ການສືບສວນຂັ້ນຕົ້ນໂດຍສານອາຍາສາກົນ ໄດ້ພົບເຫັນວ່າ ບັນດາສະມາຊິກຂອງກອງ ທັບສະຫະລັດ ແລະອົງການສືບລັບ CIA ອາດໄດ້ກໍ່ອາຊະຍາກຳສົງຄາມ ຢູ່ໃນອັຟການິສ ຖານ ໂດຍຜ່ານການສອບປາກຄຳແບບ “ໂຫດຮ້າຍ ຫຼື ຮຸນແຮງ” ຕໍ່ພວກທີ່ຖືກກັກຂັງ ສ່ວນໃຫຍ່່ແລ້ວແມ່ນໃນລະຫວ່າງປີ 2003 ຫາ 2004.
ຢູ່ໃນລາຍງານ ທີ່ນຳອອກເຜີຍແຜ່ ໃນຕອນແລງວັນຈັນວານນີ້ ໄອຍະການ Fatou Ben- souda ກ່າວວ່າ ທະຫານບ້ານ Taliban ກຳລັງລັດຖະບານອັຟການິສຖານ ແລະກຳລັງທະຫານສະຫະລັດ ພ້ອມດ້ວຍອົງການ CIA ທັງໝົດນີ້ປາກົດວ່າ ຕ່າງກໍໄດ້ກໍ່ອາຊະຍາກຳສົງຄາມ.
ລາຍງານກ່າວວ່າ ກຳລັງທະຫານສະຫະລັດ “ປາກົດວ່າໄດ້ທໍລະມານພວກທີ່ຖືກກັກຂັງ 61 ຄົນ” ຢູ່ໃນອັຟການິສຖານ ສ່ວນໃຫຍ່ແລ້ວ ແມ່ນໃນປີ 2003 ຫາ 2004. ນອກນັ້ນຍັງໄດ້ພົບເຫັນວ່າ ອົງການ CIA “ໄດ້ທໍລະມານພວກທີ່ຖືກກັກຂັງຢ່າງໜ້ອຍ 27 ຄົນ “ຢູ່ໃນ ອັຟການນິສຖານ ແລະບ່ອນກັກຂັງລັບຕ່າງໆ ໃນປະເທດ Poland, Romania, ແລະ Lithuania ໃນຊ່ວງເວລາດຽວກັນນີ້.
ທ່ານນາງ Bensouda ກ່່າວວ່າ ທ່ານນາງຈະຕັດສິນໃຈ “ໃນໄວໆນີ້” ວ່າຈະຂໍອະນຸຍາດ ຫລືບໍ່ ເພື່ອເປີດການສືບສວນຢ່າງເຕັມທີ່ໃນເລື້ອງດັ່ງກ່າວ.
ເຖິງແມ່ນວ່າ ສະຫະລັດບໍ່ໄດ້ເປັນສະມາຊິກຂອງສານສາກົນກໍຕາມ ແຕ່ປະຊາຊົນຂອງຕົນສາມາດຖືກນຳໂຕຂຶ້ນສານ ກ່ຽວກັບຄວາມຜິດຕ່າງໆທີ່ກໍ່ຂຶ້ນ ຢູ່ໃນບັນດາປະເທດທີ່ເປັນສະມາຊິກຄືດັ່ງອັຟການິສຖານ.
