ລິ້ງ ສຳຫລັບເຂົ້າຫາ

logo-print

ສະຫະລັດ ນຳພາ ຄວາມພະຍາຍາມ ເພື່ອຄວບຄຸມ ໂຣກໄຂ້ຫວັດສັດປີກ ຢູ່ກຳປູເຈຍ (ວີດີໂອກ່ຽວຂ້ອງ)


ແມ່ຄ້າໄກ່ ຄົວໄກ່ຂາຍ ຢູ່ຕະຫລາດ Chhbar Ampov ໃນນະຄອນຫລວງ ພະນົມເປັນ. (Robert Carmichael/VOA)
ໃນ​ຂະນະ​ທີ່​ມີ​ຄວາມ​ວິຕົກ​ກັນ ກ່ຽວ​ກັບ​ອັນ​ຕະລາຍຈາກ​ເຊື້ອ​
ໄວຣັສ​ໄຂ້ຫວັດ​ສັດ​ປີກ ຫລື​ໄຂ້ຫວັດ​ນົກ ສາຍ​ພັນ​ໃໝ່ H7N9
ກັນຢູ່​ນີ້ ບັນດາ​ເຈົ້າ​ໜ້າ​ທີ່ສາ​ທາ​ລະນະ​ສຸກ ກໍ​ມີ​ປະຊຸມ​ກັນ ຢູ່
​ນະຄອນຫລວງ​ພະນົມ​ເປັນ ​ໃນ​ວັນ​ຈັນ ທີ 24 ມີນາ ມື້​ນີ້ ​ເພື່ອ
ຫາລື​ກັນ​ເລື້ອງ​ການ​ເພີ້​ມທະ​ວີ​ຂຶ້ນ ​ໃນ​ຈຳນວນຜູ້​ຄົນ​ທີ່​ຕິດ​ເຊື້ອ
​ໄຂ້ຫວັດ​ນົກ ສາຍ​ພັນ​ເກົ່າ ຄື H5N1 ຢູ່​ໃນ​ກຳປູ​ເຈຍ. ຜູ້​ສື່​ຂ່າວ​
ວີ​ໂອ​ເອ Robert Carmichael ມີ​ລາຍ​ງານຈາກ​ພະນົມ​ເປັນ
ຊຶ່ງດາຣາຈະນຳມາສະ​ເໜີ​ທ່ານ.

ຜູ້​ເຄາະ​ຮ້າຍ​ຄົນ​ຫລ້າ​ສຸດ​ໃນ​ກຳປູ​ເຈຍ ຊຶ່ງ​ເປັນ​ເດັກ​ຍິງອາຍຸພຽງ​ສອງ​ປີ ​ຫາ​ກໍ​ເສຍ​ຊີວິດໄປ​
ເມື່ອ​ວັນ​ທີ 14 ເດືອນ​ນີ້ ​ເປັນ​ຄົນທີ 4 ທີ່​ໄດ້​ຮັບ​ການຢືນຢັນວ່າ ຕາຍ​ຍ້ອນ​ໄຂ້ຫວັດ​ນົກໃນ​
ປີ​ນີ້. ໃນ​ປີ 2013 ມີ​ຄົນຂະ​ເໝນ​ເສຍ​ຊີວິດຍ້ອນເຊື້ອໄວຣັສສັດ​ປີກ ສາຍ​ພັນ H5N1 ນັ້ນ
14 ຄົນ​ ຊຶ່ງແມ່ນ​ຫລາຍ​ກ່ວາ​ເຄິ່ງນຶ່ງຂອງຈຳນວນທັງໝົດ ​ຂອງ​ພວກ​ຄົນ​ທີ່​ເສຍຊີວິດ ​ຍ້ອນ​ໄຂ້ຫວັດ​ນົກຢູ່ໃ​ນທົ່ວ​ໂລກ. ນັກຊ່ຽວຊານ​ກ່າວ​ວ່າ ສາເຫດ​ກໍ​ຄື​ຄວາມ​ເຂົ້າ​ໃຈ​ຜິດໆ ກ່ຽວ​
ກັບອັນຕະລາຍ​ຂອງ​ໄຂ້ຫວັດ​ນົກ. ມາ​ຟັງ​ກັນ​ເບິ່ງ​ວ່າ ​ເປັນ​ຫຍັງ​ຈຶ່ງ​ວ່າ​ແນວ​ນັ້ນ.

