ພວກເຈົ້າໜ້າທີ່ສະຫະປະຊາຊາດ ແລະພວກອາສາສະໝັກ ຈາກອົງການສະພາ
ກາແດງຂອງຊາວອາຣັບຊີເຣຍ ກຳລັງສັກຢາປ້ອງກັນພະຍາດໃຫ້ແກ່ເດັກນ້ອຍ
ແລະແຈກຢາຍສິ່ງຂອງຊ່ວຍເຫລືອທີ່ມີຄວາມຕ້ອງການຫລາຍທີ່ສຸດເປັນຄັ້ງທຳ
ອິດ ຢູ່ໃນສູນອົບພະຍົບທີ່ຢູ່ໃນເຂດຫ່າງໄກສອກຫລີກຢູ່ລຽບຕາມຊາຍແດນ
ຂອງຊີເຣຍ ກັບຈໍແດນ.
ພວກປະຊາຊົນອາໄສຢູ່ທີ່ນັ້ນເວົ້າວ່າ ອົງການສາກົນດັ່ງກ່າວ ໄດ້ເຂົ້າໄປໃນສູນ
ອົບພະຍົບ ຣຸກແບນ (Rukban) ເປັນເທື່ອທຳອິດ ນັບຕັ້ງແຕ່ຕັ້ງຂຶ້ນມາ ເປັນເວ
ລານານກວ່າ 3 ປີ ແລະບ່ອນທີ່ມີເກືອບຮອດ 50,000 ຄົນໄດ້ໄປຕົກຄ້າງຢູ່ ທີ່ນັ້ນ.
ໂຄສົກປະຈຳອົງການສະຫະປະຊາຊາດ ກ່າວວ່າ ທ່ານ ແອນໂຕນິໂຍ ກູເຕເຣສ
(António Guterres), ເລຂາທິການໃຫຍ່ ອົງການສະຫະປະຊາຊາດ ໄດ້ສະແດງ
ຄວາມຍິນດີຕໍ່ການຊ່ວຍເຫລືອດ້ານມະນຸດສະທຳ ໃຫ້ແກ່ສູນອົບພະຍົບຣຸກແບນ
(Rukban) ແລະຮຽກຮ້ອງໃຫ້ມີການເຂົ້າເຖິງສູນດັ່ງກ່າວຢ່າງຕໍ່ເນື່ອງ, ເຕັມສ່ວນ,
ປອດໄພ, ຍືນຍົງ ແລະ ບໍ່ມີອຸບປະສັກໃດໆ ແລະ ການເຂົ້າເຖິງປະຊາຊົນທຸກ
ຄົນ ທີ່ມີຄວາມຈຳເປັນ ຢູ່ທົ່ວປະເທດ.
ທ່ານ ແຟດວາ ບາຣາວ (Fadwa Baroud) ທີ່ຫ້ອງການປະສານງານກັບປະຊາ
ຊົນອາໄສຢູ່ ຂອງອົງການສະຫະປະຊາຊາດ ກ່າວວ່າ ມັນເປັນຄັງທຳອິດ ທີ່ຂະ
ບວນການນຳສິ່ງຂອງຊ່ວຍເຫລືອຂອງອົງການສະຫະປະຊາຊາດ ໄດ້ມີຊ່ອງທາງ
ເຂົ້າເຖິງສູນອົບພະຍົບຣຸກແບນ (Rukban) ຈາກຊາຍແດນຟາກຊີເຣຍ.
ກ່ອນເດືອນມັງກອນປີນີ້ ມີແຕ່ການຊ່ວຍເຫລືອທີ່ມາຈາກທາງຈໍແດນທີ່ເຂົ້າໄປເຖິງ
ສູນອົບພະຍົບດັ່ງກ່າວໄດ້ ແລະພະນັກງານໃຫ້ການຊ່ວຍເຫລືອໄດ້ຖືກຫ້າມ ບໍ່ໃຫ້
ເຂົ້າໄປ ໃນສູນນັ້ນ ຍ້ອນຄວາມເປັນຫ່ວງດ້ານຄວາມປອດໄພ.
ຂະບວນລົດບັນທຸກ 78 ຄັນ ໄດ້ນຳເອົາສິ່ງຂອງຊ່ວຍເຫລືອໄປເຖິງ ສູນດັ່ງກ່າວ
ໃນຕອນແລງຂອງວັນເສົາຜ່ານມານີ້ ແລະປະຊາຊົນອາໄສຢູ່ໃນນັ້ນ ໄດ້ພາກັນ
ຖ່າຍຮູບກັບລົດ ທີ່ບັນທຸກສິ່ງຂອງຊ່ວຍເຫລືອແລ່ນຜ່ານສູນອົບພະຍົບ ທີ່ຖືກປ່ອຍ
ປະໄປ ທີ່ມີເດັກນ້ອຍ 10 ພັນຄົນ ຄາດວ່າຈະໄດ້ຮັບການສັກຢາວັກຊິນນັ້ນ.
ທະຫານແນວໂຮມທີ່ນຳພາໂດຍສະຫະລັດ ທີ່ກຳລັງທຳການຕໍ່ສູ້ກັບພວກນັກລົບ
ຂອງກຸ່ມລັດອິສລາມຢູນັ້ນເວົ້າວ່າ ພັນທະມິດຂອງຕົນ ທີ່ຢູ່ໃນທ້ອງຖິ່ນ ຊຶ່ງກໍຄື ກຸ່ມ
ທະຫານປະກອບອາວຸດຂອງຊີເຣຍ ທີ່ເອີ້ນວ່າ ແມັກຮາເວຍ ອາລ-ທາວຣາ
(Maghawir al-Thawra) ໄດ້ປ້ອງກັນຄວາມສະຫງົບໃຫ້ແກ່ຂະບວນລົດລຳລຽງ
ສິ່ງຂອງຊ່ວຍເຫລືອດັ່ງກ່າວ.
