ລິ້ງ ສຳຫລັບເຂົ້າຫາ

Inmarsat ວ່າ ພວກຊອກຄົ້ນຫາ ຖ້ຽວບິນ MH370 ບໍ່ໄດ້ ຊອກຫາ ຖືກບ່ອນ (ວີດີໂອ )


ຕຳຫຼວດນອນສວາຍ ພັກຜ່ອນຢູ່ຂ້າງປ້າຍ ທີ່ຂຽນຖ້ອຍຄຳຕ່າງໆ ສຳລັບພວກຄົນໂດຍສານທີ່ຫາຍສາບສູນໄປນຳຖ້ຽວບິນ MH370 ຂອງສາຍການບິນມາເລເຊຍທີ່ໂຮງແຮມ Lido ວັນທີ 2 ພຶດສະພາ 2014.
ບໍລິສັດ​ດາວ​ທຽມ​ອັງກິດ ກ່າວ​ວ່າ ບັນດາ​ເຈົ້າ​ໜ້າ​ທີ່​ຍັງ​ບໍ່​ທັນ
​ໄດ້​ຊອກ​ຫາ ໃນ​ອັນ​ທີ່​ຕົນ​ເຊື່ອ​ວ່າ ເປັນບ່ອນ​ທີ່ມີຄວາມເປັນ
ໄປໄດ້ສູງ ​ຈະເປັນບ່ອນຕົກ ຂອງເຮືອບິນ​ອາຍ​ພົ່ນ​ສາຍ​ການ
ບິນ​ມາ​ເລ​ເຊຍ ​ທີ່ກຳລັງຫາຍ​ສາບສູນ​ໄປຢູ່​ນີ້.

​ໃນ​ຫວ່າງ​ໄວໆ​ຜ່ານ​ມາ​ນີ້ ບັນດາ​ເຈົ້າ​ໜ້າ​ທີ່​ໄດ້​ເສັດ​ສິ້ນ​ການ​
ຊອກ​ຄົ້ນ​ຫາ​ເຮືອບິນ​ລຳ​ນີ້ ​ເປັນ​ເວລາ​ສອງ​ເດືອນ​ເຕັມ​ໃນ​
ເນື້ອ​ທີ່ 850 ກີ​ໂລ​ແມັດ​ມົນທົນໃນເຂດພາກ​ໃຕ້​ຂອງ​ທ້ອງ​
ມະຫາ​ສະມຸດອິນ​ເດຍ​ໂດຍ​ບໍ່​ໄດ້​ຮັບ​ຜົນສຳ​ເລັດ.

ການ​ຊອກ​ຄົ້ນ​ໃນ​ສະຖານ​ທີ່​ດັ່ງກ່າວ​ແມ່ນ​ອີງ​ຕາມ​ສັນຍານ​
ທາງ​ດ້ານ​ເອ​ເລັກໂຕຣນິກ​ຕ່າງໆ​ທີ່ສົ່ງ​ມາ​ຈາກ​ເຮືອບິນ​ລຳ​ນີ້​ໄປ​ຍັງ​ດາວ​ທຽມ​ໂທ
ລະຄົມມະນາຄົມ ທີ່​ບໍລິສັດ Inmarsat ຂອງ​ອັງກິດເປັນ​ເຈົ້າ​ຂອງ​ນັ້ນ.

​ເຈົ້າ​ໜ້າ​ທີ່​ທ່ານ​ນຶ່ງ​ຈາກ​ບໍລິສັດ Inmarsat ກ່າວ​ຕໍ່​ອົງການ​ຂ່າວ BBC ​ໃນ​ວັນ​ອັງ
ຄານ​ມື້​ນີ້​ວ່າ ສະຖານ​ທີ່​ດັ່ງກ່າວ​ແມ່ນ​ຢູ່ “​ໃນ​ພາກ​ຕາ​ເວັນ​ອອກ ສຽງ​ເໜືອ​ໄປ​
ອີກ​ຈາກ​ຂົງ​ເຂດ​ທີ່​ຄຶດ​ວ່າ​ເປັນ​ບ່ອນ​ທີ່​ເຮືອບິນ​ລຳ​ນີ້​ຕົກໄດ້ ​ຫຼາຍ​ທີ່​ສຸດ​ນັ້ນ.”


