ໃນລາຍການຊີວິດຊາວລາວ ຂອງ ວີໂອເອ ມື້ນີ້ ເຮົາຈະ
ນຳສະເໜີການສຳພາດ ດຣ. ບຸນລະຫົງ ພົມໂສພາ ອາ
ເມຣິກັນເຊື້ອສາຍລາວ ເຕີບໃຫຍ່ຢູ່ໃນລັດ California.
ທ່ານສຳເລັດການສຶກສາຝ່າຍກົດໝາຍ ປັດຈຸບັນນີ້ກຳລັງ
ເຮັດວຽກໃຫ້ແກ່ ຫ້ອງການທະນາຍຄວາມແຫ່ງນຶ່ງ ທີ່ໜ້າ
ສັນລະເສີນ ທ່ານມີຄວາມເປັນຫ່ວງຊີວິດການເປັນຢູ່ຂອງ
ພີ່ນ້ອງເຊື້ອສາຍລາວ ແລະບັນດາຜູ້ທີ່ບໍ່ສາມາດຊ່ວຍຕົນເອງ. ທ່ານມີແຜນທີ່ຈະສະໝັກເປັນຮອງຜູ້ປົກຄອງລັດ California ຊຶ່ງຈະມີຂຶ້ນໃນສອງປີຂ້າງໜ້ານີ້ ກິ່ງສະຫວັນ ມີລາຍ
ລະອຽດຈະນຳມາສະເນີທ່ານໃນອັນດັບຕໍ່ໄປ.
ສະບາຍດີ ທ່ານຜູ້ຟັງທີ່ເຄົາລົບ ມື້ນີ້ ຂ້າພະເຈົ້າຈະນຳເອົາຕົວຢ່າງ ພົນລະເມືອງດີຂອງ
ອາເມຣິກັນເຊື້ອສາຍລາວ ທີ່ໄດ້ມາເຕີບໃຫຍ່ ແລະໄດ້ຮັບການສຶກສາສູງ. ດຣ. ບຸນລະ
ຫົງ ພົມໂສພາ ມີຊື່ອາເມຣິກັນວ່າ Matthew B. Rizzie ໄດ້ພິສູດໃຫ້ເຫັນເຖິງຄວາມມາ
ນະອົດທົນທີ່ນຳມາສູ່່ຜົນສຳເລັດ. ທ່ານ Matthew ແມ່ນລູກຫລານລາວ ຈາກ ບ້ານສົ້ມປ່ອຍແຂວງສະຫວັນນະເຂດ ທີ່ໄດ້ກາຍມາເປັນນັກກົດໝາຍຢູ່ໃນສະຫະລັດອາເມຣິກາ.
ເປັນເວລາ 41 ປີທີ່ຜ່ານມາ (1975-2016) ນັບແຕ່ປະຊາຊົນ
ອິນດູຈີນ ອັນມີຫວຽດນາມ ກຳປູເຈຍ ແລະລາວ ໄດ້ອອກ
ມາຕັ້ງຖິ່ນຖານຢູ່ປະເທດທີສາມທົ່ວໂລກ ໂດຍສະເພາະ ສະຫະ
ລັດ ອາເມຣິກາ. ບັດນີ້ ບັນດາລູກຫລານ ອາເມຣິກັນເຊື້ອສາຍ
ລາວເຫລົ່ານີ້ໄດ້ໃຫຍ່ກ້າໜ້າບານ ກາຍມາເປັນນັກວິຊາການຢູ່
ໃນຫລາຍໆຂະແໜງເປັນຕົ້ນວ່າ ທະຫານ ຕຳຫລວດ ນັກການ
ເມືອງ ທະນາຍຄວາມ ນັກທຸລະກິດການຄ້າ ນັກເຄື່ອນໄຫວ
ນັກປະພັນ ນັກສິນລະປິນ ແລະອີກຫລາຍໆໜ້າທີ່ການ. ເຂົາ
ເຈົ້າແມ່ນລາວອາເມຣິກັນລຸ້ນໃໝ່ ທີ່ໄດ້ພິສູດໃຫ້ເຫັນເຖິງຄວາມ
ສະຫລຽວສະຫລາດ ທີ່ໄດ້ນຳມາສູ່ຜົນສຳເລັດດ້ານການສຶກສາ
ອັນເປັນພະລິດຕະພັນ ແລະພົນລະເມືອງດີຂອງປະເທດ.
ບັດນີ້ເຮົາມາທຳຄວາມຮູ້ຈັກກັບ ດຣ. ບຸນລະຫົງ ພົມໂສພາ ຫລື Matthew B. Rizzie ລູກຫລານບ້ານສົ້ມປ່ອຍ ທີ່ຕັ້ງຢູ່ແຄມແມ່ນ້ຳຂອງ ໃນແຂວງສະຫວັນນະເຂດ. ບຸນລະຫົງ ພົມໂສພາ ລູກຊາຍດຽວຂອງຮ້ອຍເອກບຸນຫົງ ພົມໂສພາ ອະດີດນາຍທະຫານກອງທັບ
ແຫ່ງພະລາຊາອານາຈັກລາວ ແລະຍານາງບຸນນຳ ພົມໂສພາ. ບຸນລະຫົງ ໄດ້ປ່ຽນມາໃສ່
ຊື່ Matthew B. Rizzie ໄດ້ເຕີບໃຫຍ່ຢູ່ເມືອງ Newman ຊຶ່ງເປັນເມືອງນ້ອຍໆຕັ້ງຢູ່
ຮ່ອມພູໃນລັດ California ເມືອງນີ້ມີພົນລະເມືອງປະມານ 10,000 ຄົນ ເປັນເມືອງປູກ
ໝາກໄມ້ເຊັ່ນວ່າ ໝາກ almonds, apricot, strawberry ແລະໝາກເລັ່ນ.
