ​ນຶ່ງ ທີ່ໄດ້​ວາງບົດ​ບາດຢູ່​ໃນ​ວົງ​ການ​
ລັດຖະບານ ສປປ ລາວ ​ແລະ​ຢູ່ໃນ​ເວ​ທີ​ສາກົນ ຢ່າງໜ້າສັນ​ລະ​ເສີນ.

ທ່ານ​ນາງ ມາ​ໄລວຽງ ເກີດໃນ​ປີ 1953 ​ເປັນລູກບ້ານ​ຫລານ​ເມືອງ ​ນະ​ຄອນ​ປາກ​ເຊ ​ແຂວງ​
ຈຳ​ປາ​ສັກ. ທ່ານ​ນາງມາໄລ​ວຽງ ​ເປັນ​ຄົນ​ມັກ​ຂຽນ ​ແລະມັກ​ອ່ານມາ​ແຕ່​ນ້ອຍ​. ໃນ​ເບື້ອງ​ຕົ້ນ​
ຂອງຊີວິດນັ້ນ ທ່ານ​ນາງ​ມີ​ຄວ​າມ​ໄຝ່ຝັນ​ຢາກ​ເປັນ​ນັກ​ຂ່າວ ​ຫລື journalist ແຕ່ວ່າຫລາຍໆ
ຄັ້ງ​ຜູ້ຍິງ​ລາວ ທີ່​ເຕີບ​ໃຫຍ່​ຢູ່​ໃນ​ສະ​ໄໝ​ນັ້ນ ​ບໍ່​ສາມາດທີ່​ຈະເ​ລື​ອກ​ເອົາ​ຄວາມ​ມັກ​ຂອງ​ຕົນນັ້ນ
ໄດ້ທັງ​ໝົດ ​ເນື່ອງ​ຈາກປະ​ເພນີ ​ແລະ​ສິ່ງ​ແວດ​ລ້ອມ. ດ້ວຍ​ຄວາ​ມບຶກ​ບືນ ຂະຫຍັນ​ໝັ່ນ​ພຽນ
​ທາງ​ດ້ານການ​ສຶກສາ​ ຊີວິດຂອງ​ທ່ານ​ນາງ ໄດ້​ໝູນວຽນມາ​ພົວພັນ​ກັບ​ດ້ານ​ການ​ປົກຄອງ
ແລະ​ການເມືອງ ​ແລະ​ໃນ​ທີ່​ສຸດ​ກໍໄດ້ມາຕົກ​ຢູ່​ໃນ​ຈຳນວນ ນຶ່ງ​ໃນສາມ​ສະຕີ​ລາ​ວ ທີ່​ໄດ້​ຮັບ​
ໜ້າ​ທີ່​ເປັນ ​ເອກ​ອັກຄະ​ລັດຖະທູດ ສປປ ລາວ ​ໃນ​ປັດ​ຈຸ​ບັນ​ນີ້.​

