ລິ້ງ ສຳຫລັບເຂົ້າຫາ

ກຸ່ມຫົວຮຸນແຮງ ພວມປ່ຽນເປົ້າໝາຍ ໃນອິນໂດເນເຊຍ

  • ໄພສານ ວໍຣະຈັກ

ນັກສອນສາສະໜາຫົວຮຸນແຮງ Abu Bakar Bashir (ກາງ) ພວມອອກຈາກສານມາຫຼັງຈາກພວກຜູ້ພິພາກສາ ໄດ້ຕັດສິນໂທດ ໃນການດຳເນີນຄະດີ ທີ່ສານນະຄອນຫຼວງຈາກາຕ້າ (16 ມິຖຸນາ 2011)

ການສັງຫານຫຼືການຈັບກຸມຄຸມຂັງພວກຜູ້ນໍາຫົວແຂງກະດ້າງຢູ່ໃນອິນໂດເນເຊຍ​ໄດ້ເຮັດໃຫ້ ຂະບວນການຫົວຮຸນແຮງຢູ່ໃນປະເທດດັ່ງກ່າວ ແຕກແຍກອອກເປັນກ້ອນເປັນກຸ່ມ. ແຕ່ໃນ ປັດຈຸບັນລັດຖະບານແລະເຈົ້າໜ້າທີ່ຮັກສາຄວາມສະງົບຂອງອິນໂດເນເຊຍມີຄວາມຢ້ານກົວ ວ່າ ບັນດາກຸ່ມຫົວຮຸນແຮງເຫຼົ່ານີ້ພວມປ່ຽນແປງເປົ້າໝາຍແລະກົນລະຍຸດໃນການເກັບເກນ ເອົາພວກຊາວໜຸ່ມ ທີ່ພວກ​ເຂົາ​ສາມາດ​ ສ້າງຄວາມປະທັບໃຈ​ ໃຫ້​ງ່າຍນັ້ນ. ນາງ Sara Schonhardt ມີລາຍງານກ່ຽວກັບເລື່ອງນີ້ຈາກພາກກາງຂອງເກາະ Java.

ມັນເປັນເວລາເກືອບນຶ່ງທົດສະວັດຜ່ານມາແລ້ວ ທີ່ລະເບີດໄດ້ແຕກຂຶ້ນ ຢູ່ໄນຄລັບແຫ່ງນຶ່ງ
ຂອງເກາະບາຫຼີ ເຮັດໃຫ້ມີຜູ້ເສຍຊີວິດຫຼາຍກວ່າ 200 ຄົນ. ໃນໄລຍະຫຼາຍໆປີນັບແຕ່ນັ້ນ
ມາ ອິນໂດເນເຊບໄດ້ຈັດຕັ້ງໜ່ວຍຕໍ່ຕ້ານພວກກໍ່ການຮ້າຍຂອງຕຳຫຼວດທີ່ມີຊື່ວ່າ Densus
88 ຂຶ້ນມາ ແລະໜ່ວຍດັ່ງກ່າວນີ້ໄດ້ທຳການຈັບກຸມພວກທີ່ສົງໄສວ່າເປັນຜູ້ກໍ່ການຮ້າຍແລ້ວ
ປະມານ 600 ຄົນ.

ພວກນັກວິເຄາະເວົ້າວ່າການຕັດສິນລົງໂທດທ່ານ Abu Bakar Bashir ນັກສອນສາສະ
ໜາທີ່ປຸກລະດົມໃຫ້ເກີດຄວາມວຸ້ນວາຍ ແມ່ນເປັນສັນຍານໃຫ້ເຫັນເຖິງຄວາມໝາຍໝັ້ນຕັ້ງ
ໃຈຂອງລັດຖະບານ ທີ່ຈະລົງໂທດພວກທີ່ພົວພັນໃນການກໍ່ຄວາມຮຸນແຮງ. ທ່ານ Bashir
ແມ່ນຖືກພິຈາລະນາກັນວ່າເປັນຜູ້ນຳທາງດ້ານຈິດໃຈຂອງກຸ່ມ Jemaah Islamiyah ຊຶ່ງ
ເປັນເຄືອຂ່າຍຂອງກຸ່ມກໍ່ການຮ້າຍຂ້າມຊາດອາລກາຍດາທີ່ຮັບຜິດຊອບກ່ຽວກັບການໂຈມຕີ
ກໍ່ການຮ້າຍຕ່າງໆໃນຮອບ 10 ກວ່າປີຜ່ານມານີ້.

