ມີລາຍງານວ່າ ຫົວໜ້າຕຳຫຼວດສາກົນ ໄດ້ຫາຍສາບສູນໄປ ແລະອົງການຕຳຫຼວດສາ
ກົນ ກ່າວວ່າ ຈີນ ແລະຝຣັ່ງ ກຳລັງທຳການສືບສວນ ກ່ຽວກັບການຫາຍໂຕໄປດັ່ງກ່າວ
ນີ້ຢູ່.
ໃນຖະແຫຼງການ ທີ່ນຳອອກເຜີຍແຜ່ໃນວັນສຸກວານນີ້ ຕຳຫຼວດສາກົນກ່າວວ່າ ຕົນຈະ
ບໍ່ໃຫ້ຄວາມເຫັນໃດໆເພີ້ມຕື່ມ ກ່ຽວກັບການຫາຍໂຕໄປຂອງທ່ານເມັງ ຫົງເຫວ່ ທີ່ເປັນ
ຄົນຈີນ ຊຶ່ງໄດ້ຖືກເລືອກ ໃຫ້ເປັນຜູ້ນຳພາ ອົງການຕຳຫຼວດສາກົນ ໃນເດືອນພະຈິກ ປີ
2016 ເປັນເວລາ 4 ປີ.
ພັນລະຍາຂອງທ່ານເມັງ ທີ່ພຳນັກຢູ່ເມືອງລີອົງ ປະເທດຝຣັ່ງ ບ່ອນທີ່ສຳນັກງານໃຫຍ່
ຂອງອົງການຕຳຫຼວດສາກົນຕັ້ງຢູ່ ເມື່ອໄວໆມານີ້ໄດ້ຕິດຕໍ່ໄປຫາຕຳຫຼວດຝຣັ່ງຫຼັງຈາກ
ບໍ່ໄດ້ຍິນຂ່າວກ່ຽວກັບສາມີຂອງທ່ານນາງ ນັບແຕ່ທ່ານໄດ້ເດີນທາງໄປປະເທດຈີນ ໃນ
ທ້າຍເດືອນກັນຍາແລ້ວນີ້.
ທ່ານເມັງ ອາຍຸ 64 ປີ ອະດີດຮອງລັດຖະມົນຕີກະຊວງປ້ອງກັນຄວາມສະຫງົບຂອງຈີນ
ໄດ້ຖືກເລືອກ ໃຫ້ເປັນຫົວໜ້າ ອົງການຕຳຫຼວດສາກົນ ໃນເດືອນພະຈິກປີ 2016 ແລະ
ທ່ານກໍເປັນຄົນສັນຊາດຈີນຜູ້ທຳອິດ ທີ່ໄດ້ເຂົ້າກຳຕຳແໜ່ງດັ່ງກ່າວ.
ອີງຕາມຊີວິດປະຫວັດ ຂອງທ່ານເມັງ ຢູ່ໃນເວັບໄຊ ຂອງອົງການຕຳຫຼວດສາກົນແລ້ວ
ທ່ານມີປະສົບພະການເກືອບ 40 ປີ ກ່ຽວກັບລະບົບ ເຈົ້າໜ້າທີ່ປະຕິບັດກົດໝາຍແລະ
ຕຳຫຼວດ ຊຶ່ງໃນລະຫວ່າງນັ້ນ ທ່ານໄດ້ຮັບມື ກັບບັນຫາຕ່າງໆ ທີ່ພົວພັນກັບສະຖາບັນ
ກົດໝາຍ ການຄວບຄຸມຢາເສບຕິດ ການຕໍ່ຕ້ານພວກກໍ່ການຣ້າຍ ການຄວບຄຸມຊາຍ
ແດນ ເລື້ອງຄົນເຂົ້າເມືອງ ແລະການຮ່ວມມືລະຫວ່າງປະເທດ.