Ambassador
Ambassador

​ສາ​ມີ​ຂອງທ່ານ​ນາງມາ​ໄລ​ວຽງ ຄື ​ເອກ​ອັກຄະ​ລັດຖະທູດ
ທ່ານສຸດ​ທຳ ສາກົນ​ນິຍົມ ອະດີດເພື່ອນ​ນັກ​ສຶກສາ​ດ້ວຍ​ກັນ
​ທີ່ສະ​ຖາ​ບັນ​ກົດໝາຍ ​ແຫ່ງອະດີດ​ພະລາ​ດຊາ​ອານາຈັກ​ລາວ
​ແລະອະດີດ​ນັກ​ສຶກສາ ທີ່​ປະ​ເທດໂຊ​ວຽດ ​ແລະ​ໃນ​ທີ່​ສຸດ​ກໍ​ໄດ້
​ສ້າງ​ຊີວິດ​ຄອບຄົວຮ່ວມກັນ. ປັດຈຸບັນ​ນີ້ ພະນະ​ທ່ານ ສຸດ​ທຳ
ສາກົນ​ນິຍົມ ​ເປັນ​ເອກ​ອັກຄະ​ລັດຖະທູດ ສປປ ລາວ ປະ ຈຳ
ນະ​ຄອນຫລວງນິວ​ແດນ​ລີ ປະເທດ​ອິນ​ເດຍ. ​ທ່ານ​ນາງ​ມາໄລ
ວຽງ ​ແລະ​ທ່ານ​ສຸດ​ທຳ ​ມີ​ລູກສາວ​ທີ່​ໜ້າ​ຮັກ​ນຳກັນ​ສອງ​ຄົນຄື
ນາງສຸຣິດາ​ຮັກ ​ແລະນາງ​ສຸຣິຍາ​ຮັກ. ທ່ານ​ນາງມາ​ໄລ​ວຽງສາ
ມາດ​ປາກ​ ພາສາ​ຝຣັ່ງ ອັງກິດ ​ແລະຣັດ​ເຊຍໄດ້​ເປັນ​ຢ່າງ​ດີ. ຈຸດ​ເດັ່ນ​ດ້ານ​ການ​ສຶກ​ສາຂອງ
ທ່ານ​ນາງ ມາ​ໄລ​ວຽງ ມີ​ດັ່ງນີ້ :

ປີ 1965 ຈົບ​ໂຮງ​ຮຽນປະ​ຖົມ Ecole Sainte Jeanne Antide ທີ່ເມືອງປາກ​ເຊ.1972
​ຈົບ Baccalaureate ຝ່າຍ​ວັນ​ນະ​ຄະ​ດີ ຈາກ Lycee de Vientiane. 1976 ຈົບ​ການ​
ສຶກ​ສາ​ ຝ່າຍ​ກົດ​ໝາຍ ແລະ​ການ​ປົ​ຄອງ ຈາກສະ​ຖາ​ບັນ​ກົດ​ໝາຍ ທີ່​ນະ​ຄອນ​ຫລວງວຽງ
​ຈັນ. 1982 ຈົບ​ປະ​ລິນ​ຍາ​ໂທ ຝ່າຍກົດ​ໝາຍ​ສາ​ກົນ ຈາກ​ University of Ukraine,
Soviet Union. 1988 ໄດ້ຣັບປະ​ກາດ​ສະ​ນີ​ຍະ​ບັດ ຈາກ Academy of Social
Sciences, Moscow. 1993-94 ໄດ້​ຣັບ​ປະ​ກາດ​ສະ​ນິ​ຍະ​ບັດ ຝ່າຍ International
Relation ທີ່ Institute International d’Administration Publique ທີ່​ນະ​ຄອນ
Paris ປະ​ເທດ​ຝ​ຣັ່ງ.

ນອກ​ຈາກ​ນັ້ນແລ້ວ ທ່ານ​ນາງ​ໄດ້ຮັບ​ການ​ອົບ​ຮົມຢ່າງຫລວງ​ຫລາຍ ແລະບໍ່​ຂາດ​ລະຍະ
ພ້ອ​ມ​ທັງ​ພິມ​ເຜີຍ​ແຜ່ບົດ​ຄົ້ນ​ຄວ້າ​ຕ່າງໆ.

ພະ​ນະ​ທ່າ​ນ ເອກ​ອັກ​ຄະ​ລັດ​ຖະ​ທູດ ມາໄລ​ວຽງ ສາ​ກົນ​ນິ​ຍົມ ໄດ້​ໃຫ້​ການ​ສຳ​ພາດ​ຕໍ່
ວີ​ໂອ​ເອ ກ່ຽວ​ກັບ​ຊີວິດ​ການ​ປະຕິບັດ​ໜ້າ​ທີ່​ເບື້ອງ​ຕົ້ນ​ດັ່ງ​ນີ້ :