ຢູ່​ຕະຫລາດ Chhbar Ampov ນຶ່ງ​ໃນ​ບັນດາ​ຕະຫລາດ​ທີ່​ໃຫຍ່​ທີ່​ສຸດ​ຂອງ​ພະນົມ​ເປັນ ​ໄກ່​ແມ່ນຂາຍດິບ​ຂາຍດີ. ນາງ Ly Mey ຂາຍ​ໄກ່ຢູ່ ຕະຫລາດ​ແຫ່ງ​ນີ້ ເປັນ​ເວລາ 10 ​ປີ​ແລ້ວ.
ລາວ​ຂ້າ​ໄກ່ ລົກ​ຂົນ ​ແລະ​ຂາຍ​ໄດ້ ມື້​ລະ ​ປະມານ 20 ​ໂຕ.

ລາວ​ຊື້​ໄກ່ມາ​ຈາກ​ແຂວງ Prey Veng ທີ່​ຕັ້ງ​ຢູ່​ລະຫວ່າງ ພະນົມ​ເປັນກັບປະ​ເທດ​ເພື່ອນ​ບ້ານ
ຫວຽດນາມ​ ຊຶ່ງ​ເປັນບ່ອນ​ທີ່​ມີເຊື້ອໄຂ້ຫວັດ​ນົກ ສາຍ​ພັນ H5N1 ​ແຜ່​ຫລາຍ ​ແຕ່ Ly Mey
ກໍ​ບໍ່​ວິ​ຕົກກ່ຽວກັບ ພະຍາດ​ນີ້.
ແມ່ຄ້າໄກ່ Ly Mey ເລືອກເອົາໄກ່ເປັນ ມາເພື່ອຈະຂ້າຂາຍ ຢູ່ຮ້ານຂອງນາງ ທີ່ຕະຫລາດ Chhbar Ampov ໃນພະນົມເປັນ. (Robert Carmichael/VOA)
ແມ່ຄ້າໄກ່ Ly Mey ເລືອກເອົາໄກ່ເປັນ ມາເພື່ອຈະຂ້າຂາຍ ຢູ່ຮ້ານຂອງນາງ ທີ່ຕະຫລາດ Chhbar Ampov ໃນພະນົມເປັນ. (Robert Carmichael/VOA)

ລາວ​ເວົ້າ​ວ່າ ລາວ​ສາມາດ​ບອກ​ໄດ້​ງ່າຍ​ໆ​ແລະ​ໂດຍ​ທັນທີ ວ່າ​
ໄກ່ໂຕ​ໃດ​ເປັນ​ພະຍາດ​ຫລື​ບໍ່​ເປັນ ​ແລະ​ສາມາດ​ບອກ​ໄດ້​ດີກ​ວ່າ ​
ສັດຕະແພດອີກ ຊ້ຳ.

ປະກົດ​ວ່າ ມີ​ຄວາມ​ຮູ້ສຶກ​ທຳນອງ​ດຽວ​ກັນ​ນີ້ ຢູ່ທົ່ວຕະຫລາດ
Chhbar Ampov ນັ້ນ. ​ແມ່​ຄ້າ​ໄກ່ Chum Sophal ທີ່​ຂາຍ ​
ຂາ​ກັບ​ປີກ​ໄກ່ ມື້​ລ່ະ 100 ກິ​ໂລ ກໍ​ເຂົ້າ​ໃຈ​ຜິດ ຄິດ​ວ່າ​ໄກ່​ເປັນໆ
ບໍ່​ຕິດ​ເຊື້ອ​ໄຂ້ຫວັດ​ນົກ.