ຂະນະດຽວກັນ ຄວາມສະໜັບສະໜຸນຂອງປະຊາຊົນຕໍ່ການໂຈມຕີຂະໜາດໃຫຍ່ທີ່ໄດ້ແນ
ເປົ້າໝາຍໃສ່ຊາວຕາເວັນຕົກດັ່ງດຽວກັນກັບທີ່ໄດ້ເກີດຂຶ້ນຢູ່ເກາະບາຫຼີນັ້ນກໍໄດ້ເຫືອດຫາຍ
ໄປ.

ການປ່ຽນແປງດັ່ງກ່າວ ໄດ້ສ້າງຄວາມລະສໍ່າລະສາຍໃຫ້ແກ່ກຸ່ມຫົວຮຸນແຮງຕ່າງໆແລະພາ
ໃຫ້ມີການໂຈມຕີຂະໜາດນ້ອຍລົງມາ ທີ່ບໍ່ເປັນລະບຽບ​ ແລະເພັ່ງເລັງເປົ້າໝາຍໃສ່ຕຳຫຼວດ ແລະພວກທີ່ບໍ່ແມ່ນມຸສລິມທີ່ຖືກເບິ່ງກັນວ່າ ບ່ອນທຳລາຍສາສະໜາອິສລາມນັ້ນ. ແຕ່ການ
ອ່ອນກຳລັງລົງຂອງກຸ່ມ Jemaah Islamiyah ແລະກຸ່ມອື່ນໆ ພວມພາໃຫ້ເກີດມີຄວາມວິ
ຕົກກັງວົນໃໝ່ຂຶ້ນມາກ່ຽວກັບການເກັບເກນເອົາພວກຊາວໜຸ່ມຂອງ​ພວກ​ກຸ່ມ​ກໍ່​ການ​ຮ້າຍນັ້ນ.

ທ່ານ Noor Huda Ismail ນັກວິເຄາະດ້ານກໍ່ການຮ້າຍ ແລະອະດີດນັກສຶກສາຂອງໂຮງ
ຮຽນ Ponkok Ngruki ຊຶ່ງເປັນໂຮງຮຽນກິນນອນສາສະໜາອິສລາມທີ່ທ່ານ Bashir ເປັນ
ຜູ້ຮ່ວມກໍ່ຕັ້ງນັ້ນກ່າວວ່າ ທ່ານໄດ້ສັງເກດເຫັນທ່າອຽງຫຼືແນວໂນ້ມທີ່ໜ້າເປັນຫ່ວງ.

ທ່ານ Noor Huda ເວົ້າວ່າ “ຕາມທຳນຽມແລ້ວ ຜູ້ຄົນທີ່ເຂົ້າຮ່ວມ ຂະບວນການກໍ່
ການຮ້າຍຈະມາຈາກໂຮງຮຽນໃດໂຮງຮຽນນຶ່ງ ເຊັ່ນໂຮງຮຽນຂອງຂ້ອຍ ຄືໂຮງ
ຮຽນ Ngruki ຫຼືບໍ່ກໍໂຮງຮຽນ Darul Syahadah ຫຼືໂຮງຮຽນ Al Muttaqin.
ໃນປັດຈຸບັນ ຖ້າພວກເຮົາເບິ່ງໄປຍັງແນວໂນ້ມ ທີ່​ແຕກ​ຕ່າງ​ໄປ​ນັ້ນແລ້ວ ກໍ​ຈະ​
ເຫັນ​ວ່າ ພວກເຂົາມາຈາກໂຮງຮຽນ ທີ່ບໍ່ໄດ້ສອນເລື່ອງສາສະໜາກໍມີ.”


ທ່ານເວົ້າວ່າ ການປ່ຽນແປງໃນເປົ້າໝາຍດັ່ງກ່າວ ເຮັດໃຫ້ເປັນການງ່າຍຂຶ້ນ ສຳລັບກຸ່ມຫົວ
ຮຸນແຮງທີ່ຈະຊັກຊວນໃຫ້ພວກໜຸ່ມນ້ອຍ ເຂົ້າມາຮ່ວມນໍາ. ຫຼາຍໆຄົນໄດ້ໃຊ້ແນວຄິດກ່ຽວ
ກັບການສ້າງຕັ້ງປະເທດອິສລາມຂຶ້ນມາ ເພື່ອຮຽກຮ້ອງເອົາຄວາມສົນໃຈຈາກພວກທີ່ນິຍົມ
ແນວທາງເດີມກລາຍ​ຂຶ້ນ​ເລື້ອຍໆແລະພວກຊາວໜຸ່ມທີ່ດ້ອຍ​ຖານະ​ແລະມີ​ຊີວິດ​ທີ່​ລົ້ມ​ແຫລວ
ທີ່ເຊື່ອວ່າປະເທດຊາດໄດ້ສ້າງຄວາມຜິດຫວັງໃຫ້ແກ່ພວກເຂົາເຈົ້ານັ້ນ.

ໂຄສົກຕຳຫຼວດອິນໂດເນເຊຍ ພວມສະແດງປືນຍາວ ທີ່ຈະໃຊ້ໂຈມຕີຕຳຫຼວດ (16 ມິຖຸນາ 2011)
ໂຄສົກຕຳຫຼວດອິນໂດເນເຊຍ ພວມສະແດງປືນຍາວ ທີ່ຈະໃຊ້ໂຈມຕີຕຳຫຼວດ (16 ມິຖຸນາ 2011)

ອົງການແຮງງານສາກົນຫຼື ILO
ກະປະມານວ່າ ມີພວກຊາວໜຸ່ມ
ອິນໂດເນ ເຊຍ 23% ບໍ່ມີວຽກ
ເຮັດງານທຳຊຶ່ງເປັນສະຖິຕິທີ່ໜ້າ
ຕື່ນຕົກໃຈ ໃນເມື່ອວ່າການເຕີບ
ໂຕຂອງເສດຖະກິດ ອິນໂດເນ
ເຊຍໄດ້ສ້າງວຽກເຮັດງານທຳທີ່
ມີລາຍໄດ້ສູງໆເພີ່ມຂຶ້ນ. ພວກ
ນາຍຈ້າງເວົ້າວ່າບັນຫາກໍມີຢູ່ວ່າ
ພວກທີ່ເຂົ້າໄປເຮັດວຽກໃໝ່ເຫຼົ່າ
ນີ້ບໍ່ມີຄວາມຮູ້ ແລະການສຶກສາ
ພຽງພໍ.

ທ່ານ Syafii Anwar ຜູ້ອຳ
ນວຍການ ສູນກາງນາໆຊາດ
ສໍາລັບສາສະໜາອິສລາມແລະ
ຄວາມຫຼາກຫຼາຍຂອງດ້ານ​ສາ
ສະໜາເວົ້າວ່າ ບັນຫາຕ່າງໆເຊັ່ນເລື່ອງຄົນຫວ່າງງານແລະການສໍ້ລາດບັງຫຼວງໄດ້​ມີອິດທິ
ພົນຕໍ່​ແນວທາງທີ່ພວກຄົນລຸ້ນໜຸ່ມນ້ອຍເຂົ້າໃຈຫຼືມອງເບິ່ງໃນເລື່ອງສາສະໜາ.