ເອກອັກຄະລັດຖະທູດ ມາໄລວຽງ ມອບຮູບປັ້ນຂອງມື້ລາງ ປະທານປະເທດລາວ ທ່ານໄກສອນ ພົມວິຫານ ໃຫ້ຟິລິບປີນ ຢູ່ສວນ ASEAN
ເອກອັກຄະລັດຖະທູດ ມາໄລວຽງ ມອບຮູບປັ້ນຂອງມື້ລາງ ປະທານປະເທດລາວ ທ່ານໄກສອນ ພົມວິຫານ ໃຫ້ຟິລິບປີນ ຢູ່ສວນ ASEAN

please wait

No media source currently available

0:00 0:01:36 0:00
ລິງໂດຍກົງ

ທ່ານ​ໄດ້​ມາ​ປະຈຳ​ຢູ່ ປະ​ເທດ​ຟິລິບ​ປິນ ດົນ​ປານ​ໃດ​ແລ້ວ ຈະ​ໝົດ​ໜ້າ​ທີ່ເວລາ​ໃດ ​ບົດບາດ​
ຂອງ​ທ່ານ ​ແລະ​ຜົນສຳ​ເລັດນັ້ນ​ມີ​ຫຍັງ​ແດ່?

ເອກອັກຄະລັດຖະທູດ ມາໄລວຽງ ສາກົນນິຍົມ ແລະປະທານາທິບໍດີ Benigno S. Aquino ແຫ່ງຟິລິບປິນ
ເອກອັກຄະລັດຖະທູດ ມາໄລວຽງ ສາກົນນິຍົມ ແລະປະທານາທິບໍດີ Benigno S. Aquino ແຫ່ງຟິລິບປິນ

please wait

No media source currently available

0:00 0:03:01 0:00
ລິງໂດຍກົງ

ໃນ​ນາມກຸນລະ​ສະຕິີລາວ ຜູ້​ຊົງ​ຄຸນ​ນະ​ວຸດ​ທິ ​ແລະ​ເປັນເອກ​ອັກຄະລັດຖະທູດ ສປປ ລາວ
ປະຈຳ​ນະຄອນຫລວງມະນີ​ລາ ທ່ານ​ມີ​ຄວາມ​ຮູ້ສຶກ​ຢ່າງ​ໃດ​?

ລັດຖະມົນຕີຕ່າງປະເທດ ຟິລິບປິນ ທ່ານ Albert F. del Rosario ລ້ຽງສົ່ງ ເອກອັກຄະລັດຖະທູດ ມາໄລວຽງ ທີ່ກະຊວງຕ່າງປະເທດ ຟິລິບປິນ
ລັດຖະມົນຕີຕ່າງປະເທດ ຟິລິບປິນ ທ່ານ Albert F. del Rosario ລ້ຽງສົ່ງ ເອກອັກຄະລັດຖະທູດ ມາໄລວຽງ ທີ່ກະຊວງຕ່າງປະເທດ ຟິລິບປິນ

please wait

No media source currently available

0:00 0:01:51 0:00
ລິງໂດຍກົງ

ທ່ານ​ທູດມາໄລ​ວຽງ ບອກ​ໄດ້​ບໍ່​ວ່າ ວິທີ​ການ​ປະຕິບັດ​ໜ້າ​ທີ່​ ​ແລະ​ປົກຄອງຂອງ​ທ່ານ​ນັ້ນ
ເປັນຢ່າງ​ໃດ?