ລາວ​ເວົ້າ​ວ່າ ​ໄກ່​ຂອງລາວ​ປອດ​ໄພ​ດີ ​ເພາະ​ວ່າ​ມັນ​ຍັງ​ເປັນໆ​ຢູ່
​ຕອນ​ທີ່​ລາວ​ຊື້​ມັນມາ ​ແລະ​ວ່າ ລູກ​ຄ້າ​ທີ່​ຊື້​ໄກ່​ຂອງ​ລາວບໍ່​ຄວນ
​ເປັນ​ຫ່ວງ ​ເພາະ​ລາວ​ບໍ່​ໄດ້​ຂາຍ​ຊິ້ນ​ໄກ່ ​ທີ່​ຕາຍ​ແລ້ວ.

​ແມ່​ຄ້າ​ໄກ່ທັງ​ສອງ​ຄົນ​ນີ້​ເຂົ້າ​ໃຈ​ຜິດ​ແລ້ວ. ​ໄກ່​ສາມາດ​ຕິດ​ເຊື້ອ
H5N1 ​ໄດ້​ຢູ່​ແລ້ວ ກ່ອນຈະ​ສະ​ແດງ​ຮ່ອງຮອຍ​ໃຫ້​ເຫັນ ​ໃນ​ຂະ
ນະ​ທີ່​ເປັດ​ກໍ​ມັກ​ຈະ​ບໍ່​ສະ​ແດງ​ຮ່ອງຮອຍ​ຫຍັງໃຫ້​ເຫັນເລີຍ​ຊ້ຳ​.
ຄວາມ​ສ່ຽງ​ຕໍ່​ການ​ຕິດ​ເຊື້ອ​ໄຂ້ຫວັດ​ນົກ​ນີ້ ມີ​ຂຶ້ນ ​ເວລາ​ເຮົາ​ໄປ
​ຈັບບາຍ​ໄກ່​ທີ່​ຕິດ​ເຊື້ອ​ຢູ່​ແລ້ວ ຫລື​ວ່າ​ ໄປ​ກິ​ນມັນໂດຍ​ທີ່​ບໍ່​ໄດ້
ຄົວ​ໃຫ້​ສຸກ​ດີ. ​ໃນ​ກໍລະນີ​ເຊັ່ນ​ນີ້ ມະນຸດ​ສາມ​າດຕິດ​ເຊື້ອ H5N1
ໄດ້. ອັດຕາ​ການ​ຕາຍ​ຂອງ​ຄົນ​ທີ່​ຕິດ​ເຊື້ອ H5N1 ນີ້ ຢູ່​ໃນ​ລະ
ດັບ​ ປະມານ 100 ລ່ະ 60 ຫລື 60 ສ່ວນ​ຮ້ອຍ.

ຄວາມ​ບໍ່​ເຂົ້າ​ໃຈ​ຂອງ​ແມ່​ຄ້າ​ໄກ່​ພວກ​ນີ້ ບໍ່​ແມ່ນ​ເລື້ອງທີ່​ແປກຫລາຍ​ຫຍັງ​ເລີຍ. ນັບ​ແຕ່​ມີ​
ການພົບ​ເຫັນ​ເຊື້ອ H5N1 ຢູ່​ໃນ​ໄກ່​ ເທື່ອ​ທຳ​ອິດໃນ​ກຳປູ​ເຈຍ ໃນເດືອນ​ມັງກອນປີ 2004 ​
ເປັນ​ຕົ້ນ​ມານັ້ນ ບັນດາ​ເຈົ້າ​ໜ້າ​ທີ່​ກັບ​ພວກ​ໃຫ້​ເງິນ​ຊ່ວຍ​ເຫລືອ ກໍ​ໄດ້​ພະຍາຍາມ​ຈະ​ເຮັດໃຫ້​
ຜູ້​ຄົນ​ຫັນປ່ຽນ​ຄວາມ​ປະພຶດ​ຂອງ​ເຂົາ​ເຈົ້າ​ເວລາ​ຈັບບາຍ​ໄກ່ ​ແຕ່​ພວກ​ຊ່ຽວຊານ​ເວົ້າ​ວ່າ
ຄວາມ​ພະຍາຍາມ​ດັ່ງກ່າວ ​ໂດຍ​ສ່ວນ​ໃຫຍ່​ແລ້ວ ​ແມ່ນ​ບໍ່​ສຳ​ເລັດ​ຜົນ.

ສາ​ເຫ​ດສ່ວນ​ນຶ່ງ​ກໍ​ແມ່ນ​ຍ້ອນ​ວ່າ ປະມານ 80 ສ່ວນ​ຮ້ອຍ​ຂອງ​ເປັດ​ແລະ​ໄກ່ ຈຳນວນ 20
ລ້ານ​ໂຕ​ຂອງ​ກຳປູ​ເຈຍ​ນັ້ນ ​ແມ່ນ​ຖືກ​ລ້ຽງ​ຢູ່​ໃນ​ບໍລິ​ເວນ​ໃກ້​ກັບ​ມະນຸດ. ອົງການ​ອາຫານ​
ແລະ​ການ​ກະ​ເສດ ຫລື FAO ຂອງ​ສະຫະ​ປະຊາ​ຊາດ ​ເຊື່ອ​ວ່າເຊື້ອໄຂ້ຫວັດ​ນົກ ສາຍພັນ
H5N1 ກຳລັງ ມີ​ແຜ່​ຫລາຍ ຢູ່​ໃນ​ໝູ່​ສັດ​ປີກຂອງ​ກຳປູ​ເຈຍ.

​ແຕ່​ວ່າ ລັດຖະບານ​ບໍ່​ຍອມ​ຈ່າຍ​ຄ່າ​ຊົດ​ເຊີຍ ​ໃຫ້​ພວກ​ຊາວບ້ານ​ທີ່​ສູນ​ເສຍ​ເປັດ​ໄກ່​ຂອງ​
ເຂົາ​ເຈົ້າ​ໄປ ຍ້ອນ​ໄຂ້ຫວັດ​ນົກ​ນັ້ນ. ​ເພາະສະ​ນັ້ນ ​ເວລາ​ເປັດ​ໄກ່ຂອງ​ເຂົາ​ເຈົ້າຕິດພະຍາດນີ້
​ຂຶ້ນ​ມາ ພວກ​ຊາວບ້ານ​ທີ່ທຸກ​ຈົນ ກໍ​ເອົາ​ເປັດ​ໄກ່​ຂອງ​ເຂົາ​ເຈົ້າ​ໄປ​ຂາຍ ຫລື​ບໍ່​ກໍເອົາ​ມາ​ກິນ​
ເອງ ແທນ​ທີ່​ຈະລາ​ຍງານໂຣກລະບາດ​ນີ້ ​ໃຫ້​ທາງ​ການ​ຮູ້.

ທ່ານ Lotfi Allal ຈາກອົງການ FAO ກ່າວ​ວ່າ ທາງ​ການ​ກຳປູ​ເຈຍ​ຄວນ​ດຳ​ເນີນ​ຄວາມ​ພະຍາຍາມ​ຫາ​ທາງ​ປ້ອງ​ກັນ ໂດຍ​ເພັ່ງ​ເລັງ​ໃສ່​ການ​ເອົາ​ມາດ​ຕະການ​ເພີ້ມຕື່ມ ​ເພື່ອ​ຮັບ
ປະກັນ​ໃຫ້​ມີ​ການ​ລາຍ​ງານ​ໃຫ້​ຮູ້​ແຕ່​ຫົວທີ ເມື່ອ​ມີ​ການ​ພົບ​ເຫັນ​ເຊື້ອ​ໄວຣັສ.

ທ່ານ Allal ​ເວົ້າ​ວ່າ “ມີ​ເຊື້ອ​ໄວຣັສຢູ່​ທີ່​ນີ້​ແລ້ວ ​ແລະ​ມັນ​ກໍ​ກຳລັງໝຸນ​ວຽນ​ຢູ່​ນີ້. ພວກ​
ເຮົາ​ຕ້ອງຮູ້ ​ແລະ​ກໍຕ້ອງບໍ່​ຕື່ນ​ຕົກ​ໃຈ ​ແລະ​ຕ້ອງ​ສືບຕໍ່​ທຳ​ງານ​ຮ່ວມ​ກັນ​ຢ່າງ​ໃກ້ຊິດ
ກັບ​ພາກສ່ວນ​ມະນຸດ ​ເພື່ອ​ເບິ່ງ​ວ່າ ​ເຮົາຈະ​ເຮັດ​ແນວ​ໃດ​ດີກ່ວາ​ນີ້ ຈຶ່ງ​ຈະ​ສາມາດ
ລຸດຜ່​ອນ​ຄວາມ​ສ່ຽງ​ຂອງ​ມະນຸດລົງ​ໄດ້ ແລະເຮັດ​ແນວ​ໃດ ເຮົາຈຶ່ງ​ຈະ​ສາມາດ​ພົບ​
ເຫັນເຊື້ອ​ໄວຣັສທີ່​ມາ​ຈາກ​ສັດ​ປີກ​ນັ້ນ ​ໄດ້​ໄວ​?”


​ເນື່ອງຈາກ​ມີ​ຄົນ​ຕາຍ​ຍ້ອນ​ຕິດ​ເຊື້ອ​ໄຂ້ຫວັດ​ນົກ ສາຍ​ພັນ H5N1 ຮອດ 18 ຄົນ ​ໃນໄລຍະ
15 ​ເດືອນ​ຜ່ານ​ມາ​ນີ້ ກຳປູ​ເຈຍ​ຈຶ່ງ​ເປັນ​ປະ​ເທດທີ່​ມີສະຖິຕິ​ດ້ານ​ນີ້ ​ສູງ​ກ່ວາປະ​ເທດ​ອື່ນໃດ​
ໃນ​ໂລກ. ຫລາຍ​ກ່ວາ​ເຄິ່ງນຶ່ງ​ຂອງ 56 ກໍລະນີ​ຄົນ​ຕິດ​ເຊື້ອ​ H5N1 ທີ່​ມີ​ການ​ຢືນຢັນຢູ່​ໃນ​
ກຳປູ​ເຈຍ ມາ​ຮອດ​ປັດຈຸບັນ​ນີ້ ​ແມ່ນ​ເກີດ​ຂຶ້ນ​ ນັບ​ແຕ່​ເລີ້ມ​ຕົ້ນ​ປີ​ກາຍ​ນີ້ ເປັນ​ຕົ້ນມາ.
ໄກ່ເປັນໆ ທີ່ວາງຂາຍ ຢູ່ຕະຫລາດ Chhbar Ampov ໃນພະນົມເປັນ. (Robert Carmichael/VOA)
ໄກ່ເປັນໆ ທີ່ວາງຂາຍ ຢູ່ຕະຫລາດ Chhbar Ampov ໃນພະນົມເປັນ. (Robert Carmichael/VOA)

ຄວາມ​ເປັນຫ່ວງ​ຫລັກ​ຂອງ​ບັນດາ​ຊ່ຽວຊານ​ດ້ານ​ສຸຂະພາບ
ກໍ​ຄື​ເຂົາ​ເຈົ້າ​ຢ້ານ​ວ່າ ​ເຊື້ອ H5N1 ຈະ​ກາຍພັນ​ໄປ​ເປັນ​ສາຍ​
ພັນ​ໃໝ່ ທີ່ສາມາດ​ຕິດ​ແປດ​ຈາກ​ມະນຸດ​ຫາ​ມະນຸດ​ໄດ້.

ກໍລະນີ​ຄົນ​ຕິດ​ເຊື້ອ H5N1 ຢູ່​ໃນ​ກຳປູ​ເຈຍ​ນັ້ນ ສ່ວນ​ໃຫຍ່​ແລ້ວ ​
ແມ່ນ​ຢູ່​ໃນ​ພາກ​ຕາ​ເວັນ​ອອກສຽງ​ໃຕ້​ຂອງ​ປະ​ເທດ ຕິດ​ກັບ​ຊາຍ​
ແດນ​ຫວຽດນາມ​ທີ່ບໍ່​ຄ່ອຍ​ມີ​ດ່ານ​ກວດກາ​ ​ແລະ​ພວກ​ເປັດ​ໄກ່​ກໍ
ຖືກລັກລອບ​ເອົາ​ເຂົ້າ​ມາ​ຢ່າງ​ງ່າຍ​ດາຍ. ຫາກ​ແຕ່​ວ່າ ​ໃນ​ຂະນະ
​ທີ່ກຳປູ​ເຈຍລາຍ​ງານ​ວ່າ ຕົນ​ມີ​ກໍລະນີ​ຄົນ​ຕິດ​ເຊື້ອ​ໄຂ້ຫວັດ​ນົກ
ຫລາຍ​ກ່ວາ 30 ລາຍ ນັບ​ແຕ່​ເລີ້ມ​ຕົ້ນ​ປີ 2013 ມາ​ນັ້ນ ຫວຽດ
ນາມ​ກັບ​ລາຍ​ງານ​ວ່າ ຕົນມີ​ພຽງ 4 ລາຍເທົ່ານັ້ນ.

Dr. Dennis Carroll ຫົວໜ້າ​ໜ່ວຍໄພຄຸກ​ຄາມ​ຈາກໄຂ້​ຫວັດລະບາດ ​ແລະ​ອື່ນໆ​ທີ່​ກຳລັງ​
ໂຜ່​ໂຕ​ຂຶ້ນ​ມາຂອງ USAID ກໍ​ຄື​ອົງການ​ຊ່ວຍເຫລືອ ​ຕ່າງປະ​ເທ​ດດ້ານ​ການ​ພັດທະນາ​
ຂອງ​ລັດຖະບານສະຫະລັດ ກ່າວ​ຕໍ່​ວີ​ໂອ​ເອ ຜ່ານ​ທາງ Skype ວ່າ ມັນ​ເປັນ​ເລື້ອງ​ທີ່​ພາໃຫ້
​ງົງ ​ເພາະວ່າ ​ເຊື້ອ​ໄຂ້ຫວັດ​ນົກທີ່​ຄຸກ​ຄາມ​ນັ້ນ ​ກໍ​ແມ່ນ​ສາຍ​ພັນ H5N1 ອັນ​ດຽວ​ກັນ ຢູ່​ໃນທັງ
​ສອງ​ຟາກ​ຊາຍ​ແດນ.

ດອກ​ເຕີ້ Carroll ​ເວົ້າ​ວ່າ “​ເລື້ອງ​ລະບາດ​ວິທະຍາ ​ເລື້ອງ​ພັນທຸ​ກຳ ຂອງ​ທັງ​ເຊື້ອ​
ໄວຣັສ ​ແລະ​ຮູບແບບ​ຂອງ​ມັນ ຢູ່ໃນ​ທັງ​ພວກ​ສັດ​ປີກກັບ​ມະນຸດ ກໍ​ແມ່ນຄ້າຍ​ໆກັນ ​
ໃນ​ທັງ​ສອງ​ເຂດ ​ແຕ່​ພວກ​ເຮົາ​ກັບ​ເຫັນ​ຄວາມ​ບໍ່​ກ້ຳ​ເກິ່ງ​ກັນ​ຢ່າງ​ໃຫຍ່ຫລວງ ​ໃນ​
ລະຫວ່າງສິ່ງ​ທີ່​ສະ​ແດງ​ໃຫ້​ເຫັນ​ ຢູ່​ຟາກ​ກຳປູ​ເຈຍ ກັບ​ສິ່ງ​ທີ່​ເຫັນ​ຢູ່​ຟາກ​ຫວຽດນາມ ​
ໂດຍ​ບໍ່​ມີ​ຄໍາ​ອະທິບາຍທີ່​ແລ​ເຫັນ​ໄດ້ ຢ່າງ​ຊັດ​ເຈນ​ໃດໆ​ເລີຍ.”