ແລະທ່ານ Noor Huda ກ່າວ​ວ່າ ກຸ່ມຫົວຮຸນແຮງຕ່າງໆພວມສວຍໃຊ້ໄປໃນທາງຜິດກ່ຽວ​ກັບຄວາມນຶກຄິດຫຼືຄວາມເຊື່ອໃນສາສະໜາອິສລາມ ເພື່ອສວຍ​ໂອກາດຊັກ​ຊວນເອົາພວກ ຊາວໜຸ່ມເຂົ້າມາເປັນສະມາຊິກເພີ່ມຕື່ມຢ່າງ ງ່າຍດາຍນັ້ນ.

ນາຍ Noor Huda ເວົ້າວ່າ “ນີ້ແມ່ນຍັງເປັນຍ້ອນ ການຂາດການ​ໄຕ່ຕອງແບບມີ
ເຫດມີຜົນຂອງພວກຊາວໜຸ່ມອິນໂດເນເຊຍ ແລະວິທີທີ່ພວກເຮົາສອນສາສະ
ໜານັ້ນ ແມ່ນດຳແລະຂາວຫຼາຍກວ່າ ແລະຊຸກຍູ້ບໍ່ໃຫ້ມີການໂຍະຍານຜ່ອນຜັນ ຕໍ່ພວກທີ່ແຕກຕ່າງໄປຈາກເຮົາ.”

ຫຼັງຈາກມີ​ການ​ກ່າວວ່າ ພວກຜູ້ຊາຍ 3 ຄົນໄດ້ຖືກປະຫານຊີວິດຍ້ອນເປັນຜູ້ວາງລະເບີດ
ໃນການໂຈມຕີທີ່ເກາະບາຫຼີ ໃນປີ 2002 ນັ້ນ ເຄີຍມີການພົວພັນກັບໂຮງຮຽນ Ngruki
ຂອງທ່ານ Bashir ພວກນັກວິເຄາະບາງຄົນ ຈຶ່ງໄດ້ມອງ​ເບິ່ງດ້ວຍສາຍຕາ​ທີ່​ຕິຕຽນ​ຢ່າງ​
ແຮງ ໄປຍັງໂຮງຮຽນກິນນອນ ຂອງສາສະໜາອິສລາມໃນອິນໂດເນເຊຍ ທີ່ເອີ້ນກັນວ່າ
Pesantran ນັ້ນ.

ນາຍ Wahyu Kusuma ເຄີຍເຂົ້າໂຮງຮຽນ Ponkok Ngruki ເປັນເວລາສັ້ນໆໃນຕົ້ນ
ຊຸມປີ 1990 ໃນຂະນະ​ທີ່ລາວມີອາຍຸ 15 ປີ.

ນາຍ Kusuma ເວົ້າວ່າ “ລາວມີຄວາມຄຽດຊັງແທ້ໆ ຕໍ່ພວກທີ່ບໍ່ໄດ້ນັບຖືສາສະ
ໜາອິສລາມໃນເວລານັ້ນ ຍ້ອນຜູ້ນຳຂອງໂຮງຮຽນ ສອນພວກເຂົາເຈົ້າວ່າສາ
ສະໜາອື່ນ​ເປັນ​ສາສະໜາທີ່ບໍ່ຖືກຕ້ອງ ແລະສາສະໜາເຫຼົ່ານີ້ເປັນສາເຫດພາ
ໃຫ້ເກີດບັນຫາຕ່າງໆ. ລາວຍັງໂຊກດີຢູ່ ທີ່ບໍ່ໄດ້ໄປຮຽນເຕັມເວລາ ຊຶ່ງລາວ
ເວົ້າວ່າ ໃນທີ່ສຸດລາວກໍສາມາດເຮັດການສະຫຼຸບເອົາເອງໄດ້.”