ເອກອັກຄະລັດຖະທູດ ມາໄລວຽງ ສະຫລອງວັນຊາດ ບຣູນາຍ
ເອກອັກຄະລັດຖະທູດ ມາໄລວຽງ ສະຫລອງວັນຊາດ ບຣູນາຍ

please wait

No media source currently available

0:00 0:00:31 0:00
ລິງໂດຍກົງ

ທ້າຍ​ສຸດ​ນີ້ ພະນະທ່ານເອກ​ອັກຄະ​ລັດຖະ​ທູດ ມາ​ໄລ​ວຽງ​ ມີຫຍັງ​ຢາກ​ຝາກຄວາມ​ຄິດ​ເຫັນ
​ແລະຮັກ​ແພງ​ໄວ້​ກັບ ລາຍການ​ຊີວິດຊາວ​ລາວ ຂອງ ວີ​ໂອ​ເອ ບໍ່? ​

ລັດຖະມົນຕີຕ່າງປະເທດ ຟິລິບປິນ ທ່ານ Albert F. del Rosario ມອບໃບຍ້ອງຍໍຊົມເຊີຍໃຫ້ ເອກອັກຄະລັດຖະທູດ ມາໄລວຽງ
ລັດຖະມົນຕີຕ່າງປະເທດ ຟິລິບປິນ ທ່ານ Albert F. del Rosario ມອບໃບຍ້ອງຍໍຊົມເຊີຍໃຫ້ ເອກອັກຄະລັດຖະທູດ ມາໄລວຽງ

please wait

No media source currently available

0:00 0:00:31 0:00
ລິງໂດຍກົງ

ຂະນະ​ທີ​ທ່ານ​ກຳລັງ​ຟັງ​ບົດ​ສຳພາດ​ຢູ່​ນີ້ ທ່າ​ນນາງ ມາ​ໄລ​ວຽງ ສາກົນ​ນິຍົມ ໄດ້​ເດີນທາ​ງ
ກັບ​ຄືນ​ໄປ​ຮອດ ບ້ານ​ເກີດ​ເມືອງ​ນອນ​ແລ້ວ ​ເພື່ອ​ຮັບ​ຕຳ​ແໜ່​ງ​ໃໝ່​ຢູ່​ກະຊວງ​ການ​ຕ່າງ
ປະ​ເທດ.

ພ້ອ​ມດຽວ​ກັນ​ນີ້ ຂ້າ​ພະ​ເຈົ້າ ກິ່​ງ​ສະ​ຫວັນ ພ້ອມ​ດ້ວຍ​ຄະ​ນະ​ຈັດ​ທຳ ​ວີ​ໂອ​ເອ ພະ​ແນ​ກພາ​ສາ​
ລາວ ຂໍ​ອວຍ​ໄຊ​ໃຫ້​ພອນ​ແກ່ ພະ​ນະ​ທ່ານ​ເອກ​ອັກ​ຄະ​ລັດ​ຖ​ະທູດ ມາ​ໄລ​ວຽງ ຈົ່ງສືບ​ຕໍ່ປະ​
ສົບ​ຜົນ​ສຳ​ເລັດ ໃນພາລະ​ກິດ​ລາດ​ຊ​ະ​ການ​ໃນ​ອະນາ​ຄົດ​ທັງ​ໃນ ແລະດ້ານ​ສ່ວນ​ຕົວຂອງ
ທ່ານ. ​ກ່ອນ​ຈາກ​ກັນ​ໄປ​ວັນ​ນີ້ ພວກຂ້າ​ພະ​ເຈົ້າ ຂໍ​ມອບ​ເພງລາວອຳ​ມະຕະ ​ໃຫ້​ແກ່​ທ່ານ​
ພ້ອມ​ດ້ວຍ​ຄອບຄົວ ​ເພັງ​ນີ້ມີ​ຊື່​ວ່າ “ຫອມ​ກຸ​ຫລາບ​ປາກ​ເຊ” ຊຶ່ງ​ເປັນ​ບຸບ​ຜາ ທີ່​ງົດ​ງາມ​ ​ແລະ
​ຫອມ​ຫວນ ​ປະ​ຈຳບ້ານ​ເກີດ​ເມືອງນອນ​ຂອງ​ທ່ານ.

please wait

No media source currently available

0:00 0:04:07 0:00
ລິງໂດຍກົງ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG