ລິ້ງ ສຳຫລັບເຂົ້າຫາ

ວັນພຸດ, 28 ກັນຍາ 2022

ອາເມຣິກາ ຈະສ້າງ “ຍຸກຄົນ ຫລືລຸ້ນຄົນ ທີ່ປອດໂຣກ AIDS” (ສະໄລດ໌ກັບວີດີໂອ)


ລັດຖະມົນຕີການຕ່າງປະເທດ ທ່ານນາງ Hillary Rodham Clinton ກ່າວທີ່ກອງປະຊຸມ ພະຍາດ AIDS ນາໆຊາດ ຄັ້ງທີ່ XIX ວັນຈັນ ທີ່ 23 ເດືອນກໍລະກົດ 2012, ທີ່ນະຄອນຫລວງ ວໍຊິງຕັນ ດີ.ຊີ

ລັດຖະມົນ​ຕີ​ການ​ຕ່າງ​ປະ​ເທດສະຫະລັດ ທ່ານ​ນາງ Hillary Clinton ກ່າວ​ວ່າ ອາ​ເມຣິກາ
ມີ​ຄວາມ​ໝາຍ​ໝັ້ນທີ່​ຈະ​ສ້າງ “​ຍຸກ​ສະໄໝຫລື​ລຸ້ນຄົນ ​ທີ່​ປາດສະຈາກ​ໂຣກ AIDS.”

​ໃນ​ຄໍາ​ປາ​ໄສ​ຕໍ່ກອງ​ປະຊຸມ​ໂຣກ AIDS ນາໆ​ຊາດ ທີ່​ນະ​ຄອນ​ຫລວງວໍ​ຊິງ​ຕັນ ໃນ​ມື້​ທີ່​ສອງ
ວັນ​ຈັນ​ວານນີ້ ທ່ານ​ນາງ Clinton ​ກ່າວ​ວ່າ ສະຫະລັດອາ​ເມຣິກາ ກໍາລັງ​ປະຕິບັດ​ງານເພື່ອ
ສ້າງ​ລະບົບ​ສຸຂະພາບທີ່​ຍືນ​ຍົງ ​ແບບທີ່​ຈະ​ຊ່ວຍ​ໃຫ້​ໂລກ ໄດ້​ຮັບໄຊຊະນະ​ໃນ​ທີ່​ສຸດ ​ໃນ​ການ​
ຕໍ່ສູ້ກັບ​ພະຍາດນີ້.”

ທ່ານ​ນາງ​ກ່າວ​ວ່າ ພາຍ​ໃຕ້​ເປົ້າ​ໝາຍ​ດັ່ງກ່າວ​ນີ້ ສະຫະລັດ​ແມ່ນພ້ອມ​ແລ້ວ​ທີ່​ຈະ​ລົງ​ທືນ ​ໃນ​
ອາ​ຟຣິກາ ​ແລະ​ແຫ່ງ​ອື່ນໆ ​ເຂົ້າ​ໃສ່ພວກຄລີນິກທັງຫລາຍ ​ທີ່​ຊ່ວຍເຮັດ​ໃຫ້​ການ​ແຜ່ຜາຍ​
ພະຍາດ​ນີ້ ​ຈາກ​ແມ່​ໄປ​ຫາ​ລູກ ຊ້າ​ລົງນັ້ນ. ທ່ານ​ນາງໄດ້​ຍ້ອງຍໍໂຄງ​ການ ​ຕັດ​ໜັງ​ຫູ້ມປາຍ​
ອະ​ໄວ​ຍະ​ວະເພດ​ຊາຍ ທີ່ອາຟຣິກາ ທີ່​ໄດ້​ຮັບ​ຜົນ​ສໍາ​ເລັດ​ສູງ ​ໃນ​ການ​ເຮັດ​ໃຫ້ການ​ແຜ່ຜາຍ
​ເຊື້ອ​ພະຍາດ HIV/AIDS ຊັກ​ຊ້າ​ລົງ​ນັ້ນ.

ດາ​ຣາ​ນັກ​ຮ້ອງເພງ Rock ຊື່​ດັງຂອງ​ອັງກິດ Elton John ກໍ​ໄດ້ກ່າວຕໍ່ຕ້ານ ມົນ​ທິນ ຄວາມ
​ກຽດ​ຊັງ ​ແລະ​ຄວາມ​ບໍ່​ຫົວຊາ ຊຶ່ງ​ລາວກ່າວ​ວ່າ ​ເປັນສິ່ງ​ທີ່ຂັດ​ຂວາງ​ແລະ​ຖ່ວງ​ດຶງການຕໍ່​ສູ້​ກັບ
ການ​ແຜ່ຜາ​ຍຂອງພະຍາດ AIDS.

ອົງການ​ສະຫະ​ປະຊາ​ຊາດ ກ່າວ​ວ່າ ມີ 34 ລ້ານ​ຄົນ​ຕິດ​ເຊື້ອພະຍາດ HIV/ AIDS ​ແລະ​ໃນ​ນັ້ນ
1.7 ລ້ານ​ຄົນ​ ຕາຍ​ຍ້ອນພະຍາດ​ດັ່ງກ່າວ ​ໃນ​ປີ 2011.

ຄາດ​ວ່າ​ ຈະ​ມີ​ຜູ້​ເຂົ້າ​ຮ່ວມ​ກອງ​ປະຊຸມ​ນີ້ ຫລາຍ​ກວ່າ 20.000 ຄົນ.

ລາຍງານທີ່ກ່ຽວຂ້ອງ:

XS
SM
MD
LG