​ເຈົ້າ​ໜ້າ​ທີ່​ທ່ານ​ນີ້​ກ່າວ​ຕື່ມ​ວ່າ ​ເຮືອ​ອອສ​ເຕຣ​ເລຍ​ລຳ​ນຶ່ງທຳ​ອິດ​ແມ່ນ​ໄດ້ ມຸ້ງ​ໜ້າ​ໄປ
​ຍັງ​ບ່ອນ​ທີ່​ເອີ້ນ​ວ່າ “hotspot” ຫຼື​ບ່ອນ​ທີ່​ເປັນ​ໄປ​ໄດ້​ສູງ​ທີ່​ສຸດ ​ແຕ່​ໄດ້​ຫັນ​ເຫ​ໄປ​ທາງ​
ອື່ນ ​ຫຼັງ​ຈາກ​ໄດ້​ຮັບ​ສັນຍານ​ຕ່າງໆ ​ທີ່​ຄຶດ​ວ່າ​ມາ ຈາກ​ກ່ອງ​ສີດຳ ຫຼື​ເຄື່ອງ​ບັນທຶກ​ຂໍ້​
ມູນ​ການບິນ​ໃນ​ເຮືອບິນ​ລຳ​ທີ່​ຫາຍ​ສາບສູນ​ໄປ​ນັ້ນ.

ບັນດາ​ເຈົ້າ​ໜ້າ​ທີ່​ອອສ​ເຕຣ​ເລຍ ​ໄດ້​ກ່າວ​ປ້ອງ​ກັນ​ໃນ​ການ​ເລືອກເຂດ​ຊອກ​ຫາ​ເຮືອ
ບິນ​ຂອງ​ຕົນ ​ໂດຍ​ເວົ້າວ່າ ສຽງ “pings” ​ໄດ້​ເປັນ​ສິ່ງ​ນຳ ພາ​ດີ​ທີ່​ສຸດ​ທີ່​ມີ​ຢູ່​ໃນ​ເວລາ​
ນັ້ນ.

​ເຮືອບິນ Boeing 777 ຂອງ​ສາຍ​ການບິນ​ມາ​ເລ​ເຊຍ​ກຳລັງ​ບິນ​ມຸ້ງ​ໜ້າ ຈາກ​ກົວ​
ລາ​ລຳ​ເປີ​ໄປ​ຍັງ​ນະຄອນຫຼວງ​ປັກ​ກິ່ງ​ຂອງ​ຈີນ​ໃນ​ວັນ​ທີ 8 ມີນາ ​ເວລາ​ມັນ​ຫາຍ​ໄປ
​ແລະ​ບັນທຸ​ກຄົນ​ໂດຍສານ​ພ້ອມ​ດ້ວຍ​ຈຸ​ບິນ 239 ຄົນ​ຢູ່ໃນ​ເຮືອບິນ.

ການ​ຊອກ​ຫາ​ຢ່າງ​ຂະໜານ​ໃຫຍ່ ​ໂດຍ​ມີ​ຫຼາຍ​ປະ​ເທດ​ປະກອບສ່ວນ​ນຳ ​ໄດ້​ຍຸດຕິ
​ລົງ​ເປັນ​ເວລາ​ຊົ່ວຄາວ ​ໃນ​ຂະນະ​ທີ່​ພວກ​ເຮືອ​ຫຼາຍ​ລຳ​ດຳ​ເນີນ​ການ​ຊອກ​ຫາ​ຢ່າງ​
ສະ​ລັບຊັບຊ້ອນ​ເປັນ​ເວລາ​ສອງ​ເດືອນ​ໃນ​ທ້ອງ​ມະຫາ​ສະມຸດ​ອິນ​ເດຍ.

ບັນດາ​ເຈົ້າ​ໜ້າ​ທີ່​ວາງ​ແຜນ​ຈະ​ໃຊ້​ຂໍ້​ມູນ​ໃນ​ການ​ຊອກ​ຄົ້ນ​ດັ່ງກ່າວ​ເພື່ອ​ ຕັດສິນ​ໃຈ​
ກ່ຽວ​ກັບ​ບ່ອນ​ດີ​ທີ່ສຸດ ​ແລະ​ເຄື່ອງມື​ທີ່​ຕ້ອງການ​ເພື່ອ​ສືບ​ຕໍ່​ຊອກ​ຄົ້ນ​ໃນ​ທ້ອງ​ມະຫາ​
ສະມຸດ​ຕໍ່​ໄປ.

ທ່ານອາດຈະມັກເລື້ອງນີ້ຄືກັນ

XS
SM
MD
LG