ປະທານາທິບໍດີ Susilo Bambang Yudhoyono ທີ່ຈະພົ້ນ
ຈາກຕຳແໜ່ງໄປຂອງອິນໂດເນເຊຍຮຽກຮ້ອງໃຫ້ໃຊ້ຄວາມຍັບ
ຍັ້ງ ຫຼັງຈາກບັນ ດາຜູ້ສະໝັກຮັບເລືອກຕັ້ງປະທານາທິບໍດີທັງ
ສອງຕ່າງຄົນຕ່າງອ້າງເອົາໄຊຊະນະ ໃນການເລືອກຕັ້ງ ໃນວັນ
ພຸດວານນີ້.
ໃນການສົ່ງຂ່າວຜ່ານທາງ Twitter ນັ້ນ ທ່ານ Yudhoyono ກ່າວ
ວ່າ ທ່ານໄດ້ພົບປະກັບຜູ້ສະໝັກທັງສອງທ່ານ ແລະຮຽກຮ້ອງໃຫ້
ພວກເຂົາເຈົ້າ ຢ່າໄດ້ລະດົມພວກສະໜັບສະໜຸນ ໃຫ້ທຳການສະ
ຫຼອງໄຊຊະນະ ຈົນກວ່າຈະມີການປະກາດຜົນຢ່າງເປັນທາງການ
ໃຫ້ຊາບໃນວັນທີ 22 ກໍລະກົດນີ້ເສຍກ່ອນ.
“ຜົນຂອງການນັບບັດຢ່າງໄວຂັ້ນຕົ້ນ” ໃນວັນພຸດວານນີ້ ສະແດງໃຫ້ເຫັນວ່າ ທ່ານ Joko Widodo ຜູ້ປົກຄອງນະຄອນຫຼວງ Jakartaມີຄະແນນນຳໜ້າປະມານ 5 ເປີເຊັນລື່ນອະດີດ ນາຍພົນ Prabowo Subianto.
ການເລືອກຕັ້ງ ຢູ່ ອິນໂດເນເຊຍ
ພວກນັກວິເຄາະເຫດການສ່ວນຫຼາຍ ກ່າວວ່າ ຜົນຂອງການນັບບັດຄະແນນສຽງຢ່າງ
ໄວ ຕາມທຳມະດານັ້ນ ແມ່ນເຊື່ອຖືໄດ້ ແຕ່ທ່ານ Subianto ກ່າວວ່າ ຜົນການນັບບັດ
ທີ່ວິເຄາະໂດຍໜ່ວຍໂຄສະນາຫາສຽງເລືອກຕັ້ງຂອງທ່ານ ສະເໜີແນະໃຫ້ຮູ້ວ່າ ທ່ານ
ເປັນຜູ້ໄດ້ຮັບໄຊຊະນະ.
ພວກຕຳຫຼວດປະມານ 250 ພັນຄົນ ແລະທະຫານຈຳນວນ 30 ພັນຄົນໄດ້ຖືກລະດົມ
ໃຫ້ໄປຮັກສາຄວາມປອດໄພໃນການປ່ອນບັດເລືອກຕັ້ງ ຊຶ່ງໄດ້ດຳເນີນໄປຢ່າງລາບລື່ນ.
ພວກກຳລັງຮັກສາຄວາມປອດໄພເຫຼົ່ານີ້ ຍັງຮັກສາໜ້າທີ່ຢູ່ ໃນວັນພະຫັດມື້ນີ້ ເພື່ອຕຽມ
ພ້ອມຖ້າຫາກເກີດເຫດການວຸ້ນວາຍຂຶ້ນນັ້ນ.
ບໍ່ມີລາຍງານແຈ້ງໃຫ້ຊາບກ່ຽວກັບຄວາມຮຸນແຮງໃດໆເກີດຂຶ້ນ ໃນປະເທດທີ່ຕັ້ງຢູ່ໃນໝູ່ເກາະດອນທີ່ຍາວຢຽດ ທີ່ມີພົນລະເມືອງ 247 ລ້ານຄົນນັ້ນ. ປະຊາຊົນຫຼາຍຄົນໃນນະ
ຄອນຫຼວງ Jakarta ເຊັ່ນໃນເຂດ Bagus Nugroho ກ່າວວ່າ ເຂົາເຈົ້າມີຄວາມໝັ້ນ
ໃຈ ທີ່ວ່າ ການຂັດແຍ້ງກັນໃດໆກໍຕາມ ແມ່ນຈະໄດ້ຮັບການແກ້ໄຂ ແລະເວົ້າວ່າ:
“ຜູ້ໃດກໍຕາມ ໃນລະຫວ່າງຜູ້ສະໝັກສອງຄົນນີ້ ຈະກາຍເປັນປະທານາທິບໍດີທີ່ປະ
ຊາຊົນເລືອກເອົາ ສິ່ງທີ່ພວກເຮົາຫວັງນັ້ນ ກໍແມ່ນວ່າພວກເຂົາເຈົ້າຈະສາມາດປັບ
ປຸງເສດຖະກິດ ສັງຄົມ ການເມືອງ ແລະວັດທະນະທຳ ໃຫ້ດີຂຶ້ນ."