ນາຍ Kusuma ເວົ້າວ່າ ໂຮງຮຽນກິນນອນໃນທຸກມື້ນີ້ ແມ່ນແຕກຕ່າງຫຼາຍຈາກ​ເມື່ອ​ກ່ອນ
ຊຶ່ງໃນເວລານີ້ລາວມີຫຼານຫຼາຍໆຄົນໄປເຂົ້າໂຮງຮຽນກິນນອນ Pesantran ທີ່ມີແນວທາງ
ປານກາງແບບສະໄໝໃໝ່ ທີ່ການສິດສອນແມ່ນຮວມທັງ ພາສາອັງກິດແລະຄອມພິວເຕີ້ນຳ
ດ້ວຍ. ມັນເປັນເລື່ອງຢູ່ນອກໂຮງຮຽນ ທີ່ໄດ້ສ້າງຄວາມວິຕົກກັງວົນໃຫ້ແກ່ພວກນັກວິເຄາະ
ທີ່ເວົ້າວ່າ ທີມກິລາຕ່າງໆແລະກຸ່ມການສຶກສາດ້ານສາສະໜາທີ່ບໍ່ເປັນທາງການແມ່ນສະຖານ
ທີ່ຕົ້ນຕໍໃນການເກັບເກນ​ເອົາພວກໜຸ່ມນ້ອຍຂອງກຸ່ມຫົວຮຸນແຮງ.

ນາຍ Hariyono ເປັນຍາມຮັກສາຄວາມປອດໄພທີ່ບ້ານໆນຶ່ງຢູ່ນອກເມືອງ Solo ທີ່ນາຍ
Noordin Top ຜູ້ກໍ່ການຮ້າຍຄົນສຳຄັນໄດ້ຖືກຂ້າຕາຍ ໃນລະຫວ່າງການບຸກເຂົ້າໄປກວດ
ຄົ້ນຂອງຕຳຫຼວດ ໃນເດືອນກັນຍາປີ 2009. ເຖິງແມ່ນນາຍ Hariyono ບໍ່ຮູ້ປະວັດຫຍັງ
ຫຼາຍຂອງນາຍ Top ກໍຕາມແຕ່ລາວເວົ້າວ່າ ນາຍ Top ໄດ້ຈັດປະຊຸມພວກຊາວໜຸ່ມຢູ່ໃນ
ຄຸ້ມຂອງລາວໃຫ້ມີການສົນທະນາຫາລືກັນ. ນາຍ Hariyono ເວົ້າວ່າ ຖ້າຕຳຫຼວດຫາກບໍ່
ໄດ້ຈັດການກັບນາຍ Top ກ່ອນ ລາວຢ້ານວ່າ ລູກຊາຍຂອງລາວອາດ​ໄດ້ຮັບເອົາແນວຄິດ
ຫົວຮຸນແຮງແລ້ວ.

ນາຍ Hariyono ກ່າວ​ວ່າ "​ແນວ​ຄິດ​ຫົວ​ຮຸນ​ແຮງ​ ແມ່ນ​ຂັ້ນຕອນ​ໃນ​ການ​ສິດສອນ
ອົບຮົມ. ​ມັນ​ເປັນ​ເລື່ອງ​ທີ່​ງ່າຍ​ຫຼາຍ ທີ່​ຈະຊັກ​ຊວນ​ພວກ​ໜຸ່ມ​ນ້ອຍ​ດ້ວຍການ​ສິດ​
ສອນ​ແນວ​ຄິດ​ກ່ຽວ​ກັບ​ອະນາຄົດ​ໃຫ້​ພວກ​ເຂົາ​ເຈົ້າ ​ໂດຍ​ສະ​ເພາະ​ແລ້ວ ​ພວກ​
ໜຸ່ມ​ນ້ອຍ​ທີ່​ບໍ່​ມີ​ແນວ​ຄິດ ​ຫຼືຄວາມ​ທະ​ເຍີ​ທະຍານ​ໃດໆ​ນັ້ນ."

ພວກນັກວິ​ເຄາະ​ດ້ານ​ກໍ່​ການ​ຮ້າຍ​ກ່າວ​ວ່າ ອົງການ​ຈັດຕັ້ງ​ໃຫຍ່ໆ​ເຊັ່ນກຸ່ມ Jemaah Isla-
miyah ຮັບ​ຮູ້​ວ່າ ​ເພື່ອ​ຈະ​ສ້າງ​ຖານ​ທີ່​ໝັ້ນຂອງ​ຕົນຄືນ​ໃໝ່​ນັ້ນ​ເຂົາ​ເຈົ້າຈຳ​ເປັນ​ຕ້ອງ​ໄດ້​ຮຽກ
ຮ້ອງ​ກ່ຽວ​ກັບ​ບັນຫາ​ຕ່າງໆ ທີ່​ໄດ້​ເກີດ​ຂຶ້ນຢູ່​ໃນ​ປະຊາ​ຄົມທ້ອ​ງຖິ່ນ. ​ແລະ​ໃນ​ຂະນະ​ທີ່​ພວກ
ເຂົາ​ເຈົ້າອາດ​ຈະບໍ່​ໄດ້​ເພັ່ງ​ເລັງ​ໃສ່​ພວກ​ໜຸ່ມນ້ອຍເປັນ​ການສະ​ເພາະ​ກໍ​ຈິງ ​ແຕ່​ມັນ​ເປັນ​ທີ່​ຈະ
ແຈ້ງວ່າ ພວກ​ນັກ​ຮຽນມັດຂັ້ນທະຍົມ​ແມ່ນ​ເປົ້າໝາຍຂອງ​ພວກ​ເຂົາ.

ແຕ່​ພວກ​ນັກຄົ້ນຄວ້າກໍເຕືອນ​ວ່າ​ ໄພ​ຂົ່ມຂູ່​ດັ່ງກ່າວບໍ່​ຄວນ​ຈະ​ໃຫ້​ຄວາມ​ສຳຄັນຫຼາຍຈົນ​ເກີນ​
ໄປ. ​ໃນ​ເວລາ​ນີ້ ມະຫາວິທະຍາ​ໄລ​ຫຼາຍໆ​ແຫ່ງ​ ໄດ້​ມີ​ໂຄງກາ​ນຊຸກ​ຍູ້ ໃຫ້​ມີ​ການ​ອະນຸ​ໂລມ
ຜ່ອນຜັນ ຫຼືຕິດ​ຕໍ່​ໃຫ້​ພວກ​ນັກ​ສຶກສາພົວພັນ​ ກັບບັນດາອົງການ​ຈັດຕັ້ງໃນ​ການ​ເສີມ​ສ້າງ​ປະ
ຊາ​ຄົມຕ່າງໆ. ທ້າວ Supriyadi ທີ່​ມະຫາວິທະຍາ​ໄລ Diponegoro ຂອງ​ລັດຖະບານ​ທີ່​
ເມືອງ Samarang ​ເຮັດ​ວຽກ​ຮ່ວມ​ກັບ​ທ່ານ Noor Huda ​ໃນ​ໂຄງການ​ນຶ່ງ​ ທີ່​ຊອກ​ຫາ​
ວຽກ​ເຮັດ​ງານ​ທຳ​ໃຫ້​ແກ່​ອະດີດພວກ​ຫົວຮຸນ​ແຮງ​ຫຼື Jihadi.

ລາວ​ເວົ້າວ່າ ລາວ​ບໍ່​ມີ​ຄວາມ​ວິຕົກ​ກັງວົນ​ໃດໆກ່ຽວ​ກັບ​ໄພ​ຂົ່ມຂູ່​ຈາກ​ພວກ​ກໍ່ ການ​ຮ້າຍ. ສິ່ງ​
ທີ່​ສຳຄັນ​ກວ່າ​ນັ້ນກໍ​ຄື​ນຳ​ໃຊ້​ກຳລັງວັງຊາ​ແລະ​ການ​ລົງ​ໂທດ​ທີ່ຜັກ​ດັນ​ໃຫ້ຜູ້​ຄົນກາຍ​ເປັນ​ພວກ​
ຫົວ​ຮຸນ​ແຮງນັ້ນ ແລະ​ຊອກ​ຫາ​ຊ່ອງ​ທາງ​ເພື່ອ​ດຳ​ເນີນ​ການ​ສິ່ງ​ໃດ​ສິ່ງ​ນຶ່ງ​ທີ່​ເຮັດ​ໃຫ້​ມັນ​ເປັນໄປ
ທາງ​ບວກ​.

XS
SM
MD
LG