ສານອາຍາສາກົນ ກ່າວວ່າ ຕົນຈະເລີ້ມເພັ່ງເລັງໃສ່ການກະທຳຄວາມຜິດທີ່ພົວ ພັນກັບ ການທຳລາຍຂອງສິ່ງແວດລ້ອມ ການສວຍໃຊ້ຊັບພະຍາກອນທຳມະຊາດແບບຜິດກົດ ໝາຍ ແລະການຍຶດເອົາທີ່ດິນແບບບໍ່ຖືກຕ້ອງຕາມກົດໝາຍ.
ສານທີ່ໜູນຫລັງໂດຍສະຫະປະຊາຊາດ ຊຶ່ງຕັ້ງຢູ່ນະຄອນ Hague ສ່ວນໃຫຍ່ ແມ່ນໄດ້ຕັດສິນຄະດີຕ່າງໆ ກ່ຽວກັບການຂ້າລ້າງເຊື້ອຊາດເຜົ່າພັນ ແລະການກໍ່ ອາຊະຍາກຳສົງຄາມ ນັບແຕ່ໄດ້ຕັ້ງຂຶ້ນມາໃນປີ 2002.
ບັດນີ້ ໃນການເຄື່ອນໄຫວທີ່ໄດ້ຮັບການສະໜັບສະໜູນຈາກພວກນັກເຄື່ອນໄຫວກ່ຽວກັບ ສິດທິໃນເລື້ອງທີ່ດິນນັ້ນ ສານໄດ້ກ່າວໃນວັນພະຫັດວານນີ້ວ່າ ການທຳ ລາຍສິ່ງແວດລ້ອມ ແລະການຍຶດເອົາທີ່ດິນ ອາດຈະນຳໄປສູ່່ ການຕັດສິນລົງ ໂທດຕໍ່ລັດຖະບານ ແລະສ່ວນບຸກຄົນ ໃນການກໍ່ໂທດກຳຕ້ານມະນຸດຊາດ.
ສານ ທີ່ໄດ້ຮັບທຶນຈາກລັດຖະບານ ຂອງປະເທດຕ່າງ ແລະຖືວ່າເປັນສານແຫ່ງດຽວທີ່ສາມາດເພິ່ງພາໄດ້ ກ່າວວ່າ ບັດນີ້ຕົນຈະພິຈາລະນາກ່ຽວກັບຄະດີຕ່າງໆ ຊຶ່ງຕາມປະເພນີແລ້ວ ທີ່ບໍ່ໄດ້ມີການລົງໂທດມາກ່ອນ.
ການຍຶດເອົາທີ່ດິນ ໄດ້ມີເພີ້ມຂຶ້ນຢູ່ທົ່ວໂລກ ໂດຍທີ່ລັດຖະບານ ທັງໃນລະດັບຊາດ ແລະ
ລະ ດັບທ້ອງຖິ່ນ ອະນຸຍາດໃຫ້ແກ່ບັນດາບໍລິສັດເອກກະຊົນ ຍຶດເອົາດິນຫລາຍພັນລ້ານເຮັກຕາ ໃນໄລຍະ 10 ປີທີ່ຜ່ານມາ.
ອົງການ Global Witness ຊຶ່ງເປັນອົງການປຸກລະດົມຕໍ່ຕ້ານການສໍ້ລາດບັງຫລວງ ກ່າວວ່າ ເຫດການດັ່ງກ່າວນີ້ ໄດ້ນຳໄປສູ່ການຖືກບັງຄັບໃຫ້ຍົກຍ້າຍ ອອກຈາກດິນ ການລຶບລ້າງວັດທະນະທຳຄົນເຜົ່າພື້ນເມືອງ ການຂາດແຄນອາຫານ ແລະການທຳລາຍສິ່ງແວດລ້ອມ.
ທ່ານນາງ Alice Harrison ຈາກອົງການ Global Witness ກ່າວຕໍ່ອົງການຂ່າວຣອຍເຕີ ວ່າ “ການເຄື່ອນໄຫວດັ່ງກ່າວນີ້ ໝາຍເຖິງ ມັນສາມາດເລີ້ມເອົາເລື້ອງຄະນະບໍລິຫານຂອງບໍລິສັດ ເປັນຜູ້ຮັບຜິດຊອບກ່ຽວກັບການຍຶດເອົາທີ່ດິນ ຂະໜາດໃຫຍ່ແລະການບັງຄັບໃຫ້ຜູ້ຄົນຍົກຍ້າຍເປັນຈຳນວນຫຼວງຫຼາຍ ໃນຍາມ ສະຫງົບ.”