ມີເຫດຜົນ​ທີ່​ເປັນ​ໄປ​ໄດ້​ຫລາຍ​ຢ່າງ ສຳ​ລັບ​ການ​ເພີ້​ມທະວີ​ຂຶ້ນ​ໃນ​ຈຳນວນ​ຄົນ​ທີ່​ຕິດ​ເຊື້ອ​
ໄຂ້ຫວັດ​ນົກ ຢູ່​ໃນ​ກຳປູ​ເຈຍ​ນັ້ນ ຄືອາດ​ຈະ​ເປັນ​ເພາະວ່າ ມີ​ການ​ຕິດຕາມ​ເບິ່ງ​ຢ່າງໃກ້ຊິດ
ຂຶ້ນ ​ແລ​ະລາຍ​ງານ​ດີຂຶ້ນ ຫລື​ວ່າ​ ​ມີ​ຄົນ​ຕິດ​ເຊື້ອ​ຫລາຍ​ຂຶ້ນ​ອີ່​ຫລີ​ໃນ​ພາກ​ໂຕ​ຈິງ ຫລື​ວ່າ​
ອາດເປັນ​ຍ້ອນ​ທັງ​ສອງ​ເຫດຜົນ​ກໍ​ໄດ້.

​ແຕ່​ໃນ​ຂັ້ນ​ນີ້ ພວກ​ຊ່ຽວຊານ​ແມ່ນ​ບໍ່​ຮູ້​ສາ​ເຫດ​ອີ່ຫລີ ​ແລະ​ນັ້ນ​ກໍ​ແມ່ນ​ເຫດຜົນ​ທີ່ພາ​ໃຫ້​ອົງ
ການ USAID ຈັດກອງ​ປະຊຸມ​ມື້​ນີ້​ຂຶ້ນ ​ຮ່ວມ​ກັບ​ເຈົ້າ​ໜ້າ​ທີ່ຈາກ​ຫວຽດນາມ​ແລະ​ກຳປູເຈຍ
ຊຶ່ງ​ອີກ​ເຫດຜົນ​ນຶ່ງ ກໍແມ່ນ​ເພື່ອ​ຫາ​ທາງ​ປັບປຸງ ​ວິທີການ​ແບ່ງປັນ​ຂໍ້​ມູນ​ກັນ ​ແລະ​ວິທີຮັບ​ມື​
ກັບການລະບາດ​ນັ້ນ.

ກຳປູ​ເຈຍ​ແມ່ນ​ໄດ້​ຈັດ​ຕັ້ງ​ປະຕິບັດ ​ໂຄງການ​ທີ່ໄດ້​ຮັບ​ການ​ປັບປຸງໃຫ້ດີ​ຂຶ້ນ​ຫລາຍ ​ໃນ​
ດ້ານ​ການສິ້ງ​ຊອມ​ແລະ​ກວດເບິ່ງ​ ​ເຊື້ອ​ໄຂ້ຫວັດນົກ ສາຍ​ພັນ H5N1 ນັ້ນ ​ແຕ່​ກໍ​ຍັງ​ບໍ່​ມີ​
ໂຄງການ​ສັກ​ຢາ​ປ້ອງ​ກັນ​ສັດ​ປີກ ຈາກ​ເຊື້ອ​ໂຣກດັ່ງກ່າວ ​ແລະ​ບໍ່​ມີ​ແຜນການ​ທີ່​ຈະ​ຈ່າຍ​
ເງິນ​ຊົດ​ເຊີຍ​ໃຫ້ ພວກລ້ຽງສັດ​ປີກ ທີ່​ຕ້ອງ​ໄດ້​ຂ້າ​ເປັດ​ໄກ່​ຂອງ​ເຂົາ​ເຈົ້າ​ຖິ້ມ​ນັ້ນ. ບັນດາ
ຊ່ຽວຊານ​ກ່າວ​ວ່າ ​ເລື້ອງ​ນີ້ອາດຈະ​ຕ້ອງ​ໄດ້​ປ່ຽນແປງ ຖ້າ​ຫາກວ່າ​ສະຖານະ​ການ​ຮ້າຍ​
ແຮງ​ໜັກ​ຂຶ້ນ.

ເບິ່ງວີດີໂອ ພາສາລາວ ກ່ຽວກັບເຊື້ອໄຂ້ຫວັດນົກ ສາຍພັນໃໝ່ H7N9:

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG