ປະຕິກິລິຍາຂອງນາໆຊາດ ແມ່ນໄດ້ແຜ່ລາມອອກຢ່າງກວ້າງ
ຂວາງໃນວັນພຸດວານນີ້ ກ່ຽວກັບຂໍ້ສະເໜີ ຂອງຜູ້ສະໝັກປະທາ
ນາທິບໍດີ ສັງກັດພັກ Republican ທ່ານ Donald Trump
ທີ່ວ່າ ຈະງົດການເຂົ້າມາຍັງສະຫະລັດຂອງຊາວມຸສລິມ ເປັນການ
ຊົ່ວຄາວ ໂດຍມີຊາວອັງກິດ ເກືອບ 2 ແສນ 5 ໝື່ນຄົນ ພາກັນ
ລົງນາມ ໃນໜັງສືຮ້ອງຮຽນທາງອິນເຕີແນັຕ ເພື່ອຫ້າມບໍ່ໃຫ້ ທ່ານ Trump ເຂົ້າໄປໃນປະເທດຂອງພວກເຂົາເຈົ້າ.
ທ່ານ Trump ໄດ້ຮຽກຮ້ອງໃນວັນຈັນຜ່ານມານີ້ວ່າ “ໃຫ້ຍຸຕິທັງໝົດແລະຢ່າງສິ້ນເຊີງ” ໃນການອະນຸຍາດໃຫ້ຊາວມຸສລິມ ເຂົ້າມາຍັງສະຫະລັດ ໂດຍກ່າວວ່າ ການຫ້າມທີ່ວ່ານີ້ຍັງຈະນຳໃຊ້ຢູ່ຕໍ່ໄປ ຈົນກວ່າວ່າ ລັດຖະບານ “ຫາວິທີທາງແກ້ໄຂໄດ້” ກ່ຽວກັບ ທັດສະນະຄະຕິ
ຂອງຊາວມຸສລິມທີ່ມີຕໍ່ອາເມຣິກາ ທ່າມກາງການໂຈມຕີຢ່າງຮ້າຍກາດ ໃນລັດ California
ເມື່ອຕົ້ນເດືອນນີ້.
ຊາວອັງກິດ ບາງພວກ ກ່າວວ່າ ຄຳເວົ້າຂອງທ່ານນັ້ນ ແມ່ນເທົ່າກັບ ເປັນ “ຄຳເວົ້າທີ່ກຽດຊັງ” ແລະໄດ້ຮຽກຮ້ອງໃຫ້ມີການຫ້າມ ບໍ່ໃຫ້ທ່ານ Trump ເຂົ້າໄປໃນອັງກິດ ບ່ອນທີ່ທ່ານ
ເປັນເຈົ້າຂອງສະໜາມກອ໊ຟ ທີ່ Scottland ນັ້ນ.
ປຽບທຽບ “ຄຳເວົ້າທີ່ກຽດຊັງ”
ສະມາຊິກສະພາ ພັກ Scottish National Party ທ່ານ Tasmina Ahmed-Sheikh ໄດ້ກ່າວວ່າ ກົດລະບຽບແບບດຽວກັນ ຄວນຈະຖືກນຳມາໃຊ້ກັບທ່ານ Trump ດັ່ງດຽວກັນ ກັບທີ່ໄດ້ນຳໃຊ້ ຕໍ່ພວກຜູ້ສອນສາສະໜາ ຫົວຮຸນແຮງຈັດນັ້ນ.
ທ່ານ Ahmed-Sheikh ໄດ້ກ່າວວ່າ “ພວກເຮົາແມ່ນໄດ້ຫ້າມໄປແລ້ວ ພວກສອນສາສະ
ໜາ ທີ່ສັ່ງສອນໃຫ້ກຽດຊັງ 84 ຄົນ ບໍ່ໃຫ້ເຂົ້າມາ ໃນປະເທດນີ້. ມຸມມອງຂອງຂ້າພະເຈົ້າ ກໍແມ່ນວ່າ ຄຳເວົ້າຂອງທ່ານ Donald Trump ແມ່ນເທົ່າກັບການສັ່ງສອນໃຫ້ກຽດຊັງນັ້ນ ເອງ ແລະ ສະນັ້ນ ຄຳຖາມຂອງຂ້າພະເຈົ້າຕໍ່ລັດຖະບານກໍມີຢູ່ວ່າ ‘ໃຫ້ພວກເຮົາພິຈາລະ ນາ
ວ່າ ທ່ານ Trump ເປັນບຸກຄົນທີ 85 ບໍ.’”
ຄຳຮ້ອງຮຽນທາງອິນເຕີແນັຕທີ່ມີຫລາຍ ກວ່າ 1 ແສນລາຍເຊັນແລ້ວນັ້ນ ຈະຖືກນຳໄປ
ພິຈາລະນາເພື່ອອະພິປາຍຢູ່ໃນລັດຖະສະພາ ແຕ່ວ່າ ລັດຖະມົນຕີກະຊວງການເງິນຂອງ
ອັງກິດ ທ່ານ George Osborne ໄດ້ບອກກັບສະມາຊິກສະພາ ໃນວັນພຸດວານນີ້ວ່າ
“ມັນຈະເປັນການຜິດພາດທີ່ຈະຫ້າມການເຂົ້າເມືອງຂອງຜູ້ສະໝັກປະທານາທິບໍດີ.”
ເຊີນຊົມ ວີດີໂອ ຂອງທ່ານ Trump ກ່ຽວກັບຊາວມຸສລິມ
