ລິ້ງ ສຳຫລັບເຂົ້າຫາ

ນາໆຊາດ ປະຊຸມ ຫາທາງ ສ້າງສະຖຽນລະພາບ ໃນມາລີ (ສະໄລດ໌/ວີດິໂອກ່ຽວຂ້ອງ)


ທະຫານມາລີ ຄວບຄຸມພວກນັກໂທດ ທີ່ສົງໄສວ່າ ເປັນພັນທະມິດກັບ ກຸ່ມກໍ່ການຮ້າຍ ອາລໄຄດາ.
ອົງການຈັດຕັ້ງ​ນາໆ​ຊາດ ແລະ​ບັນດາ​ເຈົ້າ​ໜ້າ​ທີ່​ຈາກມາລີ
ກໍາລັງ​ປະຊຸມ​ກັນ​ໃນ​ວັນ​ອັງຄານ​ມື້​ນີ້​ເພື່ອ​ສົນທະນາຫາລື​ກັນ
​ກ່ຽວ​ກັບ​ຄວາມ​ພະຍາຍາ​ມ ​ໃນ​ການ​ສ້າງສະຖຽນ​ລະ​ພາບ
ໃຫ້​ແກ່​ປະ​ເທດປະ​ເທດ​ດັ່ງກ່າວ ລຸນ​ຫລັງ​ການ​ບຸກ​ໂຈມ​ຕີ
ຂອງ​ກໍາລັງທະຫານ​ຝຣັ່ງແລະ​ມາລີ ​ເພື່ອ​ເຂົ້າຍຶດ​ເອົາ​ຄືນ
​ເມືອງ​ສໍາ​ຄັນຕ່າງໆ ຢູ່​ໃນ​ພາກ​ເໜືອປະ​ເທດ.

ອົງການສະຫະ​ປະຊາ​ຊາດ ສະຫະພາບ​ຢູ​ໂຣບ ສະຫະພາບ
​ອາ​ຟຣິກາ ​ແລະ​ປະຊາ​ຄົ​ມ​ເສດຖະກິດບັນດາ​ລັດອາ​ຟຣິກາ​
ຕາ​ເວັນ​ຕົກ​ ເປັນ​ຜູ້ນໍາໜ້າໃນ​ບັນຊີ​ລາຍ​ຊື່ຂອງຜູ້ຕາງໜ້າ
ຈາກປະມານ 45 ຄະນະ ​ທີ່​ເຂົ້າ​ຮ່ວມ​ປະຊຸ​ມ ຢູ່ນະຄອນ​ບຣັສ​ເຊີ​ລສ໌.

​ພວກ​ຜູ້ຕາງໜ້າ​ເຫຼົ່ານີ້ຈະ​ສົນທະນາຫາລືກັນ​ກ່ຽວ​ກັບການດຳ​ເນີນ​ຄວາມ​ພະຍາມ​ໃນ​ດ້ານ​ມະ​ນຸດ​ສະ​ທໍາແລະດ້ານສິດທິ​ມະນຸດ ພ້ອມ​ທັງ​ການດຳ​ເນີ​ນຂັ້ນຕອນ​ທາງ​ດ້ານ​ການ​ເມືອງ​ ຢູ່ໃນປະ​ເທດມາລີ ບ່ອນ​ທີ່​ວິ​ກິດ​ການໄດ້​ເລີ້ມ​ເກີດ​ຂື້ນ​ໃນ​ປີ​ແລ້ວ​ນີ້ ​ເວລາພວກ​ທະຫານ​ໄດ້​ໂຄ່ນ​ລົ້ມ ປະ ທານາທິບໍດີ. ຜູ້​ນໍາ​ຊົ່ວຄາວຂອງ​ມາລີ ທ່ານ Dioncounda Traore ຕ້ອງການ​ຢາກ​ໃຫ້​ມີ​ການ​ເລືອກ​ຕັ້ງ​ໃໝ່​ໃນເດືອນ​ກໍລະກົດ ຈະ​ມາ​ເຖິງ​ນີ້.



ເລື່ອງ​ທີ່​ສໍາຄັນ​ອີກເລື່ອງນຶ່ງ​ ກໍຄື​ການຈັດຕັ້ງກໍາລັງແຊກ​ແຊງ​ຂອງ​ອາ​ຟຣິກາ ຊຶ່ງ​ຈະ​ເຂົ້າຮັບ​ໜ້າ​ທີ່​ແທນທະຫານ​ຝຣັ່ງ ທີ່​ໄດ້​ທໍາ​ການ​ສູ້ລົບ​ກັບ ພວກ​ກະບົດອິສລາມຫົວ​ຮຸນ​ແຮງຢູ່​ພາກ​ເໜືອ​ຂອງ​ຂອງມາລີເປັນ​ເວລາ​ສາມ​ອາທິດ​ແລ້ວນັ້ນ.

ສະຫະພາບ​ຢູ​ໂຣບກໍາລັງ​ປະຕິບັດ​ແຜນງານ ທີ່​ຈະ​ສົ່ງ​ຄູ​ຝຶກ​ຫລາຍ​ຮ້ອຍ​ຄົນ ໄປຊ່ວຍຝຶກ​ແອບທະຫານ​ມາລີ. ​ມາ​ຮອດ​ປັດຈຸບັນ​ນີ້ ມີ​ 17 ປະ​ເທດ​ແລ້ວ​ຈາກຢູໂຣບ​ໄດ້​ໃຫ້​ຄຳ​ໝັ້ນສັນຍາ​ທີ່​ຈະຮ່ວມ​ສົມທົບໃນຝຶກ​ແອບ ກໍາລັງທະຫານມາ​ລີ.

ລັດຖະມົນຕີ​ການ​ຕ່າງປະ​ເທດ​ຝຣັ່ງ ທ່ານ Laurence Fabius ກ່າວ​ໃນ​ວັນ​ຈັນ​ວານ​ນີ້​ວ່າ ​ເຮືອບິນ​ລົບຝຣັ່ງຍັງສືບ​ຕໍ່​ການ​ຖີ້ມລະ​ເບີດ​ໃສ່​ເສັ້ນ ​ທາງ​ຂົນ​ສົ່ງ ​ແລະ​ສູນ​ກາງ​ຝຶກ​ແອ​ບຂອງ​ພວກ​ກະບົດ ຢູ່ໃນ​ເຂດທະ​ເລ​ຊາຍ​ທີ່​ໂດດ​ດ່ຽວ​ ທາງພາກຕາ​ເວັນ​ອອກສຽງ​ເໜືອ​ຂອງ
ມາລີ. ທ່ານ ​ໄດ້​ກ່າວ​ຕໍ່​ວິທະຍຸ​ຝຣັ່ງວ່າ ​ເປົ້າ​ໝາຍ​ກໍ​ຄື​ເຮັດ​ໃຫ້​ມັນ​ເປັນ​ໄປໄດ້​ຍາກ​ສຳ ລັບ​ພວກ​ກະບົດທີ່​ຈະ​ຢູ່​ໃນພາກ​ເໜືອ​ຂອງມາລີຕໍ່​ໄປ​ໃນ​ລະຍະ​ຍາວ​ໄດ້.

XS
SM
MD
LG