ເມື່ອຫລາຍປີທີ່ຜ່ານມາໄດ້ມີຄອບຄົວລາວຫລາຍກວ່າສິບຄົວ ພາກັນຕັ້ງຖິ່ນຖານຫາຢູ່
ຫາກິນ ເກັບຜົນລະປູກຢູ່ທີ່ນີ້ ບັດນີ້ຍັງເຫລືອແຕ່ພຽງສອງຄອບຄົວເທົ່ານັ້ນ ເພາະໄດ້ພາ
ກັນຍົກຍ້າຍໄປຕັ້ງຖິ່ນຖານຢູ່ແຫ່ງອຶ່ນໆ. Matthew ໄດ້ເລີ້ມເຂົ້າໂຮງຮຽນຊັ້ນປະຖົມຄ່ຽງ
ຄູ່ກັບບັນດາເດັກນ້ອຍຊາວອາເມຣິກັນທົ່ວໆໄປ. ລາວໄດ້ສັງເກດເຫັນຊີວິດການເປັນຢູ່
ຂອງພີ່ນ້ອງຊາວລາວ ແລະສິ່ງແວດລ້ອມຊຶ່ງພໍ່ແມ່ຂອງ Mathew ເອງກໍແມ່ນຄົນເກັບ
ໝາກໄມ້ເຊັ່ນກັນ. ຢູ່ໃນບັນຍາກາດດັ່ງກ່າວນີ້ Matthew ໄດ້ຮຽນຮູ້ຮັບໃຊ້ສັງຄົມມາແຕ່
ນ້ອຍ ເພາະຖືກຫລໍ່ຫລອມໄປດ້ວຍ ການໃຊ້ພາສາອັງກິດ ປາກເວົ້າພາສາອັງກິດ ແຕ່ໄດ້
ເວົ້າພາສາລາວກັບພໍ່ແມ່ຢູ່ບ້ານ ເພາະສະນັ້ນ Matthew ຈຶ່ງສາມາດປາກພາສາລາວໄດ້
ດີ ພ້ອມ ທັງມີສຳນຽງສະຫວັນນະເຂດເປັນຢ່າງດີ.
ໃນຂະນະທີ່ Matthew ກຳລັງເຕີບໃຫຍ່ຢູ່ໃນສັງຄົມນ້ອຍໆແຫ່ງນີ້ ຫລັງຈາກເລີກໂຮງ
ຮຽນແລ້ວ Matthew ໄດ້ຮັບໃຊ້ເປັນນາຍພາສາ ອາສາສະໝັກໃຫ້ແກ່ ບັນດາຄອບຄົວ
ລາວ ຜູ້ທີ່ປາກພາສາອັງກິດບໍ່ເກັ່ງ ເຊັ່ນວ່າ ໂອ້ລົມກັບທ່ານໝໍ ອ່ານເອກກະສານຈ່າຍຄ່າ
ນໍ້າ ຄ່າໄຟ ແລະການບໍລິໂພກຕ່າງໆ. Matthew ໄດ້ເລົ່າຊີວິດເບື້ອງຕົ້ນສູ່ ວີໂອເອ ຟັງ
ດັ່ງນີ້ວ່າ :
ໃນຂະນະດຽວກັນ Matthew ບໍ່ໄດ້ລົດລະນຳການສະແຫວງຫາການສຶກສາ ຊັ້ນສູງ ແລະ
ໄດ້ບຶກບືນຊ່ວຍຕົນເອງມາຕະຫລອດ ໂດຍທີ່ພໍ່ແມ່ໄດ້ເປັນແຮງໃຈ ແລະໃຫ້ການສະໜັບ
ສະໜູນຢ່າງເຕັມທີ່ຊຶ່ງ Matthew ໄດ້ກ່າວເຖິງຂັ້ນຕອນ ຕໍ່ໄປອີກວ່າ :
ດຣ. Matthew ແມ່ນນັກອາສາສະໝັກ ອະດີດເຈົ້າໜ້າທີ່ສັງຄົມສົງເຄາະ ແລະ ຍ້ອນປະສົບການຊີວິດດັ່ງກ່າວ ທ່ານຈຶ່ງຢາກກ້າວເຂົ້າມາສະໝັກເປັນຮອງ ຜູ້ປົກຄອງລັດ California ຫລື Lt. Governnor ຂອງລັດ California ບ່ອນທີ່ມີການພິຈາລະນາຕັດ
ສິນໃຈຕ່າງໆ ຊຶ່ງທ່ານ Matthew ໄດ້ກ່າວເຖິງຄວາມໄຝ່ຝັນໃນຕອນນີ້ວ່າ :
ວີໂອເອ ຈະຕິດຕາມນຳການເຄຶ່ອນໄຫວ ຂອງການໂຄສະນາຫາສຽງ ແລະການແຂ່ງຂັນບັ້ນສຸດທ້າຍມາສະເໜີທ່ານຜູ້ຟັງໃນອະນາຄົດຂ້າງໜ້ານີ